Hibru 6:9 - Vengo (Babungo)

⁹ Vaŋ-nshwi vaŋ, faŋ yia kɔlə gì nee, yia kɔꞌ kɨɨ yinsəŋ laa viŋ taa beꞌsə jɨɨ yiloomə tɨ́ kaꞌ viŋ kìi məbwey vəlwaŋ.

Hibru 6:9 ပူးပေါင်းရင်းမြစ်များ

Mark 16:16

Wə ntɨə faŋ ŋwə taa biŋ ntɔŋ yɔ́, fì muu mə Nwi, buu ŋwə ndɔ zɨ məbwey vəlwaŋ. Wə ntɨə faŋ ŋwə kee yibiŋ me, ndɔ ŋii taa nsɔꞌ Nwi.

Akts 11:18

Vɨɨ Jus vɔ́ zɔ nɨniŋ, gày, kɨ bəŋsə Nwi, gi laa, «Yinsəŋ, Nwi kɔ̀ jɨɨ tɨ́ vɨɨ tɔmə day nɨzi, laa vəŋ kwiinə fwisə vəŋ, zɨ̀ məbwey vəlwaŋ nɨzi.

Akts 20:21

Mə nə gì tɨ́ vɨɨ Jus nə tɨ́ vɨɨ Griik, laa vəŋ kwiinə fwisə vəŋ, nùŋ maa Nwi, nə maa tɨta Yeso Kristo.

1 Kɔrintian 10:14

Vɨɨmba vaŋ faŋ mə kàw, lùu nu ŋkɨə faŋ mə naysə tɨ́ viŋ, laa kɨ viŋ kii nu maa məyɨ nə vənwi vədayday me.

2 Kɔrintian 12:19

Shù fɨ ntaŋ kaꞌ viŋ kɨ bɨꞌtə laa mbii vənu faŋ yia gisə nə, yia kəə fi tɔ kia fɨ ghɔ viŋ. Bey, yia gisə sheꞌ faŋ Kristo kəə laa yia gi vɨsɨ Nwi. Vaŋ-nshwi vaŋ faŋ mə kàw, viŋ kɔꞌ kɨɨ laa vənu vənshə faŋ yia gisə, yia gisə sheꞌ maa məgaŋtə viŋ, laa viŋ kɨ ta maa nu Nwi.

2 Kɔrintian 7:1

Vɨɨmba vaŋ, faŋ nsiŋ kìi ŋkɔꞌnə nyə̀ nee nə, bàw nsiŋ kiasə yiŋwaa fɨ maa nu bwə tɨ̀ me nu bwə, faŋ ŋkə lùu taa ŋwaa wə, tɨꞌnə me taa zwitə ki. Nsiŋ kɨ yɨ laa nshinə nyaa-nsiŋ taa mètə lèy vɨsɨ Nwi. Nsiŋ yɨ̀ nɨniŋ, fee Nwi.

2 Kɔrintian 7:10

Wə kɨ luu kɨ luŋ maa jɨɨ Nwi, buu məluŋ wi ghɔ́ taa bweysə ŋwə, fwi yi kee sɔꞌ ŋwə faŋ ŋwə kwìinə fwi yi nə me. Kɨ luu wə nə luŋ maa jɨɨ vənu və taa mbi, buu lùu yiku yi.

Galatia 5:6

Kɨ ghaŋ nsiŋ faynə nsiŋ vɨ Kristo, buu nu məsɨɨtə wə kee baa lùu nu me. Faŋ vɨ sɨ̀ɨtə wə, nə faŋ vɨ kee yisɨɨtə me, luu sheꞌ fa kəmuꞌ, ŋkwiinə kee lùu shɔ me. Nu ŋkɨə faŋ ŋkə lùu kəweꞌ, lùu laa nsiŋ biŋ Yeso Kristo, nùŋ fwi saŋ-nsiŋ maa ŋwə, baa kii ŋkawnə.

Hibru 10:34

Viŋ nəə ye ŋɨꞌ, viŋ vɨ vɨɨ ŋii mfiŋ, faŋ vɨ nə kwàŋ vəŋ mfiŋ buꞌ nu Nwi nə. Viŋ nə jìa fwi nə məŋaytə faŋ vɨɨ sa vətɔ viŋ, buꞌ laa viŋ lùu vɨɨ Nwi nə. Viŋ nə yɨ̀ nɨniŋ, buꞌ faŋ viŋ nəə kɔꞌ kɨɨ laa viŋ kìi vətɔ faŋ mbə shɔ̀ɔ yimbii, faŋ mbə ndɔ goꞌsə yighee muꞌ.

