Hibru 6:12 - Vengo (Babungo)

¹² Yia kee kəə laa viŋ kɨ bəə ŋay me, yia kəə laa viŋ kɨ beꞌsə vɨɨ mbɨə faŋ vəŋ nùŋ fwisə vəŋ maa Nwi, twèꞌ shɔ, tɨ́ kaꞌ vəŋ ndɔ zɨ məbwey vəlwaŋ faŋ Nwi kɔ̀ꞌnə maa məkɔ tɨ́ vɨɨ vi nə.

Hibru 6:12 ပူးပေါင်းရင်းမြစ်များ

Matiu 22:32

«Mə lùu Nwi Abraham, baa lùu Nwi Isak, nə Nwi Jeykob» nə yimu? (Nwi nə gi nɨniŋ maa yighee njyə faŋ vɨɨ vɔ́ nə duꞌtə vəŋ kukə fɨshi.) Nɨniŋ, ŋwə kee lùu Nwi vəŋku və nsisə me, lùu Nwi vɨɨ bweynə.»

Matiu 25:26

Tɨɨ faꞌ wi bəŋsə tɨ́ ŋwə laa, «A lùu wuu faꞌ bwə, baa lùu wuu bəə ŋay. A yaa kɨɨ laa mə shwi faŋ mə kee yisɔ me, baytə faŋ mə kee yimɔꞌ me lee?

Lukas 16:22

Kɨ lùu maa shi mɔ́ꞌ, wuu ŋɨꞌ ghɔ́ ku. Nshiisə-ŋiisə Nwi jwi ndì ŋwə, koꞌ gə̀ nə ŋwə yizɔ, nùŋ ŋwə yɨ tii ŋwaa-nsiŋ Abraham. Tɨɨ ka ghɔ́ baa luu kù nɨzi, vɨ təə ŋwə.

Lukas 8:15

Gə fɨ maa say ŋgɨə faŋ ŋə fìŋkə taa shɔꞌ jəə nə, lùu yaa nu vɨɨ mbɨə faŋ vəŋ zɔ̀ yigisə Nwi, jìa jəə taa fwisə vəŋ, twèꞌ shɔ, kɨ yɨsə vənu vəjəəvə.»

Roma 12:11

Viŋ kɨ faꞌ nə wutə, kee bəə ŋay me, faꞌ luu fɨ maa Zwitə Ley Nwi, faꞌ tɨ́ Nwi nə fwi yimuꞌ.

Roma 2:7

Ŋwə ndɔ kɔ məbwey vəlwaŋ tɨ́ vɨɨ mbɨə faŋ vəŋ twèꞌ maa məyɨ nu jəə, tə̀ sɨ maa nu ŋkɨə faŋ ŋkə kee ndɔ mè me, baa kəə jɨɨ laa vəŋ baw mètə, tɨ́ kaꞌ Nwi bəŋsə vəŋ.

Roma 4:12

Abraham baa lùu tɨɨ vɨɨ mbɨə faŋ vɨ sɨ̀ɨtə vəŋ, kee sɨ̀ɨtə vəŋ dayday me. Vɨ sɨ̀ɨtə vəŋ, vəŋ baa luu toꞌ ghuu yitoꞌ tɨɨ vəŋ Abraham, nùŋ fwisə vəŋ maa Nwi, sheꞌ faŋ tii ŋwaa-nsiŋ Abraham nə duꞌtə ŋwə yɨ maa yighee njyə faŋ vɨ nə kee ta sɨ̀ɨtə ŋwə me.

1 Tesalonika 1:3

Yia kɨ lumə vəfaꞌ vəjəəvə viŋ faŋ viŋ faꞌ buꞌ məbiŋ wiŋ maa Nwi, baa nə vənu vəjəəvə viŋ faŋ viŋ yɨsə fɨ taa ŋkawnə, baa lumə faŋ viŋ jìa fwi, kɨ̀ꞌ tɨta ŋwaa-nsiŋ Yeso Kristo maa yizii Nwi, faŋ lùu Tii ŋwaa-nsiŋ nə.

2 Tesalonika 1:4

Nshɨ-tɔ wia ŋaytə, baa bə̀ŋsə viŋ fɨ taa vəməshəŋtə və vɨɨ Nwi, buꞌ laa viŋ jìa fwi siŋ, nùŋ sheꞌ maa Kristo ghee nshə, faŋ vɨɨ shoꞌ ghuu ghiŋ, kwaŋ ŋɨꞌ maa viŋ nə.

