Hibru 7:25 - Vengo (Babungo)

²⁵ Lùu nu ŋkɨə faŋ ŋwə kìi wutə maa məbweysə vɨɨ yighee muꞌ, faŋ vəŋ shɔ̀ɔ fɨ ghɔ ŋwə, buu gə yɨ Nwi, buꞌ laa ŋwə kìi məbwey faŋ ŋwə gòꞌsə yighee muꞌ, tɨ́ kaꞌ ŋwə ndwàŋ Nwi tɔ vəŋ ghee nshə.

Hibru 7:25 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:13

Fa tɨ̀ me fa faŋ viŋ ndwaŋ fɨ ghɔ Nwi maa yizii nyaa, buu mə taa yɨ̀sə laa viŋ kii, tɨ́ kaꞌ vɨɨ kɨ̀ɨ nə yikwalə Nwi fɨ yiba jɨŋ ŋwiŋ wi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:16

Mə ndɔ buꞌ ghɔ tɨ́ Tii ŋwaa, ŋwə taa kɔ wuu məgaŋtə tɨ́ viŋ faŋ lùu Zwitə Ley. Ŋwə goꞌsə taa ŋwaa viŋ yighee muꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:6

Yeso gi tɨ́ ŋwə laa, «Lùu mə lùu jɨɨ yɔ́. Nu yinsəŋ nə məbwey vəlwaŋ ndɔ fɨ ghɔ mə nɨzi. Kaꞌ wə kee gə ye tɨta Nwi me, maa tɨ̀ lɨꞌ laa ŋwə shɔ̀ɔ fɨ maa mə me.

Roma 5:10

Yighee njyə faŋ nsiŋ nə luu vɨɨ mbeenə Nwi, ŋwə yɨsə nsiŋ gu fa kəmuꞌ, nsiŋ vɨ Nwi buꞌ yiku ŋwiŋ wi, faŋ ŋwə nə kù tɔ nsiŋ nə. Nɨniŋ, faŋ nsiŋ gu fa kəmuꞌ nsiŋ vɨ Nwi buꞌ yiku yi nə, buu kaꞌ nsiŋ baa luu kɨɨ ŋkee maa yinsəŋ laa Nwi ndɔ bweysə nsiŋ buꞌ məbwey ŋwiŋ wi.

Roma 5:2

Tɨta Yeso Kristo nə kɔ̀ jɨɨ tɨ́ nsiŋ maa məshɔɔ fɨ fuŋ, ŋìi mənɔŋ-bwaŋnə Nwi, faŋ nsiŋ nùŋ fwi saŋ-nsiŋ maa ŋwə nə. Nɨniŋ, nsiŋ ŋìi mənɔŋ-bwaŋnə Nwi ghɔ́, kɨ ŋaytə, baa mwa, buꞌ faŋ nsiŋ kɨꞌ nu yikwalə Nwi, faŋ ŋkə bàw shɨlə nə.

Roma 8:34

Sii kaꞌ shia ndə shia nsɔꞌ tɔ vəŋ? Yeso Kristo nə kù tɔ nsiŋ, baa yɨ̀sə nu faŋ ŋkə shɔ̀ɔ yiŋkii. Nu kɔ́ lùu laa ŋwə nə ywèy fɨ shɨ yiku. Ŋwə baa dùꞌ maa kwiŋ Nwi maꞌnə, bəŋsə vənu vaŋ-nsiŋ ghɔ Nwi.

1 Kɔrintian 1:21

Maa yighee njyə faŋ Nwi nə də̀ yitɔfə yi tɨ́ vɨɨ fɨ taa mbi nyə̀, vəŋ nə kee bee kɨ̀ɨ nə Nwi fɨ taa tɔ-ley vəŋ me. Nɨniŋ, fwi Nwi nə bàw maa məbweysə vɨɨ mbɨə faŋ vəŋ nùŋ fwisə vəŋ maa Yeso Kristo buꞌ faŋ vəŋ zɔ̀ nu Nwi kɔ́, faŋ ŋkə lùu yaa yigisə vəmfaw nə.

