Hibru 9:12 - Vengo (Babungo)

¹² (Yighee vɨsɨ vɨɨ kwalə məfeꞌ Nwi yaa kɨ ŋii shəŋ ley Nwi taa njɨɨ tɨəŋ nə mənshi mə yɔꞌ nə mənshi mə wee-nyaandaw.) Gə fɨ maa Kristo, ŋwə nə kee ndì mənshi mə bi, tɨꞌnə me mbə nyaa me. Ŋwə nə gə̀ nə mbii mənshi, gə̀ ŋìi shəŋ ŋkɨə faŋ Nwi lùu shɔ, ŋii shɔ sheꞌ yighee muꞌ. Nɨniŋ, ŋwə fùusə nsiŋ fɨ ghɔ zwitə bwə yighee muꞌ, kɔ̀ məbwey vəlwaŋ tɨ́ nsiŋ.

Hibru 9:12 ပူးပေါင်းရင်းမြစ်များ

Mark 3:29

Luu sheꞌ wə ntɨə faŋ ŋwə ndà Zwitə Ley Nwi, faŋ kaꞌ Nwi kee ndɔ baa ndenə yibɨsə yi yɔ́ me. Ŋwə yɨ̀ nu bwə faŋ ŋkə gòꞌsə maa ŋwə yighee muꞌ.»

Lukas 1:68

«Nsiŋ kɨ bəŋsə Mɔꞌmbi, Nwi vɨɨ Isirayl, buꞌ laa ŋwə kèe gəŋsə vɨɨ vi, bwèysə vəŋ.

Akts 20:28

Nɨniŋ, viŋ kɨ shiinə yiŋwaa yiŋ, baa shii nwaa vɨɨ mbɨə faŋ Zwitə Ley Nwi nùŋsə taa ghɔ viŋ nə. Viŋ luu nshiisə vɨɨ Kristo, faŋ ŋwə nə shòꞌ vəŋ, kù tɔ vəŋ nə.

Efesɔs 1:7

Ŋwiŋ wi ghɔ́ nə kù tɔ nsiŋ, yɨ laa nsiŋ fuu fɨ taa nsɔꞌ Nwi buꞌ mənshi mi. Nwi ndenə yibɨsə nyaa-nsiŋ, buꞌ faŋ ŋwə kèe gəŋ saŋ-nsiŋ dɨdɨꞌ.

Kɔlɔsii 1:14

Lùu ŋwiŋ wi ghɔ́, faŋ ŋwə nə fùusə nsiŋ fɨ taa nsɔꞌ Nwi, yɨ̀sə laa Nwi ndenə vənu vəbwəvə vaŋ-nsiŋ.

1 Tesalonika 1:10

baa nə laa viŋ kɨꞌ Yeso, wee Nwi, faŋ Nwi nə ywèysə ŋwə fɨ shɨ yiku nə, faŋ ŋwə ndɔ siꞌ fɨ yizɔ, jwì bwèysə nsiŋ fɨ taa nsɔꞌ Nwi faŋ nyə ndɔ ŋii maa vɨɨ nə.

Taytəs 2:14

faŋ ŋwə nə kɔ̀ ŋwaa wi, kù tɔ nsiŋ, fùusə nsiŋ fɨ taa vənu vəbwəvə vaŋ-nsiŋ vənshə, laa nsiŋ kɨ nii lùu vɨɨ ley, baa lùu ŋkee mbii vɨɨ, kəə sheꞌ maa məyɨ vənu vəjəəvə.

Hibru 1:3

Wee Nwi ghɔ́ lùu məley Nwi; wutə Nwi taa ŋwaa ŋwə. Ŋkɨꞌnə yi lùu yaa njyə Nwi. Kìi ŋwə kìi wutə maa mbi yinshə sheꞌ fɨ maa yigisə yi. Ŋwə lòotə jɨɨ, sɔ̀ yibɨsə vɨɨ laa vəŋ ley. Ŋwə baa luu koꞌ gə̀ yizɔ, dùꞌ maa kwiŋ maꞌnə Nwi, faŋ ŋwə sɔ̀ꞌ vətɔ vənshə.

Hibru 10:19

Vaŋ-nshwi vaŋ, buꞌ mənshi mbɨə faŋ Yeso nə tùtə, faŋ ŋwə nə kù nə, vɨ ŋàꞌsə jɨɨ laa nsiŋ shɔɔ gə̀ maa shəŋ ŋkɨə faŋ Nwi lùu shɔ nə. Nsiŋ kɔꞌ kɨɨ laa fa kee fə̀ŋ nsiŋ shɔ me.

Hibru 10:4

Maa kɨ kaꞌ mənshi mə nyaa, tɨꞌnə me, mənshi mə bi kee kìi wutə maa məsɔ yibɨsə vɨɨ me.

Hibru 13:12

Luu sheꞌ nɨniŋ faŋ Yeso nə yè ŋɨꞌ shɔ, fu fɨ taa shɨ, kù, tɨ́ kaꞌ mənshi mi faŋ ŋwə tùtə nə, sɔ̀ yibɨsə vɨɨ fɨ maa vəŋ.

Hibru 5:9

Faŋ ŋwə nə mètə faꞌ wi nshə, ŋwə gù wuu məgaŋtə vɨɨ vənshə faŋ vəŋ zɔnə ŋwə, laa vəŋ ndɔ zɨ məbwey vəlwaŋ faŋ ŋwə gòꞌsə yighee muꞌ.

