Hibru 13:6 - Vengo (Babungo)

⁶ Nɨniŋ, kaꞌ nsiŋ kìi fwi yizutə, gì laa, «Nwi lùu wuu ŋgaŋtə ŋwaa, mə kee ndɔ fee me. Wə mənsaw sii taa kii wutə tɨ́ kaꞌ ŋwə yɨ̀ nu maa mə kɨkə?»

Hibru 13:6 ပူးပေါင်းရင်းမြစ်များ

Matiu 10:28

Kɨ viŋ kɨ fee vɨɨ mbɨə faŋ kaꞌ vəŋ zwìlə yiŋwaa yiŋ, kee kɨɨ zwi zwitə kiŋ me. Viŋ fee sheꞌ Nwi faŋ kaꞌ ŋwə zwì zwitə kiŋ nə ŋwaa wiŋ maa shəŋ vəŋku və nsisə vəbwəvə taa wi.

Roma 8:31

Faŋ ŋkə lùu nɨniŋ nə, kaꞌ nsiŋ zwètə kə fɨ fuŋ? - Viŋ zɔ! Faŋ Nwi lùu maa kwiŋ ŋwaa-nsiŋ nə, sii kaꞌ baa kɔ̀ŋ ndə kɔ̀ŋ nsiŋ?

Efesɔs 3:12

Nsiŋ kii fwi yizutə vɨsɨ Nwi buꞌ Kristo ndwə. Kɨ kaꞌ nsiŋ jìa fwi saŋ-nsiŋ, gə̀ ye Nwi nə məŋaytə, buꞌ faŋ nsiŋ nùŋ fwi saŋ-nsiŋ maa Yeso Kristo.

Hibru 10:19

Vaŋ-nshwi vaŋ, buꞌ mənshi mbɨə faŋ Yeso nə tùtə, faŋ ŋwə nə kù nə, vɨ ŋàꞌsə jɨɨ laa nsiŋ shɔɔ gə̀ maa shəŋ ŋkɨə faŋ Nwi lùu shɔ nə. Nsiŋ kɔꞌ kɨɨ laa fa kee fə̀ŋ nsiŋ shɔ me.

Hibru 4:16

Nɨniŋ, bàw nsiŋ kii fwi yiweꞌ, kɨ jwi nə məŋaytə maa shəŋ kenə Nwi ŋkɨə faŋ ŋwə kee gəŋsə vɨɨ shɔ nə. Bàw nsiŋ gə maa shəŋ kɔ́ tɨ́ kaꞌ nsiŋ kìi mənɔŋ-bwaŋnə fɨ fuŋ, Nwi taa kɨ kee gəŋ saŋ-nsiŋ, baa gaŋtə nsiŋ maa yighee njyə faŋ nyə kùꞌnə.