Hibru 13:7 - Vengo (Babungo)

⁷ Viŋ lumə vɨɨ mbɨə faŋ vəŋ nə fɔŋ kìi viŋ, də̀ jɨɨ tɨ́ viŋ, baa fɨ̀ꞌtə yigisə Nwi tɨ́ viŋ. Viŋ ywiitə faŋ nshinə vəŋ nə dùꞌ ziꞌ maa shi yiku vəŋ. Viŋ nuŋ fwi siŋ maa Nwi sheꞌ faŋ vəŋ nəə yɨsə nə.

Hibru 13:7 ပူးပေါင်းရင်းမြစ်များ

Matiu 24:45

Yeso baa kɨ tii yigisə tii yimɔ́ꞌ tɨ́ vəŋ, gì laa lee, «Bàw viŋ lùu yaa wuu faꞌ yinsəŋ, baa lùu yaa wuu yitɔfə, faŋ tɨɨ faꞌ wi nùŋsə ŋwə tɔ vɨɨ faꞌ vi, laa ŋwə kɨ kɔ fazɨ tɨ́ vəŋ maa yighee yijəənə.

Lukas 12:42

Tɨta Yeso gi laa, «Nshiiŋii faŋ vənu vi lùu vəbi, faŋ ŋwə baa lùu tɔfə, lùu ndə, faŋ tɨɨ fu nùŋsə vɨɨ vi vənshə taa ghɔ ŋwə, laa ŋwə kɨ kɔ mfɨꞌ fazɨ vəŋ tɨ́ vəŋ maa yighee njyə faŋ nyə kùꞌnə?

Lukas 5:1

Shi mɔ́ꞌ Yeso nə luu mbɨɨ maghia Genesaret. Vɨɨ tɨŋ yɨ ŋwə maa məzɔ nu Nwi.

Lukas 8:11

Viŋ zɔ! Ŋiꞌ yigisə tii yɔ́ lùu tɨ́ nee: Ŋgwisə say ghinə ghɔ́ faŋ vɨ mɔ̀ꞌ nə, luu yigisə Nwi. Nsi yɔ́ faŋ vɨ mɔ̀ꞌ ŋə shɔ nə, lùu vɨɨ.

Akts 13:46

Pɔɔl ghɔ Barnabas ka fwi, gì tɨ́ vəŋ laa, «Ŋkə nə bàw laa vɨ bɨ fɨꞌtə nu Nwi tɨ́ vɨɨ Jus. Luu nə, viŋ twey, kee kɨ ndi ŋwaa wiŋ laa viŋ kìi məbwey vəlwaŋ me. Nɨniŋ, yia taa meꞌtə viŋ ndwə, gə̀ maa vɨɨ məshɨ məday.

Akts 14:23

Maa vəshəŋ vənshə vəŋ shoꞌ vɨɨ, nùŋsə vəŋ maa vɨɨ taa fɨ taa məshəŋtə vɨɨ Kristo, baŋ fazɨ, shɔꞌtə Nwi, mɔꞌ ghɔ vəŋ tɔ vɨɨ taa vɔ́, nuŋsə vəŋ vɨsɨ tɨta Yeso, laa ŋwə shiinə vəŋ, yuu vəŋ nə nùŋ fwisə vəŋ maa ŋwə nə.

Akts 4:31

Faŋ vəŋ nə bùꞌ ghɔ tɨ́ Nwi nɨniŋ nə, shəŋ ŋkɨə faŋ vəŋ nə faynə shɔ nə, nəꞌnə, Zwitə Ley Nwi ŋii taa fwisə vəŋ vənshə. Vəŋ fɨꞌtə nu Nwi nə fwi yiweꞌ.

Roma 10:17

Nɨniŋ, kaꞌ vɨɨ nùŋ fwisə vəŋ maa Nwi, buꞌ faŋ vəŋ zɔ nu ki. Vɨɨ fɨꞌtə nu ki, buꞌ laa lùu yigi faŋ nə gì nshɨ-tɔ Kristo.

