Hibru 7:16 - Vengo (Babungo)

¹⁶ Ŋwə nə kee gù wuu məfeꞌ Nwi buꞌ ŋiꞌ ŋii laa ŋwə zɨ tɔ wə me. Ŋwə lùu wuu məfeꞌ Nwi buꞌ wutə Nwi faŋ ŋkə kɔ́ məbwey faŋ ŋwə gòꞌsə yighee muꞌ.

Hibru 7:16 ပူးပေါင်းရင်းမြစ်များ

Roma 7:14

Nsiŋ kɔꞌ kɨɨ laa ntɨsə Nwi lùu nu Zwitə Ley Nwi. Gə̀ fɨ maa mə, mə luu wə mənsaw nə mbasə ŋwaa. Vɨ nə fìŋ mə yaa buꞌ tɨ́ nu bwə.

Galatia 4:3

Luu sheꞌ nɨndɨŋ tɨ́ nsiŋ nɨzi, yighee vɨsɨ wutə shɨ nsi nəə sɔꞌ nsiŋ, faŋ ŋkɔꞌnə Nwi yɔ́ nə kee ta fùu ntee me. Nsiŋ nə luu vəbuꞌ tɨ́ vəwutə vɔ́.

Galatia 4:9

Luu nə, viŋ duꞌtə viŋ kɨ̀ɨ nə Nwi ndwə. Bàw mə bee kii gì laa, Nwi kɨ̀ɨ nə viŋ. Faŋ ŋkə lùu nɨniŋ, sii yɨ̀ kə viŋ kəə bəŋ nə yiba, baa beꞌsə vəwutə və shɨ nsi? Sii yɨ̀ kə viŋ kəə kɨ bəŋ yiba, laa viŋ baa gu vəbuꞌ tɨ́ vəwutə vɔ́?

Kɔlɔsii 2:14

Nə luu yighee vɨsɨ, nsiŋ nə gù vənu vəyaŋ, buꞌ laa nsiŋ nəə kee yɨsə vənu mbɨə faŋ Nwi nəə kəə laa nsiŋ yɨsə me. Nwi sɔ̀ yibɨsə yɔ́ faŋ nyə nə luu maa nsiŋ nə. Ŋkə lùu sheꞌ yaa Nwi ndì ŋwaꞌlə nsɔꞌ nyaa-nsiŋ, faŋ vɨ nə nyɔ̀ꞌ tɔ nsiŋ, bèy fuu fəŋkɔꞌ fə ŋkɨꞌsə mfɨə faŋ Yeso nə kù fuu yi nə. Nɨniŋ nə, nsɔꞌ nyaa-nsiŋ yɔ́ mè laylay.

Kɔlɔsii 2:20

Faŋ viŋ nə ŋìi taa nu yiku Kristo nə, ŋkə də̀ laa kɨ vəzwitə vəbwəvə fɨ taa mbi nyə̀ kee baa sɔ̀ꞌ viŋ me. Nɨniŋ, sii yɨ kə viŋ shi yaa vɨɨ fɨ taa mbi nyə̀, biŋ laa vɨɨ kɔ̀ nuŋsə yimɔ́ꞌ tɨ́ viŋ laa,

Hibru 10:1

Ntɨsə vɨɨ Jus fɨ̀nə vənu vəjəəvə mbɨə faŋ mbə ndɔ jwi nə. Luu nə, nsə kee bee luu ŋkee vənu vɔ́ me. Maa vɨɨ məfeꞌ Nwi gə kɔ Nwi ŋuꞌ nə ŋuꞌ. Sii kaꞌ wə yɨsə vɨɨ faŋ vəŋ kəə shəŋtə yɨ Nwi, lùu vəley buꞌ ndeysə kɨkə? Jɨɨ kee lùu shɔ me.

