Hibru 12:3 - Vengo (Babungo)

³ Bàw viŋ lumə nu Yeso kɔ́, faŋ ŋwə nə bìŋ maa məye ŋɨꞌ, yè ŋɨꞌ fɨ ghɔ vɨɨ bwənə faŋ vəŋ nə bee ŋwə nə. Viŋ lumə ŋwə, tɨ́ kaꞌ viŋ kee bwa me, fwi siŋ kee bwa nɨzi me.

Hibru 12:3 ပူးပေါင်းရင်းမြစ်များ

Matiu 11:19

Gə fɨ maa Wuu yinsəŋ Nwi, ŋwə jwi kɨ zɨ, ndɔ nu, vɨ gi laa ŋwə luu waa-mfii-ndaa, baa lùu wuu mənu məluꞌ, baa nə laa ŋwə lùu wuumba vɨɨ məsa vətɔ nə vɨɨ məyɨ vənu vəbwəvə. Luu nə, vɨ ye yitɔfə Nwi fɨ maa faꞌ wi.»

Matiu 12:24

Vɨɨ Farisii zɔ, gì ŋkə-vəŋ laa, «Wə ŋwə̀ fuusə vəzwitə vəbwəvə nə wutə tɨɨ vəzwitə vəbwəvə.»

Matiu 15:2

«Sii yɨ̀ kə vɨɨ məzwetə nu kə shoꞌsə nuŋsə faŋ vɨɨ taa nə nùŋsə nə? Vəŋ kɨ biitə zɨ, vəŋ kee sɔ̀ ghɔ vəŋ me.»

Matiu 21:23

Yeso baa kɨ gə taa ŋii Nwi yikwalə, dèesə nu Nwi tɨ́ vɨɨ. Vɨɨ kwalə məfeꞌ Nwi nə vəshɨꞌ fɨ shɨ jwi yɨ ŋwə, gì tɨ́ ŋwə laa, «A sii yɨsə kəŋ vənu vɔ́ nə wutə ŋkɨə? Lùu ndə yiba jɨŋ ghɔ faŋ ŋwə kɔ wutə kɔ́ tɨ́ ghɔ?»

Matiu 21:46

Nɨniŋ, vəŋ kəə kɨ jia ŋwə, luu nə, fèe vɨɨ mbɨə faŋ vəŋ nə bàytə yifi, buꞌ laa vɨɨ vɔ́ nə bìŋ laa Yeso lùu nshiiŋii-sɔghɔ.

Matiu 22:15

Yeso nə gì nɨniŋ, vɨɨ Farisii gə kà yighaw faŋ vəŋ taa kɔꞌsə ŋwə nə yigi maa məkwaŋ ŋwə taa nsɔꞌ.

Lukas 14:1

Nə luu shi zwisə Nwi mɔ́ꞌ faŋ Yeso nə gə ŋìi taa ŋii wuu kwalə mɔ́ꞌ fɨ taa nwaa vɨɨ Farisii maa məzɨ bee, vɨ nyɔꞌ ŋwə.

Lukas 15:2

Vɨɨ Farisii ghɔ vɨ vɨɨ mədeesə ŋwaꞌlə Nwi ye, lùlə, kɨ gisə laa, «Ebee, wə ŋwə̀ ndì vɨɨ məyɨ vənu vəbwəvə, ghɔ vɨ vəŋ nə zɨ.»

Lukas 16:14

Vɨɨ Farisii zɔ vənu vɔ́ vənshə, shìasə ŋwə, buꞌ laa vəŋ nə luu vɨɨ faŋ vəŋ kàw ka dɨdɨꞌ.

Lukas 2:34

Saymon tu mənɔŋ-bwaŋnə maa vəŋ, gì tɨ́ Meri, nshu wee ghɔ́ laa, «Ye mɔɔ, Nwi nùŋ wee ŋwə̀ laa vɨɨ vəyaŋ fɨ taa ŋwaa vɨɨ Isirayl ndɔ ndi buꞌ faŋ vəŋ kee nuŋ fwi vəŋ maa ŋwə me, vəmɔ́ꞌ ndɔ bwey buꞌ ŋwə. Ŋwə ndɔ luu shwenə fɨ ghɔ Nwi, faŋ vɨɨ vəyaŋ taa kɨ twey ŋwə.

