Hibru 2:1 - Vengo (Babungo)

¹ Faŋ ŋkə lùu nɨniŋ nə, bàw nsiŋ ywiitə yigi njyə faŋ nsiŋ nə zɔ̀ nə, tɨ́ kaꞌ nsiŋ kee ndì jɨɨ me, buꞌ faŋ nsiŋ kee nùŋ tɔ shɔ nə me.

Hibru 2:1 ပူးပေါင်းရင်းမြစ်များ

Matiu 16:9

Viŋ bee nə kɨ bii kee ta tɔ̀fə yimu? Maa viŋ lùmə yighɨsə bee tee faŋ vɨɨ ŋkaŋsə tee nə zɨ nə, nə ŋkɔɔsə vəbɨꞌ və bee faŋ viŋ nə bàytə nə,

Mark 8:18

Sɨ ghiŋ shɔ, viŋ kee yɨye yimu? Tuulə ghiŋ shɔ, viŋ kee zɨzɔ yimu?

Lukas 8:15

Gə fɨ maa say ŋgɨə faŋ ŋə fìŋkə taa shɔꞌ jəə nə, lùu yaa nu vɨɨ mbɨə faŋ vəŋ zɔ̀ yigisə Nwi, jìa jəə taa fwisə vəŋ, twèꞌ shɔ, kɨ yɨsə vənu vəjəəvə.»

Lukas 9:44

«Viŋ ndi yigi nyaa faŋ mə kəə gi tɨ́ viŋ ndwə, nùŋ taa fwisə viŋ. Viŋ zɔ! Vɨ ndɔ kɔ Wuu yinsəŋ Nwi taa ghɔ vɨɨ, vəŋ zwi ŋwə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:59

Yeso nə gi nɨniŋ, vəŋ bwilə ŋoꞌsə fɨ nsi maa mətumə ŋwə shɔ laa ŋwə ku. Luu nə, Yeso buꞌsə fɨ yɨ vəŋ, fùu fɨ taa ŋii Nwi.

Hibru 12:5

Kɨ viŋ ndenə yigisə Nwi njyə faŋ nyə kwaŋ wutə maa viŋ me. Nwi nə tìi viŋ nə vaŋ vi, gì tɨ́ viŋ laa, «Ŋwiŋ ŋwaa, yighee njyə faŋ Nwi kwaŋ ŋɨꞌ maa ghɔ, ghɨsə ŋwaa wə. Yighee njyə faŋ Nwi saŋ ghɔ, kaa yɨsə fwi yə bwa me.

2 Pita 1:15

Mə kəə yɨ̀ nu ŋkɨə faŋ kaꞌ mə yɨ̀ maa məkɔ jɨɨ tɨ́ viŋ, tɨ́ kɨ kaꞌ viŋ kɨ lumə vənu vɔ́ ghee nshə faŋ mə taa kɔlə bəə fɨ mbi.

2 Pita 3:1

Vɨɨmba vaŋ faŋ mə kàw, lùu vəŋwaꞌlə lwesə vəbɔɔ, faŋ mə nyɔ̀ꞌ tɨ́ viŋ. Taa vəŋwaꞌlə vɔ́ vəbɔɔ nə, mə kɨ lumə vənu tɨ́ viŋ faŋ viŋ duꞌtə viŋ kɨ̀ɨ nə mbə, tɨ́ kaꞌ viŋ yenə fɨ mbweysə, kɨ kii tɔ ley maa nu Nwi.