1 Kɔrintian 10:13

Viŋ kee ta kɨɨ nə wutə məmɔŋ me. Tuu məmɔŋ kee ta jwì maa viŋ, faŋ ŋwə nə kee lùu nu wə mənsaw me. Luu nə, Nwi lùu wuu yinsəŋ. Kaꞌ Nwi kee biŋ laa məmɔŋ ŋii maa viŋ me, faŋ kaꞌ viŋ kee taa ghɔꞌ nu kɔ́ me. Faŋ məmɔŋ ŋii viŋ, buu ŋwə taa kɔ wutə tɨ́ viŋ laa viŋ tɨŋnə weꞌ, tɨ́ kɨ kaꞌ viŋ ghɔ̀ꞌ məmɔŋ ghɔ́.

1 Kɔrintian 11:1

Bàw viŋ kɨ faꞌ sheꞌ faŋ mə faꞌ, buꞌ faŋ mə baa luu fàꞌ sheꞌ yaa Kristo.

1 Kɔrintian 4:16

Nɨniŋ, mə buꞌ ghɔ tɨ́ viŋ laa viŋ beꞌsə ghuu yitoꞌ kaŋ.

Filipi 3:17

Vaŋ-nshwi vaŋ, viŋ vənshə kɨ toꞌ nə nshinə njyə faŋ viŋ yè maa mə nə. Viŋ kɨ ndeynə vɨɨ mbɨə faŋ vəŋ yɨ jəə maa jɨɨ yinjii. Yia lùu vəshwenə, tɨ́ kaꞌ viŋ kɨ beꞌsə.

1 Tesalonika 1:6

Viŋ nə zwètə nshinə yia baa nə nshinə tɨta Yeso, buꞌ faŋ viŋ nə zɔ̀ nu Nwi, bìŋ nə məŋaytə, faŋ vɨ nə kɔlə kɔ ŋɨꞌ tɨ́ viŋ ŋkee yiyaŋ. Nə yɨsə Zwitə Ley Nwi laa viŋ nə bìŋ nə məŋaytə nə.

1 Tesalonika 2:13

Nɨniŋ, yia bwaŋ Nwi buꞌ viŋ ghee nshə. Yighee njyə faŋ yia nə jwì nə yigisə Nwi tɨ́ viŋ nə, viŋ zɔ, nùŋ fwi siŋ shɔ, kee ndì yigisə yɔ́ yaa yigisə wə mənsaw me, ndì lùu yaa yigisə Nwi, faŋ nyə lùu nɨniŋ yinsəŋ. Nə luu nɨniŋ buꞌ laa Nwi nə faꞌ taa ŋwaa viŋ, faŋ viŋ nə nùŋ fwi siŋ maa ŋwə nə.

2 Tesalonika 3:7

Viŋ kɔꞌ kɨɨ faŋ ŋkə bàw laa viŋ kɨ beꞌsə ghuu yitoꞌ kia, buꞌ laa yia nə kee tòꞌ twey faꞌ taa ŋwaa viŋ me,

2 Tesalonika 3:9

Yia nəə kee yɨ nɨniŋ buꞌ faŋ ŋkə nə kee kùꞌnə tɨ́ yia me. Yia nəə yɨ nɨniŋ laa yia də shwenə nu tɨ́ viŋ, tɨ́ kaꞌ viŋ ndì ghuu yitoꞌ kia fɨ fuŋ.

1 Timoti 3:5

Wə kɨ luu kee kɨɨ sɔꞌ vɨɨ taa ŋii ŋwə me, buu kaꞌ ŋwə ndeynə nu nshəŋtə vɨɨ Nwi, ŋkə bàw kɨkə?

Hibru 13:17

Viŋ kɨ zɔnə vɨɨ mbɨə faŋ vəŋ luu vɨsɨ taa ŋwaa viŋ. Viŋ yɨ nu ŋkɨə faŋ vəŋ kəə, buꞌ laa vəŋ lùu vɨɨ məshiinə viŋ faŋ vəŋ ndɔ tɨŋ vɨsɨ Nwi, fì tɔ vəŋ shɔ kɔ̀ŋ məshii vəŋ ghɔ́. Viŋ zɔnə vəŋ tɨ́ kaꞌ vəŋ fàꞌ faꞌ vəŋ nə məŋaytə. Fwisə vəŋ kɨ luu kìi məluŋ shɔ, buu ŋkə kee ndɔ gaŋtə viŋ me.

