Hibru 9:26 - Vengo (Babungo)

²⁶ Ŋkə nəə toꞌ kee lùu nɨniŋ me, buu ŋwə nə yè ŋɨꞌ ghee yaŋ, zì fɨ maa yighee njyə faŋ mbi nə tèy. Yinsəŋ ŋwə nə fùu taa mbi sheꞌ yighee muꞌ, faŋ lùu ndwə, faŋ mbi kəə me nə. Ŋwə nə ndì ŋkee ŋwaa wi, fèꞌ ndey shɔ tɨ́ Nwi maa məndisə nu bwə wə mənsaw yighee muꞌ.

Hibru 9:26 ပူးပေါင်းရင်းမြစ်များ

Matiu 13:39

Wuu mbeenə ghɔ́ faŋ ŋwə nə mɔ̀ꞌ ŋwa ghɔ́ nə, luu tɨɨ vəzwitə vəbwəvə. Yighee njyə faŋ say ghɔ́ ndɔ ta yɔŋ nə, lùu yighee vəndwə və mbi. Vɨɨ məbaytə say ghɔ́ lùu nshiisə-ŋiisə Nwi.

Matiu 13:40

Sheꞌ faŋ vɨɨ faꞌ vɔ́ nə bàytə ŋwa twàŋ, vɨ ndɔ yɨsə maa vɨɨ bwənə maa shi vəndwə və mbi.

Matiu 25:34

Ŋwə kɨ nii gì tɨ́ vɨɨ mbɨə faŋ vəŋ lùu maa kwiŋ maꞌnə wi laa, «Viŋ jwi feenə! Viŋ lùu vɨɨ mənɔŋ-bwaŋnə Tii ŋwaa, zɨ nu yifwàŋ yizɔ, faŋ Nwi nə nùŋsə tɨ́ viŋ shù fɨ maa vənzi, faŋ Nwi nə bɔ̀ŋ mbi nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:29

Fu kɨ lee Jɔn ye Yeso faŋ ŋwə jwi yɨ ŋwə, gì tɨ́ vɨɨ laa, «Ye wə ŋwə̀. Lùu bi-njɨɨ Nwi, faŋ ŋwə biꞌ vənu vəbwəvə mbi!

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:24

Tɨta, mə kəə laa vɨɨ mbɨə faŋ a nə kɔ̀ shee nə, ndɔ lùu yia vɨ vəŋ mɔ́ꞌ maa shəŋ ŋkɨə faŋ mə ndɔ lùu shɔ, laa vəŋ ndɔ ye yikwalə njyə faŋ a nə kɔ̀ shee, buꞌ laa a nə kàw mə shù fɨ maa yighee njyə faŋ mbi nyə̀ nə kee ta lùu shɔ me.

1 Kɔrintian 10:11

Vənu mbɨə faŋ mbə nə gày maa vɨɨ vɔ́ yighee vɨsɨ nə, lùu shwenə tɨ́ vɨɨ laa vəŋ kɨ tɔfə. Vɨ nə nyɔ̀ꞌ taa ŋwaꞌlə maa məyɨ laa nsiŋ kɨ̀ɨ fɨ ntaŋ, faŋ nsiŋ shì maa yighee nyə̀ faŋ vəndwə və mbi lùu nshənə.

Galatia 4:1

Mə baa kəə twelə vənu vɔ́ tɨ́ viŋ, viŋ zɔ! Ŋkə lùu yaa nu weembwa faŋ ŋwə ndɔ zɨ tɔ tii wi, kìi vətɔ və tii wi. Yighee njyə faŋ ŋwə kɨ bii weembwa, ŋwə kee luu nɨŋkwiŋ fɨ ghɔ buꞌ me, faŋ bee kɔlə kìi ŋwə kìi vətɔ və tii wi vənshə nə.

Efesɔs 1:10

faŋ yighee ndɔ kɨ kuꞌ nə. Maa yighee yɔ́ ŋwə nə tɔ̀ŋ Kristo laa ŋwə baytə vətɔ vənshə faŋ mbə lùu yizɔ, nə mbɨə faŋ mbə lùu nsi, laa Kristo ndɔ sɔꞌ mbə vənshə.

Efesɔs 5:2

Viŋ kɨ toꞌ yitoꞌ yiŋ nə ŋkawnə, sheꞌ faŋ Kristo nə kàw viŋ nə, kù tɔ nsiŋ nə, vɨ feꞌ ŋwə shɔ tɨ́ Nwi. Ŋkə nə bàw tɨ́ Nwi nɨniŋ.

Taytəs 2:14

faŋ ŋwə nə kɔ̀ ŋwaa wi, kù tɔ nsiŋ, fùusə nsiŋ fɨ taa vənu vəbwəvə vaŋ-nsiŋ vənshə, laa nsiŋ kɨ nii lùu vɨɨ ley, baa lùu ŋkee mbii vɨɨ, kəə sheꞌ maa məyɨ vənu vəjəəvə.

