Hibru 13:8 - Vengo (Babungo)

⁸ Faŋ Yeso Kristo sɨ lùu ywaŋ, ŋwə lùu nɨndɨŋ ndee, goꞌsə yighee muꞌ nɨzi.

Hibru 13:8 ပူးပေါင်းရင်းမြစ်များ

2 Kɔrintian 1:19

Nshɨ-tɔ Yeso Kristo, wee Nwi, faŋ mə nə fɨ̀ꞌtə kɔ̀ŋ ŋwə taa ŋwaa viŋ, yia Silas nə Timoti, ŋwə nɨzi kee lùu ɔŋ nə bey me. Ŋkee yinsəŋ, Nwi nə gì laa ɔŋ tɨ́ nsiŋ ŋkee maa nu kwalə buꞌ ŋwə.

2 Kɔrintian 1:20

Nu kwalə kɔ́ lùu laa Nwi yɨsə vənu vəjəəvə vənshə faŋ Nwi nə kɔ̀ꞌnə maa məfaynə taa ŋwaa Yeso. Luu sheꞌ buꞌ Yeso nɨzi, laa vɨɨ kɨ biŋ Nwi, bəŋsə Nwi maa vənu vəjəəvə vɔ́. Kaꞌ vɨɨ kɨ bəŋsə Nwi shɔ, buꞌ laa yia nə fɨꞌtə vənu vɔ́ tɨ́ vəŋ.

Hibru 1:12

A buꞌ nə vətɔ vɔ́ yaa njwi yimɔ́ꞌ faŋ nyə dwàŋ, mbə ndɔ kwiinə yaa njwi yaa kɨ kwiinə nə. Luu nə, gə̀ fɨ maa ghɔ, a goꞌsə yighee muꞌ, ŋuꞌsə sə kee kìi vəndwə me.»

Jeyms 1:17

Vətɔ vəjəəvə vənshə faŋ vɨ kɔ tɨ́ viŋ, nə vəkeynə viŋ vənshə faŋ mbə bàw, ndɔ fɨ yizɔ fɨ ghɔ Nwi faŋ ŋwə lùu tɨɨ təkiꞌ fɨ yizɔ. Nshɨ-tɔ Nwi kee yaa kɨ kiasə me, kee kwiinə me, yaa shɨshwi yaa kiasə, ndɨŋ gu, vədɨꞌ fə̀ŋ me.

Ŋwaꞌlə Jud 1:25

Nsiŋ kɨ bəŋsə Nwi, faŋ luu sheꞌ ŋwə lùu Nwi nɨnɔŋ. Gaŋtə ŋwə gaŋtə nsiŋ fɨ yiba tɨta ŋwaa-nsiŋ Yeso Kristo. Kii sheꞌ Nwi kìi feenə, nə yikwalə nə wutə məsɔꞌ mbi. Nə luu nɨniŋ fɨ maa vənzi, baa lùu ndwə, ndɔ goꞌsə nɨniŋ vəshi və mbi və̀ vənshə. Ŋkə lùu nɨniŋ.

Reveleyshən 1:11

Gɨ yɔ́ gi laa mə nyɔꞌ nu ŋkɨə faŋ mə ye taa ŋwaꞌlə, tɔ̀ŋ tɨ́ vəməshəŋtə və vɨɨ Nwi kwatia. Vəməshəŋtə kwatia vɔ́ luu mbə fɨ shɨ Efesɔs, nə fɨ shɨ Smirna, nə fɨ Pergamum, nə fɨ Tiateyra, nə fɨ Sardis, nə fɨ Filadelfia, nə fɨ Laodosia.

Reveleyshən 1:4

Lùu mə, Jɔn, faŋ mə tɔ̀ŋ ŋwaꞌlə ŋwə̀ tɨ́ vəməshəŋtə və vɨɨ Nwi kwatia fɨ nsi Asia. Mənɔŋ-bwaŋnə tɔ viŋ nə məduꞌ-nyɔŋ fɨ ghɔ Nwi faŋ ŋwə nə luu shɔ fɨshi, baa lùu shɔ ndwə, ndɔ baa jwi maa yighee yiba nə. Mənɔŋ-bwaŋnə baa lùu tɔ viŋ fɨ ghɔ vəzwitə vəleyvə kwatia mbɨə faŋ mbə lùu vɨsɨ yɨ ŋkaw Nwi,

Reveleyshən 1:8

Tɨta Nwi Nshɔɔ-mbi, faŋ ŋwə nə luu shɔ yighee vɨsɨ, baa lùu shɔ ndwə, ndɔ jwi yighee yiba nɨzi, ŋwə nə gì laa lee, «Lùu mə lùu vənzi, baa lùu vəndwə və vənu.»