Hibru 9:9 - Vengo (Babungo)

⁹ Nɨniŋ, shəŋ məkɔ Nwi kəmwa kɔ́ lùu yaa shwenə tɨ́ nsiŋ maa məkɨɨ nə ŋiꞌ vənu və Kristo ndee. Vəkɔ nə ndeysə faŋ wə fèꞌ tɨ́ Nwi nə, kee kìi wutə maa məyɨsə laa fwi wə ntɨə faŋ ŋwə faꞌ tɨ́ Nwi nə, ley shɨlə tɨ́ Nwi faŋ Nwi kəə laa ŋwə duꞌ me.

Hibru 9:9 ပူးပေါင်းရင်းမြစ်များ

Roma 5:14

Yiku nəə sɔꞌ mbi shù fɨ maa yighee Adam, gə ziꞌ maa yighee Mose, faŋ Nwi nə kɔ̀ ntɨsə si tɨ́ vɨɨ nə. Yiku sɔꞌ vɨɨ mbɨə faŋ vəŋ nə kee shòꞌsə nu faŋ Nwi nə lɨ̀ꞌtə tɨ́ vəŋ nə me, yaa Nwi nə lɨ̀ꞌtə tɨ́ Adam, ŋwə shoꞌsə nə me. Nɨniŋ, nu Adam gaŋtə maa məkɨɨ nə ŋiꞌ nu wə ntɨə faŋ ŋwə nə jwì fɨ yiba nə.

Galatia 3:21

Ŋkə nə də̀ laa ntɨsə kee biŋ ŋkɔꞌnə njyə faŋ Nwi kɔ̀ꞌnə yimu? Bey, ŋkə kee lùu nɨniŋ me. Ntɨ yimɔ́ꞌ yaa toꞌ lùu shɔ faŋ nyə kɔ̀ məbwey tɨ́ vɨɨ, buu kaꞌ nsə yɨ̀sə vəŋ lùu vəloomə vɨsɨ Nwi. Luu nə, kəŋ ntɨ yɔ́ kee lùu shɔ me.

Hibru 10:11

Gə fɨ maa kwiŋ vɨɨ məfeꞌ Nwi vɨɨ Jus, vəŋ vənshə tɨ̀ŋnə maa shəŋ məkɔ Nwi shi shi, faꞌ faꞌ vəŋ tɨ́ Nwi shɔ. Vəŋ ndi nyaasə, feꞌ sheꞌ kəŋ ndey yimuꞌ shɔ ghee nshə, faŋ kəŋ ndeysə sɔ́ kee bee kìi wutə maa məbaꞌsə nu bwə faŋ vɨɨ yɨ̀sə nə me.

Hibru 11:19

Abraham nə biŋ, nùŋ fwi yi maa Nwi, laa kaꞌ Nwi ywèysə Isak fɨ shɨ yiku. Yinsəŋ, Isak nə luu yaa wə faŋ ŋwə ywèy fɨ ghɔ yiku, yè Abraham fi.

Hibru 5:1

Nwi yaa kɨ shoꞌ vɨɨ kwalə məfeꞌ Nwi fɨ taa ŋwaa vɨɨ vi. Vɨ shoꞌ vɨɨ vɔ́ tɨ́ kaꞌ vəŋ kɨ faꞌ tɨ́ Nwi maa yizii vɨɨ vənshə. Vəŋ feꞌ Nwi nə vətɔ baa nə nyaasə, tɨ́ kaꞌ Nwi ndenə yibɨsə vɨɨ.

Hibru 7:11

Nəə toꞌ lùu laa vəfaꞌ və vɨɨ məfeꞌ Nwi fɨ taa ŋiinə Levi, kùꞌnə maa məyɨsə vɨɨ baw tɨ́ Nwi, buu Nwi nə kee nùŋsə wuu məfeꞌ Nwi day, faŋ ŋwə bèꞌsə ghuu Melkizedek, kee kɨ beꞌsə ghuu Aarɔn me. Nu ntɨsə Nwi sənshə fàynə nə nu məfeꞌ Nwi.

Hibru 8:4

Yeso nii toꞌ lùu shɨ nsi ndwə, buu ŋwə kee lùu wuu məfeꞌ Nwi me, buꞌ laa vɨɨ məfeꞌ Nwi vəmɔ́ꞌ lùu shɔ taa mbi nyə̀, faŋ vəŋ beꞌsə ntɨsə Mose, buu kɨ kɔ Nwi shɔ nə.

Hibru 9:24

Kristo nə ŋìi maa shəŋ ŋkɨə faŋ Nwi lùu shɔ yizɔ. Ŋwə tɨŋ vɨsɨ Nwi maa yizii nyaa-nsiŋ ndwə. Ŋwə nə kee bee ŋii taa vəbee və Nwi faŋ fìanə wə mənsaw me, faŋ luu sheꞌ shwenə shəŋ faŋ Nwi lùu shɔ nə.

1 Pita 3:21

Nu muu kɔ́ luu mfɨꞌ nu muu mə Kristo, faŋ mbə bweysə viŋ ndwə. Mbə kee lùu maa məsɔ yifɨŋ fɨ maa viŋ me, lùu nu maa məbuꞌ ghɔ tɨ́ Nwi, laa ŋwə yɨsə fwi siŋ ley. Kaꞌ ŋkə bwèysə viŋ buꞌ laa Yeso Kristo nə ywèy fɨ shɨ yiku,