Hibru 6:1 - Vengo (Babungo)

¹ Faŋ ŋkə lùu nɨniŋ nə, bàw nsiŋ kɨ gə vɨsɨ nə nu ŋkɨə faŋ lùu nu wə faŋ ŋwə ta kùꞌnə. Nsiŋ kee baa kɨ gisə kɔ̀ŋ mfɔŋsə vənu və Kristo me, faŋ lùu laa vɨɨ kwiinə fwisə vəŋ, kee baa kɨ yɨsə vənu vəbwəvə faŋ mbə jwi nə yiku nə me, baa nə laa vɨɨ nuŋ fwi vəŋ maa Nwi. Viŋ duꞌtə viŋ kɨɨ nə vənu vɔ́. Kaꞌ vɨ kee bɔ̀ŋ shɨ ŋii ghee bɔɔ me.

Hibru 6:1 ပူးပေါင်းရင်းမြစ်များ

Matiu 21:29

Ŋwə bəŋsə laa, «Bey, mə kee taa gə me.» Luu nə, sheꞌ fɨkɨꞌ nee, ŋwə kwiinə fwi yi gə̀.

Matiu 21:32

Lùu nɨniŋ buꞌ laa Jɔn nə jwi kɨ də jɨɨ vənu vəloomə tɨ́ viŋ, viŋ kee biŋ yigisə yi me. Gə fɨ maa vɨɨ məsa vətɔ ghɔ vəsakə, vəŋ biŋ. Gə fɨ maa viŋ, viŋ kee kwìinə fwi siŋ bìŋ me, faŋ viŋ nə kɔlə yè nɨniŋ nə.»

Matiu 3:2

gisə laa, «Viŋ kwiinə fwi siŋ, buꞌ laa nu yifwàŋ yizɔ luu nshənə.»

Matiu 4:17

Nə luu maa yighee yɔ́, Yeso tey kɨ fɨꞌtə nu Nwi, gisə laa, «Viŋ kwiinə fwi siŋ, buꞌ laa nu yifwàŋ yizɔ luu nshənə.»

Matiu 5:48

Nɨniŋ, bàw viŋ baw shɨlə yaa tɨta Nwi Tii wiŋ fɨ yizɔ, faŋ ŋwə bàw shɨlə nə.»

Matiu 7:25

Yighuu siꞌ, ghəənə lwaŋ, fɨɨ shɔɔ, kee kwàsə me, buꞌ laa wə ghɔ́ yaa fia fuu nsi yighɔsə.

Mark 1:1

Lùu ntɔŋ yijəə buꞌ Yeso Kristo, Wee Nwi.

Mark 6:12

Yeso mètə yigi yi yɔ́, vɨɨ məzwetə nu ki fuu, gə̀ kɨ fɨꞌtə nu Nwi laa vɨɨ kwiinə njɨɨnə vəŋ.

Lukas 6:48

Kəŋ wə ghɔ́ lùu yaa wə faŋ ŋwə nə fìanə ŋii yi, tə̀ə shɨŋii ŋkee jəə, zìꞌ fuu yighɔsə, buu bɔŋ fuu yi. Yighee njyə faŋ muu nə fùu, mbə nəꞌsə ŋii yɔ́ dɨdu, buꞌ laa vɨ nə fianə ŋkee jəə fuu ŋoꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:44

Nə luu maa yighee yɔ́, Yeso gi ŋkee nəŋay laa, «Wə ntɨə faŋ ŋwə nùŋsə fwi yi maa mə, kee nùŋsə luu sheꞌ maa mə me, ŋwə nùŋsə lùu maa Nwi faŋ ŋwə nə tɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:1

Yeso baa gì tɨ́ vəŋ laa, «Kɨ fwi siŋ kɨ lɔꞌ me! Viŋ nuŋ fwi siŋ maa Nwi, nə maa mə!

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:24

Viŋ zɔ! Mə naysə tɨ́ viŋ yinsəŋ laa, wə ntɨə faŋ ŋwə zɔ̀ yigisə nyaa, bìŋ Nwi faŋ ŋwə nə tɔ̀ŋ mə nə, buu ŋwə fùu fɨ shuu yiku, ŋìi məbwey vəlwaŋ, kee ndɔ baa ŋii taa nsɔꞌ Nwi me.

