Hibru 13:5 - Vengo (Babungo)

⁵ Viŋ baꞌsə fwi yiŋ fɨ maa məkaw ka, bee kii suꞌsə ŋwaa nsi, laa vətɔ mbɨə faŋ viŋ kii, kuꞌnə tɨ́ viŋ. Viŋ lumə laa nshɨ-tɔ Nwi nə gì laa, «Kaꞌ mə kee ndènə ghɔ me, tɨꞌnə me mèꞌtə ghɔ me.»

Hibru 13:5 ပူးပေါင်းရင်းမြစ်များ

Matiu 6:19

«Kɨ viŋ baytə vətɔ fɨ shɨ nsi, nùŋ maa shəŋ faŋ mbɔŋ nə kwa taa kwə me, tɨꞌnə me vəndɔꞌ bɨꞌ ŋìi shàw me.

Matiu 6:25

«Nɨniŋ, mə naysə tɨ́ viŋ laa, kɨ viŋ kɨ saŋ ŋwaa buꞌ nu məbwey kiŋ, laa viŋ taa zɨ kə, tɨꞌnə me nù kə me, kee kɨ saŋ ŋwaa buꞌ yiŋwaa yiŋ laa viŋ taa shuŋ kə me. Maa məbwey shɔ̀ɔ fazɨ, ŋwaa shɔɔ njwisə.

Matiu 6:34

Nɨniŋ, kɨ viŋ kɨ saŋ ŋwaa wiŋ buꞌ nu mbisɨ me. Shi mbisɨ taa lootə nu sheꞌ maa nshɨ-tɔ wi. Ŋɨꞌ ndee kùꞌ tɨ́ ndee.»

Mark 7:22

nə nu mətii vəki, nə nu məsəsə vətɔ, nə nu yibɨsə njyoꞌ, nə nu kəmfuŋsə, nə nu məzɨ shɨ, nə məshiasə vɨɨ, nə nu məndeynə vɨɨ nə sɨ bwənə, nə mənda wə, nə məkoꞌsə ŋwaa, nə nu mfaw,

Lukas 3:14

Vəsogeꞌ nɨzi bitə tɨ́ ŋwə laa sii kaꞌ vəŋ yɨ kə? Ŋwə gi tɨ́ vəŋ laa, kɨ vəŋ fi fa wə nə wutə me, tɨꞌnə me sɨ̀ɨ ba tɔ wə me, baa nə laa vəŋ goꞌsə sheꞌ nə ka faꞌ vəŋ faŋ vɨ ndɔꞌ vəŋ shɔ nə.

Lukas 8:14

Gə fɨ maa say ŋgɨə faŋ ŋə fìŋkə taa nyawsə, lùu yaa nu vɨɨ mbɨə faŋ vəŋ zɔ̀ nu Nwi, luu nə, vəŋ taa kɨ bəŋ gə, kɨ kɔŋ ŋwaa vəŋ buꞌ nu vətɔ və shɨ nsi. Nɨniŋ, vənu və ka, nə nu məzɨ ŋwaa bweꞌsə vəŋ, say vəŋ ku nɨniŋ, ŋgwisə yi kee yifuu me.

Roma 1:29

Ŋgwisə vənu vəbwəvə lwaŋ taa fwisə vəŋ, nə nu yibɨsə njyoꞌ. Vəŋ tə̀ sɨ maa məkii vətɔ vəyaŋ, kìi fwi yifəŋ. Fəsə baa lwàŋ taa fwisə vəŋ, nə nu məzwi wə, nə nywaŋsə, nə nu mənay, nə mbɨꞌtə yibwə, nə məgisə maa shuŋ,

1 Kɔrintian 5:11

Nu ŋkɨə faŋ mə kəə gì, lùu laa kɨ viŋ kɨ duꞌ shəŋ muꞌ viŋ vɨ wə faŋ ŋwə gì laa yi lùu wuu Nwi, luu nə, yɨsə vənu vəbwəvə me. Weenshu ŋwaa-nsiŋ mɔ́ꞌ lùu shɔ faŋ ŋwə tii vəki, tɨꞌnə me səsə vətɔ, tɨꞌnə me feꞌ vənwi vədayday, tɨꞌnə me ndasə vɨɨ, tɨꞌnə me nu məluꞌ ghenə, tɨꞌnə me shɨshaw, kɨ viŋ kɨ shi viŋ vɨ kəŋ vɨɨ vɔ́ shəŋ muꞌ me. Kɨ viŋ kɨ zɨnə viŋ vɨ kəŋ vɨɨ vɔ́ faŋ vəŋ yɨsə kəŋ vənu vɔ́ me.

