Hibru 6:6 - Vengo (Babungo)

⁶ kɨ ghaŋ laa kəŋ wə ghɔ́ faŋ ŋwə kɨ̀ɨ nə vənu vɔ́ nə, baa kìasə fwi yi, twèy vənu vɔ́, buu jɨɨ kee baa lùu shɔ tɨ́ ŋwə, laa ŋwə baa kwiinə fwi yi, nùŋ maa Nwi me. Lùu nɨniŋ buꞌ laa, kəŋ wə ghɔ́ gù wə faŋ ŋwə baa bèy Wee Nwi fuu fəŋkɔꞌ fə ŋkɨꞌsə, baa shìasə ŋwə ntee.

Hibru 6:6 ပူးပေါင်းရင်းမြစ်များ

Matiu 19:26

Yeso ndeynə vəŋ, gì tɨ́ vəŋ laa, «Lùu nu faŋ ŋkə ghɔ̀ꞌ vɨɨ vənshə. Luu nə, kaꞌ nu kee ghɔ̀ꞌ Nwi me.»

Lukas 11:48

Viŋ kəə bəŋsə nshiisə-ŋii sɔghɔ sɔ́, luu nə, viŋ də sheꞌ vənu vəbwəvə mbɨə faŋ vətɨɨ viŋ nə yɨsə nə ntee. Mbɨꞌtə yiŋ luu sheꞌ yaa njyə-vəŋ. Vəŋ nə zwilə nshiisə-ŋii sɔghɔ sɔ́, viŋ metə faꞌ vəŋ ghɔ́, bɔŋ təfuŋ tə vɨɨ vɔ́.

2 Timoti 2:25

Bàw ŋwə kɔ bəŋsə tɨ́ vɨɨ mətwey nu Kristo taa gɨ yibwaŋnə, laa kaꞌ yighee mɔ́ꞌ Nwi gaŋtə vəŋ, vəŋ kwiinə fwisə vəŋ, kɨ̀ɨ nə nu yinsəŋ,

Hibru 10:26

Viŋ kɔꞌ kɨɨ laa, nsiŋ kɨ luu kɨ̀ɨ nə jɨɨ yinsəŋ Nwi, baa mèꞌtə jɨɨ yɔ́, kɨ toꞌ fɨ taa nu bwə, faŋ nsiŋ kɨɨ laa lùu nu bwə nə, buu ndey kee baa lùu shɔ, tɨ́ kaꞌ nsiŋ fèꞌ me, faŋ nyə taa yɨsə laa vənu vəbwəvə vaŋ-nsiŋ me me.

Hibru 10:29

Faŋ ŋkə lùu nɨniŋ nə, viŋ kɔꞌ kɨɨ laa nsɔꞌ wə ntɨə faŋ ŋwə ndasə ŋkee wee Nwi, weꞌ shɔ̀ɔ. Kəŋ wə ghɔ́ ndì yiku Yeso, faŋ Nwi nə gwìa məkee shɔ tɨ́ nsiŋ nə, yaa nu dayday, baa shiasə Zwitə Nwi faŋ ŋkə jwi nə mənɔŋ-bwaŋnə nə. Nsɔꞌ kəŋ wə ghɔ́ weꞌ shɔ̀ɔ.

Hibru 12:2

Bàw nsiŋ tə sɨ sheꞌ maa Yeso faŋ ŋwə nə ŋaꞌsə jɨɨ tɨ́ nsiŋ, tɨ́ kaꞌ nsiŋ nùŋ fwi saŋ-nsiŋ maa ŋwə. Ŋwə baa luu gaŋtə nsiŋ, tɨ́ kaꞌ nsiŋ kɨ gə nə vɨsɨ, kɨ bɨbiŋ nu ki, zìꞌ maa vəndwə. Ŋwə nə bìŋ maa məku ŋkee yiku tɔ dɨɨ fuu fəŋkɔꞌ fə ŋkɨꞌsə, kee shə̀ŋ maa nu tɔ dɨɨ kɔ́ me. Ŋwə nə tə̀ sɨ laa yi ndɔ kii məŋaytə ŋgwə faŋ Nwi nùŋsə tɨ́ ŋwə nə. Nɨniŋ, ŋwə dùꞌ fuu ŋkaw yifwàŋ maa kwiŋ maꞌnə Nwi ndwə.

Hibru 4:14

Nsiŋ tɨŋ sheꞌ maa nu ŋkɨə faŋ nsiŋ bìŋ yikəꞌ vɨɨ nə, buꞌ laa wuu kwalə məfeꞌ Nwi lùu shɔ, faŋ ŋwə tɨ̀ŋ tɔ nsiŋ. Wuu kwalə məfeꞌ Nwi ghɔ́ lùu Yeso, wee Nwi, faŋ ŋwə nə koꞌ gə̀ yɨ Nwi yizɔ.

Hibru 6:4

Viŋ kɔꞌ kɨɨ laa, wə kɨ luu kɨ̀ɨ nə nu Nwi, kɨ̀ɨ nə Yeso, wuu məbweysə ŋwaa-nsiŋ, baa fì Zwitə Ley Nwi,

2 Pita 2:21

Ŋkə nə bàw tɨ́ vəŋ laa kɨ vəŋ fɔŋ bɨ kɨ̀ɨ nə jɨɨ faŋ lùu jɨɨ yiloomə me, fɨ ghɔ vəŋ kɨ̀ɨ nə jɨɨ yɔ́, baa bəŋ kìasə ŋwaa vəŋ, mèꞌtə ntɨsə Nwi, kee baa kɨ beꞌsə ntɨsə sɔ́ faŋ vɨ nə fɨ̀ꞌtə tɨ́ vəŋ nə me.

1 Jɔn 5:16

Nɨniŋ, wə kɨ luu yè weenshu wi wuu Nwi, faŋ ŋwə yɨ nu bwə faŋ kɨ kaꞌ nu kɔ́ kee zwì fwi yi me, ŋwə ndwaŋ Nwi tɔ ŋwə, laa Nwi ndɔ kɔ məbwey vəlwaŋ tɨ́ ŋwə. Ŋkə yaa kɨ luu nɨniŋ tɨ́ vɨɨ mbɨə faŋ vəŋ yɨ nu bwə faŋ kaꞌ ŋkə kee zwì fwi vəŋ me. Viŋ kɔꞌ kɨɨ laa nu bwə mɔ́ꞌ lùu shɔ faŋ ŋkə yaa kɨ zwi fwi wə; kɨ mə kee gì laa wə ndwaŋ Nwi maa kəŋ nu bwə yiŋkii me.