Hibru 8:6 - Vengo (Babungo)

⁶ Nɨniŋ, nsiŋ ye laa Nwi kɔ̀ faꞌ tɨ́ Yeso, faŋ ŋwə kwàlə shɔ̀ɔ ŋgwə vɨɨ məfeꞌ Nwi vənshə. Yeso baa luu jwì nə məkee məfimə faŋ Nwi nə gwìa tɨ́ vɨɨ. Məkee məfimə mbɔ́ bàw shɔ̀ɔ məkee məmwamə buꞌ vənu vəjəəvə faŋ Nwi kɔ̀ꞌnə tɨ́ nsiŋ nə.

Hibru 8:6 ပူးပေါင်းရင်းမြစ်များ

Lukas 22:20

Vəŋ kɨ metə maa məzɨ, ŋwə baa ndì ndaw məluꞌ nɨzi, gì laa, «Ndaw məluꞌ nyə̀ lùu mənshi maa, faŋ mə ndɔ tutə tɔ viŋ, laa viŋ vɨ Nwi gwia məkee məfimə.]

Roma 9:4

Vəŋ lùu vɨɨ Isirayl, faŋ Nwi nə ndi vəŋ maa vaŋ vi, dùꞌ taa ŋwaa vəŋ nə wutə ki, gwia məkee ghɔ vəŋ, nùŋsə ntɨsə si tɨ́ vəŋ, baa də̀ tɨ́ vəŋ faŋ ŋkə bàw vəŋ kɨ faꞌ faꞌ wi, ndɔ kɔ́ꞌnə maa məndɔ yɨ nu jəə maa vəŋ.

Efesɔs 2:12

Nə luu maa yighee yɔ́, viŋ vɨ Kristo kee lùu nə nu me. Viŋ nə luu vətɔŋ taa nu vɨɨ Isirayl, kee ŋìi taa məkee mbɨə faŋ Nwi nə gwìa ghɔ vɨ vɨɨ Isirayl me, faŋ Nwi nə kɔ̀ꞌnə vənu tɨ́ vəŋ nə me. Viŋ nə dùꞌ sheꞌ fu, kee kɨꞌ nu jəə faŋ ŋkə taa jwi nə me, kee bee lùu viŋ vɨ Nwi me.

1 Timoti 2:5

Nwi luu sheꞌ muꞌ. Wə ntɨə faŋ ŋwə fàynə vɨɨ ghɔ vɨ Nwi luu sheꞌ muꞌ nɨzi, lùu Yeso Kristo, wuu məbweysə ŋwaa-nsiŋ.

Taytəs 1:2

Mə faꞌ faꞌ ghɔ́ buꞌ laa mə kɨꞌ məbwey vəlwaŋ faŋ ŋwə gòꞌsə yighee muꞌ. Nshɨ-tɔ Nwi faŋ ŋwə kee yaa kɨ sɨɨ ba me, nə kɔ̀ꞌnə shù fɨshi maa məndɔ kɔ məbwey vəlwaŋ ghɔ́ tɨ́ vɨɨ.

Hibru 12:24

Viŋ baa luu jwì yɨ Yeso faŋ Nwi nə gwìa məkee məfimə buꞌ ŋwə nə. Viŋ ndɔ ŋii maa shəŋ kɔ́ buꞌ mənshi mə Yeso, faŋ ŋwə nə kù tɔ nsiŋ nə. Nu mənshi mə Yeso bàw shɔ̀ɔ nu ŋkɨə faŋ mənshi mə Abel nə də̀ nə.

Hibru 7:22

Ŋkə də̀ laa Yeso lùu shwenə faŋ ŋkə də̀ tɨ́ nsiŋ laa məkee mbɨə faŋ Nwi gwìa nsiŋ vɨ Nwi nə, lùu yinsəŋ, ŋkə bàw shɔ̀ɔ məkee məmwamə faŋ Nwi nə gwìa tɨ́ vɨɨ Isirayl maa yighee vɨsɨ nə.

2 Pita 1:4

Nɨniŋ, ŋwə nə kèy nsiŋ nə vənu vəkwalə mbɨə faŋ ŋwə nə kɔ̀ꞌnə maa məkɔ tɨ́ nsiŋ, faŋ lùu ŋkee sey kwalə tɨ́ nsiŋ. Buꞌ vənu vɔ́, kaꞌ viŋ nyɨŋ fɨ ghɔ vənu vəbwəvə faŋ mbə lùu taa mbi, faŋ lùu mbɨꞌtə vɨɨ məyɨ vənu vəbwəvə. Kaꞌ viŋ bee kii jwi kìi nshinə yaa njyə Nwi.