Hibru 9:23 - Vengo (Babungo)

²³ Nɨniŋ, Nwi nə tə laa vɨ ndi mənshi, fɔ̀ꞌ maa vətɔ mbɨə faŋ vɨ faꞌ faꞌ Nwi shɔ nə, faŋ mbə lùu vəshwenə vətɔ fɨ yizɔ nə, laa mbə luu vəley vɨsɨ Nwi. Gə fɨ maa ŋkee vətɔ mbɨə faŋ mbə lùu yizɔ, kaꞌ mənshi mə nyaasə kee bee kùꞌnə shɔ me. Fa ŋkɨə faŋ vɨ feꞌ shɔ, kwàlə shɔ̀ɔ vəkɔ fɨ shɨ nsi.

Hibru 9:23 ပူးပေါင်းရင်းမြစ်များ

Lukas 24:26

Maa nə luu nu Kristo, wuu məbweysə vɨɨ, maa məye ŋɨꞌ yɔ́, buu zɨ nu yifwàŋ ki.»

Lukas 24:46

Ŋwə gi tɨ́ vəŋ laa, «Vɨ nə nyɔ̀ꞌ taa ŋwaꞌlə Nwi laa nu Kristo, wuu məbweysə vɨɨ, lùu laa ŋwə ye ŋɨꞌ, vəshi kɨ ziꞌ vətia, ŋwə ywey fɨ shɨ yiku,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:3

Mə taa gə lootə shəŋ duꞌnə tɨ́ viŋ, bə̀ŋ jwì ndì viŋ, viŋ jwi yɨ mə, laa shəŋ ŋkɨə faŋ mə dùꞌ shɔ, viŋ luu shɔ nɨzi.

Akts 23:15

«Nɨniŋ ghɔ, viŋ vɨ vəshɨꞌ tɔŋ ntɔŋ laa tɨɨ vəsogeꞌ kwalə baa kɨ tɔŋ Pɔɔl tɨ́ viŋ, tɨ́ kaꞌ viŋ sɨɨtə zɔ̀ nu ki, ŋkə ley. Viŋ yɨ nɨniŋ, buu yia taa kɨ kɨꞌ maa məzwi ŋwə jɨɨ, buu ŋwə zìꞌ feenə.»

Kɔlɔsii 2:17

Kwiŋ vətɔ vɔ́ luu sheꞌ yaa ndɨŋlə, faŋ ŋkə fɔŋ də̀ nu faŋ ŋkə taa jwi tɨ́ vɨɨ. Ŋkee fa ŋkɨə faŋ ndɨŋlə kɔ́ tɨŋ buꞌ ŋkə nə, lùu Kristo.

Hibru 10:1

Ntɨsə vɨɨ Jus fɨ̀nə vənu vəjəəvə mbɨə faŋ mbə ndɔ jwi nə. Luu nə, nsə kee bee luu ŋkee vənu vɔ́ me. Maa vɨɨ məfeꞌ Nwi gə kɔ Nwi ŋuꞌ nə ŋuꞌ. Sii kaꞌ wə yɨsə vɨɨ faŋ vəŋ kəə shəŋtə yɨ Nwi, lùu vəley buꞌ ndeysə kɨkə? Jɨɨ kee lùu shɔ me.

Hibru 10:4

Maa kɨ kaꞌ mənshi mə nyaa, tɨꞌnə me, mənshi mə bi kee kìi wutə maa məsɔ yibɨsə vɨɨ me.

Hibru 8:5

Faꞌ ŋgwə faŋ vɨɨ məfeꞌ Nwi vɔ́ faꞌ nə, luu sheꞌ maa jɨɨ faŋ nyə fɨ̀nə vənu mbɨə faŋ mbə lùu yizɔ. Vətɔ mbɨə faŋ vəŋ faꞌ nə mbə nə, luu sheꞌ yaa ndɨɨlə vətɔ fɨ yizɔ. Mbə kee luu ŋkee vətɔ me; mbə luu sheꞌ ndɨɨlə vətɔ fɨ yizɔ. Vɨɨ nə nàysə vətɔ vɔ́ sheꞌ faŋ Nwi nə də̀ tɨ́ Mose. Maa yighee njyə faŋ Mose nəə kəə fianə vəbee və Nwi nə, Nwi nə gì tɨ́ ŋwə laa, «Kɨ tɔfə laa a naysə vətɔ vənshə, mbə kuꞌnə maa vətɔ mbɨə faŋ mə nə də̀ tɨ́ ghɔ fuu baŋ nə.»

Hibru 9:14

Nɨniŋ, faŋ mənshi mə nyaa mbɔ́ kìi wutə maa məyɨsə laa vɨɨ ley, buu mənshi mə Kristo weꞌ shɔ̀ɔ yimbii, sɔ̀ yibɨsə nyaa-nsiŋ, yɨ̀sə laa fwi saŋ-nsiŋ ley. Zwitə Nwi nə kɔ̀ wutə tɨ́ Kristo laa ŋwə ndi ŋkee ŋwaa wi, faŋ nu bwə nə kee bee lùu maa ŋwə nə me, fèꞌ ndey shɔ buꞌ nsiŋ, laa ŋwə yɨ̀sə fwi saŋ-nsiŋ ley, tɨ́ kaꞌ nsiŋ kee baa yɨ̀sə vənu vəbwəvə, faŋ mbə jwi nə yiku nə me. Nɨniŋ laa nsiŋ faꞌ tɨ́ Nwi faŋ lùu Nwi məbwey.

Hibru 9:24

Kristo nə ŋìi maa shəŋ ŋkɨə faŋ Nwi lùu shɔ yizɔ. Ŋwə tɨŋ vɨsɨ Nwi maa yizii nyaa-nsiŋ ndwə. Ŋwə nə kee bee ŋii taa vəbee və Nwi faŋ fìanə wə mənsaw me, faŋ luu sheꞌ shwenə shəŋ faŋ Nwi lùu shɔ nə.

Reveleyshən 5:9

Vəŋ nə zwà nyay yifi laa, «A kùꞌnə maa məfi ŋwaꞌlə ghɔ́, shoꞌ vəlay vi, buꞌ laa a nə bìŋ vɨ zwi ghɔ, a ku, ywàŋ vɨɨ nə mənshi mə, yɨsə vɨɨ fɨ maa təkuu tə vɨɨ tənshə, nə təghaŋ tənshə, nə fɨ maa ŋgwisə vɨɨ vənshə, nə fɨ maa məshɨ mənshə, lùu vɨɨ Nwi.