Hibru 8:10 - Vengo (Babungo)

¹⁰ Ŋwə baa luu gì tɨ́ vəŋ laa, «Məkee mbɔ́ faŋ yia vɨɨ Isirayl ndɔ gwia maa vəshi vɔ́, lùu laa mə ndɔ yɨsə vəŋ kɨɨ nə ntɨsə saŋ, nùŋ fwi vəŋ shɔ, kɨ zɔnə ntɨsə sɔ́ nə fwi yimuꞌ. Mə taa luu Nwi vəŋ, vəŋ luu vɨɨ vaŋ.

Hibru 8:10 ပူးပေါင်းရင်းမြစ်များ

Matiu 22:32

«Mə lùu Nwi Abraham, baa lùu Nwi Isak, nə Nwi Jeykob» nə yimu? (Nwi nə gi nɨniŋ maa yighee njyə faŋ vɨɨ vɔ́ nə duꞌtə vəŋ kukə fɨshi.) Nɨniŋ, ŋwə kee lùu Nwi vəŋku və nsisə me, lùu Nwi vɨɨ bweynə.»

Roma 11:27

Mə ndɔ gwia məkee yia vɨ vəŋ. Ŋiꞌ məkee mbɔ́ lùu laa mə ndɔ ndisə nu bwə vəŋ faŋ vəŋ nəə yɨsə nə.»

1 Kɔrintian 6:16

Kɨ luu wə faynə ghɔ wəzwi sakə, buu ŋkə də̀ laa, ghɔ sakə ghɔ́ lùu fa kəmuꞌ, ŋkə luu sheꞌ faŋ vɨ nyɔ̀ꞌ taa ŋwaꞌlə Nwi laa, «Wəndɔŋ nə wəzwi kìasə gù fa kəmuꞌ.»

2 Kɔrintian 3:3

Ŋkə lùu kəley laa viŋ luu ŋwaꞌlə Kristo faŋ nyɔ̀ꞌ yia, buꞌ faŋ yia nə faꞌ faꞌ Nwi nə. Vɨ nə kee nyɔ̀ꞌ ŋwaꞌlə ghɔ́ nə muu mə ŋwaꞌlə me; vɨ nyɔ̀ꞌ nə Zwitə Nwi faŋ ŋkə kɔ məbwey. Vɨ nə kee nyɔ̀ꞌ fuu waytə bɨlaŋ me, vɨ nyɔ̀ꞌ fuu fənyway fə fwisə vɨɨ.

Taytəs 2:14

faŋ ŋwə nə kɔ̀ ŋwaa wi, kù tɔ nsiŋ, fùusə nsiŋ fɨ taa vənu vəbwəvə vaŋ-nsiŋ vənshə, laa nsiŋ kɨ nii lùu vɨɨ ley, baa lùu ŋkee mbii vɨɨ, kəə sheꞌ maa məyɨ vənu vəjəəvə.

Hibru 11:16

Luu nə, vəŋ nəə kəə shəŋ kəmɔ́ꞌ faŋ ŋkə lùu kəjəə shɔ̀ɔ shɨ vəŋ. Luu shəŋ ŋkɨə faŋ ŋkə lùu yɨ Nwi yizɔ. Nɨniŋ, tɔ Nwi kee dɨdɨɨ me, faŋ vəŋ tìi Nwi nə tɨɨ vəŋ, buꞌ laa Nwi duꞌtə Nwi naysə shəŋ tɨ́ vəŋ.

Jeyms 1:18

Nwi nə kàw maa məkɔ məbwey vəlwaŋ tɨ́ nsiŋ fɨ taa yigisə Nwi yinsəŋ. Nɨniŋ laa nsiŋ lùu mfɔŋsə vətɔ vi faŋ ŋwə naysə fi.

Jeyms 1:21

Nɨniŋ, viŋ meꞌ vənu vəbwəvə vənshə nə vənu mbɨə faŋ mbə fuu fɨ taa njyoꞌ yibwə, bìŋ yigi njyə faŋ Nwi bìa taa fwi siŋ, bìŋ nə fwi yizutə, tɨ́ kaꞌ nyə bweysə fwi siŋ nɨzi.

1 Pita 1:23

Nɨniŋ, viŋ kii ŋkawnə nyə̀ ndwə, buꞌ laa Nwi yɨ̀sə laa viŋ kii nshinə yifi. Nwi nə kɔ̀ nshinə yifi yɔ́ tɨ́ viŋ taa yigisə yi, faŋ nyə kìi məbwey vəlwaŋ. Yigi yi yɔ́ kee kìi vəndwə me. Nɨniŋ, viŋ lùu vaŋ tɨta Nwi, faŋ ŋwə kee ndɔ ku me. Viŋ kee baa lùu vaŋ vɨɨ me.

1 Pita 2:9

Gə̀ fɨ maa viŋ, viŋ lùu way vɨɨ faŋ Nwi nə shòꞌ, lùu vɨɨ vəkɔ vi, ŋgwisə yiley. Viŋ lùu vɨɨ Nwi faŋ Nwi nə shòꞌ laa lùu vɨɨ yifwàŋ vi, baa nə laa viŋ sàynə vənu və shuu yɔŋvə Nwi. Ŋwə nə tìi viŋ fɨ taa mfiŋsə, laa viŋ ŋii taa ŋgwii məley.