Efesɔs 2:18

Luu sheꞌ buꞌ ŋwə laa nsiŋ kìi jɨɨ, ŋìi yɨ tɨta Nwi taa Zwitə ki kəmuꞌ ndwə.

Efesɔs 3:12

Nsiŋ kii fwi yizutə vɨsɨ Nwi buꞌ Kristo ndwə. Kɨ kaꞌ nsiŋ jìa fwi saŋ-nsiŋ, gə̀ ye Nwi nə məŋaytə, buꞌ faŋ nsiŋ nùŋ fwi saŋ-nsiŋ maa Yeso Kristo.

Efesɔs 3:20

Nwi kɔꞌ kɨɨ maa məyɨ nu faŋ ŋkə shɔ̀ɔ vənu vənshə, shɔ̀ɔ vənu mbɨə faŋ nsiŋ buꞌ ghɔ shɔ tɨ́ ŋwə, baa shɔ̀ɔ vənu mbɨə faŋ nsiŋ bɨꞌtə. Wutə ki kwàlə shɔ̀ɔ ki, faꞌ taa fwisə nsiŋ.

Filipi 3:21

Yighee njyə faŋ ŋwə ndɔ jwi, ŋwə ndɔ yɨsə laa yiŋku yiŋwaa nyaa-nsiŋ nyə̀ gù yaa ŋwaa wi faŋ ŋwə bàw shɨlə nə. Ŋwə ndɔ yɨ nu kɔ́ nə wutə ki kəkwalə, ŋkɨə faŋ ŋkə ndɔ yɨ vətɔ vənshə fɨ mbi zɔnə ŋwə.

1 Timoti 2:5

Nwi luu sheꞌ muꞌ. Wə ntɨə faŋ ŋwə fàynə vɨɨ ghɔ vɨ Nwi luu sheꞌ muꞌ nɨzi, lùu Yeso Kristo, wuu məbweysə ŋwaa-nsiŋ.

2 Timoti 1:12

Lùu ŋiꞌ nu ŋkɨə faŋ mə ye ŋɨꞌ shɔ ndwə nə. Luu nə, tɔ kaŋ kee dɨdɨɨ me, buꞌ laa mə kɔꞌ kɨɨ nə wə ntɨə faŋ mə nùŋ fwi nyaa maa ŋwə nə, baa kɨ̀ɨ yinsəŋ laa wutə ki kùꞌnə maa məshiinə nu ŋkɨə faŋ Nwi nə nùŋsə shee, gə ziꞌ maa shi ŋkɨə faŋ ŋwə ndɔ kɔ tɨ́ mə.

Hibru 11:6

Kaꞌ wə kee bàwsə too Nwi, tɨ̀ lɨꞌ laa ŋwə nùŋ fwi yi maa Nwi me. Lùu nɨniŋ buꞌ laa wə kɨ luu kəə jwi yɨ Nwi, ŋwə fɔŋ biŋ laa Nwi lùu shɔ, baa nùŋ fwi yi maa Nwi laa Nwi taa kɨ yɨ jəə maa vɨɨ mbɨə faŋ vəŋ kəə Nwi.

Hibru 13:15

Nɨniŋ, nsiŋ shɔɔ fɨ jɨŋ Yeso, kɨ bəŋsə Nwi ghee nshə, buu məbəŋsə Nwi ŋwaa-nsiŋ taa luu yaa ndey, faŋ nsiŋ fèꞌ tɨ́ Nwi. Nsiŋ ndi gɨ saŋ-nsiŋ, bə̀ŋsə yizii yi shɔ ntee.

Hibru 2:18

Kaꞌ ŋwə gàŋtə vɨɨ mbɨə faŋ vəŋ kìi məmɔŋ, luu buꞌ laa nshɨ-tɔ wi nə yè ŋɨꞌ nə məmɔŋ nɨzi.

