Hibru 13:9 - Vengo (Babungo)

⁹ Kɨ viŋ biŋ laa yigisə yifinə faŋ vɨɨ deesə viŋ shɔ nɨŋkwiŋ nɨŋkwiŋ, yɨsə viŋ ndi jɨɨ Nwi me. Yaa kɨ yɨsə nu jəə faŋ ŋkə ndɔ fɨ ghɔ Nwi, yɨsə fwi wə weꞌ. Ntɨsə nsɨə faŋ nsə gì kɔ̀ŋ nu fazɨ, nsə kee kii ŋgaŋtə me; nsə kee gaŋtə vɨɨ mbɨə faŋ vəŋ beꞌsə nsə me.

Hibru 13:9 ပူးပေါင်းရင်းမြစ်များ

Matiu 24:24

Vɨɨ ndɔ fuu vəyaŋ faŋ vəŋ sɨɨ ba, gisə laa vəŋ luu Kristo, tɨꞌnə me nshiisə-ŋii sɔghɔ. Vəŋ ndɔ də vəshwenə və shuu yɔŋvə maa məyɨ laa vɨɨ ndi jɨɨ, mɔŋ ŋkee maa məbweꞌsə vɨɨ mbɨə faŋ Nwi shoꞌ vəŋ nə.

Matiu 24:4

Yeso bəŋsə tɨ́ vəŋ laa, «Viŋ tɔfə buꞌ vɨ ndɔ bweꞌsə viŋ.

Lukas 5:38

Məluꞌ məfimə bàw sheꞌ taa ntiasə fisə.

Akts 20:30

Vɨɨ bwənə mɔ́ꞌ ndɔ fuu sheꞌ fɨ taa ŋwaa viŋ, fuu kɨ gisə təgi tə ba maa məsuꞌtə vɨɨ məbiŋ nu Kristo, laa vəŋ beꞌsə vəŋ.

Akts 20:32

Fɨ taa nɨniŋ ndwə, mə mèꞌtə viŋ taa ghɔ tɨta Nwi. Viŋ kɨɨ nə nu gəŋsə Nwi, faŋ ŋkə kìi wutə maa məyɨsə viŋ weꞌ maa nu Nwi, kɨ gə nə vɨsɨ. Wutə ki baa lùu shɔ maa məgaŋtə viŋ, laa viŋ ndɔ zɨ məbwey vəlwaŋ faŋ Nwi ndɔ kɔ tɨ́ vɨɨ ley vi.

Roma 14:17

Ŋiꞌ nu yifwàŋ Nwi kee lùu nu məzɨ fa, baa nə nu mənu fa me. Nu yifwàŋ Nwi lùu nu faŋ Zwitə Ley Nwi ŋìi taa fwi wə, kìasə nu ki, ŋkə loomə, fwi yi zutə, lwàŋ nə məŋaytə.

Roma 14:2

Wə mɔ́ꞌ yaa kɨ bɨꞌtə laa ŋkə kùꞌnə maa məzɨ taŋ fazɨ nshə. Wuu mɔ́ꞌ faŋ ŋwə kee lùu weꞌ maa nu Nwi me, kwə luu sheꞌ mbasə biisə.

Roma 14:6

Wə ntɨə faŋ ŋwə bɨꞌtə shi mɔ́ꞌ laa ŋkə luu kəkwalə tɨ́ ŋwə, buu ŋwə bɨꞌtə nɨniŋ, bəŋsə tɨta ŋwaa-nsiŋ nɨniŋ. Gə fɨ maa wə ntɨə faŋ ŋwə kwə mbasə, ŋwə kwə lùu maa yizii tɨta ŋwaa-nsiŋ, buꞌ faŋ ŋwə bwaŋ Nwi maa fazɨ kɔ́. Wə ntɨə faŋ ŋwə twèy maa məkwə mbasə, yɨ nɨniŋ buꞌ tɨta ŋwaa-nsiŋ nɨzi, bwaŋ Nwi sheꞌ nɨniŋ.

1 Kɔrintian 6:13

Wə mɔ́ꞌ taa gi laa, «Nwi nə nàysə fazɨ tɨ́ kaꞌ ŋkə ŋìi taa njyoꞌ, baa nàysə njyoꞌ wə laa fazɨ kɨ ŋii shɔ.» Ŋkə lùu nɨniŋ. Luu nə, shi mɔ́ꞌ Nwi ndɔ ndisə njyoꞌ wə ghɔ fazɨ. Gə fɨ maa nu məshi nə vəki, Nwi nə kee bɔ̀ŋ ŋwaa wə laa ŋwə ndɨ ŋwaa wi ghɔ́, kɨ yɨsə vənu vəbwəvə shɔ me. Nwi nə bɔ̀ŋ ŋwaa wə laa ŋwə ndɨ ŋwaa wi ghɔ́, kɨ toꞌ nə ŋwə, faꞌ vənu və Nwi nə ŋwaa wi ghɔ́. Kɔ̀ Nwi kɔ̀ fa ŋkɨə faŋ ŋwaa wi ghɔ́ kəə.

1 Kɔrintian 8:8

Nsiŋ kɔꞌ kɨɨ laa, faŋ nsiŋ zɨ kəŋ fazɨ ghɔ́, tɨꞌnə me kee zɨ me, kaꞌ fazɨ kɔ́ kee gàŋtə nsiŋ me, kee yɨ̀sə laa nsiŋ luu vɨɨ jəənə vɨsɨ Nwi me. Nsiŋ kee kɔlə zɨ me, kee lùu nsɔꞌ me. Nsiŋ zɨ, ŋkə kee bee gàŋtə nsiŋ me.

