Hibru 11:32 - Vengo (Babungo)

³² Nɨniŋ nə, kaꞌ mə kɨ gə nə vɨsɨ. Vənu kɨ bii vəyaŋ. Luu nə, yighee kee lùu shɔ, tɨ́ kaꞌ mə gì nu kɔ̀ŋ Gidiɔn me, tɨꞌnə me kɔ̀ŋ Barak nə Samsən nə Jefta nə Deyvid nə Samuel, baa nə vɨɨ vənshə faŋ vəŋ nəə fɨꞌtə yigisə shuu Nwi nə me.

Hibru 11:32 ပူးပေါင်းရင်းမြစ်များ

Matiu 5:12

Viŋ kɨ ŋaytə, shɨꞌ, buꞌ laa vəkeynə viŋ ndɔ luu vəyaŋ shɨ Nwi taa yizɔ. Lùu nɨniŋ buꞌ laa vɨ nəə shoꞌ ghuu nshiisə-ŋii sɔghɔ mbə ywaŋ-vɨsɨ sheꞌ nɨniŋ.»

Lukas 13:28

Ndɔ luu maa yighee yɔ́, viŋ kɨ gwia, kwə gɨꞌ ghiŋ, faŋ viŋ ndɔ ye laa Abraham ghɔ Isak nə Jeykob nə nshiisə-ŋii sɔghɔ vənshə luu shɨ Nwi yɔ́. Gə fɨ maa viŋ, vɨ mɔꞌ viŋ fu.

Lukas 16:31

Abraham gi tɨ́ ŋwə laa, «Vəŋ kɨ luu kee kɨ zɔnə Mose nə nshiisə-ŋii sɔghɔ me, buu kɨ kaꞌ vəŋ kee biŋ wə faŋ ŋwə ndɔ̀ fɨ shɨ yiku, jwì yɨ vəŋ me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:25

Vənu vəmɔ́ꞌ kɨ bii vəyaŋ faŋ Yeso nə yɨ̀sə. Mə bɨꞌtə laa vɨ toꞌ kɨ nyɔꞌ vənu vɔ́ vənshə tɔ tɔ, buu kaꞌ mbi yinshə kee kùꞌnə maa mənuŋ vəŋwaꞌlə vɔ́ faŋ vɨ nyɔ̀ꞌ me.

Akts 10:43

Nshiisə-ŋii sɔghɔ vənshə fɨ ywaŋ-vɨsɨ, nə gi kɔ̀ŋ ŋwə ntee, laa wə tɨ̀ me wə faŋ ŋwə bìŋ ŋwə, buu vənu vəbwəvə vi taa mè, sheꞌ buꞌ yizii Yeso.»

Akts 13:20

Yiŋkii kɨ shɔɔ, ŋwə kɔ vɨɨ məsɔꞌ nsɔꞌsə tɨ́ vəŋ maa ŋuꞌ yiwa yishwe nə muu-ntee, gə kɔ tɨ́ nshiiŋii-sɔghɔ Samuel.

Akts 3:24

Nshiisə-ŋii sɔghɔ vənshə nə gì nu buꞌ ŋuꞌsə mbi sə̀ nɨzi, zì fɨ maa Samuel, kɔ tɨ́ nshiisə-ŋii sɔghɔ vənshə faŋ vəŋ nə bèꞌsə ŋwə nə.

Roma 3:5

Nɨniŋ nə, vənu vəkɔvə mbɨə faŋ nsiŋ yɨsə nə, shaꞌsə yizii Nwi yizɔ, buꞌ laa vənu vi lùu vəloomə. Faŋ ŋkə lùu nɨniŋ, nsiŋ gì laa kə? Nwi lùu wuu nsɔꞌ bwə, buꞌ faŋ ŋwə kwàŋ nsɔꞌ tɔ nsiŋ nə mu? Bey, maa mə gì nee luu yigisə wə mənsaw.

Roma 4:1

Nɨniŋ, nu Abraham, faŋ lùu tɨɨ ŋiꞌ ŋii kaŋ-nsiŋ nə, nə luu kɨkə? Nu ki nə luu kəloomə buꞌ vənu vəjəəvə vi faŋ ŋwə nə yɨ̀sə mu?

Roma 6:1

Faŋ ŋkə lùu nɨniŋ nə, bàw nsiŋ taa gi laa kə? Bàw laa nsiŋ goꞌsə taa nu bwə, tɨ́ kaꞌ gəŋsə Nwi ndɔ yaŋ tɔ nsiŋ mu?

Roma 7:7

Nɨniŋ, bàw nsiŋ gi laa kə? Ntɨsə Nwi lùu nu bwə mu? Bey, ŋkə kee lùu nɨniŋ me. Nwi nəə toꞌ kee kɔ ntɨsə sɔ́ me, buu mə yaa kee kɨ̀ɨ nə nu ŋkɨə faŋ lùu nu bwə tɨ́ Nwi me. Ntɨsə Nwi nii toꞌ kee gì laa, «Kɨ ghɔ kɨ səsə vətɔ me,» buu mə kee kɨ̀ɨ nə nu maa məsə fa me.

Jeyms 5:10

Bàw viŋ lumə nu nshiisə-ŋii sɔghɔ, faŋ vəŋ nə fɨꞌtə maa yizii Mɔꞌmbi, jia fwisə vəŋ faŋ vəŋ nə yè ŋɨꞌ. Bàw viŋ jia fwi siŋ yaa vəŋ.

2 Pita 1:21

buꞌ laa tuu yigi, faŋ nshiisə-ŋii sɔghɔ nə gì nə, kee lùu mbɨꞌtə wə mənsaw me. Nə luu Zwitə Ley Nwi, faŋ ŋkə nə ŋìi taa fwisə vɨɨ, yɨ̀sə vəŋ gisə yigi faŋ nyə ndɔ̀ fɨ ghɔ Nwi.

2 Pita 3:2

Mə nyɔ̀ꞌ vənu vɔ́ laa, viŋ kɨ lumə təgi tɔ́, faŋ nshiisə-ŋii sɔghɔ nə nàysə fɨshi, baa nə laa viŋ kɨ lumə ntɨ njyə faŋ tɨta Yeso faŋ lùu wuu məbweysə ŋwaa-nsiŋ, nə nàysə tɨ́ viŋ, laa viŋ kɨ yɨ. Ŋwə nə nàysə vənu vɔ́ tɨ́ viŋ, mbə shɔɔ fɨ ghɔ vɨɨ ntɔŋ vi, vəŋ naysə tɨ́ viŋ.