Hibru 12:1 - Vengo (Babungo)

¹ Gə fɨ maa nsiŋ, faŋ nsiŋ yè nwaa vɨɨ vɔ́ faŋ vəŋ nə nùŋ fwisə vəŋ maa Nwi, də̀ jɨɨ tɨ́ nsiŋ nə, bàw nsiŋ meꞌ vənu mbɨə faŋ kaꞌ mbə fə̀ŋ jɨɨ nyaa-nsiŋ, nə vənu vəbwəvə faŋ mbə jia nsiŋ nə wutə nə. Nsiŋ ka fwi, kɨ gə vɨsɨ, nyɨŋ ghuu ŋgɨə faŋ ŋgə lùu vɨsɨ nsiŋ nə.

Hibru 12:1 ပူးပေါင်းရင်းမြစ်များ

Matiu 10:22

Vɨɨ vənshə ndɔ kɨ bee viŋ buꞌ mə. Luu nə, wə ntɨə faŋ ŋwə ndɔ jia fwi yi, zìꞌ maa vəndwə və vənu vɔ́, ndɔ kii məbwey vəlwaŋ.

Matiu 24:13

Luu nə, wə ntɨə faŋ ŋwə jia fwi yi, nùŋ sheꞌ maa Nwi, zìꞌ maa vəndwə, ndɔ bwey.

Mark 10:50

Ŋwə meꞌ njwi yi yindiŋ, bìsə yizɔ, gə̀ yɨ Yeso.

Lukas 12:15

Ŋwə baa kɨ nii gì tɨ́ vɨɨ vɔ́ laa, «Viŋ kɨ ndɨɨnə, shiinə yiŋwaa yiŋ laa, kɨ fwi yiŋ kɨ ndɔ maa vətɔ me, fɔnə wə kee yaa kɨ bwey buꞌ laa vətɔ yàŋ ghɔ ŋwə bə̀ me.»

Lukas 16:28

Mə kii vaŋ-nshwi vaŋ tee. Bàw ŋwə gə, tɨ̀ vəŋ nəŋay, laa kɨ vəŋ ndɔ kɨ jwi, ŋii maa shəŋ ŋɨꞌ kə̀ me.»

Lukas 21:34

(Yeso baa gì laa,) «Viŋ kəmə tɔ kiŋ laa, kɨ fwi siŋ bwa buꞌ faŋ viŋ zɨ vətɔ, nu məluꞌ məyaŋmə me, tɨꞌnə me jɔmə vətɔ və shɨ nsi, buꞌ shi kɔ́ ndɔ gwəkə jɨjwi, tɨ́ viŋ kee lootə yiŋwaa me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:32

Ŋwə naysə vənu faŋ ŋwə nə yè nə yisɨ, nə mbɨə faŋ ŋwə nə zɔ̀. Faŋ ŋkə kɔlə lùu nɨniŋ, vɨɨ kee biŋ nu ŋkɨə faŋ ŋwə gisə nə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:39

Vɨɨ Samaria vəyaŋ faŋ vəŋ nəə shi maa ntɨꞌ yɔ́, biŋ nu Yeso, buꞌ faŋ wəzwi ghɔ́ nə gì laa ŋwə kɨɨ nə vənu vi vənshə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:44

Ŋwə nə gə shɨ Galilii faŋ nə luu shɨ ki, tɨ́ ŋwə nə kɔꞌ kɨɨ, baa gì laa vɨɨ shɨ nshiiŋii-sɔghɔ kee yaa kɨ kɔ feenə tɨ́ nshiiŋii-sɔghɔ yɔ́ me.

Roma 12:12

Ŋaytə buꞌ məbwey vəlwaŋ faŋ viŋ kɨꞌ ŋwə nə, jia fwi maa ŋɨꞌ, weꞌ maa məshɔꞌtə Nwi.

Roma 2:7

Ŋwə ndɔ kɔ məbwey vəlwaŋ tɨ́ vɨɨ mbɨə faŋ vəŋ twèꞌ maa məyɨ nu jəə, tə̀ sɨ maa nu ŋkɨə faŋ ŋkə kee ndɔ mè me, baa kəə jɨɨ laa vəŋ baw mètə, tɨ́ kaꞌ Nwi bəŋsə vəŋ.

