Hibru 13:3 - Vengo (Babungo)

³ Viŋ lumə vɨɨ mbɨə faŋ vəŋ lùu taa ŋii mfiŋ buꞌ nu Nwi. Bàw ŋkə luu tɨ́ viŋ yaa viŋ lùu taa ŋii mfiŋ nɨzi, viŋ vɨ vəŋ. Viŋ baa lumə vɨɨ mbɨə faŋ vəŋ ye ŋɨꞌ, yaa vɨɨ faŋ vəŋ kɨ bii vɨɨ viŋ.

Hibru 13:3 ပူးပေါင်းရင်းမြစ်များ

Matiu 25:36

Mə nə luu nə ntɨŋ, viŋ kɔ mə nə njwi. Mə nəə zɨzasə, viŋ jwi ndèynə mə. Mə nə luu taa ŋii mfiŋ, viŋ jwi yè mə.»

Matiu 25:43

Mə nə luu ndɔ, viŋ kee ndì mə taa ŋii viŋ me. Mə nə luu nə ntɨŋ, viŋ kee kɔ̀ mə nə njwi me. Mə nəə zɨzasə, baa lùu taa ŋii mfiŋ, viŋ kee jwì ndèynə mə me.»

Akts 24:23

Ŋwə kɨ nii nàysə tɨ́ tɨɨ vəsogeꞌ mɔ́ꞌ, laa vɨ baa kwàŋ Pɔɔl taa ŋkɔꞌ, kee baa kɨ jia ŋwə bwə me, kee kɨ twey vɨɨmba Pɔɔl maa məjwi ye ŋwə, gàŋtə ŋwə me.

Akts 27:3

Fu kɨ lee yia ziꞌ Sidon. Fwi Julius nə luu yijəə maa Pɔɔl. Ŋwə biŋ tɨ́ Pɔɔl laa ŋwə gə yè vɨɨmba vi, tɨ́ kaꞌ vəŋ gaŋtə ŋwə nə vətɔ mbɨə faŋ ŋwə nəə bəə maa yitoꞌ yɔ́.

Roma 12:15

Viŋ kɨ ŋaytə viŋ vɨ vɨɨ mbɨə faŋ vəŋ ŋaytə, gwia viŋ vɨ vɨɨ faŋ vəŋ gwia.

1 Kɔrintian 12:26

Kɨ luu laŋnə ŋwaa wə kəmuꞌ ye ŋɨꞌ, buu vəlaŋ və ŋwaa vənshə taa ye ŋɨꞌ nɨzi. Kɨ luu laŋ kəmuꞌ kii feenə, buu vəlaŋ vənshə taa kɨ ŋaytə nə laŋnə ŋwaa yiŋkii.

Efesɔs 4:1

Nɨniŋ, mə Pɔɔl, faŋ mə ŋìi mfiŋ buꞌ yizii tɨta Yeso nə, mə tɨsə viŋ laa viŋ kɨ toꞌ ghuu yitoꞌ kiŋ faŋ ŋkə kùꞌnə maa vənu mbɨə faŋ Nwi nə tìi viŋ shɔ nə.

Kɔlɔsii 4:18

Maa məndwə, ye məshɔꞌtə ŋwaa faŋ nyɔ̀ꞌ mə Pɔɔl ŋkee nə ghɔ kaŋ. Viŋ kɨ lumə laa mə lùu taa ŋii mfiŋ feenə. Nwi tu mənɔŋ-bwaŋnə tɔ viŋ!

Hibru 10:34

Viŋ nəə ye ŋɨꞌ, viŋ vɨ vɨɨ ŋii mfiŋ, faŋ vɨ nə kwàŋ vəŋ mfiŋ buꞌ nu Nwi nə. Viŋ nə jìa fwi nə məŋaytə faŋ vɨɨ sa vətɔ viŋ, buꞌ laa viŋ lùu vɨɨ Nwi nə. Viŋ nə yɨ̀ nɨniŋ, buꞌ faŋ viŋ nəə kɔꞌ kɨɨ laa viŋ kìi vətɔ faŋ mbə shɔ̀ɔ yimbii, faŋ mbə ndɔ goꞌsə yighee muꞌ.

Hibru 11:37

Vɨɨ mɔ́ꞌ nə luu shɔ faŋ vɨ nəə tumə vəŋ nə ŋoꞌsə, vəŋ kukə. Vɨɨ mɔ́ꞌ nə luu shɔ faŋ vɨ nə shètə vəŋ vəkwi vəbɔɔ. Vɨɨ mɔ́ꞌ shɔ faŋ vɨ nə zwìlə vəŋ nə vəbaꞌ. Vɨɨ mɔ́ꞌ nə tòꞌ yaa mbəəsə, shuŋ sheꞌ gɔsə bisə, vɨ kɔ ŋɨꞌ tɨ́ vəŋ dɨdɨꞌ vəshəŋ vəshəŋ, jɨŋ baa zasə vəŋ.

1 Pita 3:8

Maa məndwə nu kɔ́, mə gì tɨ́ viŋ vənshə, viŋ kii mbɨꞌtə yiŋ yimuꞌ, nə ŋkitə yimuꞌ, kìi fwi yijəə. Viŋ kɨ kaw nə yiŋwaa yiŋ yaa vaŋ-nshwi, kee gəŋsə vɨɨ, baa lùu vəzutə.