Jeyms 1:19 - Vengo (Babungo)

¹⁹ Vaŋ-nshwi vaŋ faŋ mə kàw, bàw viŋ kɨɨ nə nu ŋkɨə faŋ mə kəə gì ndwə. Bàw wə kɨ zɔ titi, jia fwi maa məgi, baa jia fwi buꞌ fwi yishəsə.

Jeyms 1:19 ပူးပေါင်းရင်းမြစ်များ

Matiu 5:22

Luu nə, mə gì ŋkaŋ tɨ́ viŋ laa, «Fwi wə kɨ luu shə̀ maa weenshu wi, ŋwə ŋìi nsɔꞌ. Wə ntɨə faŋ ŋwə gì tɨ́ weenshu wi laa ŋwə lùu wuu dayday, ndɔ ŋii taa nsɔꞌ yiweꞌ. Wə ntɨə faŋ ŋwə gì tɨ́ weenshu wi laa ŋwə luu mfaw, ŋìi nsɔꞌ Nwi, vɨ mɔꞌ ŋwə taa wi.

Mark 12:37

Nɨniŋ, nshɨ-tɔ fwàŋ Deyvid nəə tii wuu məbweysə vɨɨ ghɔ́ nə tɨta wi. Sii kaꞌ ŋwə baa lùu ŋwiŋ wi kɨkə?» Nwaa vɨɨ vəyaŋ faŋ vəŋ nə zɔ̀ yigisə Yeso, nə kàw maa məzɔ yigisə yi yɔ́ dɨdɨꞌ.

Mark 2:2

vəŋ baytə shəŋ kɔ́ vəyaŋ yɨ ŋwə. Shəŋ nə kee baa lùu shɔ tɨ́ vɨɨ mɔ́ꞌ me, gə ziꞌ fu shuufɔ. Ŋwə nə fɨꞌtə nu Nwi tɨ́ vəŋ.

Lukas 15:1

Vɨɨ məsa vətɔ ghɔ vəyɨ-kəbwə vənshə nə bàytə yɨ Yeso maa məzɔ nu ki.

Lukas 19:48

kee ye nu tɨ́ kaꞌ vəŋ yɨ̀ maa ŋwə me, buꞌ laa vɨɨ vənshə nə bàytə yɨ ŋwə, kàw ŋwə, kɨ zɔ nu ki.

Akts 1:15

Maa vəshi vɔ́ Pita ndɔ fɨ nsi fɨ taa ŋwaa vɨɨ Yeso, tɨ́ vɨɨ baytə yifi yaa wə waaghɨꞌ nə wə muu-mbɔɔ.

Akts 10:33

Nɨniŋ, mə tɔ̀ŋ ntɔŋ tɨ́ ghɔ yighee muꞌ. A yɨsə jəə faŋ a jwì nə. Yia vənshə baytə feenə ndwə vɨsɨ Nwi, kɨꞌ maa məzɔ nu ŋkɨə faŋ Mɔꞌmbi tɔ̀ŋ ghɔ nə ŋkə.»

Akts 13:48

Vɨɨ mbɨə faŋ vəŋ nə kee lùu vɨɨ Jus me, zɔ nu kɔ́, ŋàytə, bə̀ŋsə nu Nwi. Vɨɨ vənshə faŋ Nwi nə shoꞌ laa vəŋ ndɔ zɨ məbwey vəlwaŋ, kɨ nii kìasə gù vɨɨ məbiŋ nu Kristo.

Akts 17:11

Vɨɨ fɨ ntɨꞌ Berea nə kii fwisə jəəsə shɔ̀ɔ vɨɨ fɨ ntɨꞌ Tesalonika. Vəŋ zɔ nu Kristo nə fwi yiley, tìi fɨ taa ŋwaꞌlə Nwi shi shi, maa məye laa vənu mbɨə faŋ Pɔɔl nəə gisə nə, lùu yinsəŋ mu?

Akts 2:42

Vəŋ kɨ nii yiduꞌ, kɨ zɔ nu ŋkɨə faŋ vɨɨ ntɔŋ Yeso deesə tɨ́ vəŋ, baa luu biŋ, ndɔ zɨ fazɨ Mbɔŋ, ndɔ shɔꞌtə Nwi.

Efesɔs 4:26

Kɨ luu fwi siŋ za, kɨ viŋ yɨ nu bwə me, kee biŋ laa shɨshwi fiŋ, maa laa viŋ mètə ntay yiŋ me.

Efesɔs 4:31

Bàw viŋ meꞌ fwi yibiŋ, nə too bwənə, nə məshəsə, nə ndisə, fɨ taa ŋwaa viŋ. Viŋ meꞌ vənu vəbwəvə vənshə!

Kɔlɔsii 3:15

Viŋ kɨ yɨsə laa mənɔŋ-bwaŋnə faŋ ŋwə ndɔ̀ fɨ ghɔ Kristo, shiinə viŋ maa vənu vənshə faŋ viŋ yɨsə, buꞌ laa Nwi nə tìi viŋ laa viŋ jwi dùꞌ nyɔŋ, lùu yaa ŋwaa wi muꞌ, kɨ bwaŋ Nwi shɔ ghee nshə.

Kɔlɔsii 3:8

Luu nə, ndwə faŋ viŋ kìi nshinə yifi nə, viŋ baꞌsə ghɔ fɨ maa vənu vəbwəvə vənshə. Kɨ viŋ kɨ kii fwi yishəsə me, tɨꞌnə me fwi yibwə me, tɨꞌnə me mbɨꞌtə yibwə me! Kɨ viŋ kɨ ndasə wə me! Kɨ viŋ gi yigi faŋ nyə kee yikuꞌnə me!

1 Tesalonika 2:13

Nɨniŋ, yia bwaŋ Nwi buꞌ viŋ ghee nshə. Yighee njyə faŋ yia nə jwì nə yigisə Nwi tɨ́ viŋ nə, viŋ zɔ, nùŋ fwi siŋ shɔ, kee ndì yigisə yɔ́ yaa yigisə wə mənsaw me, ndì lùu yaa yigisə Nwi, faŋ nyə lùu nɨniŋ yinsəŋ. Nə luu nɨniŋ buꞌ laa Nwi nə faꞌ taa ŋwaa viŋ, faŋ viŋ nə nùŋ fwi siŋ maa ŋwə nə.

Jeyms 1:16

Vaŋ-nshwi vaŋ, kɨ viŋ kɨ bweꞌsə yiŋwaa yiŋ me.

Jeyms 1:2

Vaŋ-nshwi vaŋ, viŋ taa kɨ luu kɨ kii məmɔŋ, vənu nə ghɔꞌ viŋ, viŋ jia fwi siŋ nə məŋaytə, ndì vənu vənshə nə məŋaytə,

Jeyms 1:26

Wə kɨ luu bɨ̀ꞌtə laa yi lùu wuu Nwi, kee jìa nditə ki me, buu ŋwə bweꞌsə fwi yi, məbiŋ wi laa yi lùu wuu Nwi, lùu dayday.

Jeyms 2:1

Vaŋ-nshwi vaŋ faŋ viŋ nùŋ fwi siŋ maa tɨta Yeso Kristo, faŋ luu tɨta Nshɔɔ-mbi nə, kɨ viŋ baa kɨ seesə mbi me, kee kaw wuu kwalə shɔɔ mbəə me.

Jeyms 2:5

Viŋ zɔ, vaŋ-nshwi vaŋ faŋ mə kàw viŋ, Nwi shòꞌ luu mbəəsə fɨ mbi, ndì vəŋ laa vəŋ nuŋsə fwisə vəŋ maa Kristo, ndɔ̀ zɨ̀ nu yifwàŋ Nwi, faŋ Nwi nə kɔ̀ꞌnə maa məkɔ tɨ́ vɨɨ mbɨə faŋ vəŋ kàw ŋwə. Nɨniŋ, luu vəŋ luu mfuꞌsə yinsəŋ.

Jeyms 3:10

Məbəŋsə nə məndasə ndisə fuu sheꞌ fɨ maa shuu ghɔ́ muꞌ. Vaŋ-nshwi vaŋ, ŋkə kee bàw maa məyɨsə nɨniŋ me.

Jeyms 4:11

Vaŋ-nshwi vaŋ, kɨ viŋ baa kɨ gisə vənu vəbwəvə tɔ yiŋwaa yiŋ me. Wə kɨ luu gi nu bwə tɔ weenshu wi, yighee mɔ́ꞌ kɨ kəə shia nsɔꞌ tɔ ŋwə, buu ŋkə lùu laa, ŋwə gisə bwə kɔ̀ŋ ntɨsə Nwi, ndi nshɨ-tɔ wi yaa wuu məshia nsɔꞌ kɔ̀ŋ ntɨsə Nwi. Wə kɨ luu ndì ŋwaa wi laa yi lùu wuu məshia nsɔꞌ kɔ̀ŋ ntɨsə Nwi, buu ŋwə kee baa lùu wə faŋ ŋwə nùŋsə ntɨsə sɔ́ me.

Jeyms 5:12

Vaŋ-nshwi vaŋ, nu mɔ́ꞌ faŋ ŋkə shɔ̀ɔ vənu vənshə, lùu laa, yighee njyə faŋ viŋ kəə gi nu, kɨ viŋ baa lɨꞌtə me. Kɨ viŋ lɨꞌtə məkee maa yizii Nwi me, tɨꞌnə me maa yizii shɨ nsi me, tɨꞌnə me lɨ̀ꞌtə tuu kəŋ məkee məmɔ́ꞌ me. Bàw viŋ gi laa ɔŋ, buu lùu ɔŋ. Viŋ gi laa bey, buu lùu bey. Nɨniŋ laa kɨ viŋ ndɔ ŋii nsɔꞌ Nwi me.

Jeyms 5:19

Vaŋ-nshwi vaŋ, wə fɨ taa ŋwaa viŋ kɨ luu ndì jɨɨ yinsəŋ Nwi, wə mɔ́ꞌ gaŋtə ŋwə laa ŋwə baa bɔ̀ŋsə maa jɨɨ Nwi,

1 Jɔn 2:21

Mə kee nyɔꞌ nu kɔ́ tɨ́ viŋ buꞌ faŋ viŋ kee kɨɨ nə nu ŋkɨə faŋ ŋkə kùꞌnə me. Mə nyɔꞌ buꞌ laa viŋ kɨɨ nə nu kɔ́, baa nə laa viŋ kɔꞌ kɨɨ laa, tuu kee nu ba kəmuꞌ kee fùu fɨ taa nu ŋkɨə faŋ lùu nu yinsəŋ me.