2 Kɔrintian 7:1

Vɨɨmba vaŋ, faŋ nsiŋ kìi ŋkɔꞌnə nyə̀ nee nə, bàw nsiŋ kiasə yiŋwaa fɨ maa nu bwə tɨ̀ me nu bwə, faŋ ŋkə lùu taa ŋwaa wə, tɨꞌnə me taa zwitə ki. Nsiŋ kɨ yɨ laa nshinə nyaa-nsiŋ taa mètə lèy vɨsɨ Nwi. Nsiŋ yɨ̀ nɨniŋ, fee Nwi.

Galatia 2:2

Mə nə gə̀ shɔ buꞌ faŋ nə nàysə nshɨ-tɔ Nwi shee, laa mə gə shɔ. Faŋ mə nə gə zìꞌ shɔ, yè vɨɨ Kristo fɨ ntɨꞌ Jerusalem, twelə ŋiꞌ ntɔŋ Nwi njyə faŋ mə fɨꞌtə tɨ́ vɨɨ taa məshɨ mətɔŋ, gə̀ yè vɨɨ kwalə vɨɨ Kristo fɨ ntɨꞌ Jerusalem sheꞌ vəŋ vəŋ, twèlə tɨ́ vəŋ ŋkee jəə, laa faꞌ ŋgwə faŋ mə yaa faꞌ taa məshɨ mətɔŋ nə, nə ŋgwə faŋ mə faꞌ nə, kee ndi day me.

Galatia 5:7

Nə luu yighee vɨsɨ, viŋ nəə yɨ jəə. Sii bwèꞌsə ndə bwèꞌsə viŋ, laa viŋ kee baa kɨ zɔnə nu Nwi me?

Efesɔs 4:25

Nɨniŋ, viŋ meꞌtə təba, kɨ gisə nu ŋkɨə faŋ ŋkə lùu nu yinsəŋ viŋ viŋ, buꞌ laa nsiŋ lùu laŋnə ŋwaa kəmuꞌ.

Filipi 1:30

Nɨniŋ, nsiŋ nywenə sheꞌ nywaŋ yimuꞌ. Viŋ nə duꞌtə viŋ ye nywaŋ njyə faŋ mə nə nywenə nə, baa zɔ̀ ndwə laa mə kɨ bii nywenə nywaŋ yɔ́.

Filipi 2:16

Viŋ nuŋsə yigisə Nwi taa fwisə viŋ, yigi njyə faŋ nyə də jɨɨ məbwey vəlwaŋ tɨ́ vɨɨ. Viŋ kɨ luu kɨ yɨ nɨniŋ, buu vɨ ndɔ biŋ mə maa shi ŋkɨə faŋ Kristo ndɔ bəŋ jwi, laa yitoꞌ nyaa faŋ mə nəə toꞌ buꞌ nu Nwi, nə faꞌ ŋgwə faŋ mə nəə faꞌ shɔ nə, kee fùu dayday me.

2 Timoti 2:4

Sogeꞌ faŋ ŋwə lùu shuu yighaw, kee yaa kɨ kii mba yiwiŋ me. Ŋwə nəə toꞌ gə kɨ kəə fazɨ, buu kaꞌ ŋwə kee bàw tɨ́ wə ntɨə faŋ ŋwə sɔꞌ vəsogeꞌ me.

2 Timoti 4:7

Mə tùŋ yighaw yijəənə, ghuu yitoꞌ kaŋ ndwə̀. Mə kee bee mèꞌtə nu Kristo faŋ mə nùŋ fwi nyaa maa ŋwə nə me.

Hibru 6:15

Buꞌ ŋkɔꞌnə Nwi yɔ́, Abraham jia fwi yi, kɨ kɨꞌ, kee bwa me, buu kii fa ŋkɨə faŋ Nwi kɔꞌnə maa məkɔ tɨ́ ŋwə nə.

Jeyms 1:3

fɔnə viŋ kɔꞌ kɨɨ laa viŋ kɨ luu nùŋ fwi siŋ maa Nwi maa yighee məmɔŋ, buu fwi siŋ taa metə wèꞌ, tɨ̀ŋ jəə.