2 Kɔrintian 1:21

Luu nə, lùu nshɨ-tɔ Nwi faŋ ŋwə yɨ laa nsiŋ faynə, gù fa kəmuꞌ, nsiŋ vɨ Kristo, weꞌ shɔ. Ŋwə baa yòꞌ nsiŋ maa faꞌ Nwi,

Galatia 6:1

Vaŋ-nshwi vaŋ, viŋ kɨ luu fàynə viŋ vɨ wə faŋ ŋwə yɨ̀ nu bwə, bàw viŋ gaŋtə wə ghɔ́ laa ŋwə kiasə gù wuu jəə. Kaꞌ viŋ yɨ̀sə nɨniŋ faŋ viŋ kìi Zwitə Ley Nwi taa fwisə viŋ. Bàw viŋ yɨ̀ nɨniŋ, kɨ yɨsə fɨ taa bwaŋnə, baa ndeynə yiŋwaa yiŋ buꞌ məmɔŋ mɔ́ꞌ taa ŋii viŋ nɨzi.

Efesɔs 4:14

Kɨ nsiŋ baa luu yaa vaŋmbwaa me, yuu kɨ toꞌ kwiŋ nshə, zɔ̀ ntɨsə sənshə buꞌ mənay vɨɨ, maa jɨɨsə nsɨə faŋ vəŋ bweꞌsə vɨɨ shɔ nə.

Efesɔs 5:6

Kɨ wə bweꞌsə viŋ nə yigisə dayday buꞌ vənu vɔ́ me! Luu buꞌ kəŋ vənu vɔ́ faŋ nsɔꞌ Nwi ndɔ luu tɔ vɨɨ mbɨə faŋ vəŋ kee zɔnə Nwi me.

Kɔlɔsii 2:4

Mə naysə vənu və̀ tɨ́ viŋ, tɨ́ kaꞌ wə kee baa bweꞌsə viŋ nə kəŋ yigi tɔ ley mɔ́ꞌ me.

2 Tesalonika 2:17

Bàw ŋwə kɨ boolə fwi siŋ, kwàŋ wutə maa viŋ, tɨ́ kaꞌ viŋ kɨ yɨsə vənu vəjəəvə vənshə, gisə sheꞌ vənu vəjəəvə nɨzi.

2 Tesalonika 2:2

viŋ kɨ duꞌ, wə kee bùulə fwi siŋ me. Kɨ fwi siŋ ghaysə viŋ me! Shi kɔ́ faŋ tɨta Yeso ndɔ baa bəŋ jwi nə, kee ta yikuꞌnə me. Wə kɔlə jwi gi tɨ́ viŋ laa Zwitə Nwi twèlə nu kɔ́ tɨ́ yi, tɨꞌnə me laa gì yia tɨ́ yi, tɨꞌnə me laa nyɔ̀ꞌ yia nɨniŋ, laa shi kɔ́ kùꞌnə, kɨ fwi siŋ ghaysə viŋ shɔ me!

1 Timoti 6:20

Zɔ mɔɔ, Timoti, bàw a tweꞌ maa nu ŋkɨə faŋ Nwi nùŋsə tɨ́ ghɔ. Kɨ nyɨŋ yigisə dayday, faŋ nyə kee yikuꞌnə maa nu Nwi me, baa nyɨŋ yigi njyə faŋ vɨ tii nə yigi tɔ-ley nə, faŋ nyə kee bee lùu nu tɔ ley me.

1 Jɔn 4:1

Vɨɨmba vaŋ, kɨ viŋ baa kɨ biŋ vənu vənshə faŋ vɨɨ fɨꞌtə tɨ́ viŋ laa fɨ̀ꞌtə Zwitə Ley Nwi tɨ́ vəŋ me. Viŋ mɔŋ vəŋ, ywiitə laa zwitə ŋkɨə faŋ ŋkə lùu ghɔ vəŋ, nə ndɔ̀ fɨ ghɔ Nwi mu? Viŋ mɔŋ vəŋ buꞌ laa vɨɨ məsɨɨ təba maa nu Nwi fùu taa mbi vəyaŋ.

Ŋwaꞌlə Jud 1:12

Vəŋ bɨsə yizii nshəŋtə yiŋ buꞌ faŋ viŋ vɨ vəŋ yaa kɨ duꞌ shəŋ muꞌ, zɨ. Vəŋ duꞌ taa ŋwaa viŋ, zɨ, lumə sheꞌ nu yiŋwaa vəŋ, kee bee kìi tɔ dɨɨ me. Nɨniŋ, vəŋ lùu yaa mbɔꞌ yifusə faŋ yighuu kee lùu taa tey yi me. Fɨɨ yaa kɨ shɔɔ, saynə nyə. Vəŋ baa lùu yaa vətɨ faŋ mbə kee kɨkoonə me, faŋ yighee məkoonə kɔlə kùꞌ, ŋkee yaa vətɨ faŋ vɨ shoꞌ fɨ nsi ghɔ vɨ ghay, mbə yɔŋ, kùkə laylay.

Ŋwaꞌlə Jud 1:3

Vɨɨmba vaŋ faŋ mə kàw, mə nə kɨsə kəə laa mə nyɔꞌ ŋwaꞌlə ŋwə̀ tɨ́ viŋ maa mədə faŋ Nwi bwèysə nsiŋ vənshə. Nwi də̀ shee laa ŋkə bàw laa mə nyɔꞌ ŋwaꞌlə tɨ́ viŋ, buꞌ ghɔ tɨ́ viŋ laa viŋ faꞌ nə wutə, tɨ́ kaꞌ viŋ tɨŋ weꞌ maa nu Nwi, faŋ viŋ nùŋ fwi maa Nwi nə. Maa lùu nu faŋ Nwi nə nàysə tɨ́ vɨɨ vi. Kaꞌ yigi yɔ́ kee ndɔ kwiinə me.