Hibru 7:27

Vɨɨ məfeꞌ Nwi mbii-wə faŋ vəŋ yaa kɨ kɔ Nwi vəshi vəshi nə, vəŋ bɨ feꞌ Nwi buꞌ vənu vəbwəvə vəŋ, baa kɨ nii fèꞌ Nwi buꞌ vənu vəbwəvə və vɨɨ. Gə fɨ maa Yeso, ŋwə kee bee feꞌ maa kəŋ jɨɨ ghɔ́ me. Ŋwə nə fèꞌ Nwi yighee muꞌ, ŋkə kuꞌnə, gòꞌsə nɨniŋ, faŋ nə luu ŋwaa wi faŋ ŋwə nə ndì, fèꞌ shɔ nə.

Hibru 9:13

Yighee vɨsɨ vɨɨ nəə ndi mənshi mə bi nə nyaa, nə vəbu və nyaa-ndaw faŋ vɨ twaŋ, kwitə maa vɨɨ faŋ vəŋ nə kee lùu vəley vɨsɨ Nwi me, buu vəŋ kɨ nii lùu vəley.

Hibru 9:14

Nɨniŋ, faŋ mənshi mə nyaa mbɔ́ kìi wutə maa məyɨsə laa vɨɨ ley, buu mənshi mə Kristo weꞌ shɔ̀ɔ yimbii, sɔ̀ yibɨsə nyaa-nsiŋ, yɨ̀sə laa fwi saŋ-nsiŋ ley. Zwitə Nwi nə kɔ̀ wutə tɨ́ Kristo laa ŋwə ndi ŋkee ŋwaa wi, faŋ nu bwə nə kee bee lùu maa ŋwə nə me, fèꞌ ndey shɔ buꞌ nsiŋ, laa ŋwə yɨ̀sə fwi saŋ-nsiŋ ley, tɨ́ kaꞌ nsiŋ kee baa yɨ̀sə vənu vəbwəvə, faŋ mbə jwi nə yiku nə me. Nɨniŋ laa nsiŋ faꞌ tɨ́ Nwi faŋ lùu Nwi məbwey.

Hibru 9:15

Ŋkə də̀ laa Yeso lùu wə ntɨə faŋ ŋwə tɨŋ nɨntəŋ ŋwaa nsiŋ vɨ Nwi. Ŋwə nə jwì nə məkee məfimə, laa vɨɨ mbɨə faŋ Nwi tìi vəŋ laa vəŋ lùu mbii vɨɨ nə, jwi fì məbwey vəlwaŋ, faŋ Nwi nə kɔ̀ꞌnə maa məkɔ tɨ́ vəŋ nə. Kristo nə lòotə məkee məfimə mbɔ́ faŋ ŋwə nə kù tɔ nsiŋ nə. Yiku yi fuusə vɨɨ fɨ taa vənu vəbwəvə vəŋ faŋ vəŋ nə yɨ̀sə maa yighee njyə faŋ məkee məmwamə nəə kɨ bii sɔ̀ꞌ vəŋ nə.

Hibru 9:19

Mose nə fɔŋ nàysə ntɨsə sənshə tɨ́ vɨɨ, faŋ Nwi nə nàysə laa vɨ yɨ nə, kɨ nii ndì njwi yibay nə gay mɔ́ꞌ faŋ vɨ tii nə Isop, shù taa mənshi mə vaŋ-nyaasə nə bisə, baa nə taa muu, ndì, fɔ̀ꞌ maa ŋwaꞌlə ŋgwə faŋ vɨ nyɔ̀ꞌ ntɨsə taa tey yi nə, baa nə maa vɨɨ vənshə.

Hibru 9:28

Sheꞌ nɨniŋ, Kristo nə fɔŋ jwì kù yighee muꞌ, laa ŋwə yɨsə vɨɨ vəyaŋ nyɨŋ fɨ taa nu bwə vəŋ, baa nə laa ŋwə ndɔ baa bəŋ jwi mbi nyə̀, lwesə ghee bɔɔ. Maa yighee yɔ́ ŋwə ndɔ kee baa jwi maa məsɔ nu bwə vɨɨ me; ŋwə ndɔ bee kii jwi maa məkɔ məbwey vəlwaŋ tɨ́ vɨɨ vi faŋ vəŋ kɨꞌ ŋwə nə.

Hibru 9:7

Gə fɨ maa njɨɨ tɨəŋ, kaꞌ ŋii sheꞌ wuu kwalə məfeꞌ Nwi shɔ. Ŋwə ŋii shɔ sheꞌ yighee muꞌ taa ŋuꞌ. Yighee yɔ́ ŋwə bɨ ndi mənshi mə nyaa, feꞌ Nwi shɔ buꞌ yibɨsə yi, baa fèꞌ Nwi buꞌ vənu vəbwəvə faŋ vɨɨ nə yɨ̀sə, buu kaꞌ ŋwə ŋìi taa njɨɨ yɔ́.

Reveleyshən 1:5

baa nə fɨ ghɔ Yeso Kristo faŋ ŋwə nə də̀ yinsəŋ Nwi ŋkee yiley, fì vɨsɨ maa məywey fɨ shɨ yiku, sɔꞌ vəfwàŋ fɨ shɨ nsi nɨzi. Ŋwə baa luu kàw nsiŋ, kù tɔ nsiŋ maa məbweysə nsiŋ fɨ taa vənu vəbwəvə vaŋ-nsiŋ,

Reveleyshən 5:9

Vəŋ nə zwà nyay yifi laa, «A kùꞌnə maa məfi ŋwaꞌlə ghɔ́, shoꞌ vəlay vi, buꞌ laa a nə bìŋ vɨ zwi ghɔ, a ku, ywàŋ vɨɨ nə mənshi mə, yɨsə vɨɨ fɨ maa təkuu tə vɨɨ tənshə, nə təghaŋ tənshə, nə fɨ maa ŋgwisə vɨɨ vənshə, nə fɨ maa məshɨ mənshə, lùu vɨɨ Nwi.