Hibru 10:39

Gə fɨ maa nsiŋ, nsiŋ kee lùu kəŋ vɨɨ vɔ́ faŋ vəŋ taa bəŋ suꞌtə ghuu vəŋ nə, kɨ nii yindi me. Nsiŋ bee kɨ kii biŋ nu Kristo, buu ndɔ zɨ məbwey vəlwaŋ.

Hibru 2:3

Faŋ ŋkə lùu nɨniŋ nə, gə̀ fɨ maa nsiŋ, faŋ nsiŋ zɔ ntɔŋ yimɔ́ꞌ faŋ nyə kwàlə shɔ̀ɔ, kɔ̀ jɨɨ məbwey vəlwaŋ tɨ́ vɨɨ, sii kaꞌ nsiŋ fùu fɨ taa nsɔꞌ kɨkə, faŋ nsiŋ kee zɔnə ntɔŋ yinjii me? Ntɔŋ yɔ́ nə fɔŋ fùu taa mbi faŋ tɨta Yeso nə fɨ̀ꞌtə tɨ́ vɨɨ nə. Vɨɨ mbɨə faŋ vəŋ nə zɔ̀ ntɔŋ yɔ́, lèsə tɨ́ nsiŋ laa lùu nu yinsəŋ.

Hibru 5:9

Faŋ ŋwə nə mètə faꞌ wi nshə, ŋwə gù wuu məgaŋtə vɨɨ vənshə faŋ vəŋ zɔnə ŋwə, laa vəŋ ndɔ zɨ məbwey vəlwaŋ faŋ ŋwə gòꞌsə yighee muꞌ.

Hibru 6:10

Nwi kee lùu wuu məseesə mbi me. Kaꞌ ŋwə kee ndenə vənu vəjəəvə viŋ faŋ viŋ nəə yɨsə nə me, faŋ viŋ nə də ŋkawnə yiŋ tɨ́ vɨɨ ley Nwi, gàŋtə vəŋ maa yizii Nwi, nə faŋ viŋ kɨ gɨgaŋtə vəŋ nə.

1 Pita 2:11

Vaŋ-nshwi vaŋ, viŋ lùu yaa vəndɔ taa mbi nyə̀. Nɨniŋ, mə tɨsə viŋ laa viŋ kɨ baŋnə vətɔ və shɨ nsi mbɨə faŋ fwi siŋ kaw, buꞌ laa vətɔ vɔ́ toꞌ maa məndisə məbwey wiŋ nshə.

2 Pita 3:1

Vɨɨmba vaŋ faŋ mə kàw, lùu vəŋwaꞌlə lwesə vəbɔɔ, faŋ mə nyɔ̀ꞌ tɨ́ viŋ. Taa vəŋwaꞌlə vɔ́ vəbɔɔ nə, mə kɨ lumə vənu tɨ́ viŋ faŋ viŋ duꞌtə viŋ kɨ̀ɨ nə mbə, tɨ́ kaꞌ viŋ yenə fɨ mbweysə, kɨ kii tɔ ley maa nu Nwi.

1 Jɔn 2:7

Vɨɨmba vaŋ, mə kee nyɔ̀ꞌ luu ntɨ yifi tɨ́ viŋ me, mə nyɔ̀ꞌ luu sheꞌ ntɨ yimwa faŋ vɨ yaa tɨ viŋ shɔ yighee vɨsɨ, faŋ viŋ nə bɨ zɔ̀ ntɨ Nwi. Ntɨ yimwa yɔ́ lùu nu ŋkɨə faŋ viŋ nə zɔ̀.

Ŋwaꞌlə Jud 1:3

Vɨɨmba vaŋ faŋ mə kàw, mə nə kɨsə kəə laa mə nyɔꞌ ŋwaꞌlə ŋwə̀ tɨ́ viŋ maa mədə faŋ Nwi bwèysə nsiŋ vənshə. Nwi də̀ shee laa ŋkə bàw laa mə nyɔꞌ ŋwaꞌlə tɨ́ viŋ, buꞌ ghɔ tɨ́ viŋ laa viŋ faꞌ nə wutə, tɨ́ kaꞌ viŋ tɨŋ weꞌ maa nu Nwi, faŋ viŋ nùŋ fwi maa Nwi nə. Maa lùu nu faŋ Nwi nə nàysə tɨ́ vɨɨ vi. Kaꞌ yigi yɔ́ kee ndɔ kwiinə me.