Hibru 2:14 - Vengo (Babungo)

¹⁴ Vaŋ vi vɔ́ lùu vɨɨ faŋ ghɔ vɨ Yeso fàynə. Sheꞌ nɨniŋ, Yeso nə jwì yuu wə, gù yaa vəŋ nɨzi, tɨ́ kaꞌ ŋwə kù, zwì wutə Satan, tɨɨ vəzwitə vəbwəvə, faŋ ŋwə kìi wutə yiku nə.

Hibru 2:14 ပူးပေါင်းရင်းမြစ်များ

Matiu 16:17

Yeso bəŋsə tɨ́ ŋwə laa, «Mənɔŋ-bwaŋnə tɔ ghɔ mɔɔ, Saymon, wee Jona, buꞌ laa nə kee twèlə mbɨꞌtə wə mənsaw twèlə nu kɔ́ tɨ́ ghɔ me, nə twèlə sheꞌ Tii ŋwaa faŋ ŋwə lùu yizɔ.

Matiu 25:41

Ŋwə taa kɨ nii gì tɨ́ vɨɨ mbɨə faŋ vəŋ lùu kwiŋ ŋkwii laa, «Viŋ ndɔ fɨ yɨ mə, vɨɨ ndwaŋ, gə̀ ŋìi taa wi faŋ ŋwə gòꞌsə yighee muꞌ, faŋ vɨ lòotə tɨ́ tɨɨ vəzwitə vəbwəvə ghɔ vɨ nshiisə-ŋiisə si.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:14

Yigi yɔ́ nə kìasə gù wə, shi taa ŋwaa nsiŋ. Yia ye feenə wi, faŋ tɨta Nwi nə kɔ̀ tɨ́ ŋwə, buꞌ laa ŋwə lùu yigɨꞌ Wee Nwi. Ŋwə kee gəŋsə vɨɨ dɨdɨꞌ, ndɔ lùu wuu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:24

Viŋ zɔ! Mə naysə nu yinsəŋ tɨ́ viŋ buꞌ yisay. Mbuu yisay kee ŋìi taa shɔꞌ ku me, nyə goꞌ sheꞌ nɨniŋ. Luu nə, nyə fìŋ taa shɔꞌ ku, nyə nyɔ̀ꞌ, kɨ nii lùu yighee njyə faŋ nyə taa sɔꞌ kìi say yaŋ yaŋ.

Roma 14:9

Lùu ŋiꞌ nu ŋkɨə faŋ tɨta Kristo nə ku, baa ywèy fɨ shɨ yiku, laa ŋwə ndɔ sɔꞌ vəŋku və nsisə, baa nə vɨɨ bweynə.

Roma 8:3

Nshɨ-tɔ Nwi yɨ̀ nu ŋkɨə faŋ nə kaꞌ ntɨsə sɔ́ kee yɨ̀ me, buꞌ laa mbasə ŋwaa vɨɨ bəə ŋay. Nwi nə yɨ̀ nu kɔ́ faŋ ŋwə nə tɔ̀ŋ ŋkee ŋwiŋ wi, ŋwə jwi gù ŋkee yaa wə, fɨnə mbasə ŋwaa ŋwaa-nsiŋ vəyɨ-kəbwə. Ŋwə nə yɨ̀ nɨniŋ buꞌ nu bwə, shìa nsɔꞌ tɔ nu bwə ŋkɨə faŋ ŋkə lùu taa mbasə ŋwaa wə.

1 Kɔrintian 1:28

Ŋwə shòꞌ vɨɨ mbɨə faŋ vəŋ kee lùu nu taa mbi nyə̀ me, nə mbɨə faŋ vɨɨ yaa kɨ shiasə vəŋ. Nwi ndɨ̀ ŋkee vətɔ vədayday, yɨ̀ laa mbə shɔɔ vətɔ mbɨə faŋ vɨɨ taa mbi nùŋ fwi shɔ, kɨ gisə laa lùu ŋkee vətɔ nə.

