Hibru 9:11 - Vengo (Babungo)

¹¹ Luu nə, gə fɨ maa Kristo, ŋwə nə jwì yaa wuu kwalə məfeꞌ Nwi faŋ ŋwə faꞌ faꞌ wi maa shəŋ ŋkɨə faŋ ŋkə kwalə shɔ̀ɔ shəŋ məkɔ Nwi fɨ shɨ nsi nyə̀, faŋ ŋkə baa lùu kəjəə shɔ̀ɔ ŋkə shɨ nsi. Nə kee bɔ̀ŋ vɨɨ bɔ̀ŋ shəŋ kɔ́ me; shəŋ kɔ́ kee bee lùu shɨ nsi nyə̀ me. Kristo jwì yaa wuu məkɔ Nwi kwalə tɨ́ kaꞌ vɨɨ ndɔ zɨ məbwey vəlwaŋ.

Hibru 9:11 ပူးပေါင်းရင်းမြစ်များ

Matiu 11:3

Vəŋ jwi bìtə tɨ́ Yeso laa, «A lùu wə ntɨə faŋ Nwi nə kɔ̀ꞌnə laa ŋwə ndɔ jwi nə mu? Mu yia kɨꞌ wuu day?»

Matiu 2:6

«Aŋ ghɔ, ntɨꞌ Betelehem fɨ shɨ Judia, a kee bee luu tɨtiꞌ fɨ maa ntɨꞌsə Judia me, buꞌlaa tɨɨ məsɔꞌ vɨɨ ndɔ fuu fɨ ghɔ ghɔ, kɨ shiinə ŋgwisə vɨɨ Isirayl.»

Mark 14:58

«Yia nə zɔ̀ faŋ ŋwə nə gì laa yi taa dɔŋsə ŋii Nwi yikwalə nyə̀, faŋ vɨ nə fianə nə ghɔ, baa bɔŋ yiday, kee nə ghɔ me, maa vəshi vətia.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:14

Yigi yɔ́ nə kìasə gù wə, shi taa ŋwaa nsiŋ. Yia ye feenə wi, faŋ tɨta Nwi nə kɔ̀ tɨ́ ŋwə, buꞌ laa ŋwə lùu yigɨꞌ Wee Nwi. Ŋwə kee gəŋsə vɨɨ dɨdɨꞌ, ndɔ lùu wuu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:25

Wəzwi ghɔ́ gi tɨ́ ŋwə laa, «Mə kɔꞌ kɨɨ laa wuu məbweysə vɨɨ ndɔ jwi faŋ vɨ tii ŋwə nə Kristo. Wuu məbweysə ghɔ́ ndɔ kɨ jwi, ŋwə taa fɨꞌtə vənu vənshə tɨ́ nsiŋ.»

Akts 7:48

Faŋ ŋkə nə kɔlə lùu nɨniŋ nə, Nwi fɨ taa yizɔ kee yaa kɨ shi taa ndɔꞌ faŋ fìa vɨɨ me, yuu nshiiŋii-sɔghɔ nə naysə.

2 Kɔrintian 4:18

Ŋkə lùu nɨniŋ buꞌ faŋ nsiŋ kee tə̀ sɨ maa vətɔ mbɨə faŋ kaꞌ wə yè me; nsiŋ tə̀ sɨ luu maa vətɔ mbɨə faŋ kaꞌ wə kee ye me. Lùu nɨniŋ buꞌ laa vətɔ mbɨə faŋ vɨ ye, kee yaa kɨ shi tay me. Luu nə, vətɔ mbɨə faŋ vɨ kee yiye me, gòꞌsə yighee muꞌ.

2 Kɔrintian 5:1

Nsiŋ kɔꞌ kɨɨ laa yiŋwaa nyaa-nsiŋ lùu yuu vəbee faŋ vɨ ndɔ sɔꞌ. Yighee njyə faŋ vɨ ndɔ sɔꞌ vəbee vɔ́, nsiŋ kɨ nii fì yiŋwaa yimɔ́ꞌ fɨ ghɔ Nwi, faŋ nyə lùu yaa ŋii faŋ vɨ fianə taa yizɔ tɨ́ nsiŋ, kee fianə nə ghɔ me. Nyə taa goꞌsə yighee muꞌ.

Kɔlɔsii 2:11

Gə fɨ maa nu məsɨɨtə vɨɨ, faŋ vɨɨ mɔ́ꞌ gì laa lùu shwenə vɨɨ Nwi nə, viŋ kɔꞌ kɨɨ laa Kristo duꞌtə ŋwə sɨɨtə̀ viŋ, luu nə, ŋwə yɨ̀ maa jɨɨ yiday, faŋ vɨ kee yɨ̀sə maa mbasə ŋwaa me. Kristo kɔ̀ shwenə day tɨ́ viŋ faŋ ŋkə də̀ laa viŋ lùu vɨɨ vi. Shwenə yiŋkii faŋ Kristo kɔ̀ tɨ́ viŋ nə, lùu laa ŋwə mèꞌ nshinə yibwə yiŋ.