Hibru 2:9

Nsiŋ kɔꞌ kɨɨ nə Yeso faŋ Nwi nə yɨ̀sə nshiisə-ŋiisə Nwi luu vɨsɨ fɨ ghɔ ŋwə maa kuŋtə yighee, faŋ ŋwə nə yè ŋɨꞌ ku, buu Nwi kɔ yifwàŋ nə feenə tɨ́ ŋwə nə. Nɨniŋ nə, ŋwə nə kù tɔ vɨɨ vənshə, buꞌ faŋ Nwi nə kèe gəŋsə vɨɨ nə.

Hibru 5:7

Faŋ Yeso nə luu shɨ nsi, ŋwə nə shɔ̀ꞌtə Nwi shɔ̀ꞌtə, yùmə ŋkee nəŋay, mənsɨ fiŋkə fɨ sɨ ŋwə, ŋwə buꞌ ghɔ tɨ́ Nwi faŋ ŋwə kìi wutə maa məgaŋtə ŋwə fɨ ghɔ yiku. Nwi nə zɔ̀ məshɔꞌtə wi, buꞌ laa ŋwə nə luu wuu məfee Nwi.

Hibru 7:16

Ŋwə nə kee gù wuu məfeꞌ Nwi buꞌ ŋiꞌ ŋii laa ŋwə zɨ tɔ wə me. Ŋwə lùu wuu məfeꞌ Nwi buꞌ wutə Nwi faŋ ŋkə kɔ́ məbwey faŋ ŋwə gòꞌsə yighee muꞌ.

Hibru 7:19

Ntɨsə sɔ́ nə kɨ kaꞌ nsə kee yɨ̀sə wə lùu wuu jəə tɨ́ Nwi me. Nwi bee kii jwì nə nu faŋ ŋkə bàw, faŋ nsiŋ nùŋ fwi saŋ-nsiŋ shɔ, tɨ́ kaꞌ nsiŋ shəŋtə yɨ Nwi.

Hibru 7:24

Gə fɨ maa Yeso, ŋkə lùu nɨŋkwiŋ, ŋwə kìi məbwey faŋ ŋwə gòꞌsə yighee muꞌ, faꞌ məfeꞌ Nwi wi kee ndɔ shɔɔ gə ghɔ wə dɨday me.

Hibru 7:8

Gə fɨ maa vɨɨ məfeꞌ Nwi mbɨə faŋ vəŋ lùu vɨɨ ŋiꞌ ŋii Levi nə, faŋ vəŋ kìi way kəmuꞌ fɨ maa vəway vətɔ yighuŋ nə, vəŋ vənshə lùu vɨɨ faŋ vəŋ kukə̀. Luu nə, gə fɨ maa Melkizedek, ŋwə lùu wə faŋ vɨ nyɔ̀ꞌ laa ŋwə kee yiku me.

Hibru 9:24

Kristo nə ŋìi maa shəŋ ŋkɨə faŋ Nwi lùu shɔ yizɔ. Ŋwə tɨŋ vɨsɨ Nwi maa yizii nyaa-nsiŋ ndwə. Ŋwə nə kee bee ŋii taa vəbee və Nwi faŋ fìanə wə mənsaw me, faŋ luu sheꞌ shwenə shəŋ faŋ Nwi lùu shɔ nə.

Ŋwaꞌlə Jud 1:24

Nsiŋ kɨ bəŋsə Nwi faŋ ŋwə kìi wutə maa məyɨsə viŋ weꞌ maa nu Nwi, kee gù nu shɔ me. Kìi Nwi kìi wutə maa məsɔ yibɨsə yiŋ yinshə, tɨ́ kaꞌ viŋ ndɔ jwi nə məŋaytə, jwì tɨ̀ŋnə vɨsɨ Nwi, faŋ ŋwə kìi feenə nshə.