Hibru 6:4 - Vengo (Babungo)

⁴ Viŋ kɔꞌ kɨɨ laa, wə kɨ luu kɨ̀ɨ nə nu Nwi, kɨ̀ɨ nə Yeso, wuu məbweysə ŋwaa-nsiŋ, baa fì Zwitə Ley Nwi,

Hibru 6:4 ပူးပေါင်းရင်းမြစ်များ

Matiu 12:45

Nɨniŋ, ŋkə baa gə̀ ndì vəzwitə vəbwəvə vəmɔ́ꞌ faŋ mbə bɨ shɔ̀ɔ ŋkə ghee kwatia, ghɔ vɨ mbə jwi ŋìi shɔ, kɨ shi shɔ. Nu wə ghɔ́ fɨ yiba ndɔ kɨ nii bɨ shɔ̀ɔ ŋkə vɨsɨ. Luu sheꞌ faŋ ŋkə ndɔ gay maa ŋgwisə vɨɨ və̀ nɨzi.

Matiu 5:13

«Viŋ lùu fəŋway taa mbi, luu nə, fəŋway kɨ luu kee baa kɨ ndɨŋ me, buu sii kaꞌ vɨ yɨ kɨkə mfə baa ndɨ̀ŋ? Maa mfə kee baa lùu maa nu me; vɨ meꞌ fu, vɨɨ kɨ toꞌ, shɔɔ, jeꞌtə nə ghuu vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:6

Wə tɨ̀ me wə faŋ ŋwə kee lùu taa ŋwaa mə me, buu vɨ taa shia ŋwə yaa təntaŋ tə tɨ tɔ́. Ntə yɔŋ, vɨ shaꞌ twàŋ taa wi, ntə kɨɨ, mè.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:27

Jɔn bəŋsə tɨ́ vəŋ laa, «Kaꞌ wə kee fì fa, maa laa Nwi kɔ̀ tɨ́ ŋwə fɨ yizɔ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:10

Yeso bəŋsə tɨ́ ŋwə laa, «A nii toꞌ kɨɨ nə vəkɔ və Nwi, nə wə ntɨə faŋ ŋwə gisə tɨ́ ghɔ laa, Kɔ mə nə muu mə nu, buu a bitə tɨ́ ŋwə, ŋwə kɔ ghɔ nə muu mə vəlwaŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:32

Yeso bəŋsə tɨ́ vəŋ laa, «Viŋ zɔ! Mə gì tɨ́ viŋ yinsəŋ laa, Nə kee kɔ̀ Mose kɔ̀ fazɨ ŋkɨə faŋ ŋkə ndɔ̀ fɨ yizɔ tɨ́ viŋ me. Ndɔ kɨ kɔ Tii ŋwaa kɔ ŋkee fazɨ yinsəŋ tɨ́ viŋ faŋ ŋkə ndɔ̀ fɨ yizɔ.

Akts 10:45

Nu kɔ́ ghɔꞌ vɨɨ məbiŋ Kristo fɨ taa ŋwaa vɨɨ Jus, faŋ vəŋ nə jwì ghɔ vɨ Pita nə. Shuu vəŋ yɔŋ laa Nwi tù Zwitə Ley ki maa vɨɨ faŋ vəŋ nə kee lùu vɨɨ Jus me, faŋ vɨ nə kee sɨ̀ɨtə vəŋ me. Nwi nə key vəŋ nə Zwitə Ley ki,

Akts 11:17

Faŋ Nwi nə kèy vɨɨ vɔ́ sheꞌ nɨndɨŋ yaa nsiŋ, faŋ nsiŋ nə nùŋ fwi saŋ-nsiŋ maa Yeso Kristo nə, mə sii lùu ndə, tɨ́ kaꞌ mə fə̀ŋ Nwi.»

Akts 15:8

Nwi, faŋ ŋwə kɨɨ nə ŋiꞌ fwi vɨɨ, biŋ vəŋ, kɔ̀ Zwitə Ley ki tɨ́ vəŋ, sheꞌ faŋ ŋwə nə kɔ̀ tɨ́ nsiŋ nə.

Akts 8:20

Pita gi tɨ́ ŋwə laa, «Viŋ ka wə ndi, buꞌ faŋ a bɨꞌtə laa kaꞌ a ndì ka, ywàŋ fa ŋkɨə faŋ Nwi key vɨɨ shɔ nə.

Roma 1:11

Mə buꞌ ghɔ nɨniŋ, buꞌ laa jɨŋ yiŋ zasə mə maa məye viŋ, tɨ́ kaꞌ mə gaŋtə viŋ fɨ maa Zwitə Nwi, viŋ baa weꞌ.

2 Kɔrintian 4:4

Tɨɨ vəzwitə vəbwəvə faŋ ŋwə sɔꞌ mbi nyə̀, kìasə fwisə vɨɨ vɔ́, laa mbɨꞌtə vəŋ kee ley me, vəŋ kee nùŋ fwisə vəŋ maa Kristo me. Ŋwə yɨ̀ nɨniŋ laa kɨ vəŋ ye məley nu Nwi me, kee kɨ zɔ ntɔŋ yijəə Nwi kɔ̀ŋ Kristo faŋ ŋwə bàw shɔ̀ɔ, baa fɨnə Nwi me.

2 Kɔrintian 4:6

Nwi, faŋ ŋwə nə gì laa, «Bàw məley kɨ bee, fùu fɨ taa mfiŋsə,» ŋwə baa yɨ̀sə məley bee taa fwisə yia, maa məkɔ tɔ ley tɨ́ yia, tɨ́ kaꞌ yia kɨ̀ɨ nə yikwalə Nwi, faŋ nyə fùu ntee taa ŋwaa Kristo.