Hibru 10:1

Ntɨsə vɨɨ Jus fɨ̀nə vənu vəjəəvə mbɨə faŋ mbə ndɔ jwi nə. Luu nə, nsə kee bee luu ŋkee vənu vɔ́ me. Maa vɨɨ məfeꞌ Nwi gə kɔ Nwi ŋuꞌ nə ŋuꞌ. Sii kaꞌ wə yɨsə vɨɨ faŋ vəŋ kəə shəŋtə yɨ Nwi, lùu vəley buꞌ ndeysə kɨkə? Jɨɨ kee lùu shɔ me.

Hibru 12:27

Yigi yɔ́ faŋ ŋwə nə gì nə, nyə də laa shi mɔ́ꞌ Nwi taa kwiinə vətɔ mbɨə faŋ mbə nəꞌnə nə, faŋ lùu vətɔ mbɨə faŋ Nwi nə naysə̀ nə. Ŋwə ndɔ kwiinə mbə, nùŋ vətɔ faŋ kaꞌ mbə kee baa nə̀ꞌnə me.

Hibru 13:14

Viŋ kɔꞌ kɨɨ laa nsiŋ kee kìi shiŋii taa mbi nyə̀ faŋ ŋwə gòꞌsə yighee muꞌ me, nsiŋ kəə fɔ ŋgwə faŋ ŋwə ndɔ buu jwi.

Hibru 2:17

Ŋwə nə gù yaa vaŋ-nshwi vi maa jɨɨsə sənshə, tɨ́ kaꞌ ŋwə kèe gəŋsə vəŋ, gù yaa wuu kwalə məfeꞌ Nwi, faŋ ŋwə faꞌ tɨ́ Nwi nə fwi yimuꞌ, laa ŋwə sɔ yibɨsə vɨɨ faŋ vəŋ nə yɨ̀sə nə.

Hibru 3:1

Nɨniŋ, vaŋ-nshwi vaŋ faŋ viŋ lèy tɨ́ Nwi nə, faŋ Nwi nə tìi viŋ laa viŋ jwi gù vɨɨ vi nə, viŋ tə sɨ maa Yeso faŋ lùu wuu ntɔŋ Nwi, baa lùu wuu kwalə məfeꞌ Nwi, faŋ nsiŋ bìŋ nu ki nə.

Hibru 4:15

Wuu kwalə məfeꞌ Nwi ghɔ́ lùu wə faŋ ŋwə kɔꞌ kɨɨ maa məkee gəŋsə maa nsiŋ maa məbwa ŋwaa-nsiŋ, buꞌ laa ŋwə nə gù wə yaa nsiŋ, kìi məmɔŋ sheꞌ yaa nsiŋ. Luu nə, ŋwə nə kee yɨ̀ tuu nu bwə me.

Hibru 7:1

Wə wì faŋ vɨ tii ŋwə nə Melkizedek nə, nə luu fwàŋ fɨ shəŋ mɔ́ꞌ faŋ vɨ tii nə Salem. Ŋwə nə baa lùu wuu məfeꞌ Nwi Nshɔɔ-mbi. Ŋkee fɨshi, maa yighee njyə faŋ Abraham nə bə̀ŋ fɨ shəŋ yighaw faŋ ŋwə ghɔ vɨ vɨɨ vi nə tuŋ yighaw, jìatə vəfwàŋ vəyaŋ, Melkizedek ghɔ́ nə gə fàynə ghɔ vɨ vəŋ jɨɨ, tù mənɔŋ-bwaŋnə tɔ ŋwə.

1 Jɔn 5:20

Nsiŋ kɔꞌ kɨɨ laa Wee Nwi nə jwì ŋaꞌsə sɨ ŋaa-nsiŋ, tɨ́ kɨ kaꞌ nsiŋ kɨɨ nə Nwi faŋ lùu Nwi yinsəŋ. Nsiŋ lùu fa kəmuꞌ nsiŋ vɨ Nwi yinsəŋ, buꞌ faŋ nsiŋ lùu fa kəmuꞌ nsiŋ vɨ ŋwiŋ wi Yeso Kristo. Yeso lùu Nwi yinsəŋ, məbwey vəlwaŋ ghɔ ŋwə.

2 Jɔn 1:7

Viŋ kɔꞌ kɨɨ laa vɨɨ məbweꞌsə vɨɨ fùu taa mbi vəyaŋ, faŋ vəŋ kee bìŋ laa Yeso Kristo lùu wuu məbweysə ŋwaa-nsiŋ me, faŋ ŋwə ndɔ̀ fɨ ghɔ Nwi me, baa nə laa ŋwə kee jwi mbi gù fa fənshi yaa wə me. Kəŋ wə ghɔ́ lùu wuu məbweꞌsə vɨɨ, baa lùu wuu mbeenə Kristo.