Hibru 6:11 - Vengo (Babungo)

¹¹ Yia kəə sheꞌ laa wə tɨ́ me wə fɨ taa ŋwaa viŋ kɨ faꞌ nə wutə, gə ziꞌ maa vəndwə, kee bwa me, tɨ́ kaꞌ viŋ ndɔ kii məbwey vəlwaŋ faŋ viŋ tə̀ sɨ shɔ nə.

Hibru 6:11 ပူးပေါင်းရင်းမြစ်များ

Matiu 24:13

Luu nə, wə ntɨə faŋ ŋwə jia fwi yi, nùŋ sheꞌ maa Nwi, zìꞌ maa vəndwə, ndɔ bwey.

Lukas 1:1

Vɨɨ vəyaŋ nə duꞌtə vəŋ nyɔ̀ꞌ kɔ̀ŋ vənu mbɨə faŋ mbə nə gày taa ŋwaa nsiŋ.

Roma 12:8

Wə ntɨə faŋ Nwi kɔ̀ wutə tɨ́ ŋwə maa mətɨsə vɨɨ, bàw ŋwə kɨ tɨsə vɨɨ. Wə ntɨə faŋ ŋwə gaŋtə vɨɨ ŋɨꞌ, kɨ yɨsə nɨniŋ nə fwi yimuꞌ. Wə ntɨə faŋ ŋwə ndeynə nshəŋtə vɨɨ Kristo, kɨ faꞌ faꞌ ghɔ́ nə wutə. Wə ntɨə faŋ ŋwə gaŋtə vɨɨ, kɨ yɨ nɨniŋ nə məsaylə.

Roma 15:13

Nwi faŋ ŋwə yɨsə vɨɨ kɨꞌ məbwey vəlwaŋ, kwàŋ məŋaytə nə məduꞌ-nyɔŋ taa fwisə viŋ, ŋwə lwaŋ, buꞌ faŋ viŋ nùŋ fwi siŋ maa ŋwə nə. Zwitə Ley Nwi baa luu kɔ̀ wutə tɨ́ viŋ, tɨ́ kaꞌ viŋ kɨ kɨꞌ məbwey ghɔ́ nə fwi yiŋ yinshə.

1 Kɔrintian 13:13

Vənu lùu shɔ vətia faŋ kaꞌ mbə kee ndɔ mè me. Nu kəmuꞌ lùu laa nsiŋ kɨ nuŋ fwi saŋ-nsiŋ maa Nwi. Nu mɔ́ꞌ lùu məbwey vəlwaŋ faŋ nsiŋ kɨꞌ fɨ ghɔ Nwi nə. Nu lwesə vətia luu ŋkawnə. Fɨ maa vənu və̀ vətia nə, nu ŋkawnə kwàlə shɔ̀ɔ vənu vɔ́ vənshə.

1 Kɔrintian 15:58

Nɨniŋ, vaŋ-nshwi vaŋ faŋ mə kàw, viŋ kɨ tɨŋnə weꞌ. Viŋ goꞌ fa kəmuꞌ viŋ vɨ Kristo. Viŋ kɨ faꞌ faꞌ Nwi nə fwi yinshə, buꞌ laa viŋ kɔꞌ kɨɨ laa faꞌ ŋgwə faŋ viŋ faꞌ tɨ́ tɨta Yeso, kee ndɔ ndi day me.

Galatia 5:5

Gə fɨ maa yia, yia nùŋ fwi sia maa wutə Zwitə Nwi, kɨꞌ laa Nwi ndi yia yaa vɨɨ loomə vɨsɨ ŋwə, buꞌ laa yia nùŋ fwi sia maa Kristo.

Galatia 6:9

Nɨniŋ, bàw nsiŋ kɨ yɨ vənu vəjəəvə ghee nshə, kee bwa me. Nsiŋ kɨ luu kee bə̀ŋ nə yiba me, buu nsiŋ ndɔ ye ŋkee nu jəə ŋkɨə faŋ ŋkə fuu fɨ maa faꞌ ŋwaa-nsiŋ ghɔ́ maa yighee njyə faŋ Nwi tə̀.

Filipi 3:15

Gə fɨ maa nsiŋ vənshə faŋ nsiŋ lùu vɨɨ taa taa nu Nwi nə, bàw nsiŋ kɨ kwaꞌtə nu kɔ́ fɨ taa fwisə nsiŋ. Mbɨꞌtə yiŋ kɨ yɨ lùu nɨŋkwiŋ maa nu mɔ́ꞌ, buu Nwi taa də tɨ́ viŋ yiley.

Kɔlɔsii 1:23

buꞌ faŋ viŋ kɨ tɨtweꞌ bìŋ Nwi, nùŋ fwi siŋ sheꞌ maa nu Nwi, tɨ̀ŋnə weꞌ, tə̀ sɨ sheꞌ maa vənu mbɨə faŋ viŋ zɔ̀ fɨ taa nu Nwi. Luu sheꞌ nu Nwi kɔ́ faŋ vɨ fɨꞌtə tɨ́ vɨɨ vənshə, ŋkə saynə shɨ nsi kənshə. Mə Pɔɔl nə gù wuu faꞌ nu Nwi kɔ́, laa mə kɨ fɨꞌtə nu Nwi kɔ́ tɨ́ vɨɨ.

Kɔlɔsii 1:5

buꞌ laa viŋ kɨꞌ vənu mbɨə faŋ Nwi nùŋsə tɨ́ viŋ yizɔ. Nə yɨ̀sə yigisə Nwi kɔ̀ŋ Yeso Kristo, faŋ luu ŋkee nu yinsəŋ, buu viŋ zɔ kɔ̀ŋ vənu vɔ́ faŋ Nwi nùŋsə tɨ́ viŋ yizɔ nə.