1 Kɔrintian 15:50

Vaŋ-nshwi vaŋ, mə naysə tɨ́ viŋ laa, kaꞌ ŋwaa wə fɨ shɨ nsi kee ndɔ zɨ yifwàŋ Nwi me. Fa faŋ kaꞌ ŋkə shuu, kee ndɔ goꞌ maa shuu me.

Galatia 4:4

Luu nə, Nwi kɨ nii tɔ̀ŋ ŋwiŋ wi taa mbi maa yighee njyə faŋ Nwi nə tə. Wəzwi mɔ́ꞌ gɔ ŋwə, bì ŋwə. Ŋwə nəə beꞌsə ntɨsə nsɨə faŋ Nwi nə kɔ̀ tɨ́ vɨɨ Jus nə nɨzi.

Kɔlɔsii 2:15

Maa yighee yɔ́ faŋ Kristo nə kù fuu fəŋkɔꞌ fə ŋkɨꞌsə nə, ŋwə ghɔꞌ vəwutə nə vəzwitə vəbwəvə vənshə, də̀ tɨ́ vɨɨ ntee, laa yi kìi wutə shɔ̀ɔ mbə.

1 Timoti 3:16

Nu məbəŋsə Nwi luu ŋkee nu kwalə, kaꞌ wə kee twey me, faŋ ŋkə kɔlə ndènə fɨ yikəꞌ vɨɨ nə. Nu kwalə kɔ́ lùu laa, «Wuu məbweysə ŋwaa-nsiŋ, nə gù wə, fùu yikəꞌ vɨɨ. Nu ki fuu kəloomə buꞌ Zwitə Ley ki. Nshiisə-ŋiisə Nwi ye ŋwə. Vɨɨ fɨꞌtə nu ki taa ŋwaa vɨɨ tətɔŋ fu. Vɨɨ fɨ taa mbi yinshə nuŋ fwisə vəŋ maa ŋwə. Nwi ndi ŋwə, koꞌ nə ŋwə taa yizɔ, yɨ̀sə ŋwə kwalə.»

2 Timoti 1:10

Lùu ndwə, ŋkə fùu ntee, faŋ wuu məbweysə ŋwaa-nsiŋ, Yeso Kristo nə fùu mbi, ndìsə yiku, nùŋsə məbwey vəlwaŋ faŋ ŋwə gòꞌsə yighee muꞌ tɨ́ vɨɨ mbɨə faŋ vəŋ zɔ ntɔŋ yijəə yɔ́.

Hibru 10:10

Lùu nu ŋkɨə faŋ ŋkə yɨ̀sə laa nsiŋ ley vɨsɨ Nwi. Nsiŋ lùu vəley buꞌ laa Yeso Kristo nə yɨ̀sə nu ŋkɨə faŋ Nwi kəə laa ŋwə yɨ. Ŋwə nə kɔ̀ ŋwaa wi yaa ndey tɨ́ Nwi, kù tɔ nsiŋ yighee muꞌ.

Hibru 10:5

Lùu faŋ vɨ nyɔ̀ꞌ taa ŋwaꞌlə Nwi laa, yighee njyə faŋ Kristo nəə kəə jwi shɨ nsi, ŋwə nə gì tɨ́ Nwi laa, «A kee kàw ndey faŋ vɨ fèꞌ nə mənshi mə nyaa nə me. Luu nə, a bɔ̀ŋ ŋwaa ŋwaa shee.

Hibru 2:17

Ŋwə nə gù yaa vaŋ-nshwi vi maa jɨɨsə sənshə, tɨ́ kaꞌ ŋwə kèe gəŋsə vəŋ, gù yaa wuu kwalə məfeꞌ Nwi, faŋ ŋwə faꞌ tɨ́ Nwi nə fwi yimuꞌ, laa ŋwə sɔ yibɨsə vɨɨ faŋ vəŋ nə yɨ̀sə nə.

