Hibru 7:18 - Vengo (Babungo)

¹⁸ Nɨniŋ nə, Nwi bàꞌsə mfɔŋsə ntɨsə, buꞌ laa nsə nə kee kìi wutə maa məgaŋtə vɨɨ me.

Hibru 7:18 ပူးပေါင်းရင်းမြစ်များ

Akts 13:39

Luu nə, wə nùŋ fwi yi maa Yeso, buu Nwi taa ndenə vənu vəbwəvə vi vənshə, nu ki baa lòomə.

Roma 3:31

Ŋkə nə də̀ laa nsiŋ mèꞌ ntɨsə Nwi buꞌ nu mənuŋ fwi maa Kristo mu? - Bey, nsiŋ gisə laa ntɨsə sɔ́ lùu yinsəŋ.

Roma 8:3

Nshɨ-tɔ Nwi yɨ̀ nu ŋkɨə faŋ nə kaꞌ ntɨsə sɔ́ kee yɨ̀ me, buꞌ laa mbasə ŋwaa vɨɨ bəə ŋay. Nwi nə yɨ̀ nu kɔ́ faŋ ŋwə nə tɔ̀ŋ ŋkee ŋwiŋ wi, ŋwə jwi gù ŋkee yaa wə, fɨnə mbasə ŋwaa ŋwaa-nsiŋ vəyɨ-kəbwə. Ŋwə nə yɨ̀ nɨniŋ buꞌ nu bwə, shìa nsɔꞌ tɔ nu bwə ŋkɨə faŋ ŋkə lùu taa mbasə ŋwaa wə.

Galatia 3:15

Vaŋ-nshwi vaŋ, mə taa ndi nu fɨ taa mbi maa mfɨꞌ maa mədə nu tɨ́ viŋ. Viŋ lumə yigi viŋ wə vəbɔɔ, maa ŋgunə nyaa-nsiŋ, kɨ ghaŋ wə gwia məkee ghɔ wə vəbɔɔ, wə kee lùu shɔ baa bɨꞌ məkee mbɔ́ me, wə kee lùu shɔ baa kùꞌsə nu shɔ me, nɨniŋ buꞌ laa lùu nu faŋ vɨ gì bey.

Galatia 3:17

Bàw vənu və̀ faŋ mə gisə nə, luu vəley tɨ́ viŋ, Nwi nə kɔ̀ꞌnə nu kɔ́ tɨ́ Abraham ŋkee fɨshi, gwìa məkee ghɔ ŋwə. Ŋuꞌsə kɨ nii shɔɔ yiwa yishwe nə ŋuꞌ muu-ntia, buu Nwi kɔ ntɨsə tɨ́ vɨɨ Jus. Nɨniŋ, ntɨsə sɔ́ kee kìi wutə maa məbɨsə məkee mbɔ́, faŋ Nwi nə gwìa ghɔ Abraham nə me. Kɨ kaꞌ ntɨsə sɔ́ kee bɨ̀sə ŋkɔꞌnə yɔ́, faŋ Nwi nə kɔ̀ꞌnə nə me.

Galatia 3:21

Ŋkə nə də̀ laa ntɨsə kee biŋ ŋkɔꞌnə njyə faŋ Nwi kɔ̀ꞌnə yimu? Bey, ŋkə kee lùu nɨniŋ me. Ntɨ yimɔ́ꞌ yaa toꞌ lùu shɔ faŋ nyə kɔ̀ məbwey tɨ́ vɨɨ, buu kaꞌ nsə yɨ̀sə vəŋ lùu vəloomə vɨsɨ Nwi. Luu nə, kəŋ ntɨ yɔ́ kee lùu shɔ me.

Galatia 4:21

Viŋ kəə laa ntɨsə sɔꞌ viŋ mu? Bàw viŋ zɔ nu ŋkɨə faŋ ŋkə lùu taa ŋwaꞌlə ntɨsə sɔ́.

Galatia 4:9

Luu nə, viŋ duꞌtə viŋ kɨ̀ɨ nə Nwi ndwə. Bàw mə bee kii gì laa, Nwi kɨ̀ɨ nə viŋ. Faŋ ŋkə lùu nɨniŋ, sii yɨ̀ kə viŋ kəə bəŋ nə yiba, baa beꞌsə vəwutə və shɨ nsi? Sii yɨ̀ kə viŋ kəə kɨ bəŋ yiba, laa viŋ baa gu vəbuꞌ tɨ́ vəwutə vɔ́?

1 Timoti 4:8

Nu məsaŋ ŋwaa nə məbaŋ vətɔ kee gaŋtə wə dɨdɨꞌ me. Luu nə, nu məbəŋsə Nwi gaŋtə maa vənu vənshə, buꞌ laa ŋkə kii ŋkɔꞌnə maa yighee ndwə, baa nə maa məbwey vəlwaŋ faŋ ŋwə ndɔ jwi nə.

Hibru 13:9

Kɨ viŋ biŋ laa yigisə yifinə faŋ vɨɨ deesə viŋ shɔ nɨŋkwiŋ nɨŋkwiŋ, yɨsə viŋ ndi jɨɨ Nwi me. Yaa kɨ yɨsə nu jəə faŋ ŋkə ndɔ fɨ ghɔ Nwi, yɨsə fwi wə weꞌ. Ntɨsə nsɨə faŋ nsə gì kɔ̀ŋ nu fazɨ, nsə kee kii ŋgaŋtə me; nsə kee gaŋtə vɨɨ mbɨə faŋ vəŋ beꞌsə nsə me.

Hibru 7:19

Ntɨsə sɔ́ nə kɨ kaꞌ nsə kee yɨ̀sə wə lùu wuu jəə tɨ́ Nwi me. Nwi bee kii jwì nə nu faŋ ŋkə bàw, faŋ nsiŋ nùŋ fwi saŋ-nsiŋ shɔ, tɨ́ kaꞌ nsiŋ shəŋtə yɨ Nwi.