Hibru 1:2

Maa yighee ndwə, faŋ lùu yighee yiba, ŋwə gi yigi tɨ́ nsiŋ, nyə shɔɔ fɨ ghɔ ŋwiŋ wi. Nə luu ghɔ ŋwiŋ wi ghɔ́ faŋ Nwi nə bɔ̀ŋ mbi. Nwi nə baa shòꞌ ŋwə laa kìi ŋwə kìi vətɔ vənshə.

Hibru 10:10

Lùu nu ŋkɨə faŋ ŋkə yɨ̀sə laa nsiŋ ley vɨsɨ Nwi. Nsiŋ lùu vəley buꞌ laa Yeso Kristo nə yɨ̀sə nu ŋkɨə faŋ Nwi kəə laa ŋwə yɨ. Ŋwə nə kɔ̀ ŋwaa wi yaa ndey tɨ́ Nwi, kù tɔ nsiŋ yighee muꞌ.

Hibru 10:12

Gə fɨ maa Yeso Kristo, ŋwə nə fèꞌ ndey sheꞌ yimuꞌ faŋ nyə kìi wutə maa məbaꞌsə yibɨsə vɨɨ yighee muꞌ. Ŋwə kɨ nii gə̀ dùꞌ fuu ŋkaw kwi maa kwiŋ Nwi maꞌnə.

Hibru 10:26

Viŋ kɔꞌ kɨɨ laa, nsiŋ kɨ luu kɨ̀ɨ nə jɨɨ yinsəŋ Nwi, baa mèꞌtə jɨɨ yɔ́, kɨ toꞌ fɨ taa nu bwə, faŋ nsiŋ kɨɨ laa lùu nu bwə nə, buu ndey kee baa lùu shɔ, tɨ́ kaꞌ nsiŋ fèꞌ me, faŋ nyə taa yɨsə laa vənu vəbwəvə vaŋ-nsiŋ me me.

Hibru 10:4

Maa kɨ kaꞌ mənshi mə nyaa, tɨꞌnə me, mənshi mə bi kee kìi wutə maa məsɔ yibɨsə vɨɨ me.

Hibru 4:3

Gə fɨ maa nsiŋ, faŋ nsiŋ nùŋ fwi maa ntɔŋ yijəə Nwi yɔ́, nsiŋ ndɔ ŋii shəŋ ŋkɨə faŋ Nwi nùŋsə tɨ́ nsiŋ maa məshəŋ ŋwaa shɔ, sheꞌ faŋ Nwi nə gì nə. Nwi nə gì kɔ̀ŋ vɨɨ mbɨə faŋ vəŋ nə kee bìŋ yigisə yi me laa, «Fwi nyaa shə, mə lɨꞌtə tɨ́ vəŋ laa vəŋ ndɔ kee ŋii shəŋ jəə kaŋ, kɨ shəŋ ŋwaa shɔ me.» Ŋwə nə gì nɨniŋ faŋ faꞌ Nwi nə kɔlə mè maa yighee njyə faŋ ŋwə nə bɔ̀ŋ mbi nə.

Hibru 7:27

Vɨɨ məfeꞌ Nwi mbii-wə faŋ vəŋ yaa kɨ kɔ Nwi vəshi vəshi nə, vəŋ bɨ feꞌ Nwi buꞌ vənu vəbwəvə vəŋ, baa kɨ nii fèꞌ Nwi buꞌ vənu vəbwəvə və vɨɨ. Gə fɨ maa Yeso, ŋwə kee bee feꞌ maa kəŋ jɨɨ ghɔ́ me. Ŋwə nə fèꞌ Nwi yighee muꞌ, ŋkə kuꞌnə, gòꞌsə nɨniŋ, faŋ nə luu ŋwaa wi faŋ ŋwə nə ndì, fèꞌ shɔ nə.

Hibru 9:12

(Yighee vɨsɨ vɨɨ kwalə məfeꞌ Nwi yaa kɨ ŋii shəŋ ley Nwi taa njɨɨ tɨəŋ nə mənshi mə yɔꞌ nə mənshi mə wee-nyaandaw.) Gə fɨ maa Kristo, ŋwə nə kee ndì mənshi mə bi, tɨꞌnə me mbə nyaa me. Ŋwə nə gə̀ nə mbii mənshi, gə̀ ŋìi shəŋ ŋkɨə faŋ Nwi lùu shɔ, ŋii shɔ sheꞌ yighee muꞌ. Nɨniŋ, ŋwə fùusə nsiŋ fɨ ghɔ zwitə bwə yighee muꞌ, kɔ̀ məbwey vəlwaŋ tɨ́ nsiŋ.