Hibru 7:15

Nu ŋkɨə faŋ ŋkə yɨ̀sə laa nu kɔ́ ley tɨ́ nsiŋ, lùu laa wuu məfeꞌ Nwi ŋgwə faŋ Nwi nùŋsə ndwə, lùu yuu Melkizedek, kee lùu yuu vɨɨ məfeꞌ Nwi mbii-wə me.

Hibru 7:17

Lùu faŋ vɨ nyɔꞌ kɔ̀ŋ ŋwə taa ŋwaꞌlə Nwi laa, «A ndɔ luu wuu məfeꞌ Nwi faŋ ŋwə gòꞌsə yighee muꞌ, yuu Melkizedek.»

Hibru 7:21

Gə fɨ maa Yeso, nə lɨꞌtə nshɨ-tɔ Nwi tɨ́ ŋwə, faŋ ŋkə lùu taa ŋwaꞌlə Nwi laa, «Nwi lɨ̀ꞌtə tɨ́ ghɔ laa a lùu wuu məfeꞌ Nwi faŋ ŋwə gòꞌsə yighee muꞌ. Nwi gì nɨniŋ, yigisə yi kee ndɔ kwiinə me.»

Hibru 7:28

Vɨɨ kwalə məfeꞌ Nwi mbɨə faŋ vɨ nùŋsə maa jɨɨ ntɨsə Mose, lùu vɨɨ faŋ vəŋ yaa kɨ gu nu. Gə fɨ Wee Nwi faŋ Nwi nùŋsə ŋwə fɨ maa məkee mbɨə faŋ mbə nə ndì shəŋ ntɨsə sɔ́, ŋwə fàynə ŋkɨɨ Nwi yinshə, gòꞌsə yighee muꞌ.

Hibru 7:3

Vɨ kee nyɔ̀ꞌ yizii tɨɨ Melkizedek taa ŋwaꞌlə Nwi me, tɨꞌnə me yizii nshu wi me. Vɨ kee gì nu kɔ̀ŋ ŋiꞌ ŋii ki me. Vɨ kee kɨ̀ɨ nə yighee njyə faŋ vɨ nə bì ŋwə me, kee kɨ̀ɨ nə yighee njyə faŋ ŋwə nə kù shɔ me. Nɨniŋ, ŋkə kɨ nii lùu laa ŋwə lùu wuu məfeꞌ Nwi faŋ ŋwə gòꞌsə yighee muꞌ. Ŋkə baa lùu laa ŋwə lùu yaa Wee Nwi, faŋ ŋwə gòꞌsə yighee muꞌ nɨzi.

Hibru 9:14

Nɨniŋ, faŋ mənshi mə nyaa mbɔ́ kìi wutə maa məyɨsə laa vɨɨ ley, buu mənshi mə Kristo weꞌ shɔ̀ɔ yimbii, sɔ̀ yibɨsə nyaa-nsiŋ, yɨ̀sə laa fwi saŋ-nsiŋ ley. Zwitə Nwi nə kɔ̀ wutə tɨ́ Kristo laa ŋwə ndi ŋkee ŋwaa wi, faŋ nu bwə nə kee bee lùu maa ŋwə nə me, fèꞌ ndey shɔ buꞌ nsiŋ, laa ŋwə yɨ̀sə fwi saŋ-nsiŋ ley, tɨ́ kaꞌ nsiŋ kee baa yɨ̀sə vənu vəbwəvə, faŋ mbə jwi nə yiku nə me. Nɨniŋ laa nsiŋ faꞌ tɨ́ Nwi faŋ lùu Nwi məbwey.

Reveleyshən 1:18

baa luu ŋkee wuu bwey. Mə nə ku, lùu ndwə, mə bwèy gòꞌsə yighee muꞌ. Ŋkwa yiku, nə ŋkwa shɨ vəŋku vənsisə lùu ghɔ mə, tɨ́ kɨ kaꞌ mə ŋaꞌsə baa fə̀ŋ shuu wi.