Hibru 6:18 - Vengo (Babungo)

¹⁸ Nɨniŋ nə, Nwi də̀ maa jɨɨsə səbɔɔ laa ŋkɔꞌnə yi lùu yinsəŋ. Kaꞌ Nwi kee sɨ̀ɨ ba shɔ me. Ŋkɔꞌnə Nwi yɔ́ nə məlɨꞌtə ghɔ́ kɔ̀ wutə tɨ́ nsiŋ, tɨ́ kaꞌ nsiŋ jìa fwi nɨzi, kɨ tə sɨ maa nu ŋkɨə faŋ Nwi kɔ̀ꞌnə tɨ́ nsiŋ nə.

Hibru 6:18 ပူးပေါင်းရင်းမြစ်များ

Matiu 24:35

Yizɔ ghɔ nsi ndɔ me, luu nə, yigisə nyaa kee mè me.

Matiu 3:7

Luu nə, ŋwə kɨ ye vɨɨ vəyaŋ fɨ taa nwaa vɨɨ Farisii nə fɨ taa nwaa vɨɨ Sadusii, faŋ vəŋ nə jwì maa məfi muu mə Nwi fɨ ghɔ ŋwə, ŋwə gi tɨ́ vəŋ laa, «Aŋ viŋ, vaŋ-ŋkakɨ, sii nàysə ndə tɨ́ viŋ laa kaꞌ viŋ fùu fɨ taa nsɔꞌ Nwi faŋ Nwi ndɔ kwaŋ maa vɨɨ nə?

Lukas 2:25

Maa yighee yɔ́ wə mɔ́ꞌ nə luu shɔ ntɨꞌ Jerusalem, yizii yi luu Saymon. Ŋwə nəə yɨsə vənu faŋ mbə lùu vəloomə, kɔ feenə tɨ́ Nwi, kɨꞌ sheꞌ wə ntɨə faŋ Nwi nə kɔ̀ꞌnə maa mətɔŋ maa məzwisə fwisə vɨɨ Isirayl. Zwitə Nwi luu maa ŋwə.

Roma 15:5

Nshɨ-tɔ Nwi faŋ ŋwə yɨsə vɨɨ jia fwisə vəŋ taa ŋɨꞌ, baa zwìsə fwisə vəŋ nɨzi, yɨsə viŋ bɨꞌtə vənu viŋ shəŋ muꞌ, faŋ mbə kùꞌnə maa nu Yeso Kristo.

Roma 3:25

Nwi nə nuŋsə ŋwə laa ŋwə tu mənshi mi, kù tɔ vɨɨ, gù vəkɔ və Nwi nɨniŋ, yɨsə vəŋ faynə gu fa kəmuꞌ, ghɔ vɨ Nwi, faŋ vəŋ taa nuŋsə fwisə vəŋ maa vəkɔ və Nwi vɔ́. Maa yighee vɨsɨ, Nwi nə jìa fwi yi, kee ta kwàŋ nsɔꞌ tɔ vɨɨ me.

Roma 3:4

Kaꞌ Nwi kee shoꞌ məlɨꞌtə wi me. Nwi luu ŋkee wuu yinsəŋ. Luu nə, wə mənsaw lùu wuu təba. Luu sheꞌ faŋ ŋkə lùu taa ŋwaꞌlə Nwi laa, «O Nwi, vɨ kɨ shoꞌ vənu və maa nsɔꞌ, a fuu yaa wuu loomə sheꞌ buꞌ yigisə yə; a taa ghɔꞌ nu vɨɨ vənshə.»

Roma 5:5

Faŋ nsiŋ kɨꞌ nu kwalə fɨ ghɔ Nwi, buu nsiŋ kee ndɔ ndi tɔ dɨɨ shɔ me, buꞌ laa Nwi nə kwàŋ Zwitə Ley ki taa fwisə nsiŋ, ŋkə lwaŋ, yɨ laa nsiŋ zɔ faŋ Nwi kàw nsiŋ.

