Hibru 13:20 - Vengo (Babungo)

²⁰ Nwi faŋ ŋwə kɔ məduꞌ-nyɔŋ ywèysə tɨta ŋwaa-nsiŋ Yeso Kristo fɨ shɨ yiku. Yeso luu nshii nyaa-nsiŋ faŋ ŋwə shii vɨɨ vənshə. Nə luu mənshi mə Yeso faŋ Nwi nə ndì, yɨ̀sə laa məkee mbɨə faŋ Nwi nə kɔ̀ꞌnə tɨ́ nsiŋ nə, weꞌ gòꞌsə yighee muꞌ.

Hibru 13:20 ပူးပေါင်းရင်းမြစ်များ

Matiu 26:28

lùu mənshi maa nə, faŋ vɨ tù buꞌ vɨɨ vənshə maa məndisə yibɨsə vəŋ. Lùu məkee məfimə faŋ Nwi gwìa tɨ́ viŋ.

Mark 14:24

Ŋwə gi tɨ́ vəŋ laa, «Lùu mənshi maa faŋ mə taa tutə tɔ vɨɨ vəyaŋ. Mə ndɔ ku tɔ vəŋ, tɨ́ kɨ kaꞌ vəŋ gwia məkee məfimə ghɔ vɨ Nwi.

Lukas 22:20

Vəŋ kɨ metə maa məzɨ, ŋwə baa ndì ndaw məluꞌ nɨzi, gì laa, «Ndaw məluꞌ nyə̀ lùu mənshi maa, faŋ mə ndɔ tutə tɔ viŋ, laa viŋ vɨ Nwi gwia məkee məfimə.]

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:11

«Mə lùu yaa nshii bisə yijəə. Nshii bisə yijəə yaa kɨ ku tɔ bisə si.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:14

Mə luu nshii bisə yijəə. Mə kɨɨ nə bisə saŋ, bisə saŋ kɨɨ nə mə.

Akts 13:30

Luu nə, Nwi yweysə ŋwə fɨ shɨ yiku.

Akts 17:31

buꞌ laa Nwi tə̀ shi faŋ ŋwə ndɔ shoꞌmə vənu və vɨɨ vənshə fɨ shɨ nsi, tə̀ wə faŋ ŋwə ndɔ shoꞌmə nu kɔ́ nə tɔ ki. Ŋwə ndɔ shoꞌmə vənu vənshə sheꞌ nə jɨɨ yiloomə. Nwi kɔ̀ wutə kɔ́ tɨ́ wə ghɔ́, faŋ Nwi nə ywèysə ŋwə fɨ shɨ yiku.»

Akts 2:24

Luu nə, Nwi yweysə ŋwə fɨ shɨ yiku, fùusə ŋwə fɨ taa ghɔ yiku, buꞌ laa wutə yiku nə kee kùꞌ maa məjia ŋwə me.

Akts 2:32

Nɨniŋ, Nwi nə ywèysə Yeso fɨ shɨ yiku, yia vənshə ye ŋwə nə sɨ ghia.

Akts 3:15

baa nə laa vɨ zwi wə ntɨə faŋ ŋwə lùu tɨɨ məbwey. Luu nə, Nwi yweysə ŋwə fɨ shɨ yiku, yia ye ŋwə nə sɨ.

Akts 4:10

Bàw viŋ vənshə, nə ŋgwisə ŋiꞌ ŋii Isirayl kənshə kɨɨ laa, wə ŋwə̀ faŋ ŋwə tɨŋ vɨsɨ viŋ, tɨ́ ŋwə bwaŋnə nə, bwaŋnə buꞌ yizii Yeso Kristo, wuu Nazaret, faŋ viŋ nə bèy ŋwə fuu fəŋkɔꞌ fə ŋkɨꞌsə. Nwi yweysə ŋwə fɨ shɨ yiku.

Akts 5:30

Nwi faŋ lùu Nwi vətɨɨ vaŋ-nsiŋ, ywèysə Yeso fɨ shɨ yiku, ŋkee Yeso ŋgwə faŋ viŋ nə bèy ŋwə fuu fəŋkɔꞌ, ŋwə ku.

Roma 1:4

Ŋwə lùu wee Nwi buꞌ wutə Nwi nə Zwitə Ley ŋkɨə faŋ ŋkə lùu taa ŋwaa ŋwə. Nwi nùŋsə ŋwə maa ŋwiŋ wi, buꞌ faŋ ŋwə nə ywèysə ŋwə fɨ shɨ yiku. Wee Nwi ghɔ́ lùu tɨta ŋwaa-nsiŋ Yeso Kristo,

Roma 10:7

Tɨꞌnə me laa, «Taa siꞌ ndə taa wee-nsi-yibay» - maa məsiꞌ gə̀ fùusə wuu məbweysə fɨ taa ŋwaa vəŋku vənsisə me.

