Hibru 5:2 - Vengo (Babungo)

² Wuu kwalə məfeꞌ Nwi lùu wuu zutə faŋ ŋwə kɨɨ gaŋtə vɨɨ mbɨə faŋ vəŋ kee kɨ̀ɨ nə jɨɨ me, tɨꞌnə me ndì jɨɨ. Kaꞌ ŋwə gàŋtə vɨɨ buꞌ laa nshɨ-tɔ wi kɨɨ nə vənu və məmɔŋ, faŋ kaꞌ wə gù shɔ nə.

Hibru 5:2 ပူးပေါင်းရင်းမြစ်များ

Lukas 22:32

Luu nə, mə shɔꞌtə Nwi tɔ ghɔ laa, kɨ nu mənuŋ fwi yə maa mə kee ndɔ mè me. Nɨniŋ, yighee njyə faŋ a ndɔ kwiinə fwi yə, weꞌsə vaŋ-nshwi və!»

2 Kɔrintian 11:30

Kɨ ghaŋ mə nə koꞌsə ŋwaa, buu mə koꞌsə maa vənu və lɨloo.

2 Kɔrintian 12:5

Nɨniŋ, mə taa kɨ koꞌsə ŋwaa buꞌ kəŋ wə ghɔ́, faŋ ŋwə nə yè vənu vɔ́ nə. Luu nə, mə kee taa koꞌsə ŋwaa buꞌ ŋwaa ŋwaa me, tɨ̀ lɨꞌ vənu mbɨə faŋ mbə də məbwa ŋwaa me.

Galatia 4:13

Viŋ kɨ lumə laa, maa mfɔŋ yighee, faŋ mə nə bɨ jwì maa məfɨꞌtə nu Nwi tɨ́ viŋ, mə nə kee lùu taa me.

Efesɔs 4:18

Mbɨꞌtə vəŋ kee ley me. Məbwey Nwi bəə fɨ taa fwisə vəŋ, buꞌ faŋ vəŋ kee kɨ̀ɨ nə nu me, fwisə vəŋ fɨ̀.

1 Timoti 1:13

Ŋwə nə ndì mə maa faꞌ wi faŋ mə nəə kɔlə ndàsə yizii yi maa yighee vɨsɨ, toꞌ shoꞌ ghuu vɨɨ vi, yɨnə vəŋ. Luu nə, ŋwə kee gəŋ saŋ, buꞌ laa mə nəə yɨ vənu vɔ́ nə nshi, kee ta kɨ̀ɨ nə ŋwə, nùŋ fwi nyaa maa ŋwə me.

Hibru 12:13

Viŋ kɨ gə nə vɨsɨ, yɨsə fɔꞌ wiŋ luu ley, tɨ́ kaꞌ vɨɨ mbɨə faŋ vəŋ nəə kɨkweꞌ, tɨꞌnə me dɨdəə, kee gù vəndwey me, yuu ndì jɨɨ Nwi me; vəŋ bee kii bɨbwaŋnə.

Hibru 2:17

Ŋwə nə gù yaa vaŋ-nshwi vi maa jɨɨsə sənshə, tɨ́ kaꞌ ŋwə kèe gəŋsə vəŋ, gù yaa wuu kwalə məfeꞌ Nwi, faŋ ŋwə faꞌ tɨ́ Nwi nə fwi yimuꞌ, laa ŋwə sɔ yibɨsə vɨɨ faŋ vəŋ nə yɨ̀sə nə.

Hibru 2:18

Kaꞌ ŋwə gàŋtə vɨɨ mbɨə faŋ vəŋ kìi məmɔŋ, luu buꞌ laa nshɨ-tɔ wi nə yè ŋɨꞌ nə məmɔŋ nɨzi.

Hibru 4:15

Wuu kwalə məfeꞌ Nwi ghɔ́ lùu wə faŋ ŋwə kɔꞌ kɨɨ maa məkee gəŋsə maa nsiŋ maa məbwa ŋwaa-nsiŋ, buꞌ laa ŋwə nə gù wə yaa nsiŋ, kìi məmɔŋ sheꞌ yaa nsiŋ. Luu nə, ŋwə nə kee yɨ̀ tuu nu bwə me.

Hibru 7:28

Vɨɨ kwalə məfeꞌ Nwi mbɨə faŋ vɨ nùŋsə maa jɨɨ ntɨsə Mose, lùu vɨɨ faŋ vəŋ yaa kɨ gu nu. Gə fɨ Wee Nwi faŋ Nwi nùŋsə ŋwə fɨ maa məkee mbɨə faŋ mbə nə ndì shəŋ ntɨsə sɔ́, ŋwə fàynə ŋkɨɨ Nwi yinshə, gòꞌsə yighee muꞌ.

Hibru 9:7

Gə fɨ maa njɨɨ tɨəŋ, kaꞌ ŋii sheꞌ wuu kwalə məfeꞌ Nwi shɔ. Ŋwə ŋii shɔ sheꞌ yighee muꞌ taa ŋuꞌ. Yighee yɔ́ ŋwə bɨ ndi mənshi mə nyaa, feꞌ Nwi shɔ buꞌ yibɨsə yi, baa fèꞌ Nwi buꞌ vənu vəbwəvə faŋ vɨɨ nə yɨ̀sə, buu kaꞌ ŋwə ŋìi taa njɨɨ yɔ́.

Jeyms 5:19

Vaŋ-nshwi vaŋ, wə fɨ taa ŋwaa viŋ kɨ luu ndì jɨɨ yinsəŋ Nwi, wə mɔ́ꞌ gaŋtə ŋwə laa ŋwə baa bɔ̀ŋsə maa jɨɨ Nwi,

1 Pita 2:25

Viŋ yaa luu yaa bisə-njɨɨ faŋ nsə ndì jɨɨ. Lùu ndwə, viŋ bə̀ŋ jwì kɨ beꞌsə wə ntɨə faŋ ŋwə shii viŋ, gaŋtə viŋ.