Hibru 5:7 - Vengo (Babungo)

⁷ Faŋ Yeso nə luu shɨ nsi, ŋwə nə shɔ̀ꞌtə Nwi shɔ̀ꞌtə, yùmə ŋkee nəŋay, mənsɨ fiŋkə fɨ sɨ ŋwə, ŋwə buꞌ ghɔ tɨ́ Nwi faŋ ŋwə kìi wutə maa məgaŋtə ŋwə fɨ ghɔ yiku. Nwi nə zɔ̀ məshɔꞌtə wi, buꞌ laa ŋwə nə luu wuu məfee Nwi.

Hibru 5:7 ပူးပေါင်းရင်းမြစ်များ

Matiu 27:46

Kɨ luu maa vəshɨshwi vətia, Yeso yumə ŋkee nəŋay laa, «Eli, Eli, lama sabatani,» faŋ lùu laa, «Nwi ŋwaa, Nwi ŋwaa, a mèꞌtə mə buꞌ kə?»

Matiu 27:50

Yeso baa kii yumə ŋkee nəŋay, zwitə ki kɨ nii yime, ŋwə ku.

Mark 15:34

Kɨ lùu maa vəshɨshwi vətia, Yeso yumə nəŋay laa, «Eloi, eloi, lama sabatani.» Ŋiꞌ yigi yɔ́ lùu laa, «Nwi ŋwaa, Nwi ŋwaa, a sii mèꞌtə mə buꞌ kə?»

Mark 15:37

Yeso baa yùmə nəŋay, kɨ nii yishɨnə.

Lukas 23:46

Yeso yumə nəŋay laa, «Tɨta, mə kɔ zwitə kaŋ taa ghɔ ghɔ.» Ŋwə gi nɨniŋ, kɨ nii yiku.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:14

Yigi yɔ́ nə kìasə gù wə, shi taa ŋwaa nsiŋ. Yia ye feenə wi, faŋ tɨta Nwi nə kɔ̀ tɨ́ ŋwə, buꞌ laa ŋwə lùu yigɨꞌ Wee Nwi. Ŋwə kee gəŋsə vɨɨ dɨdɨꞌ, ndɔ lùu wuu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:35

Vəŋ gə, Yeso gwia.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:42

Mə kɔꞌ kɨɨ laa a zɔ gɨ nyaa ghee nshə. Mə gi nee buꞌ vɨɨ mbɨə faŋ vəŋ tɨŋnə feenə, tɨ́ kaꞌ vəŋ bìŋ laa tɔ̀ŋ ghɔ tɔ̀ŋ mə taa mbi nyə̀.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:1

Faŋ Yeso nə gì vənu vɔ́ mètə, ndèynə yizɔ, shɔꞌtə Nwi, gì laa lee, «Tɨta, yighee kùꞌ, də yikwalə ŋwiŋ wə tɨ́ mbi, tɨ́ kaꞌ vɨɨ kɨ̀ɨ nə yikwalə yə buꞌ mə.

Roma 8:3

Nshɨ-tɔ Nwi yɨ̀ nu ŋkɨə faŋ nə kaꞌ ntɨsə sɔ́ kee yɨ̀ me, buꞌ laa mbasə ŋwaa vɨɨ bəə ŋay. Nwi nə yɨ̀ nu kɔ́ faŋ ŋwə nə tɔ̀ŋ ŋkee ŋwiŋ wi, ŋwə jwi gù ŋkee yaa wə, fɨnə mbasə ŋwaa ŋwaa-nsiŋ vəyɨ-kəbwə. Ŋwə nə yɨ̀ nɨniŋ buꞌ nu bwə, shìa nsɔꞌ tɔ nu bwə ŋkɨə faŋ ŋkə lùu taa mbasə ŋwaa wə.

Galatia 4:4

Luu nə, Nwi kɨ nii tɔ̀ŋ ŋwiŋ wi taa mbi maa yighee njyə faŋ Nwi nə tə. Wəzwi mɔ́ꞌ gɔ ŋwə, bì ŋwə. Ŋwə nəə beꞌsə ntɨsə nsɨə faŋ Nwi nə kɔ̀ tɨ́ vɨɨ Jus nə nɨzi.

1 Timoti 3:16

Nu məbəŋsə Nwi luu ŋkee nu kwalə, kaꞌ wə kee twey me, faŋ ŋkə kɔlə ndènə fɨ yikəꞌ vɨɨ nə. Nu kwalə kɔ́ lùu laa, «Wuu məbweysə ŋwaa-nsiŋ, nə gù wə, fùu yikəꞌ vɨɨ. Nu ki fuu kəloomə buꞌ Zwitə Ley ki. Nshiisə-ŋiisə Nwi ye ŋwə. Vɨɨ fɨꞌtə nu ki taa ŋwaa vɨɨ tətɔŋ fu. Vɨɨ fɨ taa mbi yinshə nuŋ fwisə vəŋ maa ŋwə. Nwi ndi ŋwə, koꞌ nə ŋwə taa yizɔ, yɨ̀sə ŋwə kwalə.»

