Hibru 4:9 - Vengo (Babungo)

⁹ Yigisə yi yɔ́ də̀ tɨ́ nsiŋ laa, yighee njyə faŋ vɨɨ Nwi ndɔ gə shə̀ŋ ŋwaa sheꞌ faŋ Nwi nə shə̀ŋ ŋwaa maa vəshi lwesə kwatia nə, kee ta yikuꞌnə me.

Hibru 4:9 ပူးပေါင်းရင်းမြစ်များ

Matiu 1:21

Ŋwə taa bi wee-wəndɔŋ, a shu yizii yi laa Yeso, buꞌ laa ŋwə ndɔ bweysə vɨɨ vi fɨ ghɔ vənu vəbwəvə faŋ mbə lùu maa vəŋ.»

Taytəs 2:14

faŋ ŋwə nə kɔ̀ ŋwaa wi, kù tɔ nsiŋ, fùusə nsiŋ fɨ taa vənu vəbwəvə vaŋ-nsiŋ vənshə, laa nsiŋ kɨ nii lùu vɨɨ ley, baa lùu ŋkee mbii vɨɨ, kəə sheꞌ maa məyɨ vənu vəjəəvə.

Hibru 11:25

Ŋwə nə gì laa bàw laa yi ye ŋɨꞌ ghɔ vɨ vɨɨ Isirayl, shɔ̀ɔ fɨ ghɔ yi kìi fwi yijəə ntoꞌ fwàŋ Farao, buꞌ laa məŋaytə faŋ ŋwə fùu fɨ taa nu bwə, kee tɨtay me.

Hibru 3:11

Nɨniŋ, fwi Nwi nə zà maa vəŋ, ŋwə lɨꞌtə gì laa, bàw laa kɨ vəŋ ndɔ ŋii shəŋ jəə kaŋ faŋ kaꞌ vəŋ kìi məshəŋ ŋwaa shɔ me.»

Hibru 4:1

Nwi nə kɔ̀ꞌnə tɨ́ vɨɨ laa vəŋ ndɔ ŋii maa shəŋ jəə ki faŋ kaꞌ vəŋ shə̀ŋ ŋwaa shɔ. Maa ŋkɔꞌnə yɔ́ kee ta yifaynə me; nyə lùu tɨ́ nsiŋ. Nɨniŋ, bàw nsiŋ kɨ faꞌ nə məfee, laa kɨ wə fɨ wiŋ kee ndɔ ndi me.

Hibru 4:10

Wə ntɨə faŋ ŋwə ŋìi maa shəŋ məshəŋ ŋwaa ŋkɨə faŋ Nwi kɔꞌnə nə, ndɔ kii məshəŋ ŋwaa, vəfaꞌ vi me, sheꞌ faŋ Nwi nə metə vəfaꞌ vi, kɨ nii shə̀ŋ ŋwaa nə.

Hibru 4:3

Gə fɨ maa nsiŋ, faŋ nsiŋ nùŋ fwi maa ntɔŋ yijəə Nwi yɔ́, nsiŋ ndɔ ŋii shəŋ ŋkɨə faŋ Nwi nùŋsə tɨ́ nsiŋ maa məshəŋ ŋwaa shɔ, sheꞌ faŋ Nwi nə gì nə. Nwi nə gì kɔ̀ŋ vɨɨ mbɨə faŋ vəŋ nə kee bìŋ yigisə yi me laa, «Fwi nyaa shə, mə lɨꞌtə tɨ́ vəŋ laa vəŋ ndɔ kee ŋii shəŋ jəə kaŋ, kɨ shəŋ ŋwaa shɔ me.» Ŋwə nə gì nɨniŋ faŋ faꞌ Nwi nə kɔlə mè maa yighee njyə faŋ ŋwə nə bɔ̀ŋ mbi nə.

Hibru 4:8

Ŋkə nəə toꞌ lùu laa, Jɔshwa nə yɨ̀sə vətɨɨ vaŋ-nsiŋ ŋii maa shəŋ Nwi kɔ́, tɨ́ kaꞌ vəŋ shə̀ŋ ŋwaa shɔ nə, buu Nwi nə kee baa kɨ gisə kɔ̀ŋ shi kəmɔ́ꞌ faŋ ŋkə ndɔ jwi nə me.

1 Pita 2:10

Nə luu yighee vɨsɨ, viŋ kee lùu ŋiꞌ ŋii kəmuꞌ me. Luu nə, ndwə viŋ lùu ŋiꞌ ŋii vɨɨ Nwi. Yighee vɨsɨ, Nwi nəə kee ta kee gəŋ siŋ me, lùu ndwə Nwi kee gəŋ siŋ dɨdɨꞌ.

Reveleyshən 14:13

Mə baa kɨ nii zɔ gɨ wə gi fɨ yizɔ laa, «Nyɔꞌ taa ŋwaꞌlə laa, shù ndee mənɔŋ-bwaŋnə lùu tɨ́ vɨɨ mbɨə faŋ vəŋ taa kɨ ku taa ghɔ tɨta Kristo. Zwitə Nwi gì laa lùu nɨniŋ. Vəŋ taa kɨ shəŋ ŋwaa, buꞌ faꞌ ŋgwə faŋ vəŋ nə faꞌ nə wutə nə. Lumə vəfaꞌ vəvəŋ beꞌsə vəŋ.»

Reveleyshən 21:4

tɔ̀ŋsə mənsɨ fɨ sɨ vəŋ. Yiku kee baa lùu shɔ me. Məluŋ nə yigwia nə ŋɨꞌ kee baa lùu shɔ me, buꞌ laa mbi yimwa shɔ̀ɔ.»