Roma 15:33

Nwi faŋ ŋwə kɔ məduꞌ-nyɔŋ tɨ́ vɨɨ nə, luu viŋ vɨ vəŋ vənshə. Ŋkə lùu nɨniŋ.

Roma 16:20

Nwi faŋ ŋwə kɔ məduꞌ-nyɔŋ tɨ́ vɨɨ nə, taa fiitə tɨɨ vəzwitə vəbwəvə Satan ŋiꞌ ghuu viŋ, ŋkə kee baa luu ntaŋ me. Tɨta ŋwaa-nsiŋ Yeso tu mənɔŋ-bwaŋnə tɔ viŋ!

Roma 8:11

Kɨ luu laa Zwitə Ley Nwi ŋkɨə faŋ ŋkə nə ywèysə Yeso fɨ shɨ yiku nə, lùu taa fwisə viŋ, buu Nwi faŋ ŋwə nə ywèysə Yeso fɨ shɨ yiku nə, ndɔ yɨsə yiŋwaa yiŋ faŋ nyə ndɔ ku, baa ywèy nɨzi buꞌ Zwitə ki faŋ ŋkə lùu taa fwisə viŋ nə.

1 Kɔrintian 14:33

Lùu nɨniŋ buꞌ laa nu məbuulə vənu kee bàw tɨ́ Nwi me. Ŋkə bàw tɨ́ Nwi faŋ nsiŋ toꞌ nə məduꞌ-nyɔŋ fɨ taa nshəŋtə vɨɨ Nwi yinshə.

1 Kɔrintian 15:15

Nwi nəə toꞌ maa yweysə Kristo me, buu ŋkə nə də̀ nɨzi laa yia lùu vɨɨ məsɨɨ təba kɔ̀ŋ nu Nwi, buꞌ faŋ yia naysə tɨ́ vɨɨ laa Nwi nə ywèysə Yeso fɨ shɨ yiku nə, faŋ məywey fɨ shɨ yiku kee lùu shɔ nə me.

1 Kɔrintian 6:14

Sheꞌ faŋ Nwi nə ywèysə Yeso Kristo fɨ shɨ yiku nə, ŋwə ndɔ baa ndi wutə ki kɔ́, yɨ̀sə nsiŋ ywey fɨ shɨ yiku nɨzi.

2 Kɔrintian 13:11

Maa məndwə, vaŋ-nshwi vaŋ, viŋ bwey jəə. Viŋ biŋ laa vɨ bɔŋsə viŋ, bwàsə fwi yiŋ. Viŋ bɨꞌtə nu kiŋ kəmuꞌ, dùꞌ nə mənɔŋ-bwaŋnə viŋ viŋ. Nwi faŋ lùu Nwi məkaw vɨɨ, baa lùu Nwi mənɔŋ-bwaŋnə nɨzi, dùꞌ viŋ vɨ vəŋ.

2 Kɔrintian 4:14

Yia kɔꞌ kɨɨ laa wə ntɨə faŋ ŋwə nə ywèysə tɨta Yeso fɨ shɨ yiku nə, ndɔ baa yweysə nsiŋ buꞌ ŋwə, jwì nə nsiŋ, nùŋsə vɨsɨ ŋwə.

Galatia 1:1

Tɔ̀ŋ mə, Pɔɔl, tɔ̀ŋ ŋwaꞌlə ŋwə̀ tɨ́ nshəŋtə vɨɨ məbiŋ Kristo fɨ shɨ Galatia. Mə lùu wuu ntɔŋ Yeso Kristo. Kee tɔ̀ŋ vɨɨ tɔ̀ŋ mə maa məfaꞌ faꞌ ŋwaa ŋwə̀ me. Kee shòꞌ vɨɨ shòꞌ mə me. Nə shoꞌ ŋkee nshɨ-tɔ Yeso shòꞌ mə, tɔ̀ŋ mə, ghɔ Nwi faŋ lùu Tii ŋwaa-nsiŋ, faŋ ŋwə nə ywèysə Yeso fɨ shɨ yiku nə.

Efesɔs 1:20

Ŋwə nə də̀ wutə ki kɔ́ mbɨɨ ŋwaa Kristo, faŋ ŋwə nə ywèysə ŋwə fɨ shɨ yiku, nùŋ ŋwə maa kwiŋ maꞌnə wi taa yizɔ.

Filipi 4:9

Viŋ kɨ yɨsə vənu mbɨə faŋ mə nə dèesə viŋ shɔ, baa mèꞌtə taa ghɔ viŋ nə. Vənu mbɨə faŋ viŋ nə zɔ̀ fɨ ghɔ mə, baa yè faŋ mə yɨsə, lùu mbɨə faŋ viŋ taa yɨ nɨzi. Nɨniŋ nə, Nwi, faŋ ŋwə kɔ məduꞌ-nyɔŋ tɨ́ vɨɨ nə, taa goꞌsə viŋ vɨ vəŋ.