Hibru 13:24

Viŋ shɔꞌtə vɨɨ taa fɨ taa ŋwaa viŋ vənshə, ghɔ vɨ vɨɨ Nwi vənshə. Vɨɨ Nwi mbɨə faŋ vəŋ nə ndɔ̀ fɨ shɨ Itali, shɔꞌtə viŋ.

Hibru 6:12

Yia kee kəə laa viŋ kɨ bəə ŋay me, yia kəə laa viŋ kɨ beꞌsə vɨɨ mbɨə faŋ vəŋ nùŋ fwisə vəŋ maa Nwi, twèꞌ shɔ, tɨ́ kaꞌ vəŋ ndɔ zɨ məbwey vəlwaŋ faŋ Nwi kɔ̀ꞌnə maa məkɔ tɨ́ vɨɨ vi nə.

1 Pita 4:11

Wə kɨ luu kɨ gisə yigi, bàw ŋwə kɨ gisə sheꞌ yigisə Nwi. Kɨ luu, wə nə faꞌ faꞌ Nwi, gaŋtə vɨɨ, bàw ŋwə kɨ faꞌ nə wutə ŋkɨə faŋ Nwi kɔ̀ tɨ́ ŋwə. Viŋ kɨ yɨ nɨniŋ laa, viŋ kɨ bəŋsə Nwi maa vənu vənshə fɨ yiba Yeso Kristo, faŋ ŋwə kwàlə, ndɔ weꞌ, gòꞌsə yighee muꞌ. Ŋkə lùu nɨniŋ.

Reveleyshən 1:9

Lùu mə, Jɔn, weenshu wiŋ, faŋ nsiŋ ye ŋɨꞌ, ndɔ zɨ nu yifwàŋ Nwi mɔ́ꞌ, baa jìa fwi saŋ-nsiŋ maa ŋɨꞌ fɨ yiba Yeso, faŋ mə nyɔꞌ ŋwaꞌlə ŋwə̀ tɨ́ viŋ. Vɨ nə nùŋsə mə maa wee-shəŋ nsi mɔ́ꞌ nɨntəŋ mamuu, yizii shəŋ kɔ́ lùu Patmɔs. Vɨ nùŋsə mə buꞌ laa mə nəə fɨꞌtə nu Nwi, baa bìŋ nu Yeso ntee.

Reveleyshən 20:4

Mə baa yè yiley vəŋkaw və məsɔꞌ mbi. Vɨɨ fuu dùꞌ fuu vəŋkaw vɔ́, Nwi nuŋ vəŋ maa vɨɨ məshia nsɔꞌsə. Mə kɨ nii yè vəŋku və vɨɨ mbɨə faŋ vɨ nə shètə yitɔ yivəŋ, buꞌ faŋ vəŋ nə biŋ nu Kristo ntee, baa fɨꞌtə nu Nwi tɨ́ vɨɨ nə. Nə luu vəŋku və vɨɨ mbɨə faŋ vəŋ nə kee bə̀ŋsə nyaa yì nə fənyia fi me, kee biŋ laa vɨ shwey ŋgwia vəŋ mbootɔ vəŋ me, tɨꞌnə me ghɔ vəŋ me. Vəŋ ywey, kɨ sɔꞌ mbi ghɔ vɨ Kristo ŋuꞌ ŋkaŋ.

Reveleyshən 6:9

Ŋwə shoꞌ vəlay lwesə tee, mə ye vəzwitə və vɨɨ mbɨə faŋ vɨ nə zwilə vəŋ buꞌ nu Nwi, nə buꞌ məbiŋ vəŋ faŋ vəŋ nə bìŋ yizii Kristo ntee nə. Vəŋ duꞌ ŋiꞌ shəŋ məkɔ Nwi,