Hibru 9:10 - Vengo (Babungo)

¹⁰ Ndeysə nə vəkɔ luu sheꞌ vətɔ və shɨ nsi. Mbə luu sheꞌ yaa nuŋsə yimɔ́ꞌ kɔ̀ŋ vətɔ vəzɨvə, nə vətɔ və mənu, nə ŋgunə məsɔ vətɔ. Nuŋsə yinshə lùu vənu və shɨ nsi faŋ mbə dùꞌ sheꞌ maa kuŋtə yighee, zìꞌ maa yighee njyə faŋ Nwi taa də jɨɨ yiday faŋ nyə bàw shɔ̀ɔ nuŋsə yɔ́.

Hibru 9:10 ပူးပေါင်းရင်းမြစ်များ

Mark 7:4

Vəŋ yaa kɨ kuunə fɨ taa yiwiŋ, vəŋ bɨ sɔ̀ yiŋwaa ŋkəə, buu zɨ fa. Nuŋsə vəŋ nə baa lùu yiyaŋ faŋ vəŋ nə nùŋsə, yaa məsɔ ndawsə nə vəntɨɨ baa nə vəntɨɨ və muu.

Galatia 4:9

Luu nə, viŋ duꞌtə viŋ kɨ̀ɨ nə Nwi ndwə. Bàw mə bee kii gì laa, Nwi kɨ̀ɨ nə viŋ. Faŋ ŋkə lùu nɨniŋ, sii yɨ̀ kə viŋ kəə bəŋ nə yiba, baa beꞌsə vəwutə və shɨ nsi? Sii yɨ̀ kə viŋ kəə kɨ bəŋ yiba, laa viŋ baa gu vəbuꞌ tɨ́ vəwutə vɔ́?

Efesɔs 1:10

faŋ yighee ndɔ kɨ kuꞌ nə. Maa yighee yɔ́ ŋwə nə tɔ̀ŋ Kristo laa ŋwə baytə vətɔ vənshə faŋ mbə lùu yizɔ, nə mbɨə faŋ mbə lùu nsi, laa Kristo ndɔ sɔꞌ mbə vənshə.

Efesɔs 2:15

Ŋwə nə ndìsə nuŋsə njyə faŋ Nwi nə kɔ̀ tɨ́ vɨɨ Isirayl, ndì kəŋ vɨɨ vɔ́ vəbɔɔ nə, kìasə vəŋ, vəŋ lùu fa kəmuꞌ ndwə fɨ yiba jɨŋ Kristo faŋ ŋwə nə fàynə yigisə vəŋ.

Kɔlɔsii 2:16

Faŋ ŋkə lùu nɨniŋ, kɨ viŋ biŋ wə kɔ nuŋsə yimɔ́ꞌ tɨ́ viŋ buꞌ vətɔ mbɨə faŋ viŋ zɨ nə me, tɨꞌnə me vətɔ mbɨə faŋ viŋ nu me, tɨꞌnə me kɔ̀ŋ nu məzɨ vəshi vəkwalə taa ŋuꞌ, nə taa ŋuu finə, tɨꞌnə me kɔ̀ŋ vəshi və zwisə me.

Hibru 10:22

Nɨniŋ, bàw nsiŋ nuŋ fwi saŋ-nsiŋ maa Yeso, jwì yɨ Nwi nə fwi yiley, buꞌ laa mənshi mə Yeso yɨsə fwi saŋ-nsiŋ ley. Nsiŋ lùu vɨɨ faŋ vəŋ sɔ̀ yiŋwaa yivəŋ ŋkee taa muu məleymə, faŋ nsiŋ nə fì muu mə Nwi nə.

Hibru 13:9

Kɨ viŋ biŋ laa yigisə yifinə faŋ vɨɨ deesə viŋ shɔ nɨŋkwiŋ nɨŋkwiŋ, yɨsə viŋ ndi jɨɨ Nwi me. Yaa kɨ yɨsə nu jəə faŋ ŋkə ndɔ fɨ ghɔ Nwi, yɨsə fwi wə weꞌ. Ntɨsə nsɨə faŋ nsə gì kɔ̀ŋ nu fazɨ, nsə kee kii ŋgaŋtə me; nsə kee gaŋtə vɨɨ mbɨə faŋ vəŋ beꞌsə nsə me.

Hibru 2:5

Kee lùu nshiisə-ŋiisə Nwi faŋ Nwi nùŋsə laa vəŋ kɨ sɔꞌ mbi njyə faŋ nyə ndɔ jwi, njyə faŋ yia gisə kɔ̀ŋ nyə ndwə nə me.

Hibru 6:2

Kɨ yia baa tey kɨ twelə tɨ́ viŋ kɔ̀ŋ nu məfi muu mə Nwi nə məmɔꞌ ghɔ tɔ vɨɨ, baa nə nu ŋkɨə faŋ Nwi ndɔ yweysə vɨɨ fɨ shɨ yiku, ndɔ baa kɨ shia nsɔꞌ tɔ vɨɨ maa yighee shə me.

Hibru 6:5

zɔ̀ yigisə Nwi yisɨꞌsə, kɨɨ nə wutə ŋkɨə faŋ ŋkə ndɔ luu shɔ taa mbi yifi nə,

Hibru 7:12

Nɨniŋ, faŋ Nwi nə bàꞌsə vɨɨ məfeꞌ Nwi vəmwavə, nùŋsə wuu fi nə, buu ŋkwiinə baa lùu shɔ maa ntɨsə Nwi.

Hibru 7:16

Ŋwə nə kee gù wuu məfeꞌ Nwi buꞌ ŋiꞌ ŋii laa ŋwə zɨ tɔ wə me. Ŋwə lùu wuu məfeꞌ Nwi buꞌ wutə Nwi faŋ ŋkə kɔ́ məbwey faŋ ŋwə gòꞌsə yighee muꞌ.

Hibru 9:1

Yia kɔꞌ kɨɨ laa ntɨsə nə luu shɔ taa məkee məmwamə nɨzi, faŋ nsə dəsə jɨɨ tɨ́ vɨɨ, tɨ́ kaꞌ vɨ kɨ bəŋsə Nwi. Shəŋ mɔ́ꞌ nə luu shɔ nɨzi nsi, faŋ vɨ yaa kɨ feꞌ Nwi shɔ.