Hibru 2:9 - Vengo (Babungo)

⁹ Nsiŋ kɔꞌ kɨɨ nə Yeso faŋ Nwi nə yɨ̀sə nshiisə-ŋiisə Nwi luu vɨsɨ fɨ ghɔ ŋwə maa kuŋtə yighee, faŋ ŋwə nə yè ŋɨꞌ ku, buu Nwi kɔ yifwàŋ nə feenə tɨ́ ŋwə nə. Nɨniŋ nə, ŋwə nə kù tɔ vɨɨ vənshə, buꞌ faŋ Nwi nə kèe gəŋsə vɨɨ nə.

Hibru 2:9 ပူးပေါင်းရင်းမြစ်များ

Matiu 16:28

Viŋ zɔ! Mə naysə ŋkee nu yinsəŋ tɨ́ viŋ laa vɨɨ lùu shɔ taa ŋwaa vɨɨ və̀ faŋ vəŋ dùꞌ feenə nə, faŋ vəŋ kee ndɔ ku me, buu ye Wuu yinsəŋ Nwi faŋ ŋwə jwi nə nu yifwàŋ fɨ yizɔ.»

Matiu 6:28

Viŋ sii saŋ ŋwaa wiŋ buꞌ njwisə tɨ́ kə? Viŋ ye vəbaybay vəjəəvə fɨ taa təgay faŋ mbə ta; mbə kee fàꞌ faꞌ me, kee ba njwisə me.

Mark 9:1

Ŋwə baa gì tɨ́ vəŋ laa, «Viŋ zɔ! Mə naysə tɨ́ viŋ yinsəŋ laa vɨɨ mɔ́ꞌ faŋ vəŋ tɨ̀ŋ feenə, kee ndɔ kukə me, buu ye nu yifwàŋ Nwi fuu nə wutə Nwi.»

Lukas 9:27

Mə gì tɨ́ viŋ ŋkee maa yinsəŋ laa vɨɨ mɔ́ꞌ taa ŋwaa viŋ faŋ viŋ dùꞌ feenə nə, kee ndɔ kukə, buu ye nu yifwàŋ Nwi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:29

Fu kɨ lee Jɔn ye Yeso faŋ ŋwə jwi yɨ ŋwə, gì tɨ́ vɨɨ laa, «Ye wə ŋwə̀. Lùu bi-njɨɨ Nwi, faŋ ŋwə biꞌ vənu vəbwəvə mbi!

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:17

Ŋiꞌ nu ŋkɨə faŋ Tii ŋwaa kaw mə, luu buꞌ faŋ mə bìŋ yiku, ndɔ̀ baa kìi məbwey fɨ yighee yiba.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:32

Gə fɨ maa mə, vɨ ndɔ bɨŋsə mə, shaꞌsə yizɔ, buu mə kɨ nii tìi vɨɨ vənshə maa mə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:16

Nwi nə kàw mbi dɨdɨꞌ, tɔ̀ŋ yigɨꞌ ŋwiŋ wi laa, vɨɨ vənshə faŋ vəŋ nùŋ fwisə vəŋ maa ŋwə, kee ndɔ ndi me, zɨ̀ məbwey vəlwaŋ faŋ ŋwə gòꞌsə yighee muꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:51

Viŋ zɔ! Mə naysə tɨ́ viŋ yinsəŋ laa, kɨ luu wə biŋ, nùŋsə yigisə nyaa, buu ŋwə ndɔ goꞌsə yighee muꞌ, kee ku me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:52

Vɨɨ Jus vɔ́ gi tɨ́ ŋwə laa, «Buꞌ yigisə yə, yia yè yinsəŋ laa zwitə bwə lùu taa ŋwaa ghɔ. Ŋkee fɨshi Abraham nə ku, nshiisə-ŋii sɔghɔ nə kùkə nɨzi. Sii yɨ̀ kə buu a gi laa wə kɨ luu biŋ yigisə yə, buu ŋwə kee ndɔ ku me?

Akts 2:33

Nwi fuusə ŋwə fɨ shɨ yiku, nùŋ ŋwə maa kwiŋ maꞌnə Nwi, kɔ̀ Zwitə Ley Nwi tɨ́ ŋwə, faŋ Nwi nə kɔ̀ꞌnə nə. Ŋwə tù Zwitə Ley kɔ́ feenə ndwə, faŋ viŋ ye baa zɔ.

Akts 3:13

Viŋ zɔ! Nwi vətɨɨ via Abraham nə Isak baa nə Jeykob, nəə bəŋsə wuu faꞌ wi Yeso. Luu ŋwə faŋ viŋ nə kɔ̀ tɨ́ goməna Pilate, baa twey ŋwə sɨ Pilate, faŋ ŋwə nə kəə meꞌtə ŋwə, ŋwə gə.

