14 Maa ŋkə lùu kəley laa tɨta ŋwaa-nsiŋ Yeso nə luu wuu ŋiꞌ ŋii Juda. Mose nə kee gì nu kɔ̀ŋ vɨɨ məfeꞌ Nwi faŋ vəŋ ndɔ̀ fɨ maa ŋiꞌ ŋii kɔ́ me.
«Aŋ ghɔ, ntɨꞌ Betelehem fɨ shɨ Judia, a kee bee luu tɨtiꞌ fɨ maa ntɨꞌsə Judia me, buꞌlaa tɨɨ məsɔꞌ vɨɨ ndɔ fuu fɨ ghɔ ghɔ, kɨ shiinə ŋgwisə vɨɨ Isirayl.»
Sii yɨ kə vɨ biŋ shee, laa nshu Tɨta ŋwaa jwi yɨ mə?
wee Aminadab, wee Admin, wee Arni, wee Hezrɔn, wee Perez, wee Juda,
Nshiisə-ŋiisə Nwi sɔ́ bitə tɨ́ Meri laa, «A gwia kə, yaa?» Ŋwə gi tɨ́ vəŋ laa, «Vɨ bàꞌsə tɨta ŋwaa, gə̀ nə ŋwə. Mə kee kɨ̀ɨ nə shəŋ ŋkɨə faŋ vɨ gə̀ nùŋ ŋwə shɔ me.»
Tɔmas gi tɨ́ Yeso laa, «Tɨta ŋwaa, Nwi ŋwaa!»
Ntɔŋ Nwi yɔ́ lùu nu buꞌ ŋwiŋ wi, faŋ ŋwə nə fùu fɨ ŋiꞌ ŋii fwàŋ Deyvid.
Aŋ wə mənsaw, faŋ a sɔꞌ nsɔꞌ wə shia, baa luu yɨ̀sə sheꞌ vənu vɔ́ nə, a nəə bɨꞌtə laa kaꞌ a nyɨ̀ŋ fùu fɨ taa nsɔꞌ Nwi mu?
Nsiŋ kɨ bəŋsə Nwi, tɨɨ tɨta ŋwaa-nsiŋ Yeso Kristo, faŋ ŋwə nə kɔ̀ ŋgwisə mənɔŋ-bwaŋnə yinshə tɨ́ nsiŋ, kɔ vənu və Zwitə Ley Nwi faŋ mbə lùu taa yizɔ tɨ́ nsiŋ fɨ jɨŋ Kristo.
Maa yinsəŋ, vənu vɔ́ vənshə luu kəndi shee, buꞌ laa nu məkɨɨ nə Yeso Kristo, tɨta ŋwaa, kwàlə shɔ̀ɔ vənu vənshə. Luu buꞌ ŋwə faŋ mə meꞌ vənu vɔ́ vənshə, sheꞌ laa mə bee kii kii Kristo. Vənu vɔ́ gù yaa vəbɨ shee.
Gə fɨ maa tɨta ŋwaa-nsiŋ Yeso faŋ lùu wə ntɨə faŋ nsiŋ gisə kɔ̀ŋ ŋwə feenə nə, ŋwə nə kee ndɔ̀ fɨ maa ŋiꞌ ŋii Levi me. Ŋwə nə ndɔ̀ fɨ maa ŋiꞌ ŋii yiday faŋ tuu wə fɨ ŋiꞌ ŋii vəŋ nəə kee ta faꞌ faꞌ wuu məfeꞌ Nwi me.
Nu ŋkɨə faŋ ŋkə yɨ̀sə laa nu kɔ́ ley tɨ́ nsiŋ, lùu laa wuu məfeꞌ Nwi ŋgwə faŋ Nwi nùŋsə ndwə, lùu yuu Melkizedek, kee lùu yuu vɨɨ məfeꞌ Nwi mbii-wə me.
«Lùu mə, Yeso, faŋ mə tɔ̀ŋ wuu ntɔŋ ŋwaa maa mənaysə vənu vɔ́ tɨ́ vɨɨ fɨ taa vəməshəŋtə və vɨɨ Nwi. Mə lùu wuu ŋiꞌ ŋiinə fwàŋ Deyvid, baa lùu fəjwiŋ fɨ taa nshia-ndoo-mbisɨ.»
Wə muꞌ fɨ taa ŋwaa vɨɨ taa vɔ́ faŋ vəŋ nə dùꞌ yifi nə, gi tɨ́ mə laa, kɨ mə baa gwia me. «Ye mɔɔ, bikəə wì faŋ ŋwə fùu fɨ ŋiꞌ ŋii Juda, wee wee fwàŋ Deyvid, ghɔꞌ vənu vənshə. Kaꞌ ŋwə ŋaꞌsə ŋwaꞌlə ghɔ́, shòꞌ vəlay vi kwatia nə.»