Hibru 7:19 - Vengo (Babungo)

¹⁹ Ntɨsə sɔ́ nə kɨ kaꞌ nsə kee yɨ̀sə wə lùu wuu jəə tɨ́ Nwi me. Nwi bee kii jwì nə nu faŋ ŋkə bàw, faŋ nsiŋ nùŋ fwi saŋ-nsiŋ shɔ, tɨ́ kaꞌ nsiŋ shəŋtə yɨ Nwi.

Hibru 7:19 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:17

Mose nə də ntɨsə Nwi tɨ́ nsiŋ. Gə̀ fɨ maa Yeso Kristo faŋ lùu məley ghɔ́, ŋwə jwi də̀ nu məkee gəŋsə, nə nu yinsəŋ nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:6

Yeso gi tɨ́ ŋwə laa, «Lùu mə lùu jɨɨ yɔ́. Nu yinsəŋ nə məbwey vəlwaŋ ndɔ fɨ ghɔ mə nɨzi. Kaꞌ wə kee gə ye tɨta Nwi me, maa tɨ̀ lɨꞌ laa ŋwə shɔ̀ɔ fɨ maa mə me.

Akts 13:39

Luu nə, wə nùŋ fwi yi maa Yeso, buu Nwi taa ndenə vənu vəbwəvə vi vənshə, nu ki baa lòomə.

Roma 5:2

Tɨta Yeso Kristo nə kɔ̀ jɨɨ tɨ́ nsiŋ maa məshɔɔ fɨ fuŋ, ŋìi mənɔŋ-bwaŋnə Nwi, faŋ nsiŋ nùŋ fwi saŋ-nsiŋ maa ŋwə nə. Nɨniŋ, nsiŋ ŋìi mənɔŋ-bwaŋnə Nwi ghɔ́, kɨ ŋaytə, baa mwa, buꞌ faŋ nsiŋ kɨꞌ nu yikwalə Nwi, faŋ ŋkə bàw shɨlə nə.

Roma 7:7

Nɨniŋ, bàw nsiŋ gi laa kə? Ntɨsə Nwi lùu nu bwə mu? Bey, ŋkə kee lùu nɨniŋ me. Nwi nəə toꞌ kee kɔ ntɨsə sɔ́ me, buu mə yaa kee kɨ̀ɨ nə nu ŋkɨə faŋ lùu nu bwə tɨ́ Nwi me. Ntɨsə Nwi nii toꞌ kee gì laa, «Kɨ ghɔ kɨ səsə vətɔ me,» buu mə kee kɨ̀ɨ nə nu maa məsə fa me.

Roma 8:3

Nshɨ-tɔ Nwi yɨ̀ nu ŋkɨə faŋ nə kaꞌ ntɨsə sɔ́ kee yɨ̀ me, buꞌ laa mbasə ŋwaa vɨɨ bəə ŋay. Nwi nə yɨ̀ nu kɔ́ faŋ ŋwə nə tɔ̀ŋ ŋkee ŋwiŋ wi, ŋwə jwi gù ŋkee yaa wə, fɨnə mbasə ŋwaa ŋwaa-nsiŋ vəyɨ-kəbwə. Ŋwə nə yɨ̀ nɨniŋ buꞌ nu bwə, shìa nsɔꞌ tɔ nu bwə ŋkɨə faŋ ŋkə lùu taa mbasə ŋwaa wə.

Galatia 2:16

Luu nə, faŋ nsiŋ kɔlə luu vɨɨ Jus binə nə, nsiŋ kɔꞌ kɨɨ laa, nu wə kee yaa kɨ kwiinə, lùu kəloomə sɨ Nwi buꞌ vənu mbɨə faŋ ŋwə yɨsə, faŋ gì nuŋsə me. Vənu və wə yaa kɨ kwiinə sheꞌ faŋ ŋwə nùŋsə fwi yi maa Yeso Kristo. Nɨniŋ, nsiŋ nùŋ fwi saŋ-nsiŋ maa Yeso Kristo sheꞌ yaa vɨɨ vɔ́ faŋ vəŋ kee lùu vɨɨ Jus me. Vənu vaŋ-nsiŋ lùu vəloomə vɨsɨ Nwi sheꞌ buꞌ faŋ nsiŋ nùŋ fwi saŋ-nsiŋ maa Yeso Kristo, kee luu buꞌ yitoꞌ nyaa-nsiŋ faŋ nsiŋ jia nuŋsə vɨɨ Jus nə wutə me. Ŋkə luu ŋkee faŋ vɨ nə nyɔ̀ꞌ taa ŋwaꞌlə Nwi fɨshi laa, «Wə kee lùu shɔ faŋ vənu vi ndɔ ley vɨsɨ Nwi, buꞌ laa ŋwə nuŋsə ntɨsə nə wutə me.»