Roma 5:18

Nɨniŋ, faŋ nu bwə wə muꞌ nə yɨsə nsɔꞌ Nwi gu tɔ vɨɨ vənshə nə, buu nu jəə kəmuꞌ fuusə vɨɨ vənshə fɨ taa nsɔꞌ Nwi yɔ́, bwèysə vəŋ.

Roma 5:8

Gə fɨ maa Nwi, ŋwə nə də ŋkawnə yi faŋ ŋwə kàw nsiŋ dɨdɨꞌ nə, faŋ Kristo nə kù tɔ nsiŋ maa yighee njyə faŋ nsiŋ nəə kɨ bii vəyɨ-kəbwə.

Roma 8:3

Nshɨ-tɔ Nwi yɨ̀ nu ŋkɨə faŋ nə kaꞌ ntɨsə sɔ́ kee yɨ̀ me, buꞌ laa mbasə ŋwaa vɨɨ bəə ŋay. Nwi nə yɨ̀ nu kɔ́ faŋ ŋwə nə tɔ̀ŋ ŋkee ŋwiŋ wi, ŋwə jwi gù ŋkee yaa wə, fɨnə mbasə ŋwaa ŋwaa-nsiŋ vəyɨ-kəbwə. Ŋwə nə yɨ̀ nɨniŋ buꞌ nu bwə, shìa nsɔꞌ tɔ nu bwə ŋkɨə faŋ ŋkə lùu taa mbasə ŋwaa wə.

Roma 8:32

Faŋ Nwi nə kee bee sɨ̀ŋtə maa ŋwiŋ wi binə me, kɔ ŋwə tɨ́ yiku tɔ nsiŋ vənshə nə, buu ŋkə lùu kəley laa ŋwə ndɔ kɨ key nsiŋ nə vənu vənshə fɨ yiba jɨŋ ŋwə nɨzi.

2 Kɔrintian 5:15

Kristo nə kù tɔ vɨɨ vənshə laa vɨɨ mbɨə faŋ vəŋ lùu vəbwey, kee kɨ duꞌ fɔ vəŋ me, dùꞌ kɨ kɔ yiŋwaa vəŋ tɨ́ wə ntɨə faŋ ŋwə nə kù tɔ vəŋ, baa ywey fɨ shɨ yiku nə.

2 Kɔrintian 5:21

Nwi nə yɨ̀sə laa wə ntɨə faŋ ŋwə nə kee kɨ̀ɨ nə nu bwə me, biꞌ yibɨsə nyaa-nsiŋ, tɨ́ kaꞌ nsiŋ lùu vɨɨ loomə vɨsɨ Nwi.

Galatia 4:4

Luu nə, Nwi kɨ nii tɔ̀ŋ ŋwiŋ wi taa mbi maa yighee njyə faŋ Nwi nə tə. Wəzwi mɔ́ꞌ gɔ ŋwə, bì ŋwə. Ŋwə nəə beꞌsə ntɨsə nsɨə faŋ Nwi nə kɔ̀ tɨ́ vɨɨ Jus nə nɨzi.

1 Timoti 2:6

Ŋwə nə kɔ̀ ŋwaa wi, kù tɔ vɨɨ vənshə maa məbweysə vəŋ. Lùu nu ŋkɨə faŋ Nwi nə nùŋsə laa vɨ ndɔ kɨ fɨꞌtə tɨ́ vɨɨ faŋ yighee kuꞌnə.

Hibru 1:9

Lùu vənu və yinsəŋ faŋ mbə yɨsə a ŋaytə, a bee vənu mbɨə faŋ mbə bɨsə ntɨsə Nwi. Lùu ŋiꞌ nu ŋkɨə faŋ Nwi, faŋ lùu Nwi wə, shoꞌ ghɔ laa a kii məkwalə nə məŋaytə shɔ̀ɔ vaŋ-nshwi və.»

Hibru 10:5

Lùu faŋ vɨ nyɔ̀ꞌ taa ŋwaꞌlə Nwi laa, yighee njyə faŋ Kristo nəə kəə jwi shɨ nsi, ŋwə nə gì tɨ́ Nwi laa, «A kee kàw ndey faŋ vɨ fèꞌ nə mənshi mə nyaa nə me. Luu nə, a bɔ̀ŋ ŋwaa ŋwaa shee.

