Hibru 13:4 - Vengo (Babungo)

⁴ Bàw vɨɨ vənshə kɨɨ nə nuŋsə məndaa. Bàw wəndɔŋ nə wəzwi kɨ kii fwi yinsəŋ maa wə fɨ vəŋ. Viŋ kɔꞌ kɨɨ laa Nwi ndɔ kwaŋ nsɔꞌ tɔ vɨɨ mbɨə faŋ vəŋ yɨ nu bwə taa məndaa, (faŋ wəndɔŋ jɔŋ zu wi, tɨꞌnə me tii vəki, tɨꞌnə me faŋ wəzwi shi ghɔ wəndɔŋ faŋ kee lùu ŋgwinə me.)

Hibru 13:4 ပူးပေါင်းရင်းမြစ်များ

1 Kɔrintian 5:13

Kaꞌ sɔꞌ sheꞌ Nwi sɔ̀ꞌ vɨɨ mbɨə faŋ vəŋ kee lùu vɨɨ Nwi me. Luu nə, gə fɨ maa nu bwə kɔ́ taa ŋwaa viŋ nə, viŋ kɨ yɨsə sheꞌ faŋ vɨ nyɔ̀ꞌ taa ŋwaꞌlə Nwi laa, «Viŋ jɔŋ wuu bwə ghɔ́ fɨ taa ŋwaa viŋ!»

1 Kɔrintian 6:18

Nɨniŋ, viŋ meꞌtə vənu vəbwəvə vɔ́. Kɨ viŋ faynə nə vəki sakə me. Wə kɨ luu yɨ nu bwə mɔ́ꞌ, ŋkə kee kɔ̀ŋ ŋwaa wi me. Luu nə, wə shi ghɔ vəki, buu lùu nu bwə faŋ ŋkə kɔ̀ŋ ŋkee ŋwaa wi.

1 Kɔrintian 6:9

Viŋ kɔꞌ kɨɨ laa vəyɨ-kəbwə kee ndɔ ŋii taa nu yifwàŋ Nwi me. Kɨ viŋ kɨ bweꞌsə yiŋwaa yiŋ me! Vɨɨ faŋ vəŋ yɨsə vənu vəbwəvə, tɨꞌnə me shi nə vəki, nə vɨɨ faŋ vəŋ feꞌ vənwi, nə vɨɨ faŋ vəŋ meꞌtə vəki vəvəŋ, tìi vəki vəmɔ́ꞌ, nə vəndɔŋ faŋ vəŋ shi nə vəliŋ vəvəŋ vəndɔŋ,

1 Kɔrintian 7:38

Nɨniŋ, wə ntɨə faŋ ŋwə biŋ məndaa wee-wəzwi ghɔ́, yɨ nu jəə. Wə ntɨə faŋ ŋwə kee yibiŋ me, yɨ jəə shɔ̀ɔ yiŋkii.

1 Kɔrintian 9:5

Ŋkə nə kee yikuꞌnə laa yia ndaa vəki, kɨ toꞌ yia vɨ vəŋ mɔ́ꞌ yimu? Maa ŋkə nə kùꞌnə tɨ́ yia sheꞌ yuu ŋkə kùꞌnə tɨ́ Pita ghɔ vɨɨ ntɔŋ Yeso vəmɔ́ꞌ, baa nə vaŋ-nshwi Yeso, faŋ vəŋ yɨsə nɨniŋ.

2 Kɔrintian 5:10

Viŋ kɔꞌ kɨɨ laa nsiŋ vənshə ndɔ koꞌ fuu vəŋkaw və nsɔꞌ və Kristo, tɨ́ kaꞌ wə nə wə fì fɨ ghɔ ŋwə maa nu ŋkɨə faŋ ŋwə nə yɨ̀sə shɨ nsi nyə̀, faŋ ŋkə nə luu kəjəə, tɨꞌnə me kəbwə.

Galatia 5:19

Nsiŋ kɔꞌ kɨɨ nə vənu mbɨə faŋ mbə ndɔ̀ fɨ taa ŋkitə vɨɨ, faŋ lùu vənu vəbwəvə vənshə, yaa nu vəki vəsakə, nə nu mətii vəki, nə nshinə yibwə,

Galatia 5:21

nə məsəsə vətɔ və vɨɨ, nə məzwi wə, nə mənu məluꞌ məyaŋmə, nə maa mətia yiŋwaa, nə kəŋ vənu vɔ́ vəyaŋ. Mə gì tɨ́ viŋ faŋ mə nə duꞌtə mə gi tɨ́ viŋ laa, vɨɨ faŋ vəŋ yɨsə kəŋ vənu vɔ́, kee ndɔ ŋii məbwey vəlwaŋ taa yifwàŋ Nwi me.