Filipi 2:1

Kristo nə kɔ̀ viŋ nə yigi, tɨ́ kaꞌ viŋ tɨ̀sə yiŋwaa yiŋ, viŋ viŋ, baa gaŋtə yiŋwaa yiŋ, viŋ viŋ, fɨ taa ŋkawnə. Viŋ faynə lùu fa kəmuꞌ, viŋ vɨ Zwitə Ley Nwi, baa kee gəŋ siŋ, viŋ viŋ.

Kɔlɔsii 1:23

buꞌ faŋ viŋ kɨ tɨtweꞌ bìŋ Nwi, nùŋ fwi siŋ sheꞌ maa nu Nwi, tɨ̀ŋnə weꞌ, tə̀ sɨ sheꞌ maa vənu mbɨə faŋ viŋ zɔ̀ fɨ taa nu Nwi. Luu sheꞌ nu Nwi kɔ́ faŋ vɨ fɨꞌtə tɨ́ vɨɨ vənshə, ŋkə saynə shɨ nsi kənshə. Mə Pɔɔl nə gù wuu faꞌ nu Nwi kɔ́, laa mə kɨ fɨꞌtə nu Nwi kɔ́ tɨ́ vɨɨ.

Kɔlɔsii 1:27

Ŋkə nə bàw tɨ́ Nwi laa Nwi yɨsə laa vɨɨ vi kɨɨ faŋ yigi yɔ́ dùꞌ, baa kwàlə shɔ̀ɔ. Nyə kìi sey kwalə tɨ́ vɨɨ məshɨ məshɨ. Nu kwalə kɔ́ lùu laa Kristo shi taa fwisə viŋ. Nɨniŋ, viŋ kɨ nii tə̀ sɨ maa vəkeynə və Nwi faŋ mbə kwalə shɔ̀ɔ.

Kɔlɔsii 1:5

buꞌ laa viŋ kɨꞌ vənu mbɨə faŋ Nwi nùŋsə tɨ́ viŋ yizɔ. Nə yɨ̀sə yigisə Nwi kɔ̀ŋ Yeso Kristo, faŋ luu ŋkee nu yinsəŋ, buu viŋ zɔ kɔ̀ŋ vənu vɔ́ faŋ Nwi nùŋsə tɨ́ viŋ yizɔ nə.

1 Tesalonika 1:10

baa nə laa viŋ kɨꞌ Yeso, wee Nwi, faŋ Nwi nə ywèysə ŋwə fɨ shɨ yiku nə, faŋ ŋwə ndɔ siꞌ fɨ yizɔ, jwì bwèysə nsiŋ fɨ taa nsɔꞌ Nwi faŋ nyə ndɔ ŋii maa vɨɨ nə.

1 Timoti 1:1

Lùu mə, Pɔɔl, wuu ntɔŋ Yeso Kristo, faŋ mə tɔ̀ŋ ŋwaꞌlə ŋwə̀ tɨ́ ghɔ, Timoti. Nshɨ-tɔ Nwi, wuu məbweysə ŋwaa-nsiŋ, nə Yeso Kristo, faŋ nsiŋ kɨꞌ ŋwə nə, nə tìi mə maa faꞌ ŋwaa ghɔ́.

1 Timoti 6:12

Kɨ̀ saŋ ŋwaa maa nu ŋkɨə faŋ a nùŋ fwi yə maa Kristo nə, fi məbwey vəlwaŋ faŋ Nwi tìi ghɔ shɔ nə, faŋ a nə biŋ jəə yikəꞌ vɨɨ vənshə, vəŋ zɔ.

2 Timoti 2:13

Nsiŋ kɔlə kɨ luu kee bìisə ghuu maa nu ki me, buu ŋwə kɨ bii wuu yinsəŋ; kaꞌ ŋwə kee twèy nu ki me.»

Taytəs 1:2

Mə faꞌ faꞌ ghɔ́ buꞌ laa mə kɨꞌ məbwey vəlwaŋ faŋ ŋwə gòꞌsə yighee muꞌ. Nshɨ-tɔ Nwi faŋ ŋwə kee yaa kɨ sɨɨ ba me, nə kɔ̀ꞌnə shù fɨshi maa məndɔ kɔ məbwey vəlwaŋ ghɔ́ tɨ́ vɨɨ.