Galatia 3:2

Mə kəə bitə nu tɨ́ viŋ kəmuꞌ. Ŋkə lùu laa, «Zwitə Ley Nwi, faŋ ŋkə nə ŋìi maa viŋ nə, ŋkə nə ŋìi maa viŋ, buꞌ faŋ viŋ nəə zɔnə nuŋsə vɨɨ Jus mu, mu nə luu buꞌ laa viŋ nə zɔ̀ ntɔŋ Nwi yijəə, nùŋ fwi siŋ maa ŋwə?»

Galatia 3:5

Viŋ yè faŋ Nwi kɔ̀ Zwitə ki tɨ́ viŋ. Ŋwə yɨsə vənu vəkwalə taa ŋwaa viŋ. Nɨniŋ, luu buꞌ laa viŋ zɔnə ntɨsə Nwi nə wutə mu, mu luu buꞌ laa viŋ zɔ ntɔŋ Nwi yijəə, kwàŋ fwi siŋ maa ŋwə? (Maa lùu buꞌ faŋ viŋ nùŋ fwi siŋ maa Kristo nə.)

Efesɔs 1:18

Mə baa buꞌ ghɔ tɨ́ Nwi, laa ŋwə yɨsə sɨ ghiŋ ŋaꞌsə, tɨ́ kaꞌ viŋ kɨ̀ɨ nə ŋiꞌ nu ŋkɨə faŋ ŋwə tìi viŋ shɔ nə, ndɔ kɨɨ laa məbwey vəlwaŋ faŋ ŋwə kɔ̀ꞌnə tɨ́ vɨɨ vi nə, luu ŋkee nu jəə.

Efesɔs 2:8

Nwi nə bweysə viŋ buꞌ gəŋsə Nwi, faŋ viŋ nùŋ fwi siŋ maa Kristo. Kee bee gaŋtə viŋ gàŋtə yiŋwaa yiŋ me; nə key sheꞌ Nwi kèy viŋ shɔ.

Efesɔs 3:7

Mə nə kìasə gù wuu faꞌ ntɔŋ yijəə yɔ́, faŋ Nwi nə kèe gəŋ saŋ, kèy mə nə faꞌ ghɔ́ nə, sùŋtə mə ŋkee nə wutə ki kəkwalə.

Efesɔs 4:7

Ŋwə nə tu mənɔŋ-bwaŋnə tɔ nsiŋ vənshə, key nsiŋ vənshə nə vəkeynə vi, sheꞌ faŋ Kristo fɨ̀ꞌ vəkeynə vɔ́ tɨ́ nsiŋ tɔ tɔ.

1 Timoti 4:14

Kɨ shiasə nu ŋkɨə faŋ Nwi nə kèy ghɔ shɔ nə me, faŋ nshiisə-ŋii sɔghɔ nə fɨ̀ꞌtə nu buꞌ ghɔ, faŋ vɨɨ taa fɨ taa məshəŋtə vɨɨ Nwi nə mɔꞌ ghɔ vəŋ tɔ ghɔ nə me.

2 Timoti 2:25

Bàw ŋwə kɔ bəŋsə tɨ́ vɨɨ mətwey nu Kristo taa gɨ yibwaŋnə, laa kaꞌ yighee mɔ́ꞌ Nwi gaŋtə vəŋ, vəŋ kwiinə fwisə vəŋ, kɨ̀ɨ nə nu yinsəŋ,

2 Timoti 4:14

Alesanda, wuu ndaa wì, nə yɨsə vənu vəbwəvə vəyaŋ maa mə. Tɨta Nwi ndɔ bəŋsə nu faŋ ŋkə kùꞌ maa nu bwə ki tɨ́ ŋwə.

Hibru 10:32

Viŋ lumə yighee njyə faŋ viŋ nə fɔŋ bìŋ nu Kristo nə. Maa yighee yɔ́ viŋ nə ye ŋɨꞌ buꞌ nu Kristo dɨdɨꞌ. Luu nə, viŋ nə kà fwi yiŋ, tɨ̀ŋnə weꞌ.

Hibru 2:4

Nwi baa luu də̀ laa lùu nu yinsəŋ, faŋ ŋwə nə ndì wutə ki, də̀ vəshwenə, baa yɨsə vənu və shuu yɔŋvə. Ŋwə baa luu kɔ̀ vəkɔ faŋ ŋwə kàw tɨ́ vɨɨ, faŋ mbə ndɔ̀ fɨ yiba Zwitə Ley.

1 Jɔn 5:16

Nɨniŋ, wə kɨ luu yè weenshu wi wuu Nwi, faŋ ŋwə yɨ nu bwə faŋ kɨ kaꞌ nu kɔ́ kee zwì fwi yi me, ŋwə ndwaŋ Nwi tɔ ŋwə, laa Nwi ndɔ kɔ məbwey vəlwaŋ tɨ́ ŋwə. Ŋkə yaa kɨ luu nɨniŋ tɨ́ vɨɨ mbɨə faŋ vəŋ yɨ nu bwə faŋ kaꞌ ŋkə kee zwì fwi vəŋ me. Viŋ kɔꞌ kɨɨ laa nu bwə mɔ́ꞌ lùu shɔ faŋ ŋkə yaa kɨ zwi fwi wə; kɨ mə kee gì laa wə ndwaŋ Nwi maa kəŋ nu bwə yiŋkii me.