Hibru 6:2 - Vengo (Babungo)

² Kɨ yia baa tey kɨ twelə tɨ́ viŋ kɔ̀ŋ nu məfi muu mə Nwi nə məmɔꞌ ghɔ tɔ vɨɨ, baa nə nu ŋkɨə faŋ Nwi ndɔ yweysə vɨɨ fɨ shɨ yiku, ndɔ baa kɨ shia nsɔꞌ tɔ vɨɨ maa yighee shə me.

Hibru 6:2 ပူးပေါင်းရင်းမြစ်များ

Matiu 28:19

Viŋ gə taa məshɨ mənshə fɨ taa mbi, kɨ yɨsə vɨɨ gu vɨɨ məzwetə nu kaŋ. Viŋ kɔ muu mə Nwi tɨ́ vəŋ maa yizii tɨta Nwi, nə yizii Wee (Nwi), baa nə yizii Zwitə Ley,

Matiu 3:14

Jɔn fəŋ ŋwə, gì laa, «Ŋkə nə bàw mə fi muu mə Nwi fɨ ghɔ ghɔ. Sii yɨ̀ kə laa a bee kii jwì maa mə?»

Mark 16:16

Wə ntɨə faŋ ŋwə taa biŋ ntɔŋ yɔ́, fì muu mə Nwi, buu ŋwə ndɔ zɨ məbwey vəlwaŋ. Wə ntɨə faŋ ŋwə kee yibiŋ me, ndɔ ŋii taa nsɔꞌ Nwi.

Mark 7:4

Vəŋ yaa kɨ kuunə fɨ taa yiwiŋ, vəŋ bɨ sɔ̀ yiŋwaa ŋkəə, buu zɨ fa. Nuŋsə vəŋ nə baa lùu yiyaŋ faŋ vəŋ nə nùŋsə, yaa məsɔ ndawsə nə vəntɨɨ baa nə vəntɨɨ və muu.

Mark 7:8

Sheꞌ nee, viŋ mèꞌ ntɨsə Nwi, kɨ jia luu nuŋsə faŋ vɨɨ nùŋsə.»

Lukas 11:38

Wuu Farisii ghɔ́ ye, shuu wi yɔŋ, buꞌ faŋ ŋwə dùꞌ nsi maa shəŋ məzɨ, kee bɨ sɔ ghɔ ghi, buu kɨ zɨ me.

Lukas 12:50

Mə ndɔ ghaa fi muu mə Nwi məmɔ́ꞌ. Nu kɔ́ dɔŋsə mə laa mə gə mètə nu muu kɔ́.

Lukas 14:14

buu mənɔŋ-bwaŋnə lùu tɨ́ ghɔ, buꞌ laa kaꞌ vəŋ kee bə̀ŋsə tɨ́ ghɔ me. A yɨ̀ nɨniŋ, buu Nwi ndɔ bəŋsə tɨ́ ghɔ maa yighee njyə faŋ ŋwə ndɔ yweysə vɨɨ mbɨə faŋ vənu vəvəŋ lùu vəloomə, fɨ shɨ yiku.»

Lukas 3:16

Jɔn bəŋsə tɨ́ vəŋ vənshə, gì laa, «Mə mɔꞌ lùu muu tɔ viŋ. Luu nə, wə ntɨə faŋ ŋwə weꞌ shɔɔ mə, ndɔ jwi kɨ kwaŋ luu Zwitə Ley Nwi maa viŋ, baa nə nsɔꞌ Nwi faŋ nyə twaŋ yibɨsə yinshə yaa wi. Ŋwə kwàlə shɔ̀ɔ mə. Mə kee bee kuꞌnə maa məfaꞌ vəfaꞌ və vəbuꞌ tɨ́ ŋwə, yaa məkeꞌtə kuu gɔsə wi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:33

Jɔn nə gì laa, «Mə yaa kee kɨɨ nə ŋwə me. Luu nə, Nwi faŋ ŋwə nə tɔ̀ŋ mə laa mə jwi kɨ kɔ muu mə Nwi tɨ́ vɨɨ nə, gì shee kɔ̀ŋ ŋwə laa, «Wə ntɨə faŋ a ndɔ ye Zwitə Ley Nwi siꞌ jwì dùꞌ taa ŋwaa ŋwə, buu wə ghɔ́ lùu wə ntɨə faŋ ŋwə ndɔ kɨ kɔ Zwitə Ley Nwi tɨ́ vɨɨ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:29

Vəŋ taa fuu fɨ taa təswi təvəŋ. Vɨɨ mbɨə faŋ vəŋ nə yɨ̀ jəə, fuu maa məzɨ məbwey vəlwaŋ. Vɨɨ mbɨə faŋ vəŋ nə yɨ̀ vənu vəbwəvə fuu maa məŋii taa nsɔꞌ Nwi.

Akts 10:47

«Kaꞌ wə twèy tɨ́ vɨɨ və̀ maa məfi muu mə Nwi mu? Vəŋ duꞌtə vəŋ fi Zwitə Ley Nwi sheꞌ yaa nsiŋ.»