Akts 11:18

Vɨɨ Jus vɔ́ zɔ nɨniŋ, gày, kɨ bəŋsə Nwi, gi laa, «Yinsəŋ, Nwi kɔ̀ jɨɨ tɨ́ vɨɨ tɔmə day nɨzi, laa vəŋ kwiinə fwisə vəŋ, zɨ̀ məbwey vəlwaŋ nɨzi.

Akts 17:30

Nɨniŋ, Nwi ndenə vənu mbɨə faŋ viŋ nə yɨsə nshi yighee vɨsɨ. Lùu ndwə, ŋwə gì tɨ́ vɨɨ vənshə maa vəshəŋ vənshə, laa vəŋ kwiinə fwisə vəŋ,

Akts 2:38

Pita gi tɨ́ vəŋ laa, «Viŋ kwiinə fwi siŋ, fì muu mə Nwi tɔ tɔ, maa yizii Yeso Kristo, laa Nwi ndenə vənu vəbwəvə viŋ faŋ viŋ nə yɨ̀sə, buu viŋ fi Zwitə Ley Nwi, faŋ Nwi taa key viŋ shɔ nə,

Akts 20:21

Mə nə gì tɨ́ vɨɨ Jus nə tɨ́ vɨɨ Griik, laa vəŋ kwiinə fwisə vəŋ, nùŋ maa Nwi, nə maa tɨta Yeso Kristo.

Akts 26:20

Mə kɨ nii gə fɨ̀ꞌtə nu Nwi tɨ́ vɨɨ ntɨꞌ Damaskɔs, laa vəŋ kwiinə fwisə vəŋ, nùŋ maa Nwi, kɨ yɨsə vənu faŋ mbə kùꞌnə maa vɨɨ, faŋ vəŋ nə kwìinə fwisə vəŋ. Mə kɨ nii baa shɔ̀ɔ gə̀ maa vɨɨ fɨ ntɨꞌ Jerusalem, nə maa vɨɨ vənshə faŋ vəŋ lùu shɨ Judia, baa nə vɨɨ fɨ taa məshɨ məday.

Akts 3:19

Nɨniŋ, viŋ kwiinə fwi siŋ ndwə, kwiinə nshinə yiŋ, laa Nwi ndenə yibɨsə yiŋ faŋ viŋ nə yɨ̀.

1 Kɔrintian 13:10

Yighee njyə faŋ Nwi ndɔ yɨsə vənu vənshə fuu ntee sɨ vɨɨ, buu vənu vɔ́ faŋ mbə kee yikuꞌnə nə me, ndɔ mè.

1 Kɔrintian 2:6

Luu nə, yitɔfə yimɔ́ꞌ lùu shɔ faŋ yia fɨꞌtə nu Nwi tɨ́ vɨɨ mbɨə faŋ nu Nwi lwàŋ taa fwisə vəŋ. Kəŋ tɔ-ley kɔ́ kee ndɔ̀ fɨ taa mbi nyə̀ me, tɨꞌnə me fɨ ghɔ vəwutə faŋ mbə sɔꞌ mbi nyə̀ me.

2 Kɔrintian 7:1

Vɨɨmba vaŋ, faŋ nsiŋ kìi ŋkɔꞌnə nyə̀ nee nə, bàw nsiŋ kiasə yiŋwaa fɨ maa nu bwə tɨ̀ me nu bwə, faŋ ŋkə lùu taa ŋwaa wə, tɨꞌnə me taa zwitə ki. Nsiŋ kɨ yɨ laa nshinə nyaa-nsiŋ taa mètə lèy vɨsɨ Nwi. Nsiŋ yɨ̀ nɨniŋ, fee Nwi.

2 Kɔrintian 7:10

Wə kɨ luu kɨ luŋ maa jɨɨ Nwi, buu məluŋ wi ghɔ́ taa bweysə ŋwə, fwi yi kee sɔꞌ ŋwə faŋ ŋwə kwìinə fwi yi nə me. Kɨ luu wə nə luŋ maa jɨɨ vənu və taa mbi, buu lùu yiku yi.

Efesɔs 2:1

Viŋ yaa luu vəŋku və vɨɨ, buꞌ vənu vəbwəvə viŋ nə ghuu yitoꞌ kiŋ kəbwəkə.