Efesɔs 5:5

Viŋ kɔꞌ kɨɨ ŋkee jəə laa kɨ tuu wuu mətii vəki nə mətoꞌ sakə, tɨꞌnə me, yɨ-kəbwə, tɨꞌnə me wuu məzɨ shɨ, ndɔ kɨ shi taa ŋwaa vɨɨ nu yifwàŋ Kristo nə Nwi me. Kəŋ vɨɨ vɔ́ lùu yaa vɨɨ məfeꞌ vənwi vədayday.

1 Tesalonika 4:6

Baa nə laa kɨ wə yɨ nu bwə maa weenshu wi me, kee kɨ fuŋsə ŋwə maa nu me, buꞌ laa tɨta Nwi bəŋsə vənu vəbwəvə vɔ́ vənshə tɨ́ vɨɨ, kwaŋ nsɔꞌ tɔ vəŋ, sheꞌ faŋ yia nə duꞌtə yia naysə tɨ́ viŋ, baa tɨsə viŋ shɔ nə.

1 Timoti 3:12

Bàw vɨɨ faꞌ taa ŋii Nwi luu vɨɨ faŋ vəŋ ndaa wəzwi muꞌ muꞌ, sɔꞌ vaŋ vəŋ nə ŋii vəŋ jəə.

1 Timoti 3:2

Luu nə, ŋkə bàw laa kɨ tuu wee-fɨ-nu bwə lùu maa wuu məndeynə vɨɨ Nwi me. Bàw zu wi luu sheꞌ muꞌ. Tɔ ki luu kəley, ŋwə kɨ yɨsə vənu nə yitɔfə, yɨsə vənu maa jɨɨ yiloomə, kwaŋ vəndɔ taa ŋii ŋwə, baa kùꞌnə maa mətwelə ŋiꞌ nu Nwi.

1 Timoti 3:4

Bàw ŋwə luu wə faŋ ŋwə sɔꞌ vɨɨ taa ŋii ŋwə jəə, jia vaŋ vi jəə, vəŋ zɔnə ŋwə, gwènə ŋwə.

1 Timoti 4:3

Vɨɨ vɔ́ deesə laa lùu nu bwə maa məndaa, baa nə maa məzɨ taŋ fazɨ mɔ́ꞌ, faŋ fazɨ kɔ́ kɔlə lùu fa faŋ Nwi nə bɔ̀ŋ, tɨ́ kaꞌ vɨɨ mbɨə faŋ vəŋ nùŋ fwi vəŋ maa ŋwə, nə vɨɨ faŋ vəŋ kɨɨ nə nu yinsəŋ, kɨ zɨ, bwaŋ Nwi shɔ.

1 Timoti 5:14

Nɨniŋ, mə kəə laa vəki ŋkusə faŋ vəŋ kɨ bii vaŋmbwaa, ndaa, bì vaŋ vəŋ, kɨ sɔꞌ ŋiinə vəŋ, tɨ́ kaꞌ vəŋ kee kɔ jɨɨ tɨ́ tɨɨ vəzwitə vəbwəvə maa məjia vəŋ, vɨ gisə bwə tɔ vəŋ me.

Taytəs 1:6

Bàw laa wuu taa fɨ taa nshəŋtə vɨɨ Nwi luu wə faŋ tuu kee wee-nsɔꞌ kee lùu maa ŋwə me, zu wi baa luu sheꞌ muꞌ, vaŋ vi bìŋ nu Kristo nɨzi, kee kɨ bɨbuulə me, kee shɨshii me.

Hibru 12:16

Viŋ kɨ ndɨɨnə laa kɨ wə yɨ nu bwə me, tɨꞌnə me, ndì nu Nwi nsi me, yaa Esaw nə yɨ yighee vɨsɨ buꞌ dɨꞌ fazɨ nə. Ŋwə nə fìŋ yita yi tɨ́ tuŋnə yiba jɨŋ ki.

Reveleyshən 22:15

Vɨɨ mbɨə faŋ vəŋ lùu fu fɨ taa ŋkɔꞌ, lùu vɨɨ bwənə, nə vɨɨ ŋay, nə vɨɨ mətii vəki, nə vɨɨ məzwilə vɨɨ, nə vɨɨ faŋ vəŋ bəŋsə vənwi vədayday, nə vɨɨ təba, faŋ vəŋ kàw təba, baa yɨsə nu təba.»