Akts 13:3

Vəŋ baa kɨ baŋ fazɨ, shɔ̀ꞌtə Nwi, mɔ̀ꞌ ghɔ vəŋ tɔ vəŋ, twey vəŋ, vəŋ gə.

Akts 16:15

Yighee njyə faŋ wəzwi ghɔ́ nə vɨɨ ŋiinə vi nə fì muu mə Nwi, ŋwə kɨ nii tìi Pɔɔl ghɔ vɨ vɨɨ vi, laa vəŋ jwi shì taa ŋii ŋwə, faŋ vəŋ bìŋ yinsəŋ laa yi lùu wuu məbiŋ Nwi nə. Wəzwi ghɔ́ dɔɔ vəŋ, vəŋ biŋ.

Akts 16:33

Sheꞌ yighee yɔ́ vətuꞌ, wuu məndeynə vɨɨ ŋii mfiŋ ndi vəŋ, gə̀ sɔ̀ vədɨꞌ fɨ maa vəŋ, ghɔ vɨ vɨɨ vi vənshə kɨ nii fì muu mə Nwi.

Akts 17:18

Vɨɨ mɔ́ꞌ faŋ nə luu vɨɨ məkəə ŋiꞌ mbi, faŋ vɨ tii vəŋ nə vɨɨ Epikurian nə vɨɨ Stoik, zɔ yigisə Pɔɔl nɨzi. Vɨɨ mɔ́ꞌ gi laa, «Wuu shuu yaŋ ŋwə̀ sii taa bee gi kə?» Vɨɨ mɔ́ꞌ gi laa ŋwə kəꞌ yaa wə faŋ ŋwə fɨꞌtə nu vənwi və tɔmə day. Vəŋ nə gì nɨniŋ, buꞌ laa Pɔɔl nəə fɨꞌtə nu Yeso nə nu məywey fɨ shɨ yiku.

Akts 2:38

Pita gi tɨ́ vəŋ laa, «Viŋ kwiinə fwi siŋ, fì muu mə Nwi tɔ tɔ, maa yizii Yeso Kristo, laa Nwi ndenə vənu vəbwəvə viŋ faŋ viŋ nə yɨ̀sə, buu viŋ fi Zwitə Ley Nwi, faŋ Nwi taa key viŋ shɔ nə,

Akts 2:41

Vɨɨ mbɨə faŋ vəŋ nə bìŋ yigi yɔ́, fi muu mə Nwi. Nɨniŋ, vɨɨ yaa ŋkaŋsə sətia kùꞌsə maa nwaa vəŋ sheꞌ maa shi kɔ́.

Akts 23:6

Pɔɔl nə gì nɨniŋ, kɨɨ laa way vɨɨ mɔ́ꞌ fɨ taa ŋwaa vəshɨꞌ vɔ́ nə luu vɨɨ Sadusii, way mɔ́ꞌ luu vɨɨ Farisii, ŋwə yumə taa ŋii nsɔꞌ yɔ́ laa, «Vaŋ-nshwi vaŋ, mə lùu wuu Farisii, baa lùu wee vɨɨ Farisii. Mə lùu taa nsɔꞌ feenə buꞌ laa mə tə sɨ, baa kɨ̀ɨ laa vəŋku və nsisə ndɔ ywey.»

Akts 24:15

Mə kìi məbiŋ maa Nwi sheꞌ yaa vəŋ kìi, laa vɨɨ vənshə, vɨɨ bwənə nə vɨɨ jəənə ndɔ ywey fɨ shɨ yiku.

Akts 24:21

Nu kee lùu shɔ me, tɨ̀ lɨꞌ yighee mɔ́ꞌ nu ŋkɨə faŋ mə yaa tɨŋ taa ŋwaa vəŋ, yùmə laa vəŋ kwàŋ mə taa nsɔꞌ luu buꞌ nu məywey vəŋku və nsisə fɨ shɨ yiku.»

Akts 24:25

Pɔɔl gi kɔ̀ŋ nu məyɨ nu loomə, nə nu məmeꞌtə vənu vəmɔ́ꞌ, baa kɔ̀ŋ shi nsɔꞌ Nwi faŋ ŋkə ndɔ jwi maa yighee yiba. Goməna ghɔ́ fee, gì laa bàw ŋwə gə ndwə, laa yi ndɔ baa kii yighee, buu baa tii ŋwə.

Akts 26:8

Sii yɨ̀ kə ŋkə lùu kəweꞌ tɨ́ viŋ maa məbiŋ laa Nwi yweysə vɨɨ fɨ shɨ yiku?

Akts 4:2

Fwisə vəŋ nə shə̀ buꞌ laa Pita ghɔ Jɔn nəə deesə vɨɨ, gi kɔ̀ŋ nu məywey fɨ shɨ yiku, laa Yeso ywèy fɨ shɨ yiku.

Akts 6:6

Vɨ nuŋsə vɨɨ vɔ́ vɨsɨ vɨɨ ntɔŋ Yeso. Vɨɨ ntɔŋ Yeso shɔꞌtə Nwi, mɔ̀ꞌ ghɔ vəŋ tɔ vɨɨ vɔ́ kwatia nə.