Galatia 3:21

Ŋkə nə də̀ laa ntɨsə kee biŋ ŋkɔꞌnə njyə faŋ Nwi kɔ̀ꞌnə yimu? Bey, ŋkə kee lùu nɨniŋ me. Ntɨ yimɔ́ꞌ yaa toꞌ lùu shɔ faŋ nyə kɔ̀ məbwey tɨ́ vɨɨ, buu kaꞌ nsə yɨ̀sə vəŋ lùu vəloomə vɨsɨ Nwi. Luu nə, kəŋ ntɨ yɔ́ kee lùu shɔ me.

Galatia 3:24

Ntɨsə sɔ́ nə luu yaa ndi ŋwaa-nsiŋ, faŋ ŋwə dəsə jɨɨ yineꞌtə tɨ́ nsiŋ, ziꞌ maa yighee njyə faŋ Yeso Kristo jwi. Nɨniŋ, kaꞌ nsiŋ gù vɨɨ ley vɨsɨ Nwi, buꞌ faŋ nsiŋ nùŋ fwi saŋ-nsiŋ maa ŋwə.

Efesɔs 3:12

Nsiŋ kii fwi yizutə vɨsɨ Nwi buꞌ Kristo ndwə. Kɨ kaꞌ nsiŋ jìa fwi saŋ-nsiŋ, gə̀ ye Nwi nə məŋaytə, buꞌ faŋ nsiŋ nùŋ fwi saŋ-nsiŋ maa Yeso Kristo.

Kɔlɔsii 1:27

Ŋkə nə bàw tɨ́ Nwi laa Nwi yɨsə laa vɨɨ vi kɨɨ faŋ yigi yɔ́ dùꞌ, baa kwàlə shɔ̀ɔ. Nyə kìi sey kwalə tɨ́ vɨɨ məshɨ məshɨ. Nu kwalə kɔ́ lùu laa Kristo shi taa fwisə viŋ. Nɨniŋ, viŋ kɨ nii tə̀ sɨ maa vəkeynə və Nwi faŋ mbə kwalə shɔ̀ɔ.

1 Timoti 1:1

Lùu mə, Pɔɔl, wuu ntɔŋ Yeso Kristo, faŋ mə tɔ̀ŋ ŋwaꞌlə ŋwə̀ tɨ́ ghɔ, Timoti. Nshɨ-tɔ Nwi, wuu məbweysə ŋwaa-nsiŋ, nə Yeso Kristo, faŋ nsiŋ kɨꞌ ŋwə nə, nə tìi mə maa faꞌ ŋwaa ghɔ́.

Hibru 10:1

Ntɨsə vɨɨ Jus fɨ̀nə vənu vəjəəvə mbɨə faŋ mbə ndɔ jwi nə. Luu nə, nsə kee bee luu ŋkee vənu vɔ́ me. Maa vɨɨ məfeꞌ Nwi gə kɔ Nwi ŋuꞌ nə ŋuꞌ. Sii kaꞌ wə yɨsə vɨɨ faŋ vəŋ kəə shəŋtə yɨ Nwi, lùu vəley buꞌ ndeysə kɨkə? Jɨɨ kee lùu shɔ me.

Hibru 11:40

Lùu nɨniŋ buꞌ laa Nwi nə bìa nu faŋ luu ŋkee nu jəə tɨ́ nsiŋ. Nwi nə bia laa ŋwə ndɔ ndi nsiŋ vɨ vəŋ, yɨ̀sə nsiŋ vənshə ndɔ zɨ məbwey vəlwaŋ shɨ Nwi.

Hibru 11:6

Kaꞌ wə kee bàwsə too Nwi, tɨ̀ lɨꞌ laa ŋwə nùŋ fwi yi maa Nwi me. Lùu nɨniŋ buꞌ laa wə kɨ luu kəə jwi yɨ Nwi, ŋwə fɔŋ biŋ laa Nwi lùu shɔ, baa nùŋ fwi yi maa Nwi laa Nwi taa kɨ yɨ jəə maa vɨɨ mbɨə faŋ vəŋ kəə Nwi.

Hibru 3:6

Jwi maa Kristo, ŋwə lùu ŋkee Wee Nwi faŋ ŋwə shiinə njiinə ŋii. Ŋii yi yɔ́ lùu nsiŋ. Nsiŋ lùu vɨɨ ŋiinə vi, faŋ nsiŋ tə̀ sɨ maa məbwey vəlwaŋ, faŋ nsiŋ kɨꞌ ŋwə nə fwi yimuꞌ nə, tweꞌ shɔ, zìꞌ maa vəndwə nə məŋaytə.