1 Pita 2:1

Nɨniŋ, viŋ meꞌtə nu fwi yibwə, nə nu məbweꞌsə vɨɨ, nə nu məboꞌ ŋwaa, nə nu fəsə, nə ghaŋ bwənə.

1 Pita 4:2

kee baa kɨ jɔŋ fɨ yiba jɨŋ vətɔ mbɨə faŋ vɨɨ kaw maa yighee nyə̀ me. Kɨ sɔꞌ ŋkitə Nwi sɔꞌ wə ghɔ́.

1 Pita 5:1

Gə fɨ maa vɨɨ taa fɨ taa nshəŋtə vɨɨ Nwi, mə baa kɔ yigisə ntɨ tɨ́ viŋ, yuu nshɨ-tɔ ŋwaa luu wuu taa nɨzi. Mə nə yè ŋɨꞌ njyə faŋ nyə nə ŋii Kristo nə, nə yisɨ. Mə ndɔ baa luu taa ŋwaa vɨɨ mbɨə faŋ vəŋ ndɔ zɨ nu yifwàŋ Nwi, ŋkɨə faŋ ŋkə ndɔ fuu ntee fɨkɨꞌ nə.

1 Pita 5:12

Mə nyɔꞌ vaŋ-vənu və̀ tɨ́ viŋ, yia Silvanɔs, faŋ mə kɨ̀ɨ nə ŋwə yaa wuu yinsəŋ, baa lùu wuu məbiŋ Nwi. Mə tɨsə viŋ shɔ, baa gìsə tɨ́ viŋ ntee laa luu ŋkee nu Nwi yinsəŋ nə, faŋ Nwi gaŋtə viŋ shɔ, viŋ weꞌ shɔ.

2 Pita 1:6

Faŋ viŋ toꞌ nə yitɔfə nə, viŋ kɨ jia yiŋwaa yiŋ, baa weꞌ maa vənu vɔ́. Faŋ viŋ nuŋsə, jìa vənu vɔ́, wèꞌ shɔ nə, viŋ baa kɨ zɔnə Nwi nɨzi.

Reveleyshən 1:9

Lùu mə, Jɔn, weenshu wiŋ, faŋ nsiŋ ye ŋɨꞌ, ndɔ zɨ nu yifwàŋ Nwi mɔ́ꞌ, baa jìa fwi saŋ-nsiŋ maa ŋɨꞌ fɨ yiba Yeso, faŋ mə nyɔꞌ ŋwaꞌlə ŋwə̀ tɨ́ viŋ. Vɨ nə nùŋsə mə maa wee-shəŋ nsi mɔ́ꞌ nɨntəŋ mamuu, yizii shəŋ kɔ́ lùu Patmɔs. Vɨ nùŋsə mə buꞌ laa mə nəə fɨꞌtə nu Nwi, baa bìŋ nu Yeso ntee.

Reveleyshən 13:10

Kɨ luu Nwi nuŋsə wə maa məŋii taa ŋii mfiŋ, buu ŋwə ndɔ ŋii mfiŋ. Kɨ luu Nwi nuŋsə wə laa vɨ zwi ŋwə nə baꞌ yighaw, buu vɨ ndɔ zwi ŋwə nə baꞌ yighaw. Bàw laa vɨɨ ley Nwi kɨ jiatə fwisə vəŋ, nùŋsə fwisə vəŋ sheꞌ maa Nwi buꞌ nu kɔ́.

Reveleyshən 22:16

«Lùu mə, Yeso, faŋ mə tɔ̀ŋ wuu ntɔŋ ŋwaa maa mənaysə vənu vɔ́ tɨ́ vɨɨ fɨ taa vəməshəŋtə və vɨɨ Nwi. Mə lùu wuu ŋiꞌ ŋiinə fwàŋ Deyvid, baa lùu fəjwiŋ fɨ taa nshia-ndoo-mbisɨ.»

Reveleyshən 3:10

Mə yɨsə nɨniŋ buꞌ laa a jìa nu kaŋ faŋ ŋkə kɔ wutə tɨ́ ghɔ maa məjia fwi yə taa ŋɨꞌ. Nɨniŋ, mə ndɔ gaŋtə ghɔ nɨzi maa yighee njyə faŋ nu məbweꞌsə vɨɨ ndɔ fuu taa mbi yinshə maa məmɔŋ vɨɨ vənshə.