Hibru 11:5

Gə fɨ maa Enok, ŋwə nə nùŋ fwi yi maa Nwi, buu Nwi shaꞌsə ŋwə, kòꞌ nə ŋwə yizɔ, tɨ́ kaꞌ ŋwə kee ku me. Maa yighee yɔ́ wə kee baa yè ŋwə me, buꞌ laa Nwi nə ndi ŋwə, kòꞌ nə ŋwə yizɔ. Vɨ nyɔ̀ꞌ taa ŋwaꞌlə Nwi buꞌ ŋwə laa, «Too Nwi nə bàw maa ŋwə maa yighee njyə faŋ ŋwə nə luu taa mbi, buu vɨ koꞌ nə ŋwə yizɔ.»

Hibru 12:2

Bàw nsiŋ tə sɨ sheꞌ maa Yeso faŋ ŋwə nə ŋaꞌsə jɨɨ tɨ́ nsiŋ, tɨ́ kaꞌ nsiŋ nùŋ fwi saŋ-nsiŋ maa ŋwə. Ŋwə baa luu gaŋtə nsiŋ, tɨ́ kaꞌ nsiŋ kɨ gə nə vɨsɨ, kɨ bɨbiŋ nu ki, zìꞌ maa vəndwə. Ŋwə nə bìŋ maa məku ŋkee yiku tɔ dɨɨ fuu fəŋkɔꞌ fə ŋkɨꞌsə, kee shə̀ŋ maa nu tɔ dɨɨ kɔ́ me. Ŋwə nə tə̀ sɨ laa yi ndɔ kii məŋaytə ŋgwə faŋ Nwi nùŋsə tɨ́ ŋwə nə. Nɨniŋ, ŋwə dùꞌ fuu ŋkaw yifwàŋ maa kwiŋ maꞌnə Nwi ndwə.

Hibru 2:7

A sùꞌsə ŋwə maa wee-fɨ-kwitə yighee, nùŋ ŋiꞌ nshiisə-ŋiisə Nwi, buu a baa luu ndì ŋwə, kɔ̀ yifwàŋ tɨ́ ŋwə nə feenə.

Hibru 7:25

Lùu nu ŋkɨə faŋ ŋwə kìi wutə maa məbweysə vɨɨ yighee muꞌ, faŋ vəŋ shɔ̀ɔ fɨ ghɔ ŋwə, buu gə yɨ Nwi, buꞌ laa ŋwə kìi məbwey faŋ ŋwə gòꞌsə yighee muꞌ, tɨ́ kaꞌ ŋwə ndwàŋ Nwi tɔ vəŋ ghee nshə.

Hibru 8:3

Vəfaꞌ mbɨə faŋ vɨɨ kwalə məfeꞌ Nwi vənshə faꞌ, lùu laa vəŋ kɨ fi vətɔ, kɔ Nwi shɔ. Vəŋ baa feꞌ Nwi nɨzi. Sheꞌ nɨniŋ, Yeso faŋ ŋwə lùu wuu kwalə məfeꞌ Nwi ŋwaa-nsiŋ nə, nə kɔ̀ Nwi nɨzi.

1 Pita 1:21

buꞌ laa viŋ kwàŋ fwi siŋ maa Nwi buꞌ ŋwə, faŋ Nwi nə ywèysə ŋwə fɨ shɨ yiku, kòꞌsə ŋwə fuu ŋkaw yifwàŋ. Nɨniŋ, kaꞌ viŋ nùŋ fwi siŋ maa Nwi, kɨ kɨꞌ məbwey vəlwaŋ fɨ ghɔ ŋwə.

1 Jɔn 2:2

Luu sheꞌ buꞌ Yeso, faŋ ŋwə nə kù tɔ nsiŋ nə, laa Nwi kɨ nii mèꞌ nu bwə kaŋ-nsiŋ. Ŋwə kee mèꞌ sheꞌ nu bwə kaŋ-nsiŋ me, ŋwə mèꞌ nu bwə vɨɨ vənshə.

Reveleyshən 19:12

Sɨ ghi luu yaa wisə biinə. Ŋwə bee təsɔꞌ tə vəfwàŋ tɔ ŋwə təyaŋ, vɨ nyɔꞌ yizii yi shɔ faŋ kaꞌ tuu wə kee kɨɨ me, kɨɨ sheꞌ ŋwə.

Reveleyshən 5:9

Vəŋ nə zwà nyay yifi laa, «A kùꞌnə maa məfi ŋwaꞌlə ghɔ́, shoꞌ vəlay vi, buꞌ laa a nə bìŋ vɨ zwi ghɔ, a ku, ywàŋ vɨɨ nə mənshi mə, yɨsə vɨɨ fɨ maa təkuu tə vɨɨ tənshə, nə təghaŋ tənshə, nə fɨ maa ŋgwisə vɨɨ vənshə, nə fɨ maa məshɨ mənshə, lùu vɨɨ Nwi.