Hibru 1:14

Nshiisə-ŋiisə Nwi sənshə luu sheꞌ vəzwitə faŋ vəŋ faꞌ tɨ́ Nwi, faŋ ŋwə tɔ̀ŋ vəŋ laa vəŋ gə gàŋtə vɨɨ mbɨə faŋ Nwi taa bweysə vəŋ nə.

Hibru 10:36

Nu ŋkɨə faŋ ŋkə bàw tɨ́ viŋ, lùu laa viŋ goꞌsə viŋ vɨ Kristo, kee bwa me, tɨ́ kaꞌ viŋ kɨ yɨsə nu ŋkɨə faŋ too Nwi kàw, buu viŋ taa fi məbwey vəlwaŋ faŋ Nwi nə kɔꞌnə tɨ́ viŋ nə.

Hibru 11:33

Vəŋ vənshə nə nùŋ fwisə vəŋ maa Nwi, faŋ vəŋ nə tùŋ yighaw ghɔ vɨ məshɨ məmɔ́ꞌ, ghɔꞌ vəŋ. Vəŋ nə sɔ̀ꞌ maa jɨɨ yijəə. Vətɔ faŋ Nwi nə kɔ̀ꞌnə maa məkɔ tɨ́ vəŋ, nə zìꞌ ghɔ vəŋ. Nwi nə yɨ̀ laa kɨ vəbikəə kwə vəŋ me.

Hibru 12:1

Gə fɨ maa nsiŋ, faŋ nsiŋ yè nwaa vɨɨ vɔ́ faŋ vəŋ nə nùŋ fwisə vəŋ maa Nwi, də̀ jɨɨ tɨ́ nsiŋ nə, bàw nsiŋ meꞌ vənu mbɨə faŋ kaꞌ mbə fə̀ŋ jɨɨ nyaa-nsiŋ, nə vənu vəbwəvə faŋ mbə jia nsiŋ nə wutə nə. Nsiŋ ka fwi, kɨ gə vɨsɨ, nyɨŋ ghuu ŋgɨə faŋ ŋgə lùu vɨsɨ nsiŋ nə.

Hibru 13:7

Viŋ lumə vɨɨ mbɨə faŋ vəŋ nə fɔŋ kìi viŋ, də̀ jɨɨ tɨ́ viŋ, baa fɨ̀ꞌtə yigisə Nwi tɨ́ viŋ. Viŋ ywiitə faŋ nshinə vəŋ nə dùꞌ ziꞌ maa shi yiku vəŋ. Viŋ nuŋ fwi siŋ maa Nwi sheꞌ faŋ vəŋ nəə yɨsə nə.

Hibru 5:11

Yigi kɨ bii yiyaŋ faŋ yia kəə naysə tɨ́ viŋ kɔ̀ŋ nu Kristo yaa wuu məfeꞌ Nwi kwalə, luu nə, ŋkə lùu kəweꞌ maa mətwelə tɨ́ viŋ, buꞌ laa vənu kee yasə lèy tɨ́ viŋ me.

Hibru 6:15

Buꞌ ŋkɔꞌnə Nwi yɔ́, Abraham jia fwi yi, kɨ kɨꞌ, kee bwa me, buu kii fa ŋkɨə faŋ Nwi kɔꞌnə maa məkɔ tɨ́ ŋwə nə.

Jeyms 1:3

fɔnə viŋ kɔꞌ kɨɨ laa viŋ kɨ luu nùŋ fwi siŋ maa Nwi maa yighee məmɔŋ, buu fwi siŋ taa metə wèꞌ, tɨ̀ŋ jəə.

2 Pita 1:10

Nɨniŋ, vaŋ-nshwi vaŋ, viŋ kɨ tɨŋnə weꞌ maa vənu vɔ́, laa viŋ ndɔ zɨ vənu mbɨə faŋ Nwi nə tìi viŋ shɔ nə. Viŋ kɨ luu kɨ beꞌsə vənu vɔ́, kaꞌ viŋ kee ndɔ baa gu me.

1 Jɔn 2:25

Nu ŋkɨə faŋ nshɨ-tɔ Yeso nə kɔ̀ꞌnə maa məndɔ kɔ tɨ́ viŋ, lùu məbwey vəlwaŋ.

Reveleyshən 13:10

Kɨ luu Nwi nuŋsə wə maa məŋii taa ŋii mfiŋ, buu ŋwə ndɔ ŋii mfiŋ. Kɨ luu Nwi nuŋsə wə laa vɨ zwi ŋwə nə baꞌ yighaw, buu vɨ ndɔ zwi ŋwə nə baꞌ yighaw. Bàw laa vɨɨ ley Nwi kɨ jiatə fwisə vəŋ, nùŋsə fwisə vəŋ sheꞌ maa Nwi buꞌ nu kɔ́.