Roma 2:16

Nu kɔ́ ndɔ fuu ntee maa shi ŋkɨə faŋ Nwi ndɔ shoꞌtə vənu və vɨɨ faŋ vəŋ nə ndɨə. Mfɨꞌ yi ndɔ luu ntɔŋ yijəə Nwi buꞌ Yeso Kristo, faŋ mə fɨꞌtə tɨ́ vɨɨ nə.

1 Kɔrintian 10:2

faŋ vəŋ nəə shɔɔ fɨ ŋiꞌ mbɔꞌ yɔ́. Faŋ vəŋ nə shɔ̀ɔ fɨ taa mamuu nə, ŋkə lùu laa vəŋ vənshə nə fì muu nɨniŋ, fàynə gù fa kəmuꞌ ghɔ vɨ Mose.

1 Kɔrintian 12:13

Faŋ nsiŋ kɔlə lùu nɨŋkwiŋ nɨŋkwiŋ nə, faŋ vɨɨ mɔ́ꞌ lùu vɨɨ Jus, vəmɔ́ꞌ lùu vɨɨ Griik, vɨɨ mɔ́ꞌ baa lùu vəbuꞌ, vɨɨ mɔ́ꞌ kee lùu vəbuꞌ me, nsiŋ vənshə nə fì Zwitə Nwi kɔ́ kəmuꞌ.

2 Kɔrintian 5:10

Viŋ kɔꞌ kɨɨ laa nsiŋ vənshə ndɔ koꞌ fuu vəŋkaw və nsɔꞌ və Kristo, tɨ́ kaꞌ wə nə wə fì fɨ ghɔ ŋwə maa nu ŋkɨə faŋ ŋwə nə yɨ̀sə shɨ nsi nyə̀, faŋ ŋkə nə luu kəjəə, tɨꞌnə me kəbwə.

Filipi 3:21

Yighee njyə faŋ ŋwə ndɔ jwi, ŋwə ndɔ yɨsə laa yiŋku yiŋwaa nyaa-nsiŋ nyə̀ gù yaa ŋwaa wi faŋ ŋwə bàw shɨlə nə. Ŋwə ndɔ yɨ nu kɔ́ nə wutə ki kəkwalə, ŋkɨə faŋ ŋkə ndɔ yɨ vətɔ vənshə fɨ mbi zɔnə ŋwə.

Kɔlɔsii 2:12

Faŋ viŋ nə fì muu mə Nwi nə, ŋkə nə lùu yaa vɨ zwì viŋ Kristo mɔ́ꞌ, təə, nshinə yibwə yiŋ ku. Sheꞌ nɨniŋ, Nwi yweysə viŋ vɨ Kristo fɨ shɨ yiku mɔ́ꞌ, buꞌ faŋ viŋ nùŋ fwi siŋ maa wutə Nwi, faŋ ŋwə ywèysə Yeso Kristo fɨ shɨ yiku nə.

2 Timoti 2:18

Vəŋ ndì jɨɨ yinsəŋ Nwi, kɨ gisə laa vəŋku vənsisə duꞌtə vəŋ ywey. Vəŋ kìasə nu Nwi nɨniŋ, ndìsə məbiŋ vɨɨ mɔ́ꞌ faŋ vəŋ nə nùŋ fwi vəŋ maa Kristo nə.

Hibru 11:35

Nwi nə baa luu yɨ̀sə vəki vəmɔ́ꞌ nə yè vɨɨ vəŋ, faŋ vəŋ nə kukə̀, faŋ vəŋ ywèy fɨ shɨ yiku. Vɨɨ mɔ́ꞌ nə yè ŋɨꞌ fɨ ghɔ vɨɨ mbeenə Nwi, kùkə . Vəŋ nə kee twey Nwi, tɨ́ la vɨ meꞌtə vəŋ me, buꞌ laa vəŋ nə nùŋ fwi vəŋ maa Nwi, laa vəŋ ndɔ ywey fɨ shɨ yiku, kìi məbwey jəə fɨ yizɔ.

Hibru 9:10

Ndeysə nə vəkɔ luu sheꞌ vətɔ və shɨ nsi. Mbə luu sheꞌ yaa nuŋsə yimɔ́ꞌ kɔ̀ŋ vətɔ vəzɨvə, nə vətɔ və mənu, nə ŋgunə məsɔ vətɔ. Nuŋsə yinshə lùu vənu və shɨ nsi faŋ mbə dùꞌ sheꞌ maa kuŋtə yighee, zìꞌ maa yighee njyə faŋ Nwi taa də jɨɨ yiday faŋ nyə bàw shɔ̀ɔ nuŋsə yɔ́.

2 Pita 3:7

Nwi nə baa gì laa yizɔ ghɔ nsi faŋ vɨ ye ndee, ndɔ twàŋ wisə twàŋ nyə yinshə. Yizɔ nə nsi ndɔ goꞌ kɔ̀ tɨ́ yighee njyə faŋ Nwi ndɔ kɨ sɔꞌ nsɔꞌsə vɨɨ, ndìsə vɨɨ bwənə faŋ vəŋ kee zɔnə ŋwə me.