Hibru 13:10 - Vengo (Babungo)

¹⁰ Shəŋ shɔ faŋ Kristo feꞌ ndey shɔ tɨ́ Nwi. Lùu shəŋ ŋkɨə faŋ ŋwə nə kù tɔ nsiŋ nə. Luu nə, kaꞌ vɨɨ mbɨə faŋ vəŋ faꞌ tɨ́ Nwi maa jɨɨ nuŋsə vɨɨ Isirayl, kee kìi jɨɨ zɨ vətɔ və ndey vɔ́ me.

Hibru 13:10 ပူးပေါင်းရင်းမြစ်များ

1 Kɔrintian 10:20

Bey, ŋkə kee lùu nɨniŋ me. Nu ŋkɨə faŋ mə kəə gi, lùu laa, vɨɨ mbɨə faŋ vəŋ kee kɨ̀ɨ nə Nwi me, feꞌ ndey, buu vəŋ kɔ məfeꞌ ghɔ́ lùu tɨ́ vəzwitə vəbwəvə, vəŋ kee feꞌ lùu Nwi me. Nɨniŋ, mə kee kàw laa viŋ kɨ faynə viŋ vəzwitə vəbwəvə me.

1 Kɔrintian 9:13

Maa viŋ kɨɨ laa vɨɨ mbɨə faŋ vəŋ faꞌ taa ŋii Nwi yikwalə, yaa kɨ kii fazɨ fɨ maa vətɔ mbɨə faŋ mbə fuu fɨ taa ŋii Nwi yɔ́, faŋ kɔ̀ vɨɨ nə. Vɨɨ mbɨə faŋ vəŋ faꞌ shəŋ faŋ vɨ feꞌ Nwi shɔ, vəŋ yaa kɨ kii fɨ maa mbasə ghɔ́ nɨzi, faŋ vɨ ndɨ̀, fèꞌ ndey Nwi shɔ nə.

Hibru 8:5

Faꞌ ŋgwə faŋ vɨɨ məfeꞌ Nwi vɔ́ faꞌ nə, luu sheꞌ maa jɨɨ faŋ nyə fɨ̀nə vənu mbɨə faŋ mbə lùu yizɔ. Vətɔ mbɨə faŋ vəŋ faꞌ nə mbə nə, luu sheꞌ yaa ndɨɨlə vətɔ fɨ yizɔ. Mbə kee luu ŋkee vətɔ me; mbə luu sheꞌ ndɨɨlə vətɔ fɨ yizɔ. Vɨɨ nə nàysə vətɔ vɔ́ sheꞌ faŋ Nwi nə də̀ tɨ́ Mose. Maa yighee njyə faŋ Mose nəə kəə fianə vəbee və Nwi nə, Nwi nə gì tɨ́ ŋwə laa, «Kɨ tɔfə laa a naysə vətɔ vənshə, mbə kuꞌnə maa vətɔ mbɨə faŋ mə nə də̀ tɨ́ ghɔ fuu baŋ nə.»