Hibru 11:4 - Vengo (Babungo)

⁴ Abel, wee Adam, nə nùŋ fwi yi maa Nwi, buu vəkɔ vi baw tɨ́ Nwi, shɔ̀ɔ mbə Kayin, weenshu wi. Nwi nə ndi ŋwə yaa wuu loomə, buꞌ laa ŋwə nə nùŋ fwi yi maa Nwi. Nwi nə yɨsə laa ŋkə lùu kəley tɨ́ nsiŋ, buꞌ faŋ Nwi nə fì vətɔ mbɨə faŋ Abel nə kɔ nə. Luu sheꞌ buꞌ məbiŋ Abel, laa nsiŋ kɨ bii zɔ̀ yigisə yi, faŋ ŋwə kɔlə ku nə.

Hibru 11:4 ပူးပေါင်းရင်းမြစ်များ

Matiu 23:35

Nɨniŋ, mənshi mə vɨɨ loomə vənshə fɨ taa mbi faŋ vɨ zwìlə vəŋ nə, ndɔ koꞌ tɔ viŋ. Vɨ ndɔ kwaŋ viŋ taa nsɔꞌ buꞌ vɨɨ vɔ́ faŋ vɨ zwìlə vəŋ nə, tèy fɨ maa Abel faŋ nu ki nə luu kəloomə nə, gə ziꞌ maa Zakaraya, wee Barakias, faŋ viŋ nə zwì ŋwə yɨ shəŋ məkɔ Nwi nə.

Lukas 11:51

zì faŋ vɨ nə zwi Abel, gə ziꞌ tɨ́ Zakaraya, faŋ vɨ nə zwì ŋwə nɨntəŋ ŋii Nwi yɨ shəŋ məkɔ Nwi. Maa yinsəŋ, mə naysə tɨ́ viŋ laa, vɨ ndɔ kwaŋ vɨɨ mbi ndee və̀ taa nsɔꞌ buꞌ vənu vɔ́.

Taytəs 1:16

Vəŋ gisə laa vəŋ kɨ̀ɨ nə Nwi. Luu nə, vəŋ twey ŋwə fɨ taa nshinə vəŋ. Vəŋ luu ŋkee vɨɨ bwənə, kee zɨzɔnə Nwi me, kee bee kùꞌnə maa məyɨ tuu nu jəə kəmuꞌ me.

Hibru 11:2

Bàw nsiŋ zwetə fɨ ghɔ vɨɨ ywaŋ-vɨsɨ, faŋ vəŋ nə nùŋ fwisə vəŋ maa Nwi, buu Nwi biŋ vəŋ.

Hibru 12:1

Gə fɨ maa nsiŋ, faŋ nsiŋ yè nwaa vɨɨ vɔ́ faŋ vəŋ nə nùŋ fwisə vəŋ maa Nwi, də̀ jɨɨ tɨ́ nsiŋ nə, bàw nsiŋ meꞌ vənu mbɨə faŋ kaꞌ mbə fə̀ŋ jɨɨ nyaa-nsiŋ, nə vənu vəbwəvə faŋ mbə jia nsiŋ nə wutə nə. Nsiŋ ka fwi, kɨ gə vɨsɨ, nyɨŋ ghuu ŋgɨə faŋ ŋgə lùu vɨsɨ nsiŋ nə.

Hibru 12:24

Viŋ baa luu jwì yɨ Yeso faŋ Nwi nə gwìa məkee məfimə buꞌ ŋwə nə. Viŋ ndɔ ŋii maa shəŋ kɔ́ buꞌ mənshi mə Yeso, faŋ ŋwə nə kù tɔ nsiŋ nə. Nu mənshi mə Yeso bàw shɔ̀ɔ nu ŋkɨə faŋ mənshi mə Abel nə də̀ nə.

Hibru 5:1

Nwi yaa kɨ shoꞌ vɨɨ kwalə məfeꞌ Nwi fɨ taa ŋwaa vɨɨ vi. Vɨ shoꞌ vɨɨ vɔ́ tɨ́ kaꞌ vəŋ kɨ faꞌ tɨ́ Nwi maa yizii vɨɨ vənshə. Vəŋ feꞌ Nwi nə vətɔ baa nə nyaasə, tɨ́ kaꞌ Nwi ndenə yibɨsə vɨɨ.

Hibru 9:22

Yinsəŋ, maa jɨɨ ntɨsə sɔ́, vətɔ kee gòꞌ vəyaŋ faŋ vɨ kee ndì mənshi, sɔ̀ shɔ, tɨ́ kaꞌ mbə lèy tɨ́ Nwi me. Jɨɨ yiday kee lùu shɔ, tɨ́ kaꞌ Nwi ndenə nu bwə me, tɨ̀ lɨꞌ laa mənshi shəŋ nsi me.

2 Pita 2:8

Lɔt faŋ nə luu wuu ley nə, nəə shi taa ŋwaa vɨɨ faŋ vəŋ nə yɨsə vənu vəbwəvə. Ŋwə nə ye baa zɔ̀ vənu vəbwəvə vəyaŋ faŋ vɨɨ vɔ́ nəə yɨsə nə, shi shi. Vənu vəbwəvə vɔ́ za ŋwə fɨ taa fwi ŋwə ŋkee dɨdɨꞌ, buꞌ laa nshɨ-tɔ wi nə luu wuu loomə.

Ŋwaꞌlə Jud 1:11

Ŋkə ndɔ luu ŋkee kəbwə tɨ́ vəŋ. Vəŋ toꞌ ghuu yitoꞌ Kayin, yɨ vənu vəbwəvə maa məkii ka yaa Balaam nə yɨ̀sə yighee vɨsɨ. Vəŋ ndɔ kukə buꞌ məshii vəŋ, yuu vəŋ nywenə nu Nwi, yaa Kora nə yɨ̀ buu ku.