Hibru 7:3 - Vengo (Babungo)

³ Vɨ kee nyɔ̀ꞌ yizii tɨɨ Melkizedek taa ŋwaꞌlə Nwi me, tɨꞌnə me yizii nshu wi me. Vɨ kee gì nu kɔ̀ŋ ŋiꞌ ŋii ki me. Vɨ kee kɨ̀ɨ nə yighee njyə faŋ vɨ nə bì ŋwə me, kee kɨ̀ɨ nə yighee njyə faŋ ŋwə nə kù shɔ me. Nɨniŋ, ŋkə kɨ nii lùu laa ŋwə lùu wuu məfeꞌ Nwi faŋ ŋwə gòꞌsə yighee muꞌ. Ŋkə baa lùu laa ŋwə lùu yaa Wee Nwi, faŋ ŋwə gòꞌsə yighee muꞌ nɨzi.

Hibru 7:3 ပူးပေါင်းရင်းမြစ်များ

Matiu 4:3

Wuu məbweꞌsə mbi ghɔ́ jwi yɨ ŋwə, gì tɨ́ ŋwə laa, «Kɨ luu laa a lùu Wee Nwi, a yɨsə ŋoꞌsə sə̀ kiasə gù bee.»

Hibru 4:14

Nsiŋ tɨŋ sheꞌ maa nu ŋkɨə faŋ nsiŋ bìŋ yikəꞌ vɨɨ nə, buꞌ laa wuu kwalə məfeꞌ Nwi lùu shɔ, faŋ ŋwə tɨ̀ŋ tɔ nsiŋ. Wuu kwalə məfeꞌ Nwi ghɔ́ lùu Yeso, wee Nwi, faŋ ŋwə nə koꞌ gə̀ yɨ Nwi yizɔ.

Hibru 7:1

Wə wì faŋ vɨ tii ŋwə nə Melkizedek nə, nə luu fwàŋ fɨ shəŋ mɔ́ꞌ faŋ vɨ tii nə Salem. Ŋwə nə baa lùu wuu məfeꞌ Nwi Nshɔɔ-mbi. Ŋkee fɨshi, maa yighee njyə faŋ Abraham nə bə̀ŋ fɨ shəŋ yighaw faŋ ŋwə ghɔ vɨ vɨɨ vi nə tuŋ yighaw, jìatə vəfwàŋ vəyaŋ, Melkizedek ghɔ́ nə gə fàynə ghɔ vɨ vəŋ jɨɨ, tù mənɔŋ-bwaŋnə tɔ ŋwə.

Hibru 7:17

Lùu faŋ vɨ nyɔꞌ kɔ̀ŋ ŋwə taa ŋwaꞌlə Nwi laa, «A ndɔ luu wuu məfeꞌ Nwi faŋ ŋwə gòꞌsə yighee muꞌ, yuu Melkizedek.»

Hibru 7:2

Maa yighee yɔ́ Abraham nə ndì vətɔ mbɨə faŋ ŋwə nə fì fɨ yighaw, gàasə vəshəŋ yighuŋ, kɔ̀ shəŋ kəmuꞌ tɨ́ Melkizedek. Gə fɨ maa yizii Melkizedek, ŋiꞌ yizii yi lùu laa, «Fwàŋ faŋ vənu vi lùu vəloomə.» Ŋwə nə luu fwàŋ Salem, faŋ lùu laa fwàŋ məduꞌ-nyɔŋ.

Hibru 7:6

Gə fɨ maa Melkizedek, faŋ nə kɔlə kee lùu wuu ŋiꞌ ŋii Levi me, ŋwə nə kìi way kəmuꞌ fɨ maa vəway yighuŋ fɨ ghɔ Abraham. Ŋwə nə baa tù mənɔŋ-bwaŋnə tɔ Abraham, faŋ nə luu wə ntɨə faŋ Nwi nə kɔ̀ꞌnə vənu tɨ́ ŋwə nə.