Hibru 5:1 - Vengo (Babungo)

¹ Nwi yaa kɨ shoꞌ vɨɨ kwalə məfeꞌ Nwi fɨ taa ŋwaa vɨɨ vi. Vɨ shoꞌ vɨɨ vɔ́ tɨ́ kaꞌ vəŋ kɨ faꞌ tɨ́ Nwi maa yizii vɨɨ vənshə. Vəŋ feꞌ Nwi nə vətɔ baa nə nyaasə, tɨ́ kaꞌ Nwi ndenə yibɨsə vɨɨ.

Hibru 5:1 ပူးပေါင်းရင်းမြစ်များ

Roma 15:17

Nɨniŋ, kaꞌ mə kɨ ŋaytə, bə̀ŋsə Nwi buꞌ nu Yeso Kristo faŋ mə faꞌ faꞌ Nwi nə.

1 Kɔrintian 15:3

Nu ŋkɨə faŋ mə nə fɔŋ fɨ̀ꞌtə tɨ́ viŋ, luu sheꞌ nu ŋkɨə faŋ mə nə zɔ̀ nɨniŋ nɨzi. Ntɔŋ yɔ́ lùu laa Yeso nə ku buꞌ yibɨsə nyaa-nsiŋ, sheꞌ faŋ vɨ nə nyɔ̀ꞌ taa ŋwaꞌlə Nwi laa ŋkə ndɔ gay nɨniŋ.

Hibru 10:11

Gə fɨ maa kwiŋ vɨɨ məfeꞌ Nwi vɨɨ Jus, vəŋ vənshə tɨ̀ŋnə maa shəŋ məkɔ Nwi shi shi, faꞌ faꞌ vəŋ tɨ́ Nwi shɔ. Vəŋ ndi nyaasə, feꞌ sheꞌ kəŋ ndey yimuꞌ shɔ ghee nshə, faŋ kəŋ ndeysə sɔ́ kee bee kìi wutə maa məbaꞌsə nu bwə faŋ vɨɨ yɨ̀sə nə me.

Hibru 10:12

Gə fɨ maa Yeso Kristo, ŋwə nə fèꞌ ndey sheꞌ yimuꞌ faŋ nyə kìi wutə maa məbaꞌsə yibɨsə vɨɨ yighee muꞌ. Ŋwə kɨ nii gə̀ dùꞌ fuu ŋkaw kwi maa kwiŋ Nwi maꞌnə.

Hibru 11:4

Abel, wee Adam, nə nùŋ fwi yi maa Nwi, buu vəkɔ vi baw tɨ́ Nwi, shɔ̀ɔ mbə Kayin, weenshu wi. Nwi nə ndi ŋwə yaa wuu loomə, buꞌ laa ŋwə nə nùŋ fwi yi maa Nwi. Nwi nə yɨsə laa ŋkə lùu kəley tɨ́ nsiŋ, buꞌ faŋ Nwi nə fì vətɔ mbɨə faŋ Abel nə kɔ nə. Luu sheꞌ buꞌ məbiŋ Abel, laa nsiŋ kɨ bii zɔ̀ yigisə yi, faŋ ŋwə kɔlə ku nə.

Hibru 2:17

Ŋwə nə gù yaa vaŋ-nshwi vi maa jɨɨsə sənshə, tɨ́ kaꞌ ŋwə kèe gəŋsə vəŋ, gù yaa wuu kwalə məfeꞌ Nwi, faŋ ŋwə faꞌ tɨ́ Nwi nə fwi yimuꞌ, laa ŋwə sɔ yibɨsə vɨɨ faŋ vəŋ nə yɨ̀sə nə.

Hibru 7:27

Vɨɨ məfeꞌ Nwi mbii-wə faŋ vəŋ yaa kɨ kɔ Nwi vəshi vəshi nə, vəŋ bɨ feꞌ Nwi buꞌ vənu vəbwəvə vəŋ, baa kɨ nii fèꞌ Nwi buꞌ vənu vəbwəvə və vɨɨ. Gə fɨ maa Yeso, ŋwə kee bee feꞌ maa kəŋ jɨɨ ghɔ́ me. Ŋwə nə fèꞌ Nwi yighee muꞌ, ŋkə kuꞌnə, gòꞌsə nɨniŋ, faŋ nə luu ŋwaa wi faŋ ŋwə nə ndì, fèꞌ shɔ nə.

Hibru 8:3

Vəfaꞌ mbɨə faŋ vɨɨ kwalə məfeꞌ Nwi vənshə faꞌ, lùu laa vəŋ kɨ fi vətɔ, kɔ Nwi shɔ. Vəŋ baa feꞌ Nwi nɨzi. Sheꞌ nɨniŋ, Yeso faŋ ŋwə lùu wuu kwalə məfeꞌ Nwi ŋwaa-nsiŋ nə, nə kɔ̀ Nwi nɨzi.

Hibru 8:4

Yeso nii toꞌ lùu shɨ nsi ndwə, buu ŋwə kee lùu wuu məfeꞌ Nwi me, buꞌ laa vɨɨ məfeꞌ Nwi vəmɔ́ꞌ lùu shɔ taa mbi nyə̀, faŋ vəŋ beꞌsə ntɨsə Mose, buu kɨ kɔ Nwi shɔ nə.

Hibru 9:9

Nɨniŋ, shəŋ məkɔ Nwi kəmwa kɔ́ lùu yaa shwenə tɨ́ nsiŋ maa məkɨɨ nə ŋiꞌ vənu və Kristo ndee. Vəkɔ nə ndeysə faŋ wə fèꞌ tɨ́ Nwi nə, kee kìi wutə maa məyɨsə laa fwi wə ntɨə faŋ ŋwə faꞌ tɨ́ Nwi nə, ley shɨlə tɨ́ Nwi faŋ Nwi kəə laa ŋwə duꞌ me.