Hibru 13:17 - Vengo (Babungo)

¹⁷ Viŋ kɨ zɔnə vɨɨ mbɨə faŋ vəŋ luu vɨsɨ taa ŋwaa viŋ. Viŋ yɨ nu ŋkɨə faŋ vəŋ kəə, buꞌ laa vəŋ lùu vɨɨ məshiinə viŋ faŋ vəŋ ndɔ tɨŋ vɨsɨ Nwi, fì tɔ vəŋ shɔ kɔ̀ŋ məshii vəŋ ghɔ́. Viŋ zɔnə vəŋ tɨ́ kaꞌ vəŋ fàꞌ faꞌ vəŋ nə məŋaytə. Fwisə vəŋ kɨ luu kìi məluŋ shɔ, buu ŋkə kee ndɔ gaŋtə viŋ me.

Hibru 13:17 ပူးပေါင်းရင်းမြစ်များ

Lukas 16:2

Wə ghɔ́ tii wuu məshii ŋii wi ghɔ́, gì tɨ́ ŋwə laa, «Sii lùu kə nə faŋ mə zɔ kɔ̀ŋ ghɔ? Ndi ŋwaꞌlə wə, jwì, sɨ saytə vətɔ vaŋ vənshə, faŋ mə nə nùŋsə tɨ́ ghɔ, buꞌ laa a kee baa kuꞌnə maa wuu məshii ŋii nyaa me.»

Akts 20:28

Nɨniŋ, viŋ kɨ shiinə yiŋwaa yiŋ, baa shii nwaa vɨɨ mbɨə faŋ Zwitə Ley Nwi nùŋsə taa ghɔ viŋ nə. Viŋ luu nshiisə vɨɨ Kristo, faŋ ŋwə nə shòꞌ vəŋ, kù tɔ vəŋ nə.

Roma 14:12

Nɨniŋ, nsiŋ vənshə ndɔ kɨ kɔ bəŋsə tɨ́ Nwi buꞌ vənu vaŋ-nsiŋ tɔ tɔ.

1 Kɔrintian 16:16

Mə bùꞌ ghɔ tɨ́ viŋ laa viŋ kɨ kɔ feenə tɨ́ vɨɨ yaa vəŋ. Viŋ baa kɔ feenə tɨ́ vɨɨ vənshə faŋ ghɔ vɨ vəŋ faꞌ faꞌ Nwi mɔ́ꞌ.

Efesɔs 5:21

Kɨ zɔnə viŋ viŋ, buꞌ laa viŋ zɔnə Kristo.

Filipi 1:4

Ghee nshə faŋ mə shɔꞌtə Nwi tɔ viŋ, mə shɔꞌtə ŋwə tɔ viŋ vənshə nə məŋaytə,

Filipi 2:12

Vaŋ-nshwi vaŋ faŋ mə kàw, viŋ yaa zɔnə yigisə Nwi ghee nshə, faŋ nsiŋ nə luu mɔ́ꞌ nə. Bàw viŋ baa zɔnə shɨshɔɔ, faŋ nsiŋ kee baa lùu mɔ́ꞌ nə me. Viŋ kɨ toꞌ maa nu Nwi nə wutə, fee Nwi, kɨ lɔꞌ, tɨ́ kaꞌ Nwi ndɔ bweysə viŋ.

Filipi 2:16

Viŋ nuŋsə yigisə Nwi taa fwisə viŋ, yigi njyə faŋ nyə də jɨɨ məbwey vəlwaŋ tɨ́ vɨɨ. Viŋ kɨ luu kɨ yɨ nɨniŋ, buu vɨ ndɔ biŋ mə maa shi ŋkɨə faŋ Kristo ndɔ bəŋ jwi, laa yitoꞌ nyaa faŋ mə nəə toꞌ buꞌ nu Nwi, nə faꞌ ŋgwə faŋ mə nəə faꞌ shɔ nə, kee fùu dayday me.