Hibru 11:7

Gə fɨ maa Noa, yighee njyə faŋ ŋwə nə zɔ̀ nu ŋkɨə faŋ Nwi nəə kəə yɨsə, ŋwə nuŋ fwi yi maa Nwi, faŋ ŋwə nə kee bee kɔlə yè nu kɔ́ nə yisɨ nə me. Ŋwə nə biŋ, zɔ̀nə Nwi, kɔŋ ŋkee bay kwalə, tɨ́ kaꞌ ŋwə ndɔ ŋii tey yi ghɔ vɨ vɨɨ vi, bwèy fɨ ghɔ muu. Faŋ ŋwə nə yɨ̀ nɨniŋ nə, ŋwə də tɨ́ vɨɨ laa nsɔꞌ Nwi ndɔ luu tɔ vəŋ. Ŋwə baa luu gù wə faŋ Nwi nə ndi ŋwə yaa wuu loomə, buꞌ laa ŋwə nə nùŋ fwi yi maa Nwi.

Hibru 3:11

Nɨniŋ, fwi Nwi nə zà maa vəŋ, ŋwə lɨꞌtə gì laa, bàw laa kɨ vəŋ ndɔ ŋii shəŋ jəə kaŋ faŋ kaꞌ vəŋ kìi məshəŋ ŋwaa shɔ me.»

Hibru 3:6

Jwi maa Kristo, ŋwə lùu ŋkee Wee Nwi faŋ ŋwə shiinə njiinə ŋii. Ŋii yi yɔ́ lùu nsiŋ. Nsiŋ lùu vɨɨ ŋiinə vi, faŋ nsiŋ tə̀ sɨ maa məbwey vəlwaŋ, faŋ nsiŋ kɨꞌ ŋwə nə fwi yimuꞌ nə, tweꞌ shɔ, zìꞌ maa vəndwə nə məŋaytə.

Hibru 6:17

Sheꞌ nɨniŋ, Nwi nəə kəə də̀ tɨ́ vɨɨ mbɨə faŋ Nwi nə kɔꞌnə vəŋ nə, laa yi taa kɔ fa ŋkɨə faŋ yi kɔ̀ꞌnə tɨ́ vəŋ nə, kee kwìinə fwi yi me. Nɨniŋ, ŋwə lɨꞌtə nu ŋkɨə faŋ ŋwə kɔ̀ꞌnə nə.

Hibru 7:19

Ntɨsə sɔ́ nə kɨ kaꞌ nsə kee yɨ̀sə wə lùu wuu jəə tɨ́ Nwi me. Nwi bee kii jwì nə nu faŋ ŋkə bàw, faŋ nsiŋ nùŋ fwi saŋ-nsiŋ shɔ, tɨ́ kaꞌ nsiŋ shəŋtə yɨ Nwi.

Hibru 7:21

Gə fɨ maa Yeso, nə lɨꞌtə nshɨ-tɔ Nwi tɨ́ ŋwə, faŋ ŋkə lùu taa ŋwaꞌlə Nwi laa, «Nwi lɨ̀ꞌtə tɨ́ ghɔ laa a lùu wuu məfeꞌ Nwi faŋ ŋwə gòꞌsə yighee muꞌ. Nwi gì nɨniŋ, yigisə yi kee ndɔ kwiinə me.»

1 Jɔn 1:10

Nsiŋ kɨ luu kɨ gisə laa nsiŋ kee yɨ̀ nu bwə me, buu nsiŋ tii Nwi nə wuu ba, nu ki kee lùu taa fwisə nsiŋ me.

1 Jɔn 5:10

Nɨniŋ, wə ntɨə faŋ ŋwə nùŋ fwi yi maa Wee Nwi, buu nu məbiŋ kɔ́, faŋ Nwi twèlə tɨ́ ŋwə nə, gòꞌsə taa fwi ŋwə. Wə ntɨə faŋ ŋwə kee bìŋ yigisə Nwi me, buu wə ghɔ́ tii Nwi nə wuu ba, buꞌ faŋ ŋwə kee bìŋ nu ŋkɨə faŋ Nwi twelə buꞌ ŋwiŋ wi me.