1 Kɔrintian 6:10

nə vɨɨ faŋ vəŋ shɨshaw, nə vɨɨ vəŋwiŋ, nə vɨɨ faŋ vəŋ nu məluꞌ, mbə shɔɔ sɨ vəŋ, nə vɨɨ faŋ vəŋ toꞌ ndasə vɨɨ, nə vɨɨ faŋ vəŋ si vətɔ və vɨɨ, kəŋ vɨɨ vɔ́ vənshə, faŋ vəŋ yɨsə vənu vəbwəvə vɔ́ nə, kee ndɔ ŋii taa nu yifwàŋ Nwi me.

2 Kɔrintian 4:9

Vɨ shoꞌ ghuu ghia, Nwi kee meꞌ yia me. Vɨ mɔꞌ yia nsi, kee ndìsə yia me.

Efesɔs 5:3

Kɨ nu mətoꞌ sakə, nə nshinə yibwə, nə nu məzɨ shɨ luu taa ŋwaa viŋ me. Kɨ vɨ kee bee gisə kɔ̀ŋ kəŋ vənu vɔ́ me, tɨ́ kaꞌ viŋ kùꞌnə yaa vɨɨ ley Nwi.

Efesɔs 5:5

Viŋ kɔꞌ kɨɨ ŋkee jəə laa kɨ tuu wuu mətii vəki nə mətoꞌ sakə, tɨꞌnə me, yɨ-kəbwə, tɨꞌnə me wuu məzɨ shɨ, ndɔ kɨ shi taa ŋwaa vɨɨ nu yifwàŋ Kristo nə Nwi me. Kəŋ vɨɨ vɔ́ lùu yaa vɨɨ məfeꞌ vənwi vədayday.

Kɔlɔsii 3:5

Nɨniŋ, viŋ meꞌ nshinə yimwanə yiŋ, faŋ nyə ndɔ̀ fɨ taa mbi yibwə. Viŋ ndi nshinə yɔ́ yaa nu faŋ ŋkə duꞌtə ŋkə ku. Kɨ viŋ baa kɨ tii vəki me, tɨꞌnə me yɨ kəŋ nu bwə mɔ́ꞌ me. Kɨ fwi yiŋ ndɔ maa nu me. Kɨ viŋ tə sɨ maa nu bwə me, tɨꞌnə me baytə vətɔ vəyaŋ me, buꞌ laa wə kɨ luu kɨ baytə vətɔ vəyaŋ, buu vətɔ vɔ́ kɨ nii luu tɨ́ ŋwə yaa vənwi faŋ ŋwə feꞌ. Vənu vəbwəvə vɔ́ vənshə ndɔ fɨ maa nshinə yimwanə yɔ́.

1 Timoti 3:3

Kɨ ŋwə kɨ nu məluꞌ, mbə shɔɔ sɨ ŋwə me, tɨꞌnə me, luu wuu məkəə yighaw me. Bàw ŋwə luu wuu bwaŋnə, kee kɨ kəə nsɔꞌsə me, fwi yi kee kɨ ndɔ maa ka me.

2 Pita 2:14

Vəŋ bɨꞌtə sheꞌ vənu və vəki maa mətii vəŋ ghee nshə. Kaꞌ vəŋ kee bwà fɨ maa məyɨ vənu vəbwəvə me. Vəŋ bweꞌsə vɨɨ mbɨə faŋ vəŋ kee luu vəweꞌ maa nu Nwi me, laa vəŋ yɨ vənu vəbwəvə nɨzi. Vəŋ kəə sheꞌ sey ka nə vətɔ. Kəŋ vɨɨ vɔ́ lùu taa nsɔꞌ Nwi.

2 Pita 2:3

Vɨɨ mədeesə bwə vɔ́ ndɔ kɨ kaw maa məzɨ shɨ. Vəŋ sɨɨ təba, bwèꞌsə viŋ, tɨ́ kaꞌ vəŋ sey fɨ fuŋ. Luu nə, shù fɨshi, Nwi faŋ ŋwə yaa kɨ sɔꞌ nsɔꞌsə vɨɨ nə, kwaŋ vəŋ taa nsɔꞌ. Yighee njyə faŋ Nwi ndɔ ndisə vəŋ, lùu nshənə.

Ŋwaꞌlə Jud 1:11

Ŋkə ndɔ luu ŋkee kəbwə tɨ́ vəŋ. Vəŋ toꞌ ghuu yitoꞌ Kayin, yɨ vənu vəbwəvə maa məkii ka yaa Balaam nə yɨ̀sə yighee vɨsɨ. Vəŋ ndɔ kukə buꞌ məshii vəŋ, yuu vəŋ nywenə nu Nwi, yaa Kora nə yɨ̀ buu ku.