Lukas 5:21

Vɨɨ mədeesə ŋwaꞌlə Nwi nə vɨɨ Farisii zɔ nu kɔ́, kwàꞌtə fɨ taa fwisə vəŋ, ndɔ kɨ gisə vəŋ vəŋ laa, «Wə ŋwə̀ sii lùu ndə? Maa ŋwə tàw Nwi. Kaꞌ ndenə sheꞌ Nwi ndènə yibɨsə vɨɨ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:20

Vɨɨ vəyaŋ gi laa zwitə bwə taa ŋwaa ŋwə, ŋwə ghɨghenə, baa nə laa, «Viŋ sii zɔ vənu mbɨə faŋ ŋwə gisə tɨ́ kə?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:22

Faŋ Yeso nə gì yigi nyə̀, wuu faꞌ mɔ́ꞌ faŋ ŋwə nə tɨ̀ŋnə yifi, saŋ Yeso, ndɔ̀ gì tɨ́ ŋwə laa, «Ŋkə kùꞌnə tɨ́ kaꞌ a gisə tɨ́ wuu kwalə məfeꞌ Nwi maa kəŋ jɨɨ nyə̀ nee mu?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:16

Nə luu nu ŋkɨə faŋ vɨɨ Jus nə tey kɨ kɔ ŋɨꞌ tɨ́ Yeso, buꞌ laa ŋwə nəə yɨ kəŋ vənu vɔ́ maa shi zwisə Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:12

Vɨɨ mbɨə faŋ vəŋ nə luu yifi nə, shumə ŋwə. Vɨɨ mɔ́ꞌ gi laa ŋwə lùu wuu yinsəŋ. Vɨɨ mɔ́ꞌ twey, gì laa ŋwə toꞌ bweꞌsə vɨɨ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:13

Vɨɨ Farisii gi tɨ́ ŋwə laa, «A gisə sheꞌ nu ŋwaa kə, buu kaꞌ nu ŋkɨə faŋ a gisə, kee lùu nu yinsəŋ me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:52

Vɨɨ Jus vɔ́ gi tɨ́ ŋwə laa, «Buꞌ yigisə yə, yia yè yinsəŋ laa zwitə bwə lùu taa ŋwaa ghɔ. Ŋkee fɨshi Abraham nə ku, nshiisə-ŋii sɔghɔ nə kùkə nɨzi. Sii yɨ̀ kə buu a gi laa wə kɨ luu biŋ yigisə yə, buu ŋwə kee ndɔ ku me?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:59

Yeso nə gi nɨniŋ, vəŋ bwilə ŋoꞌsə fɨ nsi maa mətumə ŋwə shɔ laa ŋwə ku. Luu nə, Yeso buꞌsə fɨ yɨ vəŋ, fùu fɨ taa ŋii Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:40

Vɨɨ Farisii vəmɔ́ꞌ faŋ vəŋ nə luu maa shəŋ kɔ́, zɔ yigi yɔ́, bìtə tɨ́ Yeso laa, «A kəə gì laa sɨ ghia luu fɨsə nɨzi mu?»

1 Kɔrintian 15:58

Nɨniŋ, vaŋ-nshwi vaŋ faŋ mə kàw, viŋ kɨ tɨŋnə weꞌ. Viŋ goꞌ fa kəmuꞌ viŋ vɨ Kristo. Viŋ kɨ faꞌ faꞌ Nwi nə fwi yinshə, buꞌ laa viŋ kɔꞌ kɨɨ laa faꞌ ŋgwə faŋ viŋ faꞌ tɨ́ tɨta Yeso, kee ndɔ ndi day me.