Hibru 9:14

Nɨniŋ, faŋ mənshi mə nyaa mbɔ́ kìi wutə maa məyɨsə laa vɨɨ ley, buu mənshi mə Kristo weꞌ shɔ̀ɔ yimbii, sɔ̀ yibɨsə nyaa-nsiŋ, yɨ̀sə laa fwi saŋ-nsiŋ ley. Zwitə Nwi nə kɔ̀ wutə tɨ́ Kristo laa ŋwə ndi ŋkee ŋwaa wi, faŋ nu bwə nə kee bee lùu maa ŋwə nə me, fèꞌ ndey shɔ buꞌ nsiŋ, laa ŋwə yɨ̀sə fwi saŋ-nsiŋ ley, tɨ́ kaꞌ nsiŋ kee baa yɨ̀sə vənu vəbwəvə, faŋ mbə jwi nə yiku nə me. Nɨniŋ laa nsiŋ faꞌ tɨ́ Nwi faŋ lùu Nwi məbwey.

1 Pita 1:20

Nwi nə nùŋsə ŋwə maa nu kɔ́, shù faŋ ŋwə nə kee ta zì maa məbɔŋ mbi me. Luu nə, ŋwə fuu ntee vɨsɨ vɨɨ sheꞌ maa yighee vəshə. Nu kɔ́ bàw tɨ́ viŋ,

1 Pita 2:24

Kristo nə shàꞌ vənu vəbwəvə vaŋ-nsiŋ maa ŋwə, kù fuu fəŋkɔꞌ fə ŋkɨꞌsə. Nɨniŋ laa nsiŋ gaasə nsiŋ vɨ vənu vəbwəvə, kɨ yɨsə luu vənu vəjəəvə yuu vɨ nə nyɔ̀ꞌ taa ŋwaꞌlə Nwi laa, «Buꞌ vədɨꞌ vi, vənu vəbwəvə vaŋ-nsiŋ mè.»

1 Pita 3:18

Kristo nə kù yighee muꞌ buꞌ vənu vəbwəvə faŋ vɨɨ yɨ̀sə. Ŋkee wə ntɨə faŋ vənu vi lùu vəloomə, kù tɔ vɨɨ faŋ vənu vəvəŋ kee lùu vəloomə me, laa ŋwə kiasə nsiŋ, kɔ̀ tɨ́ Nwi. Vɨ nə zwì mbasə ŋwaa wi, luu nə, zwitə ki bwey.

1 Pita 4:7

Ndwəsə vənu vənshə lùu nshənə. Nɨniŋ, viŋ kɨ yɨsə vənu vənshə nə yitɔfə, tɔ kiŋ ley nɨzi, tɨ́ kɨ kaꞌ viŋ kɨ shɔꞌtə Nwi.

1 Jɔn 3:5

Viŋ kɔꞌ kɨɨ laa, Yeso Kristo yaa fùu ntee laa ŋwə sɔ vənu vəbwəvə fɨ maa vɨɨ, faŋ tuu nu bwə nə kee lùu maa ŋwə me.

1 Jɔn 3:8

Wə ntɨə faŋ ŋwə yɨsə vənu vəbwəvə, ndɔ̀ fɨ ghɔ Satan, tɨɨ vəzwitə vəbwəvə, buꞌ laa Satan yɨsə vənu vəbwəvə shù fɨ maa vənzi. Ŋiꞌ nu ŋkɨə faŋ Wee Nwi nə fùu, lùu laa yi fuu ndìsə vənu vəbwəvə mbɨə faŋ mbə ndɔ̀ fɨ ghɔ Satan.

Reveleyshən 13:8

Vɨɨ vənshə fɨ taa mbi faŋ vɨ kee nyɔ̀ꞌ təzii təvəŋ taa ŋwaꞌlə məbwey vəlwaŋ me, bəŋsə nyaa yɔ́. Ŋwaꞌlə məbwey vəlwaŋ ghɔ́ lùu ŋgwə wee-bi-njɨɨ yɔ́, faŋ vɨ nə zwì ŋwə nə. Vɨ nə nyɔ̀ꞌ təzii tə vɨɨ vi taa ŋwaꞌlə ghɔ́ shù fɨ faŋ Nwi nə bɔ̀ŋ mbi.

Reveleyshən 17:8

Nyaa yɔ́ faŋ a ye nə, nə fɔŋ lùu fa faŋ ŋkə lùu kəbwey. Luu nə, nyə kee baa lùu mbi ndwə me. Nɨniŋ, nyə ndɔ baa koꞌ fɨ taa wee-nsi-yibay, baa lùu shɔ, kɨ nii yindi. Shuu vɨɨ fɨ taa mbi yɔŋ faŋ vəŋ yè nyaa yɔ́ faŋ nyə nə luu shɔ, kee baa lùu shɔ nə me, ndɔ baa lùu shɔ. Luu nə, taa yɔŋ sheꞌ shuu vɨɨ mbɨə faŋ vɨ kee nyɔ̀ꞌ təzii təvəŋ taa ŋwaꞌlə məbwey vəlwaŋ me, yuu vɨ nə nyɔ̀ꞌ təzii tə vɨɨ Nwi taa ŋwaꞌlə ghɔ́ shù fɨ faŋ Nwi nə kìasə kɨ bɔŋ mbi nə.