Filipi 2:29

Faŋ ŋwə taa jwi, viŋ kɔ bwaŋnə tɨ́ ŋwə maa yizii tɨta Nwi. Viŋ ŋaytə maa ŋwə. Bàw viŋ kɨ kɔ bəŋsə tɨ́ kəŋ vɨɨ vɔ́.

Filipi 3:18

Vɨɨ vəyaŋ lùu shɔ faŋ vəŋ kee tòꞌ nɨniŋ me. Mə duꞌtə mə gi tɨ́ viŋ kɔ̀ŋ vɨɨ vɔ́ ghee yaŋ. Mə baa naysə tɨ́ viŋ nə mənsɨ sɨ mə ndwə laa, jɨɨ njyə faŋ vɨɨ vɔ́ toꞌ fɨ fuŋ nə, lùu jɨɨ vɨɨ mbeenə nu fəŋkɔꞌ fə ŋkɨꞌsə fə Kristo.

Filipi 4:1

Vaŋ-nshwi vaŋ, faŋ mə kàw viŋ, baa kaw maa məye viŋ, yaa kɨ yɨ viŋ laa fwi nyaa kɨ kii məŋaytə. Viŋ lùu vəkeynə vaŋ fɨ ghɔ Nwi. Vɨɨmba vaŋ, viŋ kɨ tɨŋnə weꞌ maa nu Nwi, sheꞌ faŋ mə duꞌtə mə naysə tɨ́ viŋ nə.

2 Tesalonika 3:14

Kɨ luu wə mɔ́ꞌ kee zɔ̀ ntɨ yia faŋ nyə lùu taa ŋwaꞌlə ŋwə̀ nə me, viŋ shwenə ŋwə, kee kɨ zɨnə viŋ vɨ vəŋ me, yuu tɔ ki dɨɨ, ŋwə kwiinə fwi yi.

1 Timoti 5:17

Bàw vɨ kɨ fee vɨɨ taa mbɨə faŋ vəŋ lùu tɔ taa məshəŋtə vɨɨ Nwi, faŋ vəŋ faꞌ faꞌ vəŋ jəə. Kɨsə kɔ feenə tɨ́ vɨɨ taa vɔ́ faŋ vəŋ sàŋ ŋwaa vəŋ maa məfɨꞌtə nu Nwi, baa twelə ŋiꞌ ki.

Hibru 13:24

Viŋ shɔꞌtə vɨɨ taa fɨ taa ŋwaa viŋ vənshə, ghɔ vɨ vɨɨ Nwi vənshə. Vɨɨ Nwi mbɨə faŋ vəŋ nə ndɔ̀ fɨ shɨ Itali, shɔꞌtə viŋ.

Hibru 13:7

Viŋ lumə vɨɨ mbɨə faŋ vəŋ nə fɔŋ kìi viŋ, də̀ jɨɨ tɨ́ viŋ, baa fɨ̀ꞌtə yigisə Nwi tɨ́ viŋ. Viŋ ywiitə faŋ nshinə vəŋ nə dùꞌ ziꞌ maa shi yiku vəŋ. Viŋ nuŋ fwi siŋ maa Nwi sheꞌ faŋ vəŋ nəə yɨsə nə.

Jeyms 4:7

Nɨniŋ nə, viŋ zɔnə Nwi, twey nu zwitə bwə Satan, buu ŋwə taa kɨ nyɨŋ fɨ yɨ viŋ.

1 Pita 5:5

Gə fɨ maa za bwa, bàw viŋ kɨ zɔnə za taa fɨ taa nshəŋtə vɨɨ Nwi. Gə fɨ maa vɨɨ vənshə, bàw viŋ shuŋ kɔtə kəmuꞌ, bwàsə fwi siŋ nsi, viŋ viŋ, faŋ vɨ nə nyɔ̀ꞌ taa ŋwaꞌlə Nwi laa, «Nwi kee kàw vɨɨ mbɨə faŋ vəŋ koꞌsə ŋwaa me, kèe gəŋsə vɨɨ mbɨə faŋ vəŋ sùꞌsə yiŋwaa vəŋ nsi.»