Hibru 2:16 - Vengo (Babungo)

¹⁶ Ŋkə luu ŋkee kəley laa kee lùu nshiisə-ŋiisə Nwi, faŋ ŋwə nə jwi gàŋtə me. Ŋwə nə bee kii jwì maa məgaŋtə ŋiꞌ ŋii Abraham.

Hibru 2:16 ပူးပေါင်းရင်းမြစ်များ

Roma 2:25

Nu məsɨɨtə wə lùu nu kwalə tɨ́ wə ntɨə faŋ ŋwə nuŋsə ntɨsə Nwi sənshə. Luu nə, a shiasə ntɨsə sɔ́, buu a luu sheꞌ yaa wə tɔmə day faŋ vɨ kee bee sɨ̀ɨtə ŋwə me, faŋ vɨ nə kɔlə sɨɨtə ghɔ nə.

Galatia 3:16

Ŋkə luu sheꞌ nɨndɨŋ nə ŋkɔꞌnə njyə faŋ Nwi nə kɔ̀ꞌnə tɨ́ Abraham, nə tɨ́ ŋgwi yi ŋkee fɨshi nə. Maa vɨ nyɔ̀ꞌ sheꞌ buꞌ wuu ŋiinə wi muꞌ, kee nyɔ̀ꞌ buꞌ vɨɨ vəyaŋ me. Wuu ŋiinə wi ghɔ́ muꞌ nə, lùu Yeso Kristo.

Galatia 3:29

Viŋ kɨ yɨ lùu vɨɨ Kristo, buu ŋkə də̀ laa viŋ lùu vaŋ Abraham nɨzi, buu viŋ ndɔ fi vətɔ vənshə faŋ Nwi nə kɔ̀ꞌnə, laa Nwi ndɔ kɔ tɨ́ Abraham ghɔ ŋgwisə yi.

Hibru 12:10

Vətɨɨ vaŋ-nsiŋ vɔ́ fɨ shɨ nsi nyə̀ nə, vəŋ nə kìi nsiŋ sheꞌ maa wee-fɨ-yighee, kwàŋ nsiŋ taa ŋɨꞌ faŋ vəŋ nəə bɨꞌtə laa ŋkə taa gaŋtə nsiŋ. Gə fɨ maa Nwi, ŋwə kwaŋ nsiŋ taa ŋɨꞌ faŋ kaꞌ ŋɨꞌ yɔ́ bweysə nsiŋ, laa nsiŋ ndɔ luu vɨɨ leynə yaa ŋwə.

Hibru 2:15

Nɨniŋ, ŋwə yɨsə laa vɨɨ vənshə faŋ nə luu vəbuꞌ tɨ́ Satan, buꞌ faŋ vəŋ nəə fɨfee yiku ghee nshə nə, nyɨ̀ŋkə fɨ ghɔ Satan vənshə.

Hibru 2:17

Ŋwə nə gù yaa vaŋ-nshwi vi maa jɨɨsə sənshə, tɨ́ kaꞌ ŋwə kèe gəŋsə vəŋ, gù yaa wuu kwalə məfeꞌ Nwi, faŋ ŋwə faꞌ tɨ́ Nwi nə fwi yimuꞌ, laa ŋwə sɔ yibɨsə vɨɨ faŋ vəŋ nə yɨ̀sə nə.

Hibru 6:16

Faŋ vɨɨ yaa kɨ lɨꞌtə nu, vəŋ lɨꞌtə maa yizii wə faŋ ŋwə kwàlə shɔ̀ɔ vəŋ. Nɨniŋ, məlɨꞌtə vəŋ ghɔ́ weꞌ, kee baa kɨ kii ntaysə me.

1 Pita 1:20

Nwi nə nùŋsə ŋwə maa nu kɔ́, shù faŋ ŋwə nə kee ta zì maa məbɔŋ mbi me. Luu nə, ŋwə fuu ntee vɨsɨ vɨɨ sheꞌ maa yighee vəshə. Nu kɔ́ bàw tɨ́ viŋ,