Kɔlɔsii 2:12

Faŋ viŋ nə fì muu mə Nwi nə, ŋkə nə lùu yaa vɨ zwì viŋ Kristo mɔ́ꞌ, təə, nshinə yibwə yiŋ ku. Sheꞌ nɨniŋ, Nwi yweysə viŋ vɨ Kristo fɨ shɨ yiku mɔ́ꞌ, buꞌ faŋ viŋ nùŋ fwi siŋ maa wutə Nwi, faŋ ŋwə ywèysə Yeso Kristo fɨ shɨ yiku nə.

1 Tesalonika 1:10

baa nə laa viŋ kɨꞌ Yeso, wee Nwi, faŋ Nwi nə ywèysə ŋwə fɨ shɨ yiku nə, faŋ ŋwə ndɔ siꞌ fɨ yizɔ, jwì bwèysə nsiŋ fɨ taa nsɔꞌ Nwi faŋ nyə ndɔ ŋii maa vɨɨ nə.

1 Tesalonika 5:23

Nshɨ-tɔ Nwi faŋ ŋwə lùu Nwi mənɔŋ-bwaŋnə nə, yɨsə viŋ baw shɨlə maa vənu viŋ vənshə! Bàw ŋwə jia zwitə kiŋ nə fwi siŋ nə ŋwaa wiŋ, laa viŋ baw mètə, tuu wee-ndoꞌ kee lùu maa viŋ me, maa shi ŋkɨə faŋ tɨta ŋwaa-nsiŋ Yeso Kristo ndɔ bəŋ jwi.

2 Tesalonika 3:16

Ŋkee nshɨ-tɔ Tɨɨ mənɔŋ-bwaŋnə kɔ viŋ nə mənɔŋ-bwaŋnə ghee nshə maa jɨɨsə sənshə! Tɨta Kristo goꞌsə viŋ vɨ vəŋ vənshə!

Hibru 10:22

Nɨniŋ, bàw nsiŋ nuŋ fwi saŋ-nsiŋ maa Yeso, jwì yɨ Nwi nə fwi yiley, buꞌ laa mənshi mə Yeso yɨsə fwi saŋ-nsiŋ ley. Nsiŋ lùu vɨɨ faŋ vəŋ sɔ̀ yiŋwaa yivəŋ ŋkee taa muu məleymə, faŋ nsiŋ nə fì muu mə Nwi nə.

Hibru 10:29

Faŋ ŋkə lùu nɨniŋ nə, viŋ kɔꞌ kɨɨ laa nsɔꞌ wə ntɨə faŋ ŋwə ndasə ŋkee wee Nwi, weꞌ shɔ̀ɔ. Kəŋ wə ghɔ́ ndì yiku Yeso, faŋ Nwi nə gwìa məkee shɔ tɨ́ nsiŋ nə, yaa nu dayday, baa shiasə Zwitə Nwi faŋ ŋkə jwi nə mənɔŋ-bwaŋnə nə. Nsɔꞌ kəŋ wə ghɔ́ weꞌ shɔ̀ɔ.

Hibru 9:20

Faŋ ŋwə nə fɔ̀ꞌ mənshi mbɔ́ maa vɨɨ nə, ŋwə gi nə gɨ yishaꞌsə laa, «Lùu mənshi mbɨə faŋ Nwi gwìa məkee shɔ tɨ́ viŋ.»

1 Pita 1:21

buꞌ laa viŋ kwàŋ fwi siŋ maa Nwi buꞌ ŋwə, faŋ Nwi nə ywèysə ŋwə fɨ shɨ yiku, kòꞌsə ŋwə fuu ŋkaw yifwàŋ. Nɨniŋ, kaꞌ viŋ nùŋ fwi siŋ maa Nwi, kɨ kɨꞌ məbwey vəlwaŋ fɨ ghɔ ŋwə.

1 Pita 2:25

Viŋ yaa luu yaa bisə-njɨɨ faŋ nsə ndì jɨɨ. Lùu ndwə, viŋ bə̀ŋ jwì kɨ beꞌsə wə ntɨə faŋ ŋwə shii viŋ, gaŋtə viŋ.

1 Pita 5:4

Nɨniŋ laa Yeso, tɨɨ nshiisə bisə sɔ́, ndɔ kɔ viŋ nə vəkeynə faŋ mbə gòꞌsə yighee muꞌ, maa yighee njyə faŋ ŋwə ndɔ fuu ntee sɨ vɨɨ.