Hibru 2:18

Kaꞌ ŋwə gàŋtə vɨɨ mbɨə faŋ vəŋ kìi məmɔŋ, luu buꞌ laa nshɨ-tɔ wi nə yè ŋɨꞌ nə məmɔŋ nɨzi.

Hibru 4:15

Wuu kwalə məfeꞌ Nwi ghɔ́ lùu wə faŋ ŋwə kɔꞌ kɨɨ maa məkee gəŋsə maa nsiŋ maa məbwa ŋwaa-nsiŋ, buꞌ laa ŋwə nə gù wə yaa nsiŋ, kìi məmɔŋ sheꞌ yaa nsiŋ. Luu nə, ŋwə nə kee yɨ̀ tuu nu bwə me.

Hibru 9:15

Ŋkə də̀ laa Yeso lùu wə ntɨə faŋ ŋwə tɨŋ nɨntəŋ ŋwaa nsiŋ vɨ Nwi. Ŋwə nə jwì nə məkee məfimə, laa vɨɨ mbɨə faŋ Nwi tìi vəŋ laa vəŋ lùu mbii vɨɨ nə, jwi fì məbwey vəlwaŋ, faŋ Nwi nə kɔ̀ꞌnə maa məkɔ tɨ́ vəŋ nə. Kristo nə lòotə məkee məfimə mbɔ́ faŋ ŋwə nə kù tɔ nsiŋ nə. Yiku yi fuusə vɨɨ fɨ taa vənu vəbwəvə vəŋ faŋ vəŋ nə yɨ̀sə maa yighee njyə faŋ məkee məmwamə nəə kɨ bii sɔ̀ꞌ vəŋ nə.

1 Pita 1:20

Nwi nə nùŋsə ŋwə maa nu kɔ́, shù faŋ ŋwə nə kee ta zì maa məbɔŋ mbi me. Luu nə, ŋwə fuu ntee vɨsɨ vɨɨ sheꞌ maa yighee vəshə. Nu kɔ́ bàw tɨ́ viŋ,

Reveleyshən 1:18

baa luu ŋkee wuu bwey. Mə nə ku, lùu ndwə, mə bwèy gòꞌsə yighee muꞌ. Ŋkwa yiku, nə ŋkwa shɨ vəŋku vənsisə lùu ghɔ mə, tɨ́ kɨ kaꞌ mə ŋaꞌsə baa fə̀ŋ shuu wi.

Reveleyshən 12:9

Vɨ ndi nshɨ zɔ-ŋgu-yibay ghɔ́, mɔ̀ꞌ shɨ nsi. Luu ŋkee zɔ yimwa yɔ́ faŋ vɨ tìi nə tɨɨ vəzwitə vəbwəvə, baa nə Satan, wuu məbweꞌsə mbi yinshə. Ŋwə fiŋ fɨ taa yizɔ, fìŋ shɨ nsi, ghɔ vɨ nshiisə-ŋii si.

Reveleyshən 2:10

Kɨ fee ŋɨꞌ njyə faŋ a taa ye nə me. Tɨɨ vəzwitə vəbwəvə Satan taa kwaŋ fɨ maa viŋ taa ŋii mfiŋ, laa vɨ mɔŋ viŋ. Viŋ taa kɨ ye ŋɨꞌ maa vəshi yighuŋ. Viŋ kii fwi yiweꞌ, twèꞌ maa nu Kristo, zìꞌ tɨ́ yiku, buu ŋwə ndɔ key viŋ nə məbwey vəlwaŋ.»

Reveleyshən 20:2

Ŋwə jwi jìa zɔ-ŋgu-yibay faŋ lùu zɔ yimwa yì, baa lùu Satan, tɨɨ vəzwitə vəbwəvə, ka ŋwə maa ŋuꞌ ŋkaŋ,