Kɔlɔsii 2:2

Mə kɨɨtə, tɨ́ kaꞌ fwi siŋ weꞌ, baa nə laa viŋ kɨ kawnə yiŋwaa yiŋ, gù fa kəmuꞌ, baa nə laa viŋ ndɔ kii ŋkee tɔ ley maa nu Nwi, kɨ̀ɨ nə ŋiꞌ nu Nwi ŋkee jəə, faŋ ŋkə nə ndènə fɨ ghɔ vɨɨ nə. Ŋiꞌ nu Nwi kɔ́ luu sheꞌ nu Kristo, wuu məbweysə ŋwaa-nsiŋ.

1 Tesalonika 1:5

fɔnə ntɔŋ yijəə Nwi faŋ yia nə fɨ̀ꞌtə tɨ́ viŋ nə, kee jwì taa ŋwaa viŋ sheꞌ fɨ maa yigisə shuu me. Ŋkə nə jwì ŋkee nə wutə Nwi, baa nə Zwitə Ley Nwi. Yia nə də̀ tɨ́ viŋ faŋ ntɔŋ yijəə yɔ́ luu ŋkee nu yinsəŋ. Viŋ kɔꞌ kɨɨ faŋ yia nə tòꞌ taa ŋwaa viŋ maa mədə jɨɨ tɨ́ viŋ.

1 Tesalonika 4:10

Viŋ baa luu yɨ̀ nɨniŋ maa vaŋ-nshwi vaŋ-nsiŋ vənshə fɨ shɨ Makedonia. Vaŋ-nshwi via, yia tɨsə viŋ sheꞌ laa viŋ kɔꞌ kɨ gɨgə nə vɨsɨ taa ŋkawnə yiŋ yɔ́.

2 Tesalonika 3:13

Gə fɨ maa viŋ, vaŋ-nshwi via, kɨ viŋ bwa maa məyɨ nu jəə me!

Hibru 10:22

Nɨniŋ, bàw nsiŋ nuŋ fwi saŋ-nsiŋ maa Yeso, jwì yɨ Nwi nə fwi yiley, buꞌ laa mənshi mə Yeso yɨsə fwi saŋ-nsiŋ ley. Nsiŋ lùu vɨɨ faŋ vəŋ sɔ̀ yiŋwaa yivəŋ ŋkee taa muu məleymə, faŋ nsiŋ nə fì muu mə Nwi nə.

Hibru 3:14

Viŋ kɨ lumə laa nsiŋ lùu nə fa kəmuꞌ, nsiŋ vɨ Kristo, faŋ nsiŋ taa kɨ nuŋsə vənu mbɨə faŋ nsiŋ nə bìŋ yighee vɨsɨ nə, gə kɔ maa vəndwə.

Hibru 3:6

Jwi maa Kristo, ŋwə lùu ŋkee Wee Nwi faŋ ŋwə shiinə njiinə ŋii. Ŋii yi yɔ́ lùu nsiŋ. Nsiŋ lùu vɨɨ ŋiinə vi, faŋ nsiŋ tə̀ sɨ maa məbwey vəlwaŋ, faŋ nsiŋ kɨꞌ ŋwə nə fwi yimuꞌ nə, tweꞌ shɔ, zìꞌ maa vəndwə nə məŋaytə.

1 Pita 1:21

buꞌ laa viŋ kwàŋ fwi siŋ maa Nwi buꞌ ŋwə, faŋ Nwi nə ywèysə ŋwə fɨ shɨ yiku, kòꞌsə ŋwə fuu ŋkaw yifwàŋ. Nɨniŋ, kaꞌ viŋ nùŋ fwi siŋ maa Nwi, kɨ kɨꞌ məbwey vəlwaŋ fɨ ghɔ ŋwə.

2 Pita 1:10

Nɨniŋ, vaŋ-nshwi vaŋ, viŋ kɨ tɨŋnə weꞌ maa vənu vɔ́, laa viŋ ndɔ zɨ vənu mbɨə faŋ Nwi nə tìi viŋ shɔ nə. Viŋ kɨ luu kɨ beꞌsə vənu vɔ́, kaꞌ viŋ kee ndɔ baa gu me.

2 Pita 3:14

Nɨniŋ, vɨɨmba vaŋ faŋ mə kàw, viŋ kɨ luu kɨ kɨꞌ vənu vɔ́, viŋ kəə jɨɨ kɨ yɨ vənu vəjəəvə ghee nshə, laa tuu wee-ndoꞌ kee lùu maa viŋ vɨsɨ Nwi me, tɨ́ kaꞌ viŋ Nwi duꞌ nyɔŋ.

1 Jɔn 3:14

Nsiŋ kɔꞌ kɨɨ laa, nsiŋ fuu fɨ shuu yiku, ŋìi taa məbwey vəlwaŋ. Nsiŋ kɨɨ buꞌ faŋ nsiŋ kaw vaŋ-nshwi vaŋ-nsiŋ. Wə ntɨə faŋ ŋwə kee kaw weenshu wi me, gòꞌ shuu yiku.

1 Jɔn 3:19

Kaꞌ nsiŋ kɔꞌ kɨɨ laa, nsiŋ lùu vɨɨ məbiŋ nu yinsəŋ. Kaꞌ fwi saŋ-nsiŋ kee kɨ lɔꞌ vɨsɨ Nwi me.

Reveleyshən 2:26

Wə ntɨə faŋ ŋwə jìa nu kaŋ, kee mèꞌtə me, gə kɔ maa vəndwə, buu mə ndɔ kɔ wutə məsɔꞌ vɨɨ tətɔŋ fu tɨ́ ŋwə.