Hibru 6:8 - Vengo (Babungo)

⁸ Kɨ luu nə ta sheꞌ təndɨꞌ nə nyawsə fɨ taa nsi yɔ́, buu nsi yɔ́ kee kii ŋgaŋtə me. Yighee luu nshənə vɨ ndɔ twaŋ yindɨɨ yɔ́. (Lùu faŋ Nwi taa yɨsə nə vɨɨ mətwey nu ki.)

Hibru 6:8 ပူးပေါင်းရင်းမြစ်များ

Matiu 25:41

Ŋwə taa kɨ nii gì tɨ́ vɨɨ mbɨə faŋ vəŋ lùu kwiŋ ŋkwii laa, «Viŋ ndɔ fɨ yɨ mə, vɨɨ ndwaŋ, gə̀ ŋìi taa wi faŋ ŋwə gòꞌsə yighee muꞌ, faŋ vɨ lòotə tɨ́ tɨɨ vəzwitə vəbwəvə ghɔ vɨ nshiisə-ŋiisə si.

Matiu 3:10

Viŋ zɔ! Vɨ duꞌtə vɨ nuŋsə njaŋ nsi ŋiꞌ vətɨ. Tɨ tɨ̀ me tɨ faŋ ŋkə kee kwàanə vətaŋ vəjəəvə me, vɨ taa gwia, twàŋ taa wi.»

Matiu 7:19

Nɨniŋ, tɨ tɨ̀ me tɨ faŋ ŋkə kee kwaanə vətaŋ vəjəəvə me, vɨ ndɔ gwia, twàŋ maa ŋkɔꞌ.

Mark 11:14

Yeso gi tɨ́ tɨ kɔ́ laa, «Tuu kee taŋ kee ndɔ baa koonə fuu ghɔ, tɨ́ kaꞌ wə kwə me!» Vɨɨ məzwetə nu ki zɔ yigi yɔ́.

Mark 11:21

Pita lumə nu ŋkɨə faŋ Yeso sɨ gì tɨ́ tɨ taŋ kɔ́ nə, gì tɨ́ Yeso laa, «Tɨta, ye, tɨ taŋ kì faŋ a nə ndà nə, ŋkə yòo.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:6

Wə tɨ̀ me wə faŋ ŋwə kee lùu taa ŋwaa mə me, buu vɨ taa shia ŋwə yaa təntaŋ tə tɨ tɔ́. Ntə yɔŋ, vɨ shaꞌ twàŋ taa wi, ntə kɨɨ, mè.

Hibru 10:27

Kəŋ wə ghɔ́ faŋ ŋwə yɨ̀ nɨniŋ, ŋwə duꞌ nə məfee, kɨ kɨꞌ, nsɔꞌ Nwi yiweꞌ ndɔ luu tɔ ŋwə, wisə faŋ ŋwə kɨɨ, ndɔ twaŋ ŋwə ghɔ vɨ vɨɨ mbeenə Nwi vənshə.

Hibru 12:17

Viŋ kɔꞌ kɨɨ laa, nə luu maa yighee yiba, Esaw nəə kəə laa tii wi tu mənɔŋ-bwaŋnə tɔ yi, luu nə, vɨ twey tɨ́ ŋwə. Jɨɨ nə kee baa lùu shɔ, tɨ́ kaꞌ ŋwə kwìinə nu ŋkɨə faŋ ŋwə nə yɨ̀sə nə me, faŋ ŋwə nə kɔlə gwia, mənsɨ fuu nə.

Reveleyshən 20:15

Wə tɨ̀ me wə faŋ vɨ nə kee nyɔ̀ꞌ yizii yi taa ŋwaꞌlə məbwey vəlwaŋ me, vɨ mɔꞌ ŋwə taa wi yɔ́.