Hibru 4:16

Nɨniŋ, bàw nsiŋ kii fwi yiweꞌ, kɨ jwi nə məŋaytə maa shəŋ kenə Nwi ŋkɨə faŋ ŋwə kee gəŋsə vɨɨ shɔ nə. Bàw nsiŋ gə maa shəŋ kɔ́ tɨ́ kaꞌ nsiŋ kìi mənɔŋ-bwaŋnə fɨ fuŋ, Nwi taa kɨ kee gəŋ saŋ-nsiŋ, baa gaŋtə nsiŋ maa yighee njyə faŋ nyə kùꞌnə.

Hibru 6:18

Nɨniŋ nə, Nwi də̀ maa jɨɨsə səbɔɔ laa ŋkɔꞌnə yi lùu yinsəŋ. Kaꞌ Nwi kee sɨ̀ɨ ba shɔ me. Ŋkɔꞌnə Nwi yɔ́ nə məlɨꞌtə ghɔ́ kɔ̀ wutə tɨ́ nsiŋ, tɨ́ kaꞌ nsiŋ jìa fwi nɨzi, kɨ tə sɨ maa nu ŋkɨə faŋ Nwi kɔ̀ꞌnə tɨ́ nsiŋ nə.

Hibru 7:11

Nəə toꞌ lùu laa vəfaꞌ və vɨɨ məfeꞌ Nwi fɨ taa ŋiinə Levi, kùꞌnə maa məyɨsə vɨɨ baw tɨ́ Nwi, buu Nwi nə kee nùŋsə wuu məfeꞌ Nwi day, faŋ ŋwə bèꞌsə ghuu Melkizedek, kee kɨ beꞌsə ghuu Aarɔn me. Nu ntɨsə Nwi sənshə fàynə nə nu məfeꞌ Nwi.

Hibru 7:20

Nu mɔ́ꞌ baa lùu laa, Nwi lɨꞌtə laa Yeso lùu wuu məfeꞌ Nwi faŋ ŋwə gòꞌsə yighee muꞌ. Gə fɨ maa vɨɨ məfeꞌ Nwi fɨ taa ŋiꞌ ŋii Levi, vɨ nə kee lɨ̀ꞌtə vəŋ me, faŋ vɨ nùŋsə vəŋ yaa vɨɨ məfeꞌ Nwi.

Hibru 7:25

Lùu nu ŋkɨə faŋ ŋwə kìi wutə maa məbweysə vɨɨ yighee muꞌ, faŋ vəŋ shɔ̀ɔ fɨ ghɔ ŋwə, buu gə yɨ Nwi, buꞌ laa ŋwə kìi məbwey faŋ ŋwə gòꞌsə yighee muꞌ, tɨ́ kaꞌ ŋwə ndwàŋ Nwi tɔ vəŋ ghee nshə.

Hibru 8:6

Nɨniŋ, nsiŋ ye laa Nwi kɔ̀ faꞌ tɨ́ Yeso, faŋ ŋwə kwàlə shɔ̀ɔ ŋgwə vɨɨ məfeꞌ Nwi vənshə. Yeso baa luu jwì nə məkee məfimə faŋ Nwi nə gwìa tɨ́ vɨɨ. Məkee məfimə mbɔ́ bàw shɔ̀ɔ məkee məmwamə buꞌ vənu vəjəəvə faŋ Nwi kɔ̀ꞌnə tɨ́ nsiŋ nə.

Hibru 9:9

Nɨniŋ, shəŋ məkɔ Nwi kəmwa kɔ́ lùu yaa shwenə tɨ́ nsiŋ maa məkɨɨ nə ŋiꞌ vənu və Kristo ndee. Vəkɔ nə ndeysə faŋ wə fèꞌ tɨ́ Nwi nə, kee kìi wutə maa məyɨsə laa fwi wə ntɨə faŋ ŋwə faꞌ tɨ́ Nwi nə, ley shɨlə tɨ́ Nwi faŋ Nwi kəə laa ŋwə duꞌ me.

Jeyms 4:8

Viŋ shəŋtə gə yɨ Nwi, buu Nwi taa kɨ shəŋtə jwi yɨ viŋ nɨzi. Viŋ sɔ ghɔ ghiŋ mɔɔ, viŋ vəyɨ-kəbwə! Viŋ yɨsə fwi siŋ ley mɔɔ, viŋ vɨɨ fwisə bɔɔ!