Hibru 3:7 - Vengo (Babungo)

⁷ Nɨniŋ, nsiŋ zɔ faŋ Zwitə Nwi nə gì laa, «Faŋ viŋ zɔ gɨ Nwi ndee,

Hibru 3:7 ပူးပေါင်းရင်းမြစ်များ

Matiu 17:5

Faŋ ŋwə nəə kɨ bii gisə, mbɔꞌ yiley yimɔ́ꞌ jwi shìtə vəŋ, gɨ Nwi fuu fɨ taa mbɔꞌ yɔ́, gì laa, «Lùu ŋwiŋ ŋwaa nə, faŋ mə kàw. Ŋwə bàw shee nɨzi. Viŋ kɨ zɔnə ŋwə!»

Matiu 22:43

Ŋwə gi tɨ́ vəŋ laa, «Faŋ ŋkə lùu nɨniŋ nə, sii yɨ̀ kə buu fwàŋ Deyvid tii ŋwə fɨ taa Zwitə Ley Nwi laa «tɨta»? Maa fwàŋ Deyvid nə gì laa lee,

Mark 12:36

Maa Zwitə Nwi nə yɨ̀sə nshɨ-tɔ fwàŋ Deyvid gi laa, «Tɨta Nwi nə gì tɨ́ tɨta ŋwaa laa, duꞌnə nsi maa kwiŋ maꞌnə ŋwaa, zìꞌ maa yighee njyə faŋ mə taa mɔꞌ vɨɨ mbeenə və vɨsɨ ghɔ, a tə ghuu ghə tɔ vəŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:16

Mə baa kìi bisə səmɔ́ꞌ faŋ nsə kee lùu taa nwaa bisə taa ŋkɔꞌ yɔ́ me. Bàw laa mə ndi bisə yinsii nɨzi, kɨ shiinə nsə. Nsə taa zɔ gɨ nyaa nɨzi. Bisə sənshə taa faynə shəŋ muꞌ, gù fa kəmuꞌ, nshii bisə yimuꞌ kɨ shii.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:27

Gə̀ fɨ maa vɨɨ vaŋ, vəŋ lùu yaa bisə-njɨɨ faŋ nsə zɔ gɨ nshii vəŋ. Mə luu nshii vəŋ. Vəŋ zɔ gɨ nyaa. Mə kɨɨ nə vəŋ. Vəŋ bèꞌsə mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:3

Wə ntɨə faŋ ŋwə shii shuu ŋkɔꞌ bisə, ŋaꞌsə tɨ́ ŋwə; bisə si kɨɨ nə ŋwə, kɨ̀ɨ nə gɨ yi faŋ ŋwə tii nsə maa yizii, ndi nsə, fuu nə nsə fu.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:25

Viŋ zɔ! Mə gì tɨ́ viŋ yinsəŋ laa, yighee kɨkuꞌ, kaꞌ mə gì laa nyə duꞌtə nyə kùꞌ, faŋ vəŋku-kɨ-duꞌ taa zɔ gɨ Wee Nwi. Nɨniŋ, vəŋku və vɨɨ mbɨə faŋ vəŋ zɔ̀ gɨ Wee Nwi yɔ́, taa ywey fɨ shɨ yiku.

Akts 1:16

Ŋwə gi laa, «Vaŋ-nshwi vaŋ, nu ŋkɨə faŋ ŋkə lùu taa ŋwaꞌlə Nwi kɔ̀ŋ nu Judas, faŋ ŋwə nə də̀ jɨɨ tɨ́ vɨɨ mbɨə faŋ vəŋ nə jìa Yeso nə, fàynə, buꞌ laa Zwitə Nwi nə duꞌtə ŋkə kwaŋ nu kɔ́ taa yigisə fwàŋ Deyvid yighee vɨsɨ, ŋwə naysə tɨ́ vɨɨ.

Akts 28:25

Faŋ vəŋ nə kee kɨɨ faynə yigisə vəŋ yimuꞌ nə me, kɨ nii yiwaꞌkə, tɨ́ Pɔɔl gi yigi yimɔ́ꞌ laa, «Zwitə Ley Nwi nə kwàŋ yigi yijəənə shuu nshiiŋii-sɔghɔ Aysaya, ŋwə nə gi tɨ́ vətɨɨ vaŋ-nsiŋ, faŋ Nwi nə gì tɨ́ ŋwə nə laa,

Akts 8:29

Zwitə Ley Nwi gi tɨ́ Filip laa ŋwə shəŋtə gə kɨ toꞌ fɨ yɨ kaalə kɔ́.

Hibru 10:15

Zwitə Ley Nwi dəsə tɨ́ nsiŋ laa vənu vɔ́ lùu yinsəŋ, buꞌ laa ŋkə luu sheꞌ faŋ vɨ nyɔ̀ꞌ taa ŋwaꞌlə Nwi laa,

Hibru 3:13

Viŋ kɨ tɨsə yiŋwaa yiŋ, laa nu bwə kee bwèꞌsə viŋ, ŋìi taa ŋwaa viŋ me, laa ŋkə kee yɨ̀sə viŋ kii tɔ weꞌ me. Viŋ kɨ yɨsə nɨniŋ vəshi vənshə, faŋ kɔ tɔ və-ndee, viŋ kɨ bii zɔ̀ yigi yɔ́ nə.

Hibru 3:15

Vɨ nə nyɔ̀ꞌ taa ŋwaꞌlə Nwi laa, «Faŋ viŋ zɔ̀ gɨ Nwi ndee, kɨ viŋ fəŋ fwi siŋ me, faŋ vətɨɨ viŋ nəə fəŋ fɨshi nə me.»

Hibru 4:7

Nɨniŋ, Nwi baa tə̀ shi kəmɔ́ꞌ maa məbaa nuŋsə ŋkɔꞌnə yɔ́ vɨsɨ vɨɨ. Faŋ ŋuꞌsə nə shɔ̀ɔ səyaŋ shù fɨ maa yighee yɔ́, Nwi fɨꞌtə yigi yi tɨ́ fwàŋ Deyvid. Lùu yigi njyə faŋ nsiŋ duꞌtə nsiŋ lumə nə laa, «Faŋ viŋ zɔ gɨ Nwi ndee, kɨ viŋ fəŋ fwi siŋ me!»

Hibru 9:8

Faŋ nsiŋ ywiitə vənu vɔ́ nə, Zwitə Ley Nwi də̀ tɨ́ nsiŋ laa, yighee njyə faŋ mfɔŋ shəŋ məkɔ Nwi, faŋ nə bɔ̀ŋ vɨɨ nə, kɨ bii tɨŋnə, jɨɨ kee lùu shɔ, laa vɨɨ shɔɔ ŋìi maa shəŋ ŋkɨə faŋ Nwi lùu shɔ maa yinsəŋ me.

2 Pita 1:21

buꞌ laa tuu yigi, faŋ nshiisə-ŋii sɔghɔ nə gì nə, kee lùu mbɨꞌtə wə mənsaw me. Nə luu Zwitə Ley Nwi, faŋ ŋkə nə ŋìi taa fwisə vɨɨ, yɨ̀sə vəŋ gisə yigi faŋ nyə ndɔ̀ fɨ ghɔ Nwi.

Reveleyshən 3:20

Viŋ zɔ! Mə luu shuufɔ viŋ, buꞌtə. Wə faŋ ŋwə zɔ gɨ nyaa, ŋàꞌsə shuufɔ wi shee, buu mə taa ŋii shɔ, yè ŋwə, yia ŋwə zɨ, mə zɨ yia ŋwə.