Efesɔs 2:5

kɔ̀ məbwey tɨ́ nsiŋ fɨ yiba Kristo maa yighee njyə faŋ nsiŋ nəə kɨ bii vəŋku və vɨɨ taa nu bwə kaŋ-nsiŋ nə. Luu sheꞌ buꞌ gəŋsə Nwi, laa Nwi bweysə viŋ ndwə.

Efesɔs 4:12

Ŋwə nùŋ vɨɨ vɔ́ nɨniŋ, laa vəŋ kɨ lootə vɨɨ Nwi, vəŋ kuꞌnə maa məfaꞌ faꞌ vəŋ tɨ́ Nwi, laa ŋwaa Kristo kɨ gə vɨsɨ vɨsɨ.

Kɔlɔsii 1:28

Luu sheꞌ nu Kristo kɔ́ faŋ yia fɨꞌtə tɨ́ vɨɨ nə. Yia tɨsə vɨɨ vənshə, baa naysə nu Nwi tɨ́ vɨɨ vənshə nə yitɔfə yinshə, tɨ́ kaꞌ wə tɨ̀ me wə faŋ ŋwə kwàŋ fwi yi maa Kristo, kɨ toꞌ maa jɨɨ njyə faŋ Nwi kàw, maa vənu vənshə.

Kɔlɔsii 3:14

Nu ŋkɨə faŋ ŋkə shɔ̀ɔ vənu vəjəəvə vɔ́ vənshə, lùu laa viŋ kaw wə nə wə. Viŋ kɔꞌ kɨɨ laa ŋkawnə yɨsə vɨɨ faynə gu fa kəmuꞌ. Nshinə vəŋ kɨ nii bàw shɨlə.

Kɔlɔsii 4:12

Epafras, faŋ lùu wuu shɨ wiŋ, baa lùu wuu faꞌ Yeso Kristo nə, shɔꞌtə viŋ nɨzi. Ŋwə shɔꞌtə Nwi tɔ viŋ ghee nshə, ndwaŋ Nwi ŋkee nəŋay laa viŋ ta taa nu Nwi, wèꞌ shɔ, kɨ kɨɨ nə Nwi, tɨ́ kaꞌ viŋ bàw shɨlə, yɨ̀ nu ŋkɨə faŋ Nwi kàw.

1 Timoti 3:16

Nu məbəŋsə Nwi luu ŋkee nu kwalə, kaꞌ wə kee twey me, faŋ ŋkə kɔlə ndènə fɨ yikəꞌ vɨɨ nə. Nu kwalə kɔ́ lùu laa, «Wuu məbweysə ŋwaa-nsiŋ, nə gù wə, fùu yikəꞌ vɨɨ. Nu ki fuu kəloomə buꞌ Zwitə Ley ki. Nshiisə-ŋiisə Nwi ye ŋwə. Vɨɨ fɨꞌtə nu ki taa ŋwaa vɨɨ tətɔŋ fu. Vɨɨ fɨ taa mbi yinshə nuŋ fwisə vəŋ maa ŋwə. Nwi ndi ŋwə, koꞌ nə ŋwə taa yizɔ, yɨ̀sə ŋwə kwalə.»

1 Timoti 6:19

Vəŋ kɨ luu kɨ yɨ nɨniŋ, buu vəŋ baytə nu jəə, faŋ vəŋ ndɔ zɨ yighee yiba, ndɔ zɨ məbwey vəlwaŋ faŋ luu ŋkee məbwey yinsəŋ.

2 Timoti 2:19

Luu nə, shɨ ŋii weꞌnə ŋkɨə faŋ Nwi nə bɔ̀ŋ, gòꞌsə yighee muꞌ. Shwenə ki lùu laa, «Nwi kɔꞌ kɨɨ nə vɨɨ mbɨə faŋ ŋwə nə shòꞌ,» baa nə laa, «Wə ntɨə faŋ ŋwə tii yizii Mɔꞌmbi, bàw ŋwə fuu fɨ taa vənu vəbwəvə.»

Hibru 11:6

Kaꞌ wə kee bàwsə too Nwi, tɨ̀ lɨꞌ laa ŋwə nùŋ fwi yi maa Nwi me. Lùu nɨniŋ buꞌ laa wə kɨ luu kəə jwi yɨ Nwi, ŋwə fɔŋ biŋ laa Nwi lùu shɔ, baa nùŋ fwi yi maa Nwi laa Nwi taa kɨ yɨ jəə maa vɨɨ mbɨə faŋ vəŋ kəə Nwi.

Hibru 12:13

Viŋ kɨ gə nə vɨsɨ, yɨsə fɔꞌ wiŋ luu ley, tɨ́ kaꞌ vɨɨ mbɨə faŋ vəŋ nəə kɨkweꞌ, tɨꞌnə me dɨdəə, kee gù vəndwey me, yuu ndì jɨɨ Nwi me; vəŋ bee kii bɨbwaŋnə.

Hibru 7:11

Nəə toꞌ lùu laa vəfaꞌ və vɨɨ məfeꞌ Nwi fɨ taa ŋiinə Levi, kùꞌnə maa məyɨsə vɨɨ baw tɨ́ Nwi, buu Nwi nə kee nùŋsə wuu məfeꞌ Nwi day, faŋ ŋwə bèꞌsə ghuu Melkizedek, kee kɨ beꞌsə ghuu Aarɔn me. Nu ntɨsə Nwi sənshə fàynə nə nu məfeꞌ Nwi.

Hibru 9:14

Nɨniŋ, faŋ mənshi mə nyaa mbɔ́ kìi wutə maa məyɨsə laa vɨɨ ley, buu mənshi mə Kristo weꞌ shɔ̀ɔ yimbii, sɔ̀ yibɨsə nyaa-nsiŋ, yɨ̀sə laa fwi saŋ-nsiŋ ley. Zwitə Nwi nə kɔ̀ wutə tɨ́ Kristo laa ŋwə ndi ŋkee ŋwaa wi, faŋ nu bwə nə kee bee lùu maa ŋwə nə me, fèꞌ ndey shɔ buꞌ nsiŋ, laa ŋwə yɨ̀sə fwi saŋ-nsiŋ ley, tɨ́ kaꞌ nsiŋ kee baa yɨ̀sə vənu vəbwəvə, faŋ mbə jwi nə yiku nə me. Nɨniŋ laa nsiŋ faꞌ tɨ́ Nwi faŋ lùu Nwi məbwey.

Jeyms 1:4

Nɨniŋ, viŋ jia fwi siŋ, zìꞌ maa yighee shə, laa tuu nu bwə kee lùu taa ŋwaa viŋ me. Kɨ viŋ bəə tuu kee nu jəə fɨ taa ŋwaa viŋ me.

1 Pita 1:21

buꞌ laa viŋ kwàŋ fwi siŋ maa Nwi buꞌ ŋwə, faŋ Nwi nə ywèysə ŋwə fɨ shɨ yiku, kòꞌsə ŋwə fuu ŋkaw yifwàŋ. Nɨniŋ, kaꞌ viŋ nùŋ fwi siŋ maa Nwi, kɨ kɨꞌ məbwey vəlwaŋ fɨ ghɔ ŋwə.

1 Pita 5:10

Nshɨ-tɔ Nwi ndɔ naysə viŋ fɨ maa ŋɨꞌ faŋ viŋ yè maa wee-fɨ-kuŋtə yighee, bɔ̀ŋsə viŋ, kwàŋ wutə maa viŋ, viŋ duꞌ, kee baa nə̀ꞌnə me. Ŋwə lùu wuu məgaŋtə wiŋ nə vənu vənshə, faŋ ŋwə shòꞌ viŋ buꞌ Kristo, viŋ ndɔ baw shɨlə yaa ŋwə, gòꞌsə yighee muꞌ.

1 Jɔn 4:12

Viŋ kɔꞌ kɨɨ laa, tuu wə nə kee ta yè Nwi nə yisɨ me. Luu nə, nsiŋ kɨ luu kɨ kaw nə yiŋwaa nyaa-nsiŋ, buu Nwi taa gòꞌ taa fwisə nsiŋ, ŋkawnə yi lwaŋ taa fwisə nsiŋ. Nsiŋ kɨ nii kàw ŋwə nə vɨɨ nə fwi nyaa-nsiŋ yinshə.