2 Kɔrintian 4:1

Nɨniŋ, yia kee yibwa maa məfaꞌ faꞌ Nwi me. Faꞌ Nwi ghɔ́ nə kɔ̀ Nwi tɨ́ yia buꞌ gəŋsə si, faŋ ŋwə nə kèe gəŋ sia nə.

2 Kɔrintian 4:16

Nɨniŋ, kaꞌ yia kee bwa me. Yiŋwaa yia kɔlə ye ŋɨꞌ, Nwi weꞌsə fwi sia, nsə gù fa fi shi shi.

Galatia 6:9

Nɨniŋ, bàw nsiŋ kɨ yɨ vənu vəjəəvə ghee nshə, kee bwa me. Nsiŋ kɨ luu kee bə̀ŋ nə yiba me, buu nsiŋ ndɔ ye ŋkee nu jəə ŋkɨə faŋ ŋkə fuu fɨ maa faꞌ ŋwaa-nsiŋ ghɔ́ maa yighee njyə faŋ Nwi tə̀.

2 Tesalonika 3:13

Gə fɨ maa viŋ, vaŋ-nshwi via, kɨ viŋ bwa maa məyɨ nu jəə me!

Hibru 12:2

Bàw nsiŋ tə sɨ sheꞌ maa Yeso faŋ ŋwə nə ŋaꞌsə jɨɨ tɨ́ nsiŋ, tɨ́ kaꞌ nsiŋ nùŋ fwi saŋ-nsiŋ maa ŋwə. Ŋwə baa luu gaŋtə nsiŋ, tɨ́ kaꞌ nsiŋ kɨ gə nə vɨsɨ, kɨ bɨbiŋ nu ki, zìꞌ maa vəndwə. Ŋwə nə bìŋ maa məku ŋkee yiku tɔ dɨɨ fuu fəŋkɔꞌ fə ŋkɨꞌsə, kee shə̀ŋ maa nu tɔ dɨɨ kɔ́ me. Ŋwə nə tə̀ sɨ laa yi ndɔ kii məŋaytə ŋgwə faŋ Nwi nùŋsə tɨ́ ŋwə nə. Nɨniŋ, ŋwə dùꞌ fuu ŋkaw yifwàŋ maa kwiŋ maꞌnə Nwi ndwə.

Hibru 12:5

Kɨ viŋ ndenə yigisə Nwi njyə faŋ nyə kwaŋ wutə maa viŋ me. Nwi nə tìi viŋ nə vaŋ vi, gì tɨ́ viŋ laa, «Ŋwiŋ ŋwaa, yighee njyə faŋ Nwi kwaŋ ŋɨꞌ maa ghɔ, ghɨsə ŋwaa wə. Yighee njyə faŋ Nwi saŋ ghɔ, kaa yɨsə fwi yə bwa me.

Hibru 3:1

Nɨniŋ, vaŋ-nshwi vaŋ faŋ viŋ lèy tɨ́ Nwi nə, faŋ Nwi nə tìi viŋ laa viŋ jwi gù vɨɨ vi nə, viŋ tə sɨ maa Yeso faŋ lùu wuu ntɔŋ Nwi, baa lùu wuu kwalə məfeꞌ Nwi, faŋ nsiŋ bìŋ nu ki nə.

1 Pita 2:23

Vɨɨ nə ndàsə ŋwə, ŋwə kee bə̀ŋsə ndisə sɔ́ maa vəŋ me. Vɨ kwaŋ ŋwə taa ŋɨꞌ, ŋwə ye ŋɨꞌ, kee fèsə wə me, nùŋ ŋkitə yi sheꞌ taa ghɔ Nwi, faŋ ŋwə sɔꞌ nsɔꞌsə vɨɨ səloomə.

Reveleyshən 2:3

Mə kɔꞌ kɨɨ laa a jìa fwi yə taa ŋɨꞌ, bìꞌ vətɔ vədɨɨvə maa nu yizii kaŋ, kee bwa me.