Hibru 7:2 - Vengo (Babungo)

² Maa yighee yɔ́ Abraham nə ndì vətɔ mbɨə faŋ ŋwə nə fì fɨ yighaw, gàasə vəshəŋ yighuŋ, kɔ̀ shəŋ kəmuꞌ tɨ́ Melkizedek. Gə fɨ maa yizii Melkizedek, ŋiꞌ yizii yi lùu laa, «Fwàŋ faŋ vənu vi lùu vəloomə.» Ŋwə nə luu fwàŋ Salem, faŋ lùu laa fwàŋ məduꞌ-nyɔŋ.

Hibru 7:2 ပူးပေါင်းရင်းမြစ်များ

Matiu 1:23

Ŋwə nə nàysə laa lee, «Viŋ zɔ! Ŋgwaŋ wəzwi ndɔ gɔ, bi wee-wəndɔŋ, vɨ shu yizii yi nə Immanuel.» Ŋiꞌ yizii yɔ́ lùu laa, «Nwi taa ŋwaa nsiŋ.»

Lukas 2:14

«Nsiŋ kɨ bəŋsə Nwi fɨ yizɔ, məduꞌ-nyɔŋ shɨ nsi tɨ́ vɨɨ gəŋsə Nwi.»

Roma 3:26

Nɨniŋ, ŋwə də̀ nu ŋkɨə faŋ ŋkə lùu kəloomə tɨ́ vɨɨ maa yighee ndwə, shìa nsɔꞌ maa vənu vəbwəvə mbɨə faŋ vɨɨ nəə yɨsə nə. Nɨniŋ, ŋwə də̀ jɨɨ nu loomə tɨ́ nsiŋ, faŋ nu ki lùu kəloomə, faŋ ŋwə kɔlə yɨsə laa nu wə ntɨə faŋ ŋwə nùŋ fwi yi maa Yeso, fùu kəloomə nɨzi.

Hibru 7:1

Wə wì faŋ vɨ tii ŋwə nə Melkizedek nə, nə luu fwàŋ fɨ shəŋ mɔ́ꞌ faŋ vɨ tii nə Salem. Ŋwə nə baa lùu wuu məfeꞌ Nwi Nshɔɔ-mbi. Ŋkee fɨshi, maa yighee njyə faŋ Abraham nə bə̀ŋ fɨ shəŋ yighaw faŋ ŋwə ghɔ vɨ vɨɨ vi nə tuŋ yighaw, jìatə vəfwàŋ vəyaŋ, Melkizedek ghɔ́ nə gə fàynə ghɔ vɨ vəŋ jɨɨ, tù mənɔŋ-bwaŋnə tɔ ŋwə.

Hibru 7:3

Vɨ kee nyɔ̀ꞌ yizii tɨɨ Melkizedek taa ŋwaꞌlə Nwi me, tɨꞌnə me yizii nshu wi me. Vɨ kee gì nu kɔ̀ŋ ŋiꞌ ŋii ki me. Vɨ kee kɨ̀ɨ nə yighee njyə faŋ vɨ nə bì ŋwə me, kee kɨ̀ɨ nə yighee njyə faŋ ŋwə nə kù shɔ me. Nɨniŋ, ŋkə kɨ nii lùu laa ŋwə lùu wuu məfeꞌ Nwi faŋ ŋwə gòꞌsə yighee muꞌ. Ŋkə baa lùu laa ŋwə lùu yaa Wee Nwi, faŋ ŋwə gòꞌsə yighee muꞌ nɨzi.