Hibru 10:10

Lùu nu ŋkɨə faŋ ŋkə yɨ̀sə laa nsiŋ ley vɨsɨ Nwi. Nsiŋ lùu vəley buꞌ laa Yeso Kristo nə yɨ̀sə nu ŋkɨə faŋ Nwi kəə laa ŋwə yɨ. Ŋwə nə kɔ̀ ŋwaa wi yaa ndey tɨ́ Nwi, kù tɔ nsiŋ yighee muꞌ.

Hibru 10:5

Lùu faŋ vɨ nyɔ̀ꞌ taa ŋwaꞌlə Nwi laa, yighee njyə faŋ Kristo nəə kəə jwi shɨ nsi, ŋwə nə gì tɨ́ Nwi laa, «A kee kàw ndey faŋ vɨ fèꞌ nə mənshi mə nyaa nə me. Luu nə, a bɔ̀ŋ ŋwaa ŋwaa shee.

Hibru 11:7

Gə fɨ maa Noa, yighee njyə faŋ ŋwə nə zɔ̀ nu ŋkɨə faŋ Nwi nəə kəə yɨsə, ŋwə nuŋ fwi yi maa Nwi, faŋ ŋwə nə kee bee kɔlə yè nu kɔ́ nə yisɨ nə me. Ŋwə nə biŋ, zɔ̀nə Nwi, kɔŋ ŋkee bay kwalə, tɨ́ kaꞌ ŋwə ndɔ ŋii tey yi ghɔ vɨ vɨɨ vi, bwèy fɨ ghɔ muu. Faŋ ŋwə nə yɨ̀ nɨniŋ nə, ŋwə də tɨ́ vɨɨ laa nsɔꞌ Nwi ndɔ luu tɔ vəŋ. Ŋwə baa luu gù wə faŋ Nwi nə ndi ŋwə yaa wuu loomə, buꞌ laa ŋwə nə nùŋ fwi yi maa Nwi.

Hibru 12:28

Nɨniŋ, bàw nsiŋ kɨ bwaŋ Nwi, buꞌ laa ŋwə bɔ̀ŋ yifwàŋ tɨ́ nsiŋ faŋ kaꞌ nyə kee nə̀ꞌnə me. Nsiŋ kɨ bwaŋ ŋwə maa yifwàŋ yi yɔ́, buu nsiŋ bəŋsə Nwi maa jɨɨ njyə faŋ nyə bàw too ŋwə. Nsiŋ baa luu kɔ feenə tɨ́ ŋwə, faꞌ tɨ́ ŋwə nə məfee,

Hibru 13:20

Nwi faŋ ŋwə kɔ məduꞌ-nyɔŋ ywèysə tɨta ŋwaa-nsiŋ Yeso Kristo fɨ shɨ yiku. Yeso luu nshii nyaa-nsiŋ faŋ ŋwə shii vɨɨ vənshə. Nə luu mənshi mə Yeso faŋ Nwi nə ndì, yɨ̀sə laa məkee mbɨə faŋ Nwi nə kɔ̀ꞌnə tɨ́ nsiŋ nə, weꞌ gòꞌsə yighee muꞌ.

Hibru 2:14

Vaŋ vi vɔ́ lùu vɨɨ faŋ ghɔ vɨ Yeso fàynə. Sheꞌ nɨniŋ, Yeso nə jwì yuu wə, gù yaa vəŋ nɨzi, tɨ́ kaꞌ ŋwə kù, zwì wutə Satan, tɨɨ vəzwitə vəbwəvə, faŋ ŋwə kìi wutə yiku nə.

1 Jɔn 4:3

Wə ntɨə faŋ ŋwə kee bìŋ Yeso nɨniŋ me, buu zwitə ki kee ndɔ̀ fɨ ghɔ Nwi me, buu zwitə yiŋkii ndɔ̀ fɨ ghɔ wuu mbeenə Kristo, faŋ viŋ nə zɔ laa ŋkə ndɔ jwi nə. Ŋkə duꞌtə ŋkə jwì, baa lùu taa mbi ndwə.

2 Jɔn 1:7

Viŋ kɔꞌ kɨɨ laa vɨɨ məbweꞌsə vɨɨ fùu taa mbi vəyaŋ, faŋ vəŋ kee bìŋ laa Yeso Kristo lùu wuu məbweysə ŋwaa-nsiŋ me, faŋ ŋwə ndɔ̀ fɨ ghɔ Nwi me, baa nə laa ŋwə kee jwi mbi gù fa fənshi yaa wə me. Kəŋ wə ghɔ́ lùu wuu məbweꞌsə vɨɨ, baa lùu wuu mbeenə Kristo.