Jeyms 1:17 - Vengo (Babungo)

¹⁷ Vətɔ vəjəəvə vənshə faŋ vɨ kɔ tɨ́ viŋ, nə vəkeynə viŋ vənshə faŋ mbə bàw, ndɔ fɨ yizɔ fɨ ghɔ Nwi faŋ ŋwə lùu tɨɨ təkiꞌ fɨ yizɔ. Nshɨ-tɔ Nwi kee yaa kɨ kiasə me, kee kwiinə me, yaa shɨshwi yaa kiasə, ndɨŋ gu, vədɨꞌ fə̀ŋ me.

Jeyms 1:17 ပူးပေါင်းရင်းမြစ်များ

Matiu 7:11

Nɨniŋ, faŋ viŋ yaa kɨ kɔ vətɔ vəjəəvə tɨ́ vaŋ viŋ nə, faŋ viŋ kɔlə lùu vɨɨ bwənə, buu tɨta Nwi, Tii wiŋ fɨ yizɔ, taa kɨ kɔ vətɔ vəjəəvə tɨ́ vɨɨ faŋ vəŋ ndwàŋ, shɔɔ yimbii.

Lukas 11:13

Nɨniŋ, faŋ viŋ kɨ̀ɨ maa məkɔ vətɔ vəjəəvə tɨ́ vaŋ viŋ, faŋ viŋ kɔlə lùu vɨɨ bwənə nə, buu tɨta Nwi faŋ ŋwə lùu yizɔ nə, kɨɨ kɔ jəə shɔ̀ɔ viŋ. Ŋwə taa kɔ Zwitə Ley ki tɨ́ vɨɨ mbɨə faŋ vəŋ ndwaŋ fɨ ghɔ ŋwə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:9

Məley ghɔ́ lùu məley yinsəŋ faŋ ŋwə yɨ sɨ vɨɨ vənshə ley. Ŋwə nəə jɨjwi mbi maa yighee yɔ́.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:27

Jɔn bəŋsə tɨ́ vəŋ laa, «Kaꞌ wə kee fì fa, maa laa Nwi kɔ̀ tɨ́ ŋwə fɨ yizɔ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:3

Yeso bəŋsə tɨ́ ŋwə, gì laa, «Ye mɔɔ, mə gì ŋkee nu yinsəŋ tɨ́ ghɔ laa, vɨ kee bi wə fi me, buu kaꞌ ŋwə kee ŋìi nu yifwàŋ Nwi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:12

Maa yighee yɔ́ Yeso baa gì tɨ́ vɨɨ laa, «Mə lùu kiꞌ taa mbi. Wə ntɨə faŋ ŋwə beꞌsə mə, kaꞌ ŋwə kee baa tòꞌ fɨ taa mfiŋsə me, ŋwə taa ye məley faŋ ŋwə kɔ məbwey vəlwaŋ.»

Akts 11:18

Vɨɨ Jus vɔ́ zɔ nɨniŋ, gày, kɨ bəŋsə Nwi, gi laa, «Yinsəŋ, Nwi kɔ̀ jɨɨ tɨ́ vɨɨ tɔmə day nɨzi, laa vəŋ kwiinə fwisə vəŋ, zɨ̀ məbwey vəlwaŋ nɨzi.

Akts 5:31

Nwi yweysə ŋwə fɨ shɨ yiku maa wutə ki, yɨ̀ laa ŋwə luu tɔ, baa luu wuu məbweysə vɨɨ, maa məkɔ jɨɨ tɨ́ vɨɨ Isirayl, tɨ́ kɨ kaꞌ vəŋ bìŋ nu bwə vəŋ, kwìinə fwisə vəŋ, Nwi ndenə yibɨsə vəŋ.

Roma 6:23

Lùu nɨniŋ buꞌ laa nu bwə yaa kɨ ndɔꞌ vɨɨ faꞌ vi nə yiku. Luu nə, Nwi key vɨɨ mbɨə faŋ ghɔ vɨ tɨta ŋwaa-nsiŋ Yeso Kristo lùu nə fa kəmuꞌ nə, nə məbwey vəlwaŋ faŋ ŋwə gòꞌsə yighee muꞌ.

1 Kɔrintian 4:7

Sii nàysə ndə laa a shɔ̀ɔ vɨɨ mɔ́ꞌ? A kìi fa ghɔ ghɔ faŋ ŋkə kee ndɔ̀ fɨ ghɔ Nwi yimu? Faŋ kɔ̀ Nwi kɔ̀ vətɔ vənshə tɨ́ ghɔ nə, sii yɨ̀ kə a koꞌsə ŋwaa maa vətɔ vɔ́, yaa wə faŋ ŋwə nə fàꞌ nu nə ŋkiinə wutə.

2 Kɔrintian 4:6

Nwi, faŋ ŋwə nə gì laa, «Bàw məley kɨ bee, fùu fɨ taa mfiŋsə,» ŋwə baa yɨ̀sə məley bee taa fwisə yia, maa məkɔ tɔ ley tɨ́ yia, tɨ́ kaꞌ yia kɨ̀ɨ nə yikwalə Nwi, faŋ nyə fùu ntee taa ŋwaa Kristo.

Efesɔs 1:18

Mə baa buꞌ ghɔ tɨ́ Nwi, laa ŋwə yɨsə sɨ ghiŋ ŋaꞌsə, tɨ́ kaꞌ viŋ kɨ̀ɨ nə ŋiꞌ nu ŋkɨə faŋ ŋwə tìi viŋ shɔ nə, ndɔ kɨɨ laa məbwey vəlwaŋ faŋ ŋwə kɔ̀ꞌnə tɨ́ vɨɨ vi nə, luu ŋkee nu jəə.

Efesɔs 2:8

Nwi nə bweysə viŋ buꞌ gəŋsə Nwi, faŋ viŋ nùŋ fwi siŋ maa Kristo. Kee bee gaŋtə viŋ gàŋtə yiŋwaa yiŋ me; nə key sheꞌ Nwi kèy viŋ shɔ.

Filipi 1:29

Lùu nɨniŋ buꞌ laa Nwi key viŋ nə jɨɨ maa mənuŋ fwi siŋ maa Kristo, key viŋ nə nu məye ŋɨꞌ buꞌ nu Kristo nɨzi.

1 Timoti 6:16

Luu sheꞌ ŋwə nɨnɔŋ wi, faŋ kaꞌ ŋwə kee ku me, shi maa shəŋ ley faŋ ŋkə ley shɔ̀ɔ ki. Tuu wə nə kee ta yè ŋwə me. Kaꞌ tuu wə kee ndɔ ye ŋwə me. Ŋwə kìi wutə kənshə. Nsiŋ kɨ bəŋsə ŋwə. Ŋkə gòꞌsə nɨniŋ.

Hibru 13:8

Faŋ Yeso Kristo sɨ lùu ywaŋ, ŋwə lùu nɨndɨŋ ndee, goꞌsə yighee muꞌ nɨzi.

Jeyms 1:5

Tɔ ley kɨ luu bə̀ə fɨ ghɔ wə mɔ́ꞌ fɨ taa ŋwaa viŋ maa yighee məmɔŋ, ŋwə ndwàŋ fɨ ghɔ Nwi faŋ ŋwə kɔ tɨ́ vɨɨ vənshə ghee nshə nə fwi yi yimuꞌ, kee sɨ̀ŋtə me. Nwi taa kɔ tɔ ley tɨ́ wə ghɔ́ faŋ ŋwə ndwaŋ nə.

Jeyms 3:15

Kəŋ tɔ ley kɔ́ kee ndɔ fɨ ghɔ Nwi me, nyə ndɔ fɨ shɨ nsi. Lùu nu vɨɨ mbi yibwə, baa lùu nu zwitə bwə,

Jeyms 3:17

Yitɔfə njyə faŋ nyə ndɔ fɨ ghɔ Nwi, lùu nɨŋkwiŋ. Wə ntɨə faŋ ŋwə kìi kəŋ tɔ ley kɔ́, lùu wuu ley. Ŋwə jwi nə mənɔŋ-bwaŋnə tɨ́ vɨɨ, yɨ jəə, kee kìi məshii me, kee gəŋsə vɨɨ ŋkee dɨdɨꞌ, yɨsə vənu vəjəəvə ghee nshə, kee shia nsɔꞌ tɔ wə me, kee bweꞌsə wə me.

1 Jɔn 1:5

Lùu ntɔŋ njyə faŋ yia nə zɔ̀ fɨ ghɔ Yeso Kristo, faŋ yia baa luu naysə tɨ́ viŋ, laa Nwi lèy yaa shɨshwi; tuu kee wee-shəŋ fəŋ kee lùu taa fwi ŋwə me.

1 Jɔn 4:10

Nɨniŋ ghɔ́, ŋiꞌ nu ŋkɨə faŋ nsiŋ vɨ Nwi kawnə, kee lùu laa zì nsiŋ kɨ kaw Nwi me, lùu laa, nə tèy Nwi kɨ kaw nsiŋ, tɔ̀ŋ ŋwiŋ wi laa ŋwə jwi, sɔ̀ yibɨsə nyaa-nsiŋ.

Reveleyshən 21:23

Shɨ kɔ́ kee baa kəə shɨshwi, tɨꞌnə me ŋuu, maa məbee me, buꞌ laa feenə Nwi bee shɔ. Bi-njɨɨ yɔ́ luu kiꞌ wi.

Reveleyshən 22:5

Fu vətuꞌ kee lùu shɔ me. Vɨ kee kəə təkiꞌ me, tɨꞌnə me shɨshwi, buꞌ laa tɨta Nwi bee yaa kiꞌ tɨ́ vəŋ. Vəŋ sɔꞌ mbi yaa vəfwàŋ ghee nshə, kee kìi ki me.