Hibru 4:11 - Vengo (Babungo)

¹¹ Faŋ ŋkə lùu nɨniŋ nə, nsiŋ tweꞌ nə wutə, laa nsiŋ ndɔ gə shəŋ Nwi kɔ́, shə̀ŋ ŋwaa shɔ. Kɨ wə luu taa ŋwaa nsiŋ faŋ ŋwə kee zɨzɔnə me, yuu ndɔ ndi me, yaa vətɨɨ vaŋ-nsiŋ faŋ vəŋ nə kee zɔ̀nə me, kee ŋìi taa shəŋ Nwi me.

Hibru 4:11 ပူးပေါင်းရင်းမြစ်များ

Matiu 11:12

Shu fɨ maa shi ŋkɨə faŋ Jɔn, wuu məkɔ muu mə Nwi, nə fùu, jwi kɔ tɔ və-ndee, vɨ nywenə nu yifwàŋ yizɔ. Vɨɨ kəə bɨsə nu yifwàŋ yizɔ yɔ́ nə wutə.

Matiu 7:13

Viŋ kɨ shɔɔ fɨ maa shuu tiitə, fɔnə shuu məŋii shəŋ ŋkɨə faŋ Nwi ndisə vɨɨ bwənə shɔ, lùu kwalə, jɨɨ yi baa lùu yikwalə. Vɨɨ mbɨə faŋ vəŋ shɔɔ fɨ fuŋ lùu vəyaŋ.

Lukas 13:24

Shuufɔ maa məŋii yifwàŋ Nwi luu sheꞌ yitɨtiꞌ. Viŋ saŋ ŋwaa maa məŋii shɔ! Viŋ zɔ! Mə naysə tɨ́ viŋ laa vɨɨ vəyaŋ ndɔ kɨ kəə ŋii shɔ, ŋìi dɨdu.

Lukas 16:16

Yighee ntɨsə Nwi nə nshiisə-ŋii sɔghɔ nə gə zìꞌ maa nu Jɔn. Zi fɨ maa yighee yɔ́, vɨ kɨ nii fɨ̀ꞌtə ntɔŋ yijəə kɔ̀ŋ nu yifwàŋ Nwi tɨ́ vɨɨ. Vɨɨ vənshə faŋ vəŋ ŋii taa nu yifwàŋ Nwi kɔ́, ŋii nə wutə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:27

Kɨ viŋ baa kɨ faꞌ maa fazɨ ŋkɨə faŋ ŋkə taa ndi me. Bàw viŋ faꞌ maa məfi fazɨ ŋkɨə faŋ kaꞌ ŋkə goꞌsə yighee muꞌ, yɨ̀ viŋ kìi məbwey vəlwaŋ. Lùu ŋkɨə faŋ Wuu yinsəŋ Nwi ndɔ kɔ tɨ́ viŋ. Kaꞌ ŋwə kɔ tɨ́ viŋ buꞌ laa tɨta Nwi nə kɔ̀ wutə ki tɨ́ ŋwə yaa shwenə tɨ́ viŋ.»

Akts 26:19

Nɨniŋ, fwàŋ Agripa, mə nə kee kìi wutə maa mətwey nu wə ntɨə faŋ ŋwə nə jwì fɨ yizɔ nə me.

Efesɔs 2:2

Yighee vɨsɨ yɔ́, viŋ nəə shɔɔ fɨ maa jɨɨsə bwəsə taa mbi, zɔnə tɨɨ vəzwitə vəbwəvə fɨ taa mbi faŋ ŋwə sɔꞌ vɨɨ mbɨə faŋ vəŋ twey nu Nwi ndwə nə.

Efesɔs 5:6

Kɨ wə bweꞌsə viŋ nə yigisə dayday buꞌ vənu vɔ́ me! Luu buꞌ kəŋ vənu vɔ́ faŋ nsɔꞌ Nwi ndɔ luu tɔ vɨɨ mbɨə faŋ vəŋ kee zɔnə Nwi me.

Filipi 2:12

Vaŋ-nshwi vaŋ faŋ mə kàw, viŋ yaa zɔnə yigisə Nwi ghee nshə, faŋ nsiŋ nə luu mɔ́ꞌ nə. Bàw viŋ baa zɔnə shɨshɔɔ, faŋ nsiŋ kee baa lùu mɔ́ꞌ nə me. Viŋ kɨ toꞌ maa nu Nwi nə wutə, fee Nwi, kɨ lɔꞌ, tɨ́ kaꞌ Nwi ndɔ bweysə viŋ.

Kɔlɔsii 3:6

Mbə yɨsə laa nsɔꞌ Nwi yiweꞌ gù tɔ vɨɨ mbɨə faŋ vəŋ kee zɔnə Nwi me.

Taytəs 1:16

Vəŋ gisə laa vəŋ kɨ̀ɨ nə Nwi. Luu nə, vəŋ twey ŋwə fɨ taa nshinə vəŋ. Vəŋ luu ŋkee vɨɨ bwənə, kee zɨzɔnə Nwi me, kee bee kùꞌnə maa məyɨ tuu nu jəə kəmuꞌ me.

Taytəs 3:3

Maa yighee vɨsɨ, nsiŋ nɨzi nə bə̀ə tɔ ley, kee zɔnə Nwi me, toꞌ maa jɨɨ yibwə, baa lùu vəbuꞌ tɨ́ vənu vəbwəvə vəyaŋ faŋ fwi saŋ-nsiŋ nə kàw, toꞌ yitoꞌ nyaa-nsiŋ nə njyoꞌ yibwə, baa ghɨꞌ vɨɨ, vɨɨ bee nsiŋ, nsiŋ baa beenə yiŋwaa nyaa-nsiŋ nɨzi.

Hibru 3:12

Vaŋ-nshwi vaŋ, viŋ kɨ ndɨɨnə laa, kɨ wə luu taa ŋwaa viŋ faŋ ŋwə kìi fwi yibwə faŋ nyə kee bìŋ Nwi me, faŋ ŋwə ndɔ meꞌtə Nwi me. Nwi lùu wuu bwey.

Hibru 3:18

Vɨɨ mbɨə faŋ Nwi nə kɔ̀ꞌnə tɨ́ vəŋ laa kɨ vəŋ ndɔ ŋii maa shəŋ jəə ki maa məshəŋ ŋwaa shɔ me, nə luu vəndə? Maa nə luu vɨɨ mbɨə faŋ vəŋ nəə kee zɔnə Nwi nə me.

Hibru 4:6

Nɨniŋ, ŋkɔꞌnə Nwi yɔ́ kɨ bii shɔ tɨ́ vɨɨ mɔ́ꞌ, laa vəŋ ndɔ ŋii maa shəŋ məshəŋ ŋwaa kɔ́ nə. Vɨɨ vɨsɨ faŋ vəŋ nə fɔŋ zɔ ŋkɔꞌnə Nwi yɔ́, kee ŋìi shɔ me, buꞌ laa vəŋ nə kee nùŋ fwi vəŋ maa Nwi me.

Hibru 6:11

Yia kəə sheꞌ laa wə tɨ́ me wə fɨ taa ŋwaa viŋ kɨ faꞌ nə wutə, gə ziꞌ maa vəndwə, kee bwa me, tɨ́ kaꞌ viŋ ndɔ kii məbwey vəlwaŋ faŋ viŋ tə̀ sɨ shɔ nə.

2 Pita 2:6

Gə fɨ maa məshɨ mə Sodom nə Gomora, Nwi nə kwàŋ vɨɨ mbɨə faŋ vəŋ nə luu taa məshɨ mbɔ́ nə taa nsɔꞌ. Nwi nə yɨ̀sə wisə twàŋ məshɨ mbɔ́ məmbɔɔ, mbə gu vəbu. Nɨniŋ, Nwi nə kɔ̀ shwenə tɨ́ vɨɨ vənshə faŋ vəŋ kee zɔnə ŋwə me, laa vəŋ kɔꞌ kɨɨ laa Nwi ndɔ ndisə